Nahum 3
3
Burmiya ge suwal ge hun siya ne
1Woo ge mo ne, suwal ge hun siya,
ge ne ka ne mbuɗi naa pe,
ne fare pool pe kerra,
ne harge naa kaŋ ma pe me.
2Za̰ me, bol pul fyageya!
Pus ma koo pot ta!
Tisi ma koo njaŋgeya!
Pus pore ma koo vinna!
3Naa njaŋgeya ne tisi!
Kasagar ma serra!
Ra̰y ma wak serra!
Siya ma tabeya kanna njinjik
be ge isiya!
Siya ma gá ya syal naa koo!
4Ne kaya kerra ge gwale kaya ne ge ne zuli ceɗed pe,
ne na kale ge waɗeya ge ne é naa detɗa ne na,
ne kwarra ge ne kwa na mbole kerra zi,
ka e pehir ma detɗa na kaya zi,
ka e naa wat na mbole mbe zi me.
5Ka̰l ge Bage ɗiŋnedin, bage naa ge mbal pore ma ne:
Ndi mbi ɗage ho̰l ya ne mo.
Mbi mbo abe mo ba̰r wak ne se kan mo pala digi,
mbi mbo ya̰ mo swala pehir ge ɗogle ma ndwara go,
mbo gá ne saaso muluk ma ndwara go.
6Mbi mbo vurmi mo didigi zi,
mbi mbo ya̰ mo ne saaso,
mo mbo gá kaŋ maam ya naa ta.
7Ndu ge daage pet ge ne mbo kwa mo ya mbo syat na pe so,
ne oyya na wak zḛ go:
«Ninive burmiya go!
A wuɗi mbo kwa na a̰se ne ɗaa?
A mbo ɓol ndu ge iyal na laar da ne da ɗaa?»
Ninive mbo ɓol yál ge suwal Tebes ne pe
8Mo waɗe suwal Tebes waɗe ɗaa?
Na ge ne ka verra zi ne maŋgaɗam Nil tok ma,
ge mam ma tuŋsi zi,
ge ne ka cageya ne maŋgaɗam ga̰l yuwam.
9Suwal Kuch ma ne Masar ka hon na pool ge waɗeya ne,
a ne naa ge suwal Put ma ne Libiya ma vwa pe dagre ne.
10Nama sḛ ma uwale, a pá nama mbo mo̰r,
a ró nama vya ma viya̰ ga̰a̰r ma go pet,
a ka̰ nama ga̰l ma zul,
a va ta nama se ne uusi baare ta no.
11Mo uwale, ga mo fereya ne yál njotɗa,
mo mbo gá tandaŋgeya.
Ga mo ɓyare swaga woy tene
mo naa ge ho̰l ma ndwara zḛ.
Detɗa ge suwal Ninive ne
12Gulum ga̰l ge mo ne ma pet a dimma ne fere ge zonna go,
swaga ge a ne saase na,
fage ya se ge ndu ge ne ɓyare na zamma wak zi.
13Mo naa ge mbal pore ma a naa zaab ma ne baŋ.
Mo gulum ga̰l wak ma hage ya se viŋ mo naa ge ho̰l ma ndwara zi,
ol ɗar mo viya̰ wak ge dibiya ma ya swaga.
14Zá mam koy tene ne a ne ver mo ya se pe,
labge mo gulum ga̰l ma sinna ya digi,
wá njiyal zi kurbiya,
hé mo mul iyal jalab digi.
15Swaga mbe no go, ol mbo til mo uzi,
pore mbo zam mo,
a mbo ɗar mo dimma ne tere baktar ne ɗar kaŋ go.
Aŋ ka dḛ mbwatɗa lulum
dimma ne tere baktar ma ne mbwat go.
16Mo naa ge ke tujar ma ka zuliya bindik
dimma ne guwa̰r ma ne pḭr digi go,
a mbo ban uzi mwaɗak
dimma ne tere baktar ne zwagre tene zḛ go.
17Mo naa ge lobre swaga ma ka zuliya bindik ne tere baktar go,
mo naa ge temel ma ka mbwatɗa lulum ne tere baktar go.
Swaga gale ne iyalam, a mbwat katɗa uwara ma pal,
swaga ge gyala ne ɗage her na pe ya digi,
a ɗage, a mbo swaga.
Ndu gwan kwa swaga ge a ne mbo go to.
18Gan ge Asiriya ma ne,
mo ga̰l ma wak dibi ya go,
mo garlaŋ pore gwan misigi ta to,
mo naa ge mbal pore ma ɓarse ya se njal zi,
ndu ge gwan kote nama pala ya digi to.
19Mo dé detɗa ge be ɗage digi,
mo ɓó yál ge be aya.
Ndu ge daage pet ge ne mbo za̰ mo fare mbe ya,
mbo ka ke laar saal ne mo yál mbe pe.
Swaga ge mo ne ka ke naa yál go ɗe,
a wuɗi ɓó yál to ne ɗaa?
Jwaŋ mbe mbo ne mo siya zi.
ndu ge daage pet ge ne mbo za̰ mo fare ya,
mbo ka fol na tok mo pe go ne mo sone kerra pe,
ago, a wuɗi ge ne ɓo yál to mo tok go ne ɗaa?
