Mika 7
7
Sun tene ge anabi ne ne naa ge dosol ma ne gá ya to pe
1Woo ge mbi ne!
Mbi di da ne ndu ge ne mbo yel uwara tolla ma somor go,
ko dimma ne ndu ge ne mbo ɓyare oyo̰r yella go̰r ge a ne kan
oyo̰r syal go go,
oyo̰r ge zonna go ɗu kikit ge zamma be gá to,
ko fere orwoy ge mbi laar ne wa̰ na puy, a to bat.
2Naa ge ne ke laar ɓyareya ge Dok ne ma
be gwan gá ne suwal diŋ to,
naa ge dosol ma be gwan gá ne naa buwal zi to,
pet a dwat siya hunna,
ndu ge daage hul faɗe ne na kon pe.
3Nama sḛ ma ha̰le ta ya sone kerra zi.
Naa ga̰l ge temel ma ɓyare go a pó bama pot,
naa ge kun sarya ma ɓyare go a lwaɗe bama wak lwaɗe,
ga̰l ma fut kaŋ ge bama ne ɓyare pe zum.
A vwal bama wak dagre ɗu sone kerra mbe zi.
4Ndu ge kwaɗa ne nama buwal zi a dimma ne uwara ge ne kḭso go,
ndu ge go na ɗeŋger, waɗe murum ge kore ma ne waɗe.
No a dam ge mo naa ge koyya ma ne waage na ya̰ ya ne,
Se no, a mbo kat a̰reya zi.
5E me aŋ saareya ma aŋ kaam ma pal to,
kaage aŋ isi aŋ kondore ma pal to,
ko aŋ gwale ma puy, hage me aŋ wak jan nama fare a̰me to.
6Ago vya son ndil na bá kaŋ senna,
vya gwale ɗage ho̰l ne na ná,
tisi ge gwale ɗage ho̰l ne na tisi ge gwale.
Ndu ge daage ke ho̰l da ne naa ge ne na yadiŋ ma sḛ#Mat 10:35-36, Luk 12:53..
7Kadɗa ne mbi ɗe, mbi mbo é mbi jobreya Bage ɗiŋnedin pal,
mbi mbo ka isi Dok bage máya ge mbi ne pal,
Dok ge mbi ne mbo zá̰ mbi.
Jobreya, ne kaɗeya ge ɓase ma ne
8I naa ge ho̰l ma, có me ta ne i to!
Ago, kadɗa i detɗa se puy ɗe, i mbo ɗage digi,
kadɗa i ka ya tṵ zi puy ɗe, Bage ɗiŋnedin a i kwaya̰l ne.
9Ago i ke sone Bage ɗiŋnedin ndwara se,
ne no pe, i wan ta mḛreya ge na ne zi no.
Dam a̰me mbo mbo ya, na sḛ mbo ɗaŋge i pe,
mbo dyan dosol ge i ne pe zum,
na sḛ mbo é i wat ya kwaya̰l zum,
i mbo kwa dosol ge na ne.
10I naa ge ho̰l ma mbo kwar na tyatyat,
saaso mbo ke nama.
Nama ge a ne ka ele i wak go:
«Bage ɗiŋnedin Dok ge aŋ ne mbe ya da ɗaa?»
I mbo kwar kaŋ ge a ne mbo ke nama ya,
A mbo twacwage nama ndalla
dimma ne naa ne ndal njiyal go.
11Dam sin aŋ suwal gulum ga̰l digi mbo ya go,
dam mbe go, a mbo ndar aŋ suwal warbe zum ya.
12Dam mbe ma pul zi, aŋ ná vya ma mbo gwanna suwal diŋ,
ne suwal Asiriya ya, ne suwal Masar ya,
ne maŋgaɗam Nil ma ne Efrat wak ya#7:12 Njaŋge ne wak ibriniya ma zi go, ne suwal Masar go mbo maŋgaɗam wak ya.,
ne maŋgaɗam ga̰l yuwam ma wak ya,
ne swaga ge njal ma ya me.
13Suwal ge may ma mbo burmi uzi,
ne kaŋ kerra ge sone ma ge nama naa ma ne pe.
14O! Bage ɗiŋnedin,
koy ɓase ge mo ne ma, mo tame ma, mo joo,
ne calaŋ ge mo ne,
a gá ne murum zi verra hini.
Koy nama dimma ne, mo ne ka koy nama dḛ zaŋgal go,
ge babur pul ge Basan ne go,
ge suwal Galaad go me.
15Dimma ne dam ma ge aŋ ne ndage ne suwal Masar diŋ ya zum go,
mbi ŋgay aŋ kaŋ ajab ma.
16Pehir ge ɗogle ma mbo kwa nama,
ko ne pool ge nama ne ge waɗeya ma no puy ɗe,
saaso mbo wan nama.
A mbo gwan ɓol fare ge janna to,
nama togor ma mbo gisi digi.
17A mbo mbur suwar dimma ne bom go
ko dimma ne kavaar ge a ne sar ne bama pul ma go.
A mbo wat ne bama swaga woy ta ma zi ya zum ne ndatɗa,
a mbo mbo ya mo, Bage ɗiŋnedin, Dok ge i ne ndwara se,
vo mbo wan nama, a mbo sya mo vo.
18A wuɗi di ne mo, ge Dok go ne,
ge ne pore sone ma,
ge ne gul ya̰l ge na naa ge ne gá ma ne uzi ne mo go ne ɗaa?
Ago mo wan tene katɗa laar ol ge mo ne zi ɗiŋnedin to,
amma mo laar wa̰ kwar naa a̰se.
19Uwale, mo laar mbo gwan wan i,
mo mbo ndal ya̰l ge i ne ma mo koo zi,
mo mbo kan i sone ma mwaɗak maŋgaɗam ga̰l yuwam pul se ya.
20Mo mbo ŋgay laar wanna ge mo ne ge fareba Yakub vya ma ta,
ne kwar a̰se ge mo ne Abraham vya ma ta.
Dimma ne mo ne ke wak tuli dḛ zaŋgal ne i bá ma go.
Currently Selected:
Mika 7: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Mika 7
7
Sun tene ge anabi ne ne naa ge dosol ma ne gá ya to pe
1Woo ge mbi ne!
Mbi di da ne ndu ge ne mbo yel uwara tolla ma somor go,
ko dimma ne ndu ge ne mbo ɓyare oyo̰r yella go̰r ge a ne kan
oyo̰r syal go go,
oyo̰r ge zonna go ɗu kikit ge zamma be gá to,
ko fere orwoy ge mbi laar ne wa̰ na puy, a to bat.
2Naa ge ne ke laar ɓyareya ge Dok ne ma
be gwan gá ne suwal diŋ to,
naa ge dosol ma be gwan gá ne naa buwal zi to,
pet a dwat siya hunna,
ndu ge daage hul faɗe ne na kon pe.
3Nama sḛ ma ha̰le ta ya sone kerra zi.
Naa ga̰l ge temel ma ɓyare go a pó bama pot,
naa ge kun sarya ma ɓyare go a lwaɗe bama wak lwaɗe,
ga̰l ma fut kaŋ ge bama ne ɓyare pe zum.
A vwal bama wak dagre ɗu sone kerra mbe zi.
4Ndu ge kwaɗa ne nama buwal zi a dimma ne uwara ge ne kḭso go,
ndu ge go na ɗeŋger, waɗe murum ge kore ma ne waɗe.
No a dam ge mo naa ge koyya ma ne waage na ya̰ ya ne,
Se no, a mbo kat a̰reya zi.
5E me aŋ saareya ma aŋ kaam ma pal to,
kaage aŋ isi aŋ kondore ma pal to,
ko aŋ gwale ma puy, hage me aŋ wak jan nama fare a̰me to.
6Ago vya son ndil na bá kaŋ senna,
vya gwale ɗage ho̰l ne na ná,
tisi ge gwale ɗage ho̰l ne na tisi ge gwale.
Ndu ge daage ke ho̰l da ne naa ge ne na yadiŋ ma sḛ#Mat 10:35-36, Luk 12:53..
