Leviticus 25
25
1Nâlekablo Mosese oᴋarvigivâ ᴋakᴋame Sinaime, oᴋarlune:
2Israêlib ᴋitorngangit oᴋarvigikit, oᴋautilugillo: Tikiutigupse nunamut tunijomajamnut ilipsingnut, nuna merngoerserviksiortuksauvok Nâlekamut.
3Jârit sixit nâvlugit perorsêvise karngasoivigijaksarivase, jârillo sixit nâvlugit napârtoᴋotise vaineliksat kipisivigijaksarivase akkerᴋungita ilanginik paungangillo katersorlugit.
4Jârille seveningat sabbateojuksauvok nunab merngoerserviksanganik Nâlekamut; perorsêvit karngasoivigijaksaringilat, napârtullo vaineliksat pêjaivigijaksaringilatit akkerᴋunik.
5Ingmingnik perortut katersoraksarilungilatit, napârtoᴋotivillo vaineliksab kipisivigilauktavit paungangit katersoraksarilunginivatit; jâreojuksauvok nunab merngoerserviksanganik.
6Nunablo merngoerserninga ilingajuksauvok nerᴋiksakarniksapsingnut; ilingnut, kivgarnullo, kivgarnullo arnarmut, attartugarnullo takorngartarnullo ilingnêtunut;
7Nergjuteᴋotingnullo, ômajunullo nunangnêtunut, tâpkoa perutsiangit ilûnaita nerᴋiksarijaksarivait.
8Jâriniglo merngoerserviksanik sevenenik kititsijuksauvotit ilingnut, jârit sevenit sevenertorlugit; jâriolârpullo ilingnut jârit merngoerserviksat sevenit uvlunginik, tagva jârinik 49nik.
9Tiliklilârpotit tagva tiptulausijartomik nipperᴋortojomik nunakut takᴋit seveningata uvlungita teningane; uvlorme ulapirᴋsartauviksame tiliklilârpose tiptulausijartomik nunapsigut ilûnâgut.
10Jârillo 50ingat opigijaksarivase, jâremiglo ᴋelarudjartauviksoarmik ᴋaujititsijuksauvose nunab inunginut tamainut nunab ilûnangane; serrivigijaksarivase; ilûnaselo utertuksauvose kingormgutijapsingnut, utertuksauvoselo ilûnase ilagijapsingnut.
11Jârit 50ingat tâmna serrivigijaksarivase; karngasoijuksaungilase, katersijuksaungilaselônêt ingmingnik perortunik tâpsomane, napârtullo vaineliksat kipisivigilaungitapse paunganginik katersijuksaungilase tâpsomane.
12Serriviksaudlarmat; ivlernadlartuksauvok ilipsingnut; nerrijuksauvosele perorsêvit perutsianginik.
13Jâreme tâpsomane serriviksarme ilûnase utertuksauvose nunavinigijapsingnut.
14Aulaiguvit sunamik inôᴋatingnut, pisiniaruvillônêt inôᴋativit agganginit, terliartigêktuksaungilase;
15Jârit, jârib serriviksab kingorngane unurningit maliklugit, pisiniartuksauvotit, jârillo katersiviksaulârtut unurningit maliklugit aulaivigilârpâtit.
16Jârit unurningit maliklugit niorvgutigijomajat akkitunersautitaksarivat, jârillo ikiningit maliklugit akkikinersautitaksarivat; katersiviolârtut unurningit maliklugit niorvgutigivait ilingnut.
17Terliartigêktuksaungilase, Gûdîlle sivôragijaksarivat; Uvangaugama Nâlegak Gûdise.
18Taimaimat maligaksauᴋojakka piniaraksarivase, idluarijakkalo nâleklugit piniarlugillo; terlikluselo inôjuksauvose nuname.
19Nunablo perutsiane sakᴋilârpait, akᴋeartorluselo nerrilârpose, inôvluselo tagvane terlikluse.
20Oᴋarupselo: Sumik nerrilârᴋitâ jârit seveninganê? Ahâk, karngasoijuksaungilagut katersoijuksaunatalônêt;
21Tagva saimarsainera perᴋojomavara ilipsingnut jârit sixingane, sakᴋêlârporlo perutsianik jârinut pingasunut nâmalârtunik.
22Jârillo 8ingane karngasoilârpose nerriluselo perutsianik torᴋortaumajunik; jârit 9ingat tikidlugo, perutsiangit nutât inerᴋârtinagit, torᴋortausimajut nerrijaksarivase.
23Nunalo aulaijaksaringilase issoᴋangitomut; nuna perᴋutigigapko, ilipselo takorngartauvluselo tujormiogapse uvamne.
24Nunamelo ilûnâne perᴋutigijapsingne angiᴋatigêktuksauvose nuna aulaijak pisiangojuksaungmat.
25ᴋatangutit akludlalerpat, perᴋutimelo ilanga niorvgutigikpago, ilanga ᴋaninerpâk ᴋaijuksauvok ᴋatangutimelo niorvgutigijanga pisiaringmilugo.
26Inuglo ilaᴋangikune pisijungnartomik, nangminerlo akluilinajarune nagvârlunalo pisiniutiksamik nâmaktomik,
27Kititsile jârinik niorvgutigijauninganit, akkigilauktangatalo amiakoa utertiliuk pisilauktomut tâpsominga; taimaglo utertuksauvok perᴋutigisimajaminut.
28Nangminerle pisiaringmilugo saperune, niorvgutigijanga pisilauktûb tâpsominga agganginêtsainartuksauvok jâre serriviksak tikidlugo; jâremelo serriviksarme utertuksauvok, inualo utilârpoᴋ perᴋutigisimajaminut.
29Inublo iglo inigijaksak iglugasaksoarne avaluliorsimajune niorvgutigikpago, pisiarijungnarivâ jâre iluitok niorvgutigijauninganit nâᴋârtinago; jâre iluitok nâvlugo pisiviksakarungnarpoᴋ tâpsominga.
30Pisiarijaulungipalle jâre iluitok nâᴋârtinago, iglo iglugasaksoarnêtok avaluliorsimajune, nangmineriliutijaujuksauvok issoᴋarniangitomik pisilauktomut tâpsominga, kinguvârêngitigut; utertuksaungilak jâreme serriviksaujome.
31Iglulle iglugasangnêtut avaluliorsimangitune nunab perorsêvingititut ilingajuksauvut; pisiarijaungmijungnarput, jâremelo serriviksarme utertuksauvut inugilauktanginut.
32Levitille iglugasaksoangit, iglut iglugasaksoarnêtut tâpkoa perᴋutigijangine, Levitit pisiarijungnarivait ᴋangatuinak.
33Pisijokarpallo Levitinit, iglo niorvgutigijaujok, iglugasaksuillo perᴋutigijangit, utertuksauvut jâreme serriviksarme, iglut Levitit iglugasaksoangine tâpkoa perᴋutigingmagit Israêlib ᴋitorngangita akorngane.
34Perorsêville nerrinasugvit iglugasaksuit avatâne aulaijaujuksaungilat; tâpkoa perᴋutigingmagit soraijuitomik.
35ᴋatangutillo akludlalerpat, aggangillo ajulerpatta ilipsingne, tagva patangaititaksarivat; takorngartartut tujormiojotullo inôjuksauvok akunapsingne.
36Akkituterijutiksamik tapiksamiglônêt tigusiniarnak tâpsomangat; Gûdîlle sivôragiuk; ᴋatangutit inôjungnarᴋovlugo ilingne.
37Tunitjivigijaksaringilat kênaujarnik akkituterinermut, nerᴋiksatillo tuniniarnagit tâpsomunga tapiksakarnermut.
38Uvangauvunga Nâlegak Gûdise, tikiutitilauktise nunamit Egiptenemit, nuna Kanaan tunijomavlugo ilipsingnut, Gûdeojomavlunga ilipsingnut.
39ᴋatangutillo akludlalerpat ilingne, niorvgutiksangortilunalo nangminerminik ilingnut, kipalotut nangminerijaujotut kivgautitaksaringilat;
40Kivgauvlune akkilertaujok tujormiovlunalo ilingnêtuksauvok; kivgartoraksarivâtit jâre serriviksaujok tikidlugo;
41Taipsomanele anijuksauvok ilingnit, tâmna ᴋitorngangillo ilagilugit, utertuksauvorlo ilaminut, atâtagilauktamelo kingormgutijanginut utertuksauvok.
42Tâpkoa kivgarigapkit, tikiutitilauktakka nunamit Egiptenemit; niorvgutaujuksaungilat kipalogijauniarlutik nangminerijaujunik;
43Sôngosârnermut angajoᴋausivigijaksaringilat; Gûdîlle sivôragijaksarivat.
44Kipalogijatit nangminerijatit angutit arnallo pijomajatit pitjutigilugit, taimaitut pisiarijungnarpatit inôᴋatigêksoarnit avatipsingnêtunit.
45Taimâktauk takorngartat ᴋitornganginit tujormiojunit ilipsingne, tâpkoalo ᴋitorngarêngninginit inûlertunit nunapsingne, pisiniarungnarpose, tâpkoalo nangminerilârpase.
46Kingormgutijaksautilârpaselo ᴋitorngapsingnut kingunipsingne, perᴋutauᴋovlugit tâpkonunga; tâpkonangat tigusijuksauvose kipalogijomajapsingnik nangminerijaksanik soraijuitomik; ᴋatangutisele Israêlib ᴋitorngangit sôngosârnermut angajoᴋausivigijaksaringimarikpase.
47Takorngartaujorlo tujormiojorlônêt ilingne akluilinajarune, ᴋatangutîllo aklulinajarune tâpsoma saniane, niorvgutigigunalo nangminerminik takorngartarmut tujormiojomullônêt ilingnêtomut, takorngartablônêt ilangita ilanganut;
48Niorvgutigiᴋârdlune nangminerminik, pisiarijaujungnarivok; ᴋatangutime ilangata pisiarijungnarpâ;
49Akkamelônêt angamelônêt, tâpkoalônêt erningita ilangata pisiarijungnarpâ, ilamelônêt ᴋanitut ilangata pisiarijungnarpâ; akluinajarunelônêt nangminerminik pisiarijungnarpok.
50Pisilauktorlo tâpsominga kititsiᴋatigijaksarivâ jârit kapsiomangâta jâremit aulaivigilauktaminit tâpsomunga jâremut serriviksarmut; pisiarijungnarminingalo akkeᴋartuksauvok jârit unurningit maliklugit; akkiliutiginajartane kivgaugune akkilertaujok maliklugo.
51Jârit sutaijarpatta sulle, tâpkoa unurningit maliklugit utertitsijuksauvok pisiarijaungminime akkinganik kênaujanit akkiliutaulauktunit taipsomane pisiarijaugame.
52Jârille ikitôkpatta sulle jâre serriviksak tikidlugo, kititsiᴋatigijaksarivâ, akkilêvlunalo pisiarijaunime akkinganik.
53Kivgatut akkilertaujotut jâremit jâremut tâpsomanêtuksauvok; tâpsomale sôngosârnermut angajoᴋausivigijaksaringilâ sângne.
54Taimaitulle nalianut pisiarijaungmilungikune, ᴋelarudjârtaujuksauvok jâreme serriviksarme, tâmna ᴋitornganalo ilagilugit.
55Israêlib ᴋitorngangit kivgaungmatta uvamnut; kivgarivakka tikiutitilauktakka nunamit Egiptenemit; Uvangauvunga Nâlegak Gûdise.
Currently Selected:
Leviticus 25: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Leviticus 25
25
1Nâlekablo Mosese oᴋarvigivâ ᴋakᴋame Sinaime, oᴋarlune:
2Israêlib ᴋitorngangit oᴋarvigikit, oᴋautilugillo: Tikiutigupse nunamut tunijomajamnut ilipsingnut, nuna merngoerserviksiortuksauvok Nâlekamut.
3Jârit sixit nâvlugit perorsêvise karngasoivigijaksarivase, jârillo sixit nâvlugit napârtoᴋotise vaineliksat kipisivigijaksarivase akkerᴋungita ilanginik paungangillo katersorlugit.
4Jârille seveningat sabbateojuksauvok nunab merngoerserviksanganik Nâlekamut; perorsêvit karngasoivigijaksaringilat, napârtullo vaineliksat pêjaivigijaksaringilatit akkerᴋunik.
5Ingmingnik perortut katersoraksarilungilatit, napârtoᴋotivillo vaineliksab kipisivigilauktavit paungangit katersoraksarilunginivatit; jâreojuksauvok nunab merngoerserviksanganik.
6Nunablo merngoerserninga ilingajuksauvok nerᴋiksakarniksapsingnut; ilingnut, kivgarnullo, kivgarnullo arnarmut, attartugarnullo takorngartarnullo ilingnêtunut;
7Nergjuteᴋotingnullo, ômajunullo nunangnêtunut, tâpkoa perutsiangit ilûnaita nerᴋiksarijaksarivait.
8Jâriniglo merngoerserviksanik sevenenik kititsijuksauvotit ilingnut, jârit sevenit sevenertorlugit; jâriolârpullo ilingnut jârit merngoerserviksat sevenit uvlunginik, tagva jârinik 49nik.
9Tiliklilârpotit tagva tiptulausijartomik nipperᴋortojomik nunakut takᴋit seveningata uvlungita teningane; uvlorme ulapirᴋsartauviksame tiliklilârpose tiptulausijartomik nunapsigut ilûnâgut.
10Jârillo 50ingat opigijaksarivase, jâremiglo ᴋelarudjartauviksoarmik ᴋaujititsijuksauvose nunab inunginut tamainut nunab ilûnangane; serrivigijaksarivase; ilûnaselo utertuksauvose kingormgutijapsingnut, utertuksauvoselo ilûnase ilagijapsingnut.
11Jârit 50ingat tâmna serrivigijaksarivase; karngasoijuksaungilase, katersijuksaungilaselônêt ingmingnik perortunik tâpsomane, napârtullo vaineliksat kipisivigilaungitapse paunganginik katersijuksaungilase tâpsomane.
12Serriviksaudlarmat; ivlernadlartuksauvok ilipsingnut; nerrijuksauvosele perorsêvit perutsianginik.
13Jâreme tâpsomane serriviksarme ilûnase utertuksauvose nunavinigijapsingnut.
14Aulaiguvit sunamik inôᴋatingnut, pisiniaruvillônêt inôᴋativit agganginit, terliartigêktuksaungilase;
15Jârit, jârib serriviksab kingorngane unurningit maliklugit, pisiniartuksauvotit, jârillo katersiviksaulârtut unurningit maliklugit aulaivigilârpâtit.
16Jârit unurningit maliklugit niorvgutigijomajat akkitunersautitaksarivat, jârillo ikiningit maliklugit akkikinersautitaksarivat; katersiviolârtut unurningit maliklugit niorvgutigivait ilingnut.
17Terliartigêktuksaungilase, Gûdîlle sivôragijaksarivat; Uvangaugama Nâlegak Gûdise.
18Taimaimat maligaksauᴋojakka piniaraksarivase, idluarijakkalo nâleklugit piniarlugillo; terlikluselo inôjuksauvose nuname.
19Nunablo perutsiane sakᴋilârpait, akᴋeartorluselo nerrilârpose, inôvluselo tagvane terlikluse.
20Oᴋarupselo: Sumik nerrilârᴋitâ jârit seveninganê? Ahâk, karngasoijuksaungilagut katersoijuksaunatalônêt;
21Tagva saimarsainera perᴋojomavara ilipsingnut jârit sixingane, sakᴋêlârporlo perutsianik jârinut pingasunut nâmalârtunik.
22Jârillo 8ingane karngasoilârpose nerriluselo perutsianik torᴋortaumajunik; jârit 9ingat tikidlugo, perutsiangit nutât inerᴋârtinagit, torᴋortausimajut nerrijaksarivase.
23Nunalo aulaijaksaringilase issoᴋangitomut; nuna perᴋutigigapko, ilipselo takorngartauvluselo tujormiogapse uvamne.
24Nunamelo ilûnâne perᴋutigijapsingne angiᴋatigêktuksauvose nuna aulaijak pisiangojuksaungmat.
25ᴋatangutit akludlalerpat, perᴋutimelo ilanga niorvgutigikpago, ilanga ᴋaninerpâk ᴋaijuksauvok ᴋatangutimelo niorvgutigijanga pisiaringmilugo.
26Inuglo ilaᴋangikune pisijungnartomik, nangminerlo akluilinajarune nagvârlunalo pisiniutiksamik nâmaktomik,
27Kititsile jârinik niorvgutigijauninganit, akkigilauktangatalo amiakoa utertiliuk pisilauktomut tâpsominga; taimaglo utertuksauvok perᴋutigisimajaminut.
28Nangminerle pisiaringmilugo saperune, niorvgutigijanga pisilauktûb tâpsominga agganginêtsainartuksauvok jâre serriviksak tikidlugo; jâremelo serriviksarme utertuksauvok, inualo utilârpoᴋ perᴋutigisimajaminut.
29Inublo iglo inigijaksak iglugasaksoarne avaluliorsimajune niorvgutigikpago, pisiarijungnarivâ jâre iluitok niorvgutigijauninganit nâᴋârtinago; jâre iluitok nâvlugo pisiviksakarungnarpoᴋ tâpsominga.
30Pisiarijaulungipalle jâre iluitok nâᴋârtinago, iglo iglugasaksoarnêtok avaluliorsimajune, nangmineriliutijaujuksauvok issoᴋarniangitomik pisilauktomut tâpsominga, kinguvârêngitigut; utertuksaungilak jâreme serriviksaujome.
31Iglulle iglugasangnêtut avaluliorsimangitune nunab perorsêvingititut ilingajuksauvut; pisiarijaungmijungnarput, jâremelo serriviksarme utertuksauvut inugilauktanginut.
32Levitille iglugasaksoangit, iglut iglugasaksoarnêtut tâpkoa perᴋutigijangine, Levitit pisiarijungnarivait ᴋangatuinak.
33Pisijokarpallo Levitinit, iglo niorvgutigijaujok, iglugasaksuillo perᴋutigijangit, utertuksauvut jâreme serriviksarme, iglut Levitit iglugasaksoangine tâpkoa perᴋutigingmagit Israêlib ᴋitorngangita akorngane.
34Perorsêville nerrinasugvit iglugasaksuit avatâne aulaijaujuksaungilat; tâpkoa perᴋutigingmagit soraijuitomik.
35ᴋatangutillo akludlalerpat, aggangillo ajulerpatta ilipsingne, tagva patangaititaksarivat; takorngartartut tujormiojotullo inôjuksauvok akunapsingne.
36Akkituterijutiksamik tapiksamiglônêt tigusiniarnak tâpsomangat; Gûdîlle sivôragiuk; ᴋatangutit inôjungnarᴋovlugo ilingne.
37Tunitjivigijaksaringilat kênaujarnik akkituterinermut, nerᴋiksatillo tuniniarnagit tâpsomunga tapiksakarnermut.
38Uvangauvunga Nâlegak Gûdise, tikiutitilauktise nunamit Egiptenemit, nuna Kanaan tunijomavlugo ilipsingnut, Gûdeojomavlunga ilipsingnut.
39ᴋatangutillo akludlalerpat ilingne, niorvgutiksangortilunalo nangminerminik ilingnut, kipalotut nangminerijaujotut kivgautitaksaringilat;
40Kivgauvlune akkilertaujok tujormiovlunalo ilingnêtuksauvok; kivgartoraksarivâtit jâre serriviksaujok tikidlugo;
41Taipsomanele anijuksauvok ilingnit, tâmna ᴋitorngangillo ilagilugit, utertuksauvorlo ilaminut, atâtagilauktamelo kingormgutijanginut utertuksauvok.
42Tâpkoa kivgarigapkit, tikiutitilauktakka nunamit Egiptenemit; niorvgutaujuksaungilat kipalogijauniarlutik nangminerijaujunik;
43Sôngosârnermut angajoᴋausivigijaksaringilat; Gûdîlle sivôragijaksarivat.
44Kipalogijatit nangminerijatit angutit arnallo pijomajatit pitjutigilugit, taimaitut pisiarijungnarpatit inôᴋatigêksoarnit avatipsingnêtