Numbers 32
32
1Rubeniblo kinguvângit Gadiblo kinguvângit nergjuteᴋoteᴋarput unuktovaksoarnik, nunalo Jazer nunalo Gileade takungmatikik, nute, nergjuteᴋautiksatsiangovoᴋ.
2Gadiblo kinguvângita Rubeniblo kinguvângita Mosese Eliasarelo ajoᴋertuijoᴋ ilagêktullo angajoᴋângit tikipait, oᴋautilugillo:
3Atarote, Dibonelo, Nimralo, Hesbonelo, Elealelo, Sebamelo, Nebolo, Beonelo,
4Nunat Nâlekab sâlagijangit ilagêktut Israêlikut sângine nergjuteᴋautiksauvut, kivgatillo nergjuteᴋoteᴋarput.
5Oᴋarpullo: Saimaneᴋsigupta ijîkpit sângangne, nuna tamanna tunijaule kivgarnut perᴋutauᴋovlugo; ikârᴋoniaratigut Jordanemik.
6Mosesiblo Gadib kinguvângit Rubeniblo kinguvângit oᴋautivait: Katangutise unatarnermut aijuksauvât, ilipse ᴋikartiluse tamânê?
7Sôk Israêlikut ômatingit maksuajungnaitipisigîk, ikâromajungnaitilugit nunamut Nâlekab tunijanganut tâpkonungâ?
8Taimailiolauᴋput atâtase, tiligapkit Kades-Barneamit nautsertoriartorᴋovlugit nunamik.
9Majorarmatta Eskolib naᴋsanganut nunalo takolugo, Israêlikut ômatingit maksuajungnaitipait aijomajungnaiᴋovlugit nunamut Nâlekab tunijanganut tâpkonunga.
10Nâlekablo ningarninga katsungailerpoᴋ taipsomane, angermariklunelo oᴋarpoᴋ:
11Angutit tâpkoa majoralauᴋtut Egiptenemit jâreᴋartut 20nik ununersaniglo, neliatalônêt nuna angerutigilauᴋtara Abrahâmut, Isaarmullo, Jâkomullo takoniangilât; ilungertorlutik malingimanga;
12Kâle, Jefunib erninga, Kênasekut ilanga, Josualo, Nunib erninga, kissimik; tâpkoa ilungertorlutik Nâlegaᴋ malingmako.
13Nâlekablo ningarninga katsungaipoᴋ Israêlikunut, utitarᴋattarlutiglo arvertartipait sunaᴋajuitome jârit 40 nâvlugit, kinguvârêt tâpkoa idluitulilauᴋtut Nâlekab takkoane nungutauᴋârtinagit.
14Ahâglo, ilipse makipose atâtase inangerlugit, inuit idluitut unuksisimajose, Nâlekab ningarninga ilungertortoᴋ Israêlikunut aglititsomavlugo.
15Ilipse tunukupsiuk, tâpsoma sunaᴋajuitomêtuinarᴋoniarivait; inuillo ukkua tamaita asserolârpase.
16Nimniutipâlle oᴋarlutik: Unnuiviksalioromavogut nergjuteᴋotiptingnut, iglugasaksoalioromavlutalo ᴋitorngaptingnut;
17Uvagulle sakkogiluta atuinaujomavogut Israêlikut sivorleromavlugit tikiutiᴋârtinagit nunagijaksanginut; ᴋitorngavullo iniksaᴋarniarput iglugasaksoarne avalulingne nunab inungit pivlugit.
18Angeraromalungilagut Israêlib ᴋitorngangit ilûnatik kingormgujiᴋârtinagit kingormgutijamingnik.
19Kingormgujiᴋatigijomanginaptigik Jordanib ungatâne, kangianelônêt, kingormgujiviksaᴋarapta Jordanib miksiptingne, unane.
20Mosesiblo oᴋautivait: Taimailioromagupse, sakkolijarluse unatarnermut aijomagupse Nâlekab sângane,
21Angutillo sakkolijartut ilûnatik ilipsingne Jordan ikârpatsuk Nâlekab sângane, ᴋemâtitsiᴋârtinago ômigijiminik sâminit,
22Nunalo sâlagijauᴋârtinago Nâlekab sângane; tagva kingorngane uteromârpose pasijaksaunginiarluselo Nâlekamut Israêlikunullo; nunalo tamanna pigijaksarivase Nâlekab sângane.
23Taimailioromangikupsele, ahâk, tagva idluitulisimaniarpose Nâlekamut; missigijomârposelo idluitulinipse nelaudlalârmase.
24Iglugasaksoalioritse ᴋitorngapsingnut, unnuiviksaliorluselo nergjuteᴋotipsingnut; ᴋanipsingnillo anijut maliklugit, piniaritse.
25Gadiblo kinguvângita Rubeniblo kinguvângita Mosese oᴋarvigivât, oᴋarlutiglo: Kivgatit piniaromavut sorlo nâlegara perᴋojingmat.
26ᴋitorngavut, nuliavullo, perᴋutivullo, nergjuteᴋotivullo ilûnatik tamânêniarput iglugasaksoarne Gileademêtune;
27Kivgatille ikâromavut, angutît ilûnatik sakkolijartut unatarnermut, Nâlekab sângane sorᴋsugomavlutik, sôrlo nâlegara oᴋarmat.
28Taimaimat Mosesib Eliasar ajoᴋertuijoᴋ, Josualo, Nunib erninga, Israêlikullo kinguvârêngita angajoᴋângit erᴋanarnerpât perᴋovait tâpkoa pitjutigilugit.
29Mosesiblo oᴋautivait: Gadib kinguvângita Rubeniblo kinguvângita ilagiluse Jordan ikarniarpatsuk, angutît ilûnatik sakkolijartut unatarnermut, Nâlekab sângane, nunalo sâlagijaukpat sâpsingne; tagva nuna Gileade tuniniarpase tâpkonunga perᴋutauᴋovlugo;
30Sakkolijarlutigle ikârᴋatigijomangipase, tagva akunapsingne pigijaksaᴋartuksauvut nuname Kanaaneme.
31Gadiblo kinguvângit Rubeniblo kinguvângit kiovut oᴋarlutiglo: Sôrlo Nâlekab kivgatit oᴋautilaungmagit, taimâk piniaromavogut.
32Sakkolijarluta ikâromavogut Nâlekab sângane nunamut Kanaanemut, kingormgutijaksavullo pigijaksasiarijomavavut Jordanib miksâne.
33Mosesiblo Gadib kinguvângit, Rubeniblo kinguvângit, Manassiblo Josefib erningata kinguvângita abvangit tunitjivigivait Sihonib, Basanib ataningata, ataniovinganik, nuna iglugasaksoangillo tagvanêtut kiglingit tikidlugit, nuna iglugasaksoangillo avatânêtut.
34Gadiblo kinguvângita senavait Dibone, Atarotelo, Aroerelo,
35Atrot-sofanelo, Jazerelo, Jogbehalo;
36Bet-nimralo, Bet-haranelo, iglugasaksuit avalulit, saukallo unnuiviksangit.
37Rubeniblo kinguvângita senavait Hesbone, Elealelo, Kiriataimelo;
38Nebolo, Baal-meonelo, (assinginik atteᴋartilugit) Sibmalo; assinginiglo atteᴋartipait iglugasaksuit senajatik.
39Makiriblo, Manassib erningata, kinguvângit aivut Gileademut tigulugolo, sunairutivaillo Amorekut tagvanêtut.
40Mosesiblo Gileade tunivâ Makiremut, Manassib erninganut, tâpsomalo nunagivâ.
41Jairiblo, Manassib erningata, iglugasait tagvanêtut tigujartorpait, atserarlugillo Havot-jairemik.
42Nobablo tigujartorpait Kenat iglugasangillo, atserarpaillo Nobamik, atine maliklugo.
Currently Selected:
Numbers 32: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 32
32
1Rubeniblo kinguvângit Gadiblo kinguvângit nergjuteᴋoteᴋarput unuktovaksoarnik, nunalo Jazer nunalo Gileade takungmatikik, nute, nergjuteᴋautiksatsiangovoᴋ.
2Gadiblo kinguvângita Rubeniblo kinguvângita Mosese Eliasarelo ajoᴋertuijoᴋ ilagêktullo angajoᴋângit tikipait, oᴋautilugillo:
3Atarote, Dibonelo, Nimralo, Hesbonelo, Elealelo, Sebamelo, Nebolo, Beonelo,
4Nunat Nâlekab sâlagijangit ilagêktut Israêlikut sângine nergjuteᴋautiksauvut, kivgatillo nergjuteᴋoteᴋarput.
5Oᴋarpullo: Saimaneᴋsigupta ijîkpit sângangne, nuna tamanna tunijaule kivgarnut perᴋutauᴋovlugo; ikârᴋoniaratigut Jordanemik.
6Mosesiblo Gadib kinguvângit Rubeniblo kinguvângit oᴋautivait: Katangutise unatarnermut aijuksauvât, ilipse ᴋikartiluse tamânê?
7Sôk Israêlikut ômatingit maksuajungnaitipisigîk, ikâromajungnaitilugit nunamut Nâlekab tunijanganut tâpkonungâ?
8Taimailiolauᴋput atâtase, tiligapkit Kades-Barneamit nautsertoriartorᴋovlugit nunamik.
9Majorarmatta Eskolib naᴋsanganut nunalo takolugo, Israêlikut ômatingit maksuajungnaitipait aijomajungnaiᴋovlugit nunamut Nâlekab tunijanganut tâpkonunga.
10Nâlekablo ningarninga katsungailerpoᴋ taipsomane, angermariklunelo oᴋarpoᴋ:
11Angutit tâpkoa majoralauᴋtut Egiptenemit jâreᴋartut 20nik ununersaniglo, neliatalônêt nuna angerutigilauᴋtara Abrahâmut, Isaarmullo, Jâkomullo takoniangilât; ilungertorlutik malingimanga;
12Kâle, Jefunib erninga, Kênasekut ilanga, Josualo, Nunib erninga, kissimik; tâpkoa ilungertorlutik Nâlegaᴋ malingmako.
13Nâlekablo ningarninga katsungaipoᴋ Israêlikunut, utitarᴋattarlutiglo arvertartipait sunaᴋajuitome jârit 40 nâvlugit, kinguvârêt tâpkoa idluitulilauᴋtut Nâlekab takkoane nungutauᴋârtinagit.
14Ahâglo, ilipse makipose atâtase inangerlugit, inuit idluitut unuksisimajose, Nâlekab ningarninga ilungertortoᴋ Israêlikunut aglititsomavlugo.
15Ilipse tunukupsiuk, tâpsoma sunaᴋajuitomêtuinarᴋoniarivait; inuillo ukkua tamaita asserolârpase.
16Nimniutipâlle oᴋarlutik: Unnuiviksalioromavogut nergjuteᴋotiptingnut, iglugasaksoalioromavlutalo ᴋitorngaptingnut;
17Uvagulle sakkogiluta atuinaujomavogut Israêlikut sivorleromavlugit tikiutiᴋârtinagit nunagijaksanginut; ᴋitorngavullo iniksaᴋarniarput iglugasaksoarne avalulingne nunab inungit pivlugit.
18Angeraromalungilagut Israêlib ᴋitorngangit ilûnatik kingormgujiᴋârtinagit kingormgutijamingnik.
19Kingormgujiᴋatigijomanginaptigik Jordanib ungatâne, kangianelônêt, kingormgujiviksaᴋarapta Jordanib miksiptingne, unane.
20Mosesiblo oᴋautivait: Taimailioromagupse, sakkolijarluse unatarnermut aijomagupse Nâlekab sângane,
21Angutillo sakkolijartut ilûnatik ilipsingne Jordan ikârpatsuk Nâlekab sângane, ᴋemâtitsiᴋârtinago ômigijiminik sâminit,
22Nunalo sâlagijauᴋârtinago Nâlekab sângane; tagva kingorngane uteromârpose pasijaksaunginiarluselo Nâlekamut Israêlikunullo; nunalo tamanna pigijaksarivase Nâlekab sângane.
23Taimailioromangikupsele, ahâk, tagva idluitulisimaniarpose Nâlekamut; missigijomârposelo idluitulinipse nelaudlalârmase.
24Iglugasaksoalioritse ᴋitorngapsingnut, unnuiviksaliorluselo nergjuteᴋotipsingnut; ᴋanipsingnillo anijut maliklugit, piniaritse.
25Gadiblo kinguvângita Rubeniblo kinguvângita Mosese oᴋarvigivât, oᴋarlutiglo: Kivgatit piniaromavut sorlo nâlegara perᴋojingmat.
26ᴋitorngavut, nuliavullo, perᴋutivullo, nergjuteᴋotivullo ilûnatik tamânêniarput iglugasaksoarne Gileademêtune;
27Kivgatille ikâromavut, angutît ilûnatik sakkolijartut unatarnermut, Nâlekab sângane sorᴋsugomavlutik, sôrlo nâlegara oᴋarmat.
28Taimaimat Mosesib Eliasar ajoᴋertuijoᴋ, Josualo, Nunib erninga, Israêlikullo kinguvârêngita angajoᴋângit erᴋanarnerpât perᴋovait tâpkoa pitjutigilugit.
29Mosesiblo oᴋautivait: Gadib kinguvângita Rubeniblo kinguvângita ilagiluse Jordan ikarniarpatsuk, angutît ilûnatik sakkolijartut unatarnermut, Nâlekab sângane, nunalo sâlagijaukpat sâpsingne; tagva nuna Gileade tuniniarpase tâpkonunga perᴋutauᴋovlugo;
30Sakkolijarlutigle ikârᴋatigijomangipase, tagva akunapsingne pigijaksaᴋartuksauvut nuname Kanaaneme.
31Gadiblo kinguvângit Rubeniblo kinguvângit kiovut oᴋarlutiglo: Sôrlo Nâlekab kivgatit oᴋautilaungmagit, taimâk piniaromavogut.
32Sakkolijarluta ikâromavogut Nâlekab sângane nunamut Kanaanemut, kingormgutijaksavullo pigijaksasiarijomavavut Jordanib miksâne.
33Mosesiblo Gadib kinguvângit, Rubeniblo kinguvângit, Manassiblo Josefib erningata kinguvângita abvangit tunitjivigivait Sihonib, Basanib ataningata, ataniovinganik, nuna iglugasaksoangillo tagvanêtut kiglingit tikidlugit, nuna iglugasaksoangillo avatânêtut.
34Gadiblo kinguvângita senavait Dibone, Atarotelo, Aroerelo,
35Atrot-sofanelo, Jazerelo, Jogbehalo;
36Bet-nimralo, Bet-haranelo, iglugasaksuit avalulit, saukallo unnuiviksangit.
37Rubeniblo kinguvângita senavait Hesbone, Elealelo, Kiriataimelo;
38Nebolo, Baal-meonelo, (assinginik atteᴋartilugit) Sibmalo; assinginiglo atteᴋartipait iglugasaksuit senajatik.
39Makiriblo, Manassib erningata, kinguvângit aivut Gileademut tigulugolo, sunairutivaillo Amorekut tagvanêtut.
40Mosesiblo Gileade tunivâ Makiremut, Manassib erninganut, tâpsomalo nunagivâ.
41Jairiblo, Manassib erningata, iglugasait tagvanêtut tigujartorpait, atserarlugillo Havot-jairemik.
42Nobablo tigujartorpait Kenat iglugasangillo, atserarpaillo Nobamik, atine maliklugo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.