Numbers 35
35
1Nâlekablo Mosese oᴋarvigivâ Moabib naternangine Jordanib seniane Jerikome, oᴋarlune:
2Israêlikut perᴋokit tunitjiᴋovlugit Levikunut iglugasaksoarnik iniginiartanginik kingormgutijanit pigijamingnit; nerrinasugviksaniglo iglugasaksuit avatângine tunitjijuksauvose Levikunut.
3Iglugasaksuillo angerarviginiarpait; nerrinasugvillo ilingalârput nergjuteᴋotinginut, perᴋutinginullo, ômajoᴋotinginullo.
4Nerrinasugvillo tunijaksarijase Levikunut iglugasaksuit ᴋarmangita avatâne ôktuteᴋartuksauvut tallertut 1,000tut avamut.
5Iglugasaksuillo avatâne kitdlerme ôktortuksauvotit tallertut 2,000tut, avatânelo seᴋinerdlerme tallertut 2,000tut, avatânelo kangidlerme tallertut 2,000tut, avatânelo taggardlerme tallertut 2,000tut, iglugasaksuit ᴋerᴋanganêtilugit. Tamakkoa iglugasaksuit nerrinasugviksangit pigijaksarivait.
6Iglugasaksuillo tunijaksarijase Levikunut imaiput: iglugasaksuit sixit saputjauviksat, tuniniartase toᴋotsijoᴋ inungmik ᴋemâviksangit: tâpkoalo tapilugit tunitjijuksauvose iglugasaksoarnik 42nik.
7Iglugasaksuit iluengartut tunijaksarijase Levikunut 48ojuksauvut, tâpkoa nerrinasugvingillo.
8Iglugasaksuillo tunijaksarijase Israêlikut pigijanginit pitjutigilugit, unuktunik pilingnit unuktunik tigusijuksauvose, ikituniglo pilingnit ikitunik tigusijuksauvose; atunit kingormgutigijatik maliklugit tunitjijuksauvut iglugasaksoarnik Levikunut.
9Nâlekablo Mosese oᴋarvigivâ, oᴋarlune:
10Israêlikut oᴋarvigikit, oᴋautilugillo: Jordan ikârupsiuk nunamut Kanaanemut piluse,
11Iglugasaksoarnik saputjauviksaujunik ilipsingnut ingmikôrtartitsijuksauvose; neliat toᴋotsijoᴋ inungmik, pijârinane, ᴋemâjungnarᴋovlugo tagvunga.
12Iglugasaksuillo tâpkoa saputjauvigijaksarivase akkiniartemit, toᴋotsijoᴋ inungmik toᴋotauᴋonago nangerungnarᴋârtinago ilagêktut sângine erᴋartortauniardlune.
13Iglugasaksuillo tuniniartase iglugasaksoangoniarput saputjauviksanik sixinik.
14Tunitjijuksauvose iglugasaksoarnik pingasunik Jordanib miksâne mattomane, amalo iglugasaksoarnik pingasunik nuname Kanaaneme tunitjijuksauvose; iglugasaksoangolârput saputjauviksanik.
15Israêlikunut takorngartanullo tujormianullo ilipsingnôrtunut iglugasaksuit sixit saputjauviksaulârput; pijârenane toᴋotsijoᴋ inungmik ᴋemâjungnarᴋovlugo tagvunga.
16Neliatale aipane annauguniuk sakkomut kikiangojomut, tâmna inuartôvoᴋ; inungmik inuartoᴋ toᴋotaujuksauvoᴋ.
17Ujarᴋamullo tigumiartaminut miloruniuk toᴋonartomik, tamattomunga inuk toᴋoᴋovlugo, tagva inuartôvoᴋ; inungmiglo inuartoᴋ toᴋotaujuksauvoᴋ.
18Sakkomullônêt ᴋejungmut tigumiartaminut annauguniuk toᴋonartomik, tamattomunga inuk toᴋoᴋovlugo, tagva inuartôvoᴋ; inungmiglo inuartoᴋ toᴋotaujuksauvoᴋ.
19Aungmik akkiniartûb nangmineᴋ inuartoᴋ toᴋotaksarivâ; naipituaruniuk toᴋotaksarivâ.
20Omisungnermullo kapikuniuk, terliarsivlunelônêt miloruniuk toᴋoᴋovlugo,
21Omigidlarlugolônêt tiglukuniuk aggangminut toᴋoᴋovlugo, tagva toᴋotsijoᴋ toᴋotaujuksauvoᴋ; inuartôvoᴋ; aungmik akkiniartûb inuartoᴋ toᴋotaksarivâ naipiguniuk.