Currently Selected:
Nahum 3: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Nahum 3
3
Burmiya ge suwal ge hun siya ne
1Woo ge mo ne, suwal ge hun siya,
ge ne ka ne mbuɗi naa pe,
ne fare pool pe kerra,
ne harge naa kaŋ ma pe me.
2Za̰ me, bol pul fyageya!
Pus ma koo pot ta!
Tisi ma koo njaŋgeya!
Pus pore ma koo vinna!
3Naa njaŋgeya ne tisi!
Kasagar ma serra!
Ra̰y ma wak serra!
Siya ma tabeya kanna njinjik
be ge isiya!
Siya ma gá ya syal naa koo!
4Ne kaya kerra ge gwale kaya ne ge ne zuli ceɗed pe,
ne na kale ge waɗeya ge ne é naa detɗa ne na,
ne kwarra ge ne kwa na mbole kerra zi,
ka e pehir ma detɗa na kaya zi,
ka e naa wat na mbole mbe zi me.
5Ka̰l ge Bage ɗiŋnedin, bage naa ge mbal pore ma ne:
Ndi mbi ɗage ho̰l ya ne mo.
Mbi mbo abe mo ba̰r wak ne se kan mo pala digi,
mbi mbo ya̰ mo swala pehir ge ɗogle ma ndwara go,
mbo gá ne saaso muluk ma ndwara go.
6Mbi mbo vurmi mo didigi zi,
mbi mbo ya̰ mo ne saaso,
mo mbo gá kaŋ maam ya naa ta.
7Ndu ge daage pet ge ne mbo kwa mo ya mbo syat na pe so,
ne oyya na wak zḛ go:
«Ninive burmiya go!
A wuɗi mbo kwa na a̰se ne ɗaa?
A mbo ɓol ndu ge iyal na laar da ne da ɗaa?»
Ninive mbo ɓol yál ge suwal Tebes ne pe
8Mo waɗe suwal Tebes waɗe ɗaa?
Na ge ne ka verra zi ne maŋgaɗam Nil tok ma,
ge mam ma tuŋsi zi,
ge ne ka cageya ne maŋgaɗam ga̰l yuwam.
9Suwal Kuch ma ne Masar ka hon na pool ge waɗeya ne,
a ne naa ge suwal Put ma ne Libiya ma vwa pe dagre ne.
10Nama sḛ ma uwale, a pá nama mbo mo̰r,
a ró nama vya ma viya̰ ga̰a̰r ma go pet,
a ka̰ nama ga̰l ma zul,
a va ta nama se ne uusi baare ta no.
11Mo uwale, ga mo fereya ne yál njotɗa,
mo mbo gá tandaŋgeya.
Ga mo ɓyare swaga woy tene
mo naa ge ho̰l ma ndwara zḛ.
Detɗa ge suwal Ninive ne
12Gulum ga̰l ge mo ne ma pet a dimma ne fere ge zonna go,
swaga ge a ne saase na,
fage ya se ge ndu ge ne ɓyare na zamma wak zi.
13Mo naa ge mbal pore ma a naa zaab ma ne baŋ.
Mo gulum ga̰l wak ma hage ya se viŋ mo naa ge ho̰l ma ndwara zi,
ol ɗar mo viya̰ wak ge dibiya ma ya swaga.
14Zá mam koy tene ne a ne ver mo ya se pe,
labge mo gulum ga̰l ma sinna ya digi,
wá njiyal zi kurbiya,
hé mo mul iyal jalab digi.
15Swaga mbe no go, ol mbo til mo uzi,
pore mbo zam mo,
a mbo ɗar mo dimma ne tere baktar ne ɗar kaŋ go.
Aŋ ka dḛ mbwatɗa lulum
dimma ne tere baktar ma ne mbwat go.
16Mo naa ge ke tujar ma ka zuliya bindik
dimma ne guwa̰r ma ne pḭr digi go,
a mbo ban uzi mwaɗak
dimma ne tere baktar ne zwagre tene zḛ go.
17Mo naa ge lobre swaga ma ka zuliya bindik ne tere baktar go,
mo naa ge temel ma ka mbwatɗa lulum ne tere baktar go.
Swaga gale ne iyalam, a mbwat katɗa uwara ma pal,
swaga ge gyala ne ɗage her na pe ya digi,
a ɗage, a mbo swaga.
Ndu gwan kwa swaga ge a ne mbo go to.
18Gan ge Asiriya ma ne,
mo ga̰l ma wak dibi ya go,
mo garlaŋ pore gwan misigi ta to,
mo naa ge mbal pore ma ɓarse ya se njal zi,
ndu ge gwan kote nama pala ya digi to.
19Mo dé detɗa ge be ɗage digi,
mo ɓó yál ge be aya.
Ndu ge daage pet ge ne mbo za̰ mo fare mbe ya,
mbo ka ke laar saal ne mo yál mbe pe.
Swaga ge mo ne ka ke naa yál go ɗe,
a wuɗi ɓó yál to ne ɗaa?
Jwaŋ mbe mbo ne mo siya zi.
ndu ge daage pet ge ne mbo za̰ mo fare ya,
mbo ka fol na tok mo pe go ne mo sone kerra pe,
ago, a wuɗi ge ne ɓo yál to mo tok go ne ɗaa?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.