7Kadɗa ne mbi ɗe, mbi mbo é mbi jobreya Bage ɗiŋnedin pal,
mbi mbo ka isi Dok bage máya ge mbi ne pal,
Dok ge mbi ne mbo zá̰ mbi.
Jobreya, ne kaɗeya ge ɓase ma ne
8I naa ge ho̰l ma, có me ta ne i to!
Ago, kadɗa i detɗa se puy ɗe, i mbo ɗage digi,
kadɗa i ka ya tṵ zi puy ɗe, Bage ɗiŋnedin a i kwaya̰l ne.
9Ago i ke sone Bage ɗiŋnedin ndwara se,
ne no pe, i wan ta mḛreya ge na ne zi no.
Dam a̰me mbo mbo ya, na sḛ mbo ɗaŋge i pe,
mbo dyan dosol ge i ne pe zum,
na sḛ mbo é i wat ya kwaya̰l zum,
i mbo kwa dosol ge na ne.
10I naa ge ho̰l ma mbo kwar na tyatyat,
saaso mbo ke nama.
Nama ge a ne ka ele i wak go:
«Bage ɗiŋnedin Dok ge aŋ ne mbe ya da ɗaa?»
I mbo kwar kaŋ ge a ne mbo ke nama ya,
A mbo twacwage nama ndalla
dimma ne naa ne ndal njiyal go.
11Dam sin aŋ suwal gulum ga̰l digi mbo ya go,
dam mbe go, a mbo ndar aŋ suwal warbe zum ya.
12Dam mbe ma pul zi, aŋ ná vya ma mbo gwanna suwal diŋ,
ne suwal Asiriya ya, ne suwal Masar ya,
ne maŋgaɗam Nil ma ne Efrat wak ya#7:12 Njaŋge ne wak ibriniya ma zi go, ne suwal Masar go mbo maŋgaɗam wak ya.,
ne maŋgaɗam ga̰l yuwam ma wak ya,
ne swaga ge njal ma ya me.
13Suwal ge may ma mbo burmi uzi,
ne kaŋ kerra ge sone ma ge nama naa ma ne pe.
14O! Bage ɗiŋnedin,
koy ɓase ge mo ne ma, mo tame ma, mo joo,
ne calaŋ ge mo ne,
a gá ne murum zi verra hini.
Koy nama dimma ne, mo ne ka koy nama dḛ zaŋgal go,
ge babur pul ge Basan ne go,
ge suwal Galaad go me.
15Dimma ne dam ma ge aŋ ne ndage ne suwal Masar diŋ ya zum go,
mbi ŋgay aŋ kaŋ ajab ma.
16Pehir ge ɗogle ma mbo kwa nama,
ko ne pool ge nama ne ge waɗeya ma no puy ɗe,
saaso mbo wan nama.
A mbo gwan ɓol fare ge janna to,
nama togor ma mbo gisi digi.
17A mbo mbur suwar dimma ne bom go
ko dimma ne kavaar ge a ne sar ne bama pul ma go.
A mbo wat ne bama swaga woy ta ma zi ya zum ne ndatɗa,
a mbo mbo ya mo, Bage ɗiŋnedin, Dok ge i ne ndwara se,
vo mbo wan nama, a mbo sya mo vo.
18A wuɗi di ne mo, ge Dok go ne,
ge ne pore sone ma,
ge ne gul ya̰l ge na naa ge ne gá ma ne uzi ne mo go ne ɗaa?
Ago mo wan tene katɗa laar ol ge mo ne zi ɗiŋnedin to,
amma mo laar wa̰ kwar naa a̰se.
19Uwale, mo laar mbo gwan wan i,
mo mbo ndal ya̰l ge i ne ma mo koo zi,
mo mbo kan i sone ma mwaɗak maŋgaɗam ga̰l yuwam pul se ya.
20Mo mbo ŋgay laar wanna ge mo ne ge fareba Yakub vya ma ta,
ne kwar a̰se ge mo ne Abraham vya ma ta.
Dimma ne mo ne ke wak tuli dḛ zaŋgal ne i bá ma go.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.