22Pijâriluganelo ômisungneᴋaluganelo kapikuniuk, terliarsiluganelônêt egitsivigiguniuk sunamut,
23Ujarᴋamullônêt inûb toᴋojutigijanganut, takonago miloruniuk toᴋolugolo, ômiginago, idluitomiglo piniarvigijomanago;
24Tagva ilagêt erᴋartuijuksauvut toᴋotsijoᴋ aungmiglo akkiniartoᴋ pivlugik erᴋartûtsit makkoa maliklugit;
25Ilagêllo inuartovineᴋ piulijaksarivât aungmik akkiniartûb agganginit, ilagêllo utertitaksarivât iglugasaksoarnut saputjauvigijanganut ᴋemâvigilauᴋtanganut; tagvanelo angerarviᴋartuksauvoᴋ ajoᴋertuijersoaᴋ orᴋsumut ivsornaitomut mingoartaumajoᴋ toᴋoᴋârtinago.
26Toᴋotsijorle iglugasaksuit saputjauvit ᴋemâvigijame kiglingata ungatânôrpat,
27Aungmiglo akkiniartûb naipipago iglugasaksuit saputjauvit kiglingata ungatâne, akkiniartûblo inuartoᴋ toᴋopago; tagva passijaunialungilaᴋ aungmik kovisigaloarune;
28Taimna nûtuksaulaungimat iglugasaksoarnit saputjauvigijaminit ajoᴋertuijersoaᴋ toᴋoᴋârtinago; ajoᴋertuijersûble toᴋungata kingorngane utertuinariaᴋarpoᴋ nunaminut pigijaminut.
29Tamakkoalo maligaksarivase erᴋartuinerme kinguvârêngnipsingne inigijapsingne tamaine.
30Inungmik toᴋotsijoᴋ, tagva inuartoᴋ, toᴋotaujuksauvoᴋ kigligiutsijut oᴋausingit maliklugit; kigligiutsijorle atausênaᴋ nelonaijaijuksaungilaᴋ inûb toᴋotaksauninganik.
31Akkiksamiglo simmêjutiksamik tigusijuksaungilase inuartûb inôsinga pivlugo, toᴋotaksaukpat; toᴋotaujuksauvoᴋ.
32Akkiksamiglo simmertiksamik tigusijuksaungilase ᴋemâsimajoᴋ iglugasaksoarnut saputjauviksanut pivlugo, uterᴋojomavlugo iniksaᴋarmiᴋovlugo nunamine, ajoᴋertuijersoaᴋ toᴋoᴋârtinago.
33Nunalo nunagijase naggonartitaksaringilase; nunalo sujungaititaujungnangilaᴋ aungmit kovimajomit tagvane, kissiane aungmik kovisilauᴋtûb aunganut.
34Nunalo nunagijase uvanga inigijara sujuktailititaksarivase; uvanga Nâlegaᴋ Israêlikut akorngane ineᴋarama.
Currently Selected:
Numbers 35: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 35
35
1Nâlekablo Mosese oᴋarvigivâ Moabib naternangine Jordanib seniane Jerikome, oᴋarlune:
2Israêlikut perᴋokit tunitjiᴋovlugit Levikunut iglugasaksoarnik iniginiartanginik kingormgutijanit pigijamingnit; nerrinasugviksaniglo iglugasaksuit avatângine tunitjijuksauvose Levikunut.
3Iglugasaksuillo angerarviginiarpait; nerrinasugvillo ilingalârput nergjuteᴋotinginut, perᴋutinginullo, ômajoᴋotinginullo.
4Nerrinasugvillo tunijaksarijase Levikunut iglugasaksuit ᴋarmangita avatâne ôktuteᴋartuksauvut tallertut 1,000tut avamut.
5Iglugasaksuillo avatâne kitdlerme ôktortuksauvotit tallertut 2,000tut, avatânelo seᴋinerdlerme tallertut 2,000tut, avatânelo kangidlerme tallertut 2,000tut, avatânelo taggardlerme tallertut 2,000tut, iglugasaksuit ᴋerᴋanganêtilugit. Tamakkoa iglugasaksuit nerrinasugviksangit pigijaksarivait.
6Iglugasaksuillo tunijaksarijase Levikunut imaiput: iglugasaksuit sixit saputjauviksat, tuniniartase toᴋotsijoᴋ inungmik ᴋemâviksangit: tâpkoalo tapilugit tunitjijuksauvose iglugasaksoarnik 42nik.
7Iglugasaksuit iluengartut tunijaksarijase Levikunut 48ojuksauvut, tâpkoa nerrinasugvingillo.
8Iglugasaksuillo tunijaksarijase Israêlikut pigijanginit pitjutigilugit, unuktunik pilingnit unuktunik tigusijuksauvose, ikituniglo pilingnit ikitunik tigusijuksauvose; atunit kingormgutigijatik maliklugit tunitjijuksauvut iglugasaksoarnik Levikunut.
9Nâlekablo Mosese oᴋarvigivâ, oᴋarlune:
10Israêlikut oᴋarvigikit, oᴋautilugillo: Jordan ikârupsiuk nunamut Kanaanemut piluse,
11Iglugasaksoarnik saputjauviksaujunik ilipsingnut ingmikôrtartitsijuksauvose; neliat toᴋotsijoᴋ inungmik, pijârinane, ᴋemâjungnarᴋovlugo tagvunga.
12Iglugasaksuillo tâpkoa saputjauvigijaksarivase akkiniartemit, toᴋotsijoᴋ inungmik toᴋotauᴋonago nangerungnarᴋârtinago ilagêktut sângine erᴋartortauniardlune.
13Iglugasaksuillo tuniniartase iglugasaksoangoniarput saputjauviksanik sixinik.
14Tunitjijuksauvose iglugasaksoarnik pingasunik Jordanib miksâne mattomane, amalo iglugasaksoarnik pingasunik nuname Kanaaneme tunitjijuksauvose; iglugasaksoangolârput saputjauviksanik.
15Israêlikunut takorngartanullo tujormianullo ilipsingnôrtunut iglugasaksuit sixit saputjauviksaulârput; pijârenane toᴋotsijoᴋ inungmik ᴋemâjungnarᴋovlugo tagvunga.
16Neliatale aipane annauguniuk sakkomut kikiangojomut, tâmna inuartôvoᴋ; inungmik inuartoᴋ toᴋotaujuksauvoᴋ.
17Ujarᴋamullo tigumiartaminut miloruniuk toᴋonartomik, tamattomunga inuk toᴋoᴋovlugo, tagva inuartôvoᴋ; inungmiglo inuartoᴋ toᴋotaujuksauvoᴋ.
18Sakkomullônêt ᴋejungmut tigumiartaminut annauguniuk toᴋonartomik, tamattomunga inuk toᴋoᴋovlugo, tagva inuartôvoᴋ; inungmiglo inuartoᴋ toᴋotaujuksauvoᴋ.
19Aungmik akkiniartûb nangmineᴋ inuartoᴋ toᴋotaksarivâ; naipituaruniuk toᴋotaksarivâ.
20Omisungnermullo kapikuniuk, terliarsivlunelônêt miloruniuk toᴋoᴋovlugo,
21Omigidlarlugolônêt tiglukuniuk aggangminut toᴋoᴋovlugo, tagva toᴋotsijoᴋ toᴋotaujuksauvoᴋ; inuartôvoᴋ; aungmik akkiniartûb inuartoᴋ toᴋotaksarivâ naipiguniuk.
22Pijâriluganelo ômisungneᴋaluganelo kapikuniuk, terliarsiluganelônêt egitsivigiguniuk sunamut,
23Ujarᴋamullônêt inûb toᴋojutigijanganut, takonago miloruniuk toᴋolugolo, ômiginago, idluitomiglo piniarvigijomanago;
24Tagva ilagêt erᴋartuijuksauvut toᴋotsijoᴋ aungmiglo akkiniartoᴋ pivlugik erᴋartûtsit makkoa maliklugit;
25Ilagêllo inuartovineᴋ piulijaksarivât aungmik akkiniartûb agganginit, ilagêllo utertitaksarivât iglugasaksoarnut saputjauvigijanganut ᴋemâvigilauᴋtanganut; tagvanelo angerarviᴋartuksauvoᴋ ajoᴋertuijersoaᴋ orᴋsumut ivsornaitomut mingoartaumajoᴋ toᴋoᴋârtinago.
26Toᴋotsijorle iglugasaksuit saputjauvit ᴋemâvigijame kiglingata ungatânôrpat,
27Aungmiglo akkiniartûb naipipago iglugasaksuit saputjauvit kiglingata ungatâne, akkiniartûblo inuartoᴋ toᴋopago; tagva passijaunialungilaᴋ aungmik kovisigaloarune;
28Taimna nûtuksaulaungimat iglugasaksoarnit saputjauvigijaminit ajoᴋertuijersoaᴋ toᴋoᴋârtinago; ajoᴋertuijersûble toᴋungata kingorngane utertuinariaᴋarpoᴋ nunaminut pigijaminut.
29Tamakkoalo maligaksarivase erᴋartuinerme kinguvârêngnipsingne inigijapsingne tamaine.
30Inungmik toᴋotsijoᴋ, tagva inuartoᴋ, toᴋotaujuksauvoᴋ kigligiutsijut oᴋausingit maliklugit; kigligiutsijorle atausênaᴋ nelonaijaijuksaungilaᴋ inûb toᴋotaksauninganik.
31Akkiksamiglo simmêjutiksamik tigusijuksaungilase inuartûb inôsinga pivlugo, toᴋotaksaukpat; toᴋotaujuksauvoᴋ.
32Akkiksamiglo simmertiksamik tigusijuksaungilase ᴋemâsimajoᴋ iglugasaksoarnut saputjauviksanut pivlugo, uterᴋojomavlugo iniksaᴋarmiᴋovlugo nunamine, ajoᴋertuijersoaᴋ toᴋoᴋârtinago.
33Nunalo nunagijase naggonartitaksaringilase; nunalo sujungaititaujungnangilaᴋ aungmit kovimajomit tagvane, kissiane aungmik kovisilauᴋtûb aunganut.
34Nunalo nunagijase uvanga inigijara sujuktailititaksarivase; uvanga Nâlegaᴋ Israêlikut akorngane ineᴋarama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.