Daalam Fare pala hageya
Fare pala hageya
Maktub Daalam ge Yohanna ne a Yohanna (Daa 1:1) ge bage ame hateya ge Jeso ne, na ge ne njaŋge fare ge kwaɗa ma ne maktub ma ataa ge Yohanna ne ma njaŋge na ne. Njaŋge na ge kaŋ ge del wara lamaɗo (90) mbo wara lamaɗo para anuwa̰y (95) go go.
Ago del mbe ma pul zi, gan ga̰l ge Roma ma ne ɓyare go a ka uware na dimma ne Dok go, ne jo̰ naa ge hon fareba ma be vin na fare mbe to, hon fareba ge nama ne zi, ago a Dok ɗu kikit mbya uwareya ne. Ne pe no, a ɗage ke naa ge Dok ne ma yál no, a go mbe no, ne fare ge Jeso ne pe a dó Yohanna daŋgay ge til ge Patmos ne zi no (1:9).
Yohanna njaŋge maktub mbe hon swaga koteya ge ɓase ge Dok ne ma ɓyalar ge ne ne suwal Asiya go ma, ma̰ no, suwal mbe ma mwaɗak a ya suwal Turkiya go. Njaŋge nama maktub mbe no ndwara sirsi nama ge hon fareba ge nama ne zi, ne hon nama pool ge jobreya zi ne yál ge nama ne njot ne Jeso Kris pe.
Ge maktub Daalam ge Yohanna ne zi, Yohanna wan daalam ge Jeso ne ŋgay na nama pe, na fare janna mbe ma pe wanna haŋle. Amma na fare ga̰l go, ko kadɗa bage ho̰l ke naa ge hon fareba ma yál ya go puy ɗe, dam a̰me ɗu nee Bageyal Jeso mbo hal na, mbo mbo ya ne na muluk, mbo burmi na ge ho̰l uzi ne naa ge ne na pe go ma.
Nee da ne pool varse Daalam ge Yohanna ne se pe azi:
Ne (1:1—3:22) Yohanna ŋgay tene, wan fare ge ne e na njaŋge maktub mbe pe, ne fare ge Jeso ne ho̰ na wak go na njaŋge na hon swaga koteya ge ɓase ge Dok ne ma ne ge ɓyalar ma me.
Ne (4:1—22:21), Yohanna wan herra ge a ne hé na mbo digi zi ya, ne kaŋ ge na ne kwa ma pe. E pe kwa swaga katɗa ge Dok ne, ne kaŋ ma ge ne uware Dok ma ne Jeso Kris (4—5), maktub ma ne logom ge ɓyalar ma (6:1—7:17), ne burci ge ɓyalar ma sunna (8:1—11:19), ne dragon ma ne kavaar ma azi (12:1—13:18), ne Tame vya ma ne naa dudubu kis para wara anda para anda ge a ne ɓo zurra ma, ne sarya kunna ge go̰r dab ge maleka ne waage na (14:1-20), ne kop pore ge Dok ne ma ɓyalar (15:1—16:21), ne burmiya ge Babilon ne, ne halla ge kavaar ne, ne ge anabi ge hale ma ne Saytan ne (17:1—20:15), pḭr ge giya̰l ma ne Ursalima ge giya̰l (21:1—22:5). Yohanna á na fare janna wak da ne mḛreya ne nama ge ne ke mborra fare ge ne jya̰ ne maktub mbe no zi pal to ma pe. Amma ne nama e ne ke kwaɗa ma nama gwan ke na waɗeya, ago na mbo ya go avun cap (22:6-21).
Fare janna ge Yohanna ne da ne hon nee vo pe to, amma moɗege nee go nee wa̰ ta yál ma zi. Ago dam a̰me ɗu, yál mbe ma poseya ne bage ne e naa njot yál a mbo burmi uzi, amma Dok vya ma mbo tan digi, poseya ne nama ge ne gá ne ndwara ma, a mbo ke muluk poseya ne Jeso bama Bageyal dam gwanna ge nama ya go.
Currently Selected:
Daalam Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Daalam Fare pala hageya
Fare pala hageya
Maktub Daalam ge Yohanna ne a Yohanna (Daa 1:1) ge bage ame hateya ge Jeso ne, na ge ne njaŋge fare ge kwaɗa ma ne maktub ma ataa ge Yohanna ne ma njaŋge na ne. Njaŋge na ge kaŋ ge del wara lamaɗo (90) mbo wara lamaɗo para anuwa̰y (95) go go.
Ago del mbe ma pul zi, gan ga̰l ge Roma ma ne ɓyare go a ka uware na dimma ne Dok go, ne jo̰ naa ge hon fareba ma be vin na fare mbe to, hon fareba ge nama ne zi, ago a Dok ɗu kikit mbya uwareya ne. Ne pe no, a ɗage ke naa ge Dok ne ma yál no, a go mbe no, ne fare ge Jeso ne pe a dó Yohanna daŋgay ge til ge Patmos ne zi no (1:9).
Yohanna njaŋge maktub mbe hon swaga koteya ge ɓase ge Dok ne ma ɓyalar ge ne ne suwal Asiya go ma, ma̰ no, suwal mbe ma mwaɗak a ya suwal Turkiya go. Njaŋge nama maktub mbe no ndwara sirsi nama ge hon fareba ge nama ne zi, ne hon nama pool ge jobreya zi ne yál ge nama ne njot ne Jeso Kris pe.
Ge maktub Daalam ge Yohanna ne zi, Yohanna wan daalam ge Jeso ne ŋgay na nama pe, na fare janna mbe ma pe wanna haŋle. Amma na fare ga̰l go, ko kadɗa bage ho̰l ke naa ge hon fareba ma yál ya go puy ɗe, dam a̰me ɗu nee Bageyal Jeso mbo hal na, mbo mbo ya ne na muluk, mbo burmi na ge ho̰l uzi ne naa ge ne na pe go ma.
Nee da ne pool varse Daalam ge Yohanna ne se pe azi:
Ne (1:1—3:22) Yohanna ŋgay tene, wan fare ge ne e na njaŋge maktub mbe pe, ne fare ge Jeso ne ho̰ na wak go na njaŋge na hon swaga koteya ge ɓase ge Dok ne ma ne ge ɓyalar ma me.
Ne (4:1—22:21), Yohanna wan herra ge a ne hé na mbo digi zi ya, ne kaŋ ge na ne kwa ma pe. E pe kwa swaga katɗa ge Dok ne, ne kaŋ ma ge ne uware Dok ma ne Jeso Kris (4—5), maktub ma ne logom ge ɓyalar ma (6:1—7:17), ne burci ge ɓyalar ma sunna (8:1—11:19), ne dragon ma ne kavaar ma azi (12:1—13:18), ne Tame vya ma ne naa dudubu kis para wara anda para anda ge a ne ɓo zurra ma, ne sarya kunna ge go̰r dab ge maleka ne waage na (14:1-20), ne kop pore ge Dok ne ma ɓyalar (15:1—16:21), ne burmiya ge Babilon ne, ne halla ge kavaar ne, ne ge anabi ge hale ma ne Saytan ne (17:1—20:15), pḭr ge giya̰l ma ne Ursalima ge giya̰l (21:1—22:5). Yohanna á na fare janna wak da ne mḛreya ne nama ge ne ke mborra fare ge ne jya̰ ne maktub mbe no zi pal to ma pe. Amma ne nama e ne ke kwaɗa ma nama gwan ke na waɗeya, ago na mbo ya go avun cap (22:6-21).
Fare janna ge Yohanna ne da ne hon nee vo pe to, amma moɗege nee go nee wa̰ ta yál ma zi. Ago dam a̰me ɗu, yál mbe ma poseya ne bage ne e naa njot yál a mbo burmi uzi, amma Dok vya ma mbo tan digi, poseya ne nama ge ne gá ne ndwara ma, a mbo ke muluk poseya ne Jeso bama Bageyal dam gwanna ge nama ya go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.