Numbers 20
20
1Israelikullo ilagêktoᴋsuit iluengartut tikiput sunaᴋajuitomut Zinemut taᴋᴋit sivorlerpângane: inugiartoᴋsuillo tangmârput tagvane; Mirijamelo tagvane toᴋovoᴋ, tagvanelo iluvertauvoᴋ.
2Ilagêktoᴋsuillo imeᴋangilat; katilerpullo Mosesemut Aronemullo.
3Inugiartoᴋsuillo akkerartorput Mosesemut, oᴋarlutiglo: Sinaungamêk toᴋoᴋataulaunginapta ᴋatangutivut toᴋomatta Nâlekab sângane.
4Sôᴋ Nâlekab ilagêktoᴋotingit âkigît sunaᴋajuitomut omunga, toᴋoᴋovluta tamâne, uvagut nergjutivullô?
5Sôklo aulartilauᴋpitigût Egiptenemit, tikiutilutalo nunâlungmut tamattomungâ? Karngasoiviksaᴋangilaᴋ, paungatannaᴋangilaᴋ, vaineliksataᴋangilaᴋ, paungatsiaᴋangilarlônêt; imeᴋangilarlônêt imiksamik.
6Moseselo Aronelo aivuk katimajut najorninginit ilagêktut tupingata upkoanganut, pâmakterpuglo; Nâlekablo ânanauningata saᴋᴋervigivak.
7Nâlekablo Mosese oᴋarvigivâ, oᴋarlune:
8Ajaupiaᴋ tiguleruk, ilagêktoᴋsuillo katimatikit, igvit angajuillo Aron, oᴋarillo ᴋairtomut tâpkoa takkoane, saᴋᴋijârtitsiᴋovlugo imermik; tâpkonungalo saᴋᴋijârtitsiniarpotit imermik ᴋairtomit; taimaglo ilagêktoᴋsuit nergjuteᴋotingillo tunitjiviginiarpatit imiksamik.
9Mosesiblo ajaupiaᴋ tiguvâ Nâlekab sânganit, sôrlo tâpsoma perᴋolaungmago.
10Mosesiblo Aroniblo ilagêt katimatipait ᴋairtûb sângane, oᴋautivaillo; Okoᴋse, tapatojoᴋsôjose, imeᴋ saᴋᴋijârtitaksarivitigô ᴋairtomit omangât?
11Mosesiblo aggane isakpait, ᴋairtorlo annauvâ maggoertorlune ajaupiaminut, imerlo kâlerpoᴋ amigangitomik, ilagêktoᴋsuillo imerput, nergjuteᴋotingillo.
12Nâlekablo Moseselo Aronelo oᴋautivâk: Okpervigilaunginaptinga ivlernartitauᴋovlunga Israêlib ᴋitorngangita ijingita sângine, tamanna pivlugo ilagêktoᴋsuit ukkua tikiutijaksarilungilatik nunamut tunijamnut tâpkonunga.
13Tamadja akkerartornerûb imangit; Israêlikut Nâlegaᴋ akkerartormatsuk, tâmnalo ivlernartitaungmat tâpkonane.
14Mosesiblo aᴋpârtuksat tilivait Kadesemit Edomib ataninganut: Imâk oᴋarpoᴋ ᴋatangutît Israêle, ᴋaujimavotit siorniornernik tamainik tikitigijaptingnik;
15Atâtagilauᴋtavut atersârmatta Egiptenemut, akunillo nunaᴋalaurapta Egipteneme; Egiptenemiullo pikalugvigilauᴋpâtigut, uvagut atâtavullo;
16Nâlegarlo nipliavigilauraptigo, nippivut tusarpait, engelelo tilivâ, tikiutitilutalo Egiptenemit; ahâglo, Kadesemêpogut, iglugasaksoarne nunavit erᴋâta kiglingane;
17Nunat apᴋutigilaulavuttôᴋ; perorsêviglônêt vaineliksataliglônêt ingergarvigijomangilavut, imeᴋtoromangilagullônêt imeᴋtarviᴋotivît imanginik; ataniûb apᴋotiksauᴋojangagôromavogut kissiane, saumingmullônêt talerpingmullônêt sangujomangilagut, ᴋângerᴋârtinata nunaᴋotivît kiglinganik.
18Ediomble oᴋautivâ: Uvapkôrtuksaungilatit, pagrearᴋonanga ilingnik saviksoalijarlunga.
19Israêliblo ᴋitorngangita oᴋautivât: Apᴋosineâlukut kissiane majoraromavogut; imeᴋtarvingmillo imerupta, uvanga nergjuteᴋotikalo, akkigijanganik tunitjijomavogut; assianik sumiglônêt pininiaromangilagut, pisugvigijomatuinarpavut.
20Oᴋarporle: Tamaunârtuksaungilatit. Edomiblo pagrearpâ inulijarlune unuktunik, aggangnullo pitsartudlartunut.
21Taimâk Edomib Israêle ingergartailitipâ nunamigut; taimaimat Israêle sanguvoᴋ tâpsomangat.
22Aularpullo Kadesemit; Israêlikullo, ilagêktoᴋsuit iluengartut, tikiput ᴋaᴋᴋamut Horemut.
23Nâlekablo Mosese Aronelo oᴋarvigivak Horeme, Edomib nunangata erᴋâne, oᴋarlune:
24Aron ilaliudjaujuksauvoᴋ inuᴋotiminut, itertuksaungimat nunamut tunijamnut Israêlikunut, oᴋausikka tapagilaurapsigik imine akkerartorvingne.
25Aron erningalo Eliasare ilagikik majorarᴋatigilugiglo ᴋaᴋᴋamut Horemut;
26Aroniblo annorângit pêjarkit atijautilugillo erninganut Eliasaremut; Aronelo sivorliminut ilaliudjaulârpoᴋ, tagvane toᴋovlune.
27Moseselo piniarpoᴋ sôrlo Nâlegaᴋ perᴋojingmat; ᴋaᴋᴋamullo majorarput ilagêktoᴋsuit ilûnatik takkoane.
28Mosesiblo Aron annorairpâ, atijautilugillo erninganut Eliasaremut; Aronelo inôjungnaipoᴋ tagvane ᴋaᴋᴋab ᴋângane; Moseselo Eliasarelo atersârpak ᴋaᴋᴋamit.
29Ilagêktoᴋsuillo ilûnatik takomatta Aron toᴋungmat, ᴋeavât uvlunik 30nik, Israêlikut ilûnatik.
Currently Selected:
Numbers 20: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 20
20
1Israelikullo ilagêktoᴋsuit iluengartut tikiput sunaᴋajuitomut Zinemut taᴋᴋit sivorlerpângane: inugiartoᴋsuillo tangmârput tagvane; Mirijamelo tagvane toᴋovoᴋ, tagvanelo iluvertauvoᴋ.
2Ilagêktoᴋsuillo imeᴋangilat; katilerpullo Mosesemut Aronemullo.
3Inugiartoᴋsuillo akkerartorput Mosesemut, oᴋarlutiglo: Sinaungamêk toᴋoᴋataulaunginapta ᴋatangutivut toᴋomatta Nâlekab sângane.
4Sôᴋ Nâlekab ilagêktoᴋotingit âkigît sunaᴋajuitomut omunga, toᴋoᴋovluta tamâne, uvagut nergjutivullô?
5Sôklo aulartilauᴋpitigût Egiptenemit, tikiutilutalo nunâlungmut tamattomungâ? Karngasoiviksaᴋangilaᴋ, paungatannaᴋangilaᴋ, vaineliksataᴋangilaᴋ, paungatsiaᴋangilarlônêt; imeᴋangilarlônêt imiksamik.
6Moseselo Aronelo aivuk katimajut najorninginit ilagêktut tupingata upkoanganut, pâmakterpuglo; Nâlekablo ânanauningata saᴋᴋervigivak.
7Nâlekablo Mosese oᴋarvigivâ, oᴋarlune:
8Ajaupiaᴋ tiguleruk, ilagêktoᴋsuillo katimatikit, igvit angajuillo Aron, oᴋarillo ᴋairtomut tâpkoa takkoane, saᴋᴋijârtitsiᴋovlugo imermik; tâpkonungalo saᴋᴋijârtitsiniarpotit imermik ᴋairtomit; taimaglo ilagêktoᴋsuit nergjuteᴋotingillo tunitjiviginiarpatit imiksamik.
9Mosesiblo ajaupiaᴋ tiguvâ Nâlekab sânganit, sôrlo tâpsoma perᴋolaungmago.
10Mosesiblo Aroniblo ilagêt katimatipait ᴋairtûb sângane, oᴋautivaillo; Okoᴋse, tapatojoᴋsôjose, imeᴋ saᴋᴋijârtitaksarivitigô ᴋairtomit omangât?
11Mosesiblo aggane isakpait, ᴋairtorlo annauvâ maggoertorlune ajaupiaminut, imerlo kâlerpoᴋ amigangitomik, ilagêktoᴋsuillo imerput, nergjuteᴋotingillo.
12Nâlekablo Moseselo Aronelo oᴋautivâk: Okpervigilaunginaptinga ivlernartitauᴋovlunga Israêlib ᴋitorngangita ijingita sângine, tamanna pivlugo ilagêktoᴋsuit ukkua tikiutijaksarilungilatik nunamut tunijamnut tâpkonunga.
13Tamadja akkerartornerûb imangit; Israêlikut Nâlegaᴋ akkerartormatsuk, tâmnalo ivlernartitaungmat tâpkonane.
14Mosesiblo aᴋpârtuksat tilivait Kadesemit Edomib ataninganut: Imâk oᴋarpoᴋ ᴋatangutît Israêle, ᴋaujimavotit siorniornernik tamainik tikitigijaptingnik;
15Atâtagilauᴋtavut atersârmatta Egiptenemut, akunillo nunaᴋalaurapta Egipteneme; Egiptenemiullo pikalugvigilauᴋpâtigut, uvagut atâtavullo;
16Nâlegarlo nipliavigilauraptigo, nippivut tusarpait, engelelo tilivâ, tikiutitilutalo Egiptenemit; ahâglo, Kadesemêpogut, iglugasaksoarne nunavit erᴋâta kiglingane;
17Nunat apᴋutigilaulavuttôᴋ; perorsêviglônêt vaineliksataliglônêt ingergarvigijomangilavut, imeᴋtoromangilagullônêt imeᴋtarviᴋotivît imanginik; ataniûb apᴋotiksauᴋojangagôromavogut kissiane, saumingmullônêt talerpingmullônêt sangujomangilagut, ᴋângerᴋârtinata nunaᴋotivît kiglinganik.
18Ediomble oᴋautivâ: Uvapkôrtuksaungilatit, pagrearᴋonanga ilingnik saviksoalijarlunga.
19Israêliblo ᴋitorngangita oᴋautivât: Apᴋosineâlukut kissiane majoraromavogut; imeᴋtarvingmillo imerupta, uvanga nergjuteᴋotikalo, akkigijanganik tunitjijomavogut; assianik sumiglônêt pininiaromangilagut, pisugvigijomatuinarpavut.
20Oᴋarporle: Tamaunârtuksaungilatit. Edomiblo pagrearpâ inulijarlune unuktunik, aggangnullo pitsartudlartunut.
21Taimâk Edomib Israêle ingergartailitipâ nunamigut; taimaimat Israêle sanguvoᴋ tâpsomangat.
22Aularpullo Kadesemit; Israêlikullo, ilagêktoᴋsuit iluengartut, tikiput ᴋaᴋᴋamut Horemut.
23Nâlekablo Mosese Aronelo oᴋarvigivak Horeme, Edomib nunangata erᴋâne, oᴋarlune:
24Aron ilaliudjaujuksauvoᴋ inuᴋotiminut, itertuksaungimat nunamut tunijamnut Israêlikunut, oᴋausikka tapagilaurapsigik imine akkerartorvingne.
25Aron erningalo Eliasare ilagikik majorarᴋatigilugiglo ᴋaᴋᴋamut Horemut;
26Aroniblo annorângit pêjarkit atijautilugillo erninganut Eliasaremut; Aronelo sivorliminut ilaliudjaulârpoᴋ, tagvane toᴋovlune.
27Moseselo piniarpoᴋ sôrlo Nâlegaᴋ perᴋojingmat; ᴋaᴋᴋamullo majorarput ilagêktoᴋsuit ilûnatik takkoane.
28Mosesiblo Aron annorairpâ, atijautilugillo erninganut Eliasaremut; Aronelo inôjungnaipoᴋ tagvane ᴋaᴋᴋab ᴋângane; Moseselo Eliasarelo atersârpak ᴋaᴋᴋamit.
29Ilagêktoᴋsuillo ilûnatik takomatta Aron toᴋungmat, ᴋeavât uvlunik 30nik, Israêlikut ilûnatik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.