Yohanna Fare pala hageya
Fare pala hageya
Ne pe eya ya day, naa ge Dok ne ma vḭ ta go, na Yohanna ge bage ame hateya ge Jeso ne (13:23-24, 19:26), na ge na laar ne wa̰ na gḛ (21:20,24), ge ne ka ɓyar tene na ko̰o̰l zi (20:21), ndwara go Zebede vya njaŋge maktub mbe ne. Naa gḛ a jan go, na njaŋge na ge suwal Efesus go, kaŋ ge del 85 (wara tiimal para anuwa̰y) go go. Njaŋge na hon naa ge Kris ne ma ge ne ka suwal Siriya go ma, ko naa ge ne ka suwal Asiya go ma, na ge ma̰ no a suwal Turkiya. Yohanna njaŋge nama maktub mbe ndwara moɗege nama, nama ho̰ fareba, jya̰ go: «Amma a njaŋge kaŋ mbe ma no, ne da pe aŋ ho̰ fareba go Jeso Kris ne, a Dok Vya ne, aŋ ho̰ fareba, aŋ ɓo ndwara dḭl ge na ne zi.» (20:31.)
Ne maktub fare ge kwaɗa ge Jeso ne ge anda ma buwal zi, Yohanna njaŋge na fare hini ne ge ataa ma, dimma ne vḛso sanna ge suwal Kanan ne go (2:1-12), ne ɓolla ge Nikodemu ne mbo ya ɓol Jeso ɗaal zi (3:1-21), ne Jeso ma ne gwale ge suwal Samariya ne (4:1-12), ne ndu ge looɗol ge suwal Betzata ne (5:1-18), ne ndu ge ne tó ɓaal (9:1-41), ne tanna ge Lyazaru ne (11:1-37) ma go. Amma na fare pe eya zi, ŋgay Jeso dimma ne fare ge Dok ne ge ɗiŋnedin ge ne saŋge tene ndu dasana, ge ne mbo ya kat dagre ne naa dasana ma dunya zi ndwara hon nama ndwara ge ɗiŋnedin, ne kwaya̰l, ne fareba go.
Nee da ne pool varse maktub Fare ge kwaɗa ne Yohanna wak zi se pe azi:
Ne Yoh 1—12, wan kaŋ ŋgayya ma ɓyalar ge Jeso ne ke ma pe, a ŋgay go, Jeso Dok vya ne. Hateya ge na ne zi, Jeso ŋgay tene go na katugum ge ndwara ne (6:1-15,22-71), na mam ge ndwara ne (7:37-39), na kwaya̰l ge dunya ne ne (8:12-20), na bage koyya ge kwaɗa ne (10:1-21).
Ne Yoh 13—21, jan fare ge nṵsiya ge Jeso ne ka nṵsi tene ndwara gwan mbo na Bá ta ya ne ma. Jeso yuwale na naa ge ame hateya ma ge katɗa ge nama ne na go̰r go pal, swaga ge na ne mbo ya̰ nama ya (13—16). Ge (17) go, Jeso kaɗe na Bá ne na naa ge ame hateya ma pe. Fare ge wanna ge Jeso ne ɗiŋ mbo na siya zi da ne (18—19). Swaga mbe no go, Yohanna fare janna a dimma ne ge Matta, Markus ma ne Luka ma ne go.
Ne 20—21, jan fare ge na tanna ne, ne dyanna ge ne ka dyan tene na naa ge ame hateya ma ta.
Varseya ge maktub ge Yohanna ne
1- Fare pala hageya (1:1-18)
2- Yohanna bage ke naa baptisma ma ne Jeso naa ge ame hateya ge zḛ ge ma (1:19-51)
3- Temel kerra ge Jeso ne ma (2:1—12:50)
4- Dam ge go̰r dab ge Jeso ne ma ge Ursalima go (13:1—19:42)
5- Tanna ma ne dyanna ge Jeso ne naa ta (20:1—21:25)
Currently Selected:
Yohanna Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Yohanna Fare pala hageya
Fare pala hageya
Ne pe eya ya day, naa ge Dok ne ma vḭ ta go, na Yohanna ge bage ame hateya ge Jeso ne (13:23-24, 19:26), na ge na laar ne wa̰ na gḛ (21:20,24), ge ne ka ɓyar tene na ko̰o̰l zi (20:21), ndwara go Zebede vya njaŋge maktub mbe ne. Naa gḛ a jan go, na njaŋge na ge suwal Efesus go, kaŋ ge del 85 (wara tiimal para anuwa̰y) go go. Njaŋge na hon naa ge Kris ne ma ge ne ka suwal Siriya go ma, ko naa ge ne ka suwal Asiya go ma, na ge ma̰ no a suwal Turkiya. Yohanna njaŋge nama maktub mbe ndwara moɗege nama, nama ho̰ fareba, jya̰ go: «Amma a njaŋge kaŋ mbe ma no, ne da pe aŋ ho̰ fareba go Jeso Kris ne, a Dok Vya ne, aŋ ho̰ fareba, aŋ ɓo ndwara dḭl ge na ne zi.» (20:31.)
Ne maktub fare ge kwaɗa ge Jeso ne ge anda ma buwal zi, Yohanna njaŋge na fare hini ne ge ataa ma, dimma ne vḛso sanna ge suwal Kanan ne go (2:1-12), ne ɓolla ge Nikodemu ne mbo ya ɓol Jeso ɗaal zi (3:1-21), ne Jeso ma ne gwale ge suwal Samariya ne (4:1-12), ne ndu ge looɗol ge suwal Betzata ne (5:1-18), ne ndu ge ne tó ɓaal (9:1-41), ne tanna ge Lyazaru ne (11:1-37) ma go. Amma na fare pe eya zi, ŋgay Jeso dimma ne fare ge Dok ne ge ɗiŋnedin ge ne saŋge tene ndu dasana, ge ne mbo ya kat dagre ne naa dasana ma dunya zi ndwara hon nama ndwara ge ɗiŋnedin, ne kwaya̰l, ne fareba go.
Nee da ne pool varse maktub Fare ge kwaɗa ne Yohanna wak zi se pe azi:
Ne Yoh 1—12, wan kaŋ ŋgayya ma ɓyalar ge Jeso ne ke ma pe, a ŋgay go, Jeso Dok vya ne. Hateya ge na ne zi, Jeso ŋgay tene go na katugum ge ndwara ne (6:1-15,22-71), na mam ge ndwara ne (7:37-39), na kwaya̰l ge dunya ne ne (8:12-20), na bage koyya ge kwaɗa ne (10:1-21).
Ne Yoh 13—21, jan fare ge nṵsiya ge Jeso ne ka nṵsi tene ndwara gwan mbo na Bá ta ya ne ma. Jeso yuwale na naa ge ame hateya ma ge katɗa ge nama ne na go̰r go pal, swaga ge na ne mbo ya̰ nama ya (13—16). Ge (17) go, Jeso kaɗe na Bá ne na naa ge ame hateya ma pe. Fare ge wanna ge Jeso ne ɗiŋ mbo na siya zi da ne (18—19). Swaga mbe no go, Yohanna fare janna a dimma ne ge Matta, Markus ma ne Luka ma ne go.
Ne 20—21, jan fare ge na tanna ne, ne dyanna ge ne ka dyan tene na naa ge ame hateya ma ta.
Varseya ge maktub ge Yohanna ne
1- Fare pala hageya (1:1-18)
2- Yohanna bage ke naa baptisma ma ne Jeso naa ge ame hateya ge zḛ ge ma (1:19-51)
3- Temel kerra ge Jeso ne ma (2:1—12:50)
4- Dam ge go̰r dab ge Jeso ne ma ge Ursalima go (13:1—19:42)
5- Tanna ma ne dyanna ge Jeso ne naa ta (20:1—21:25)
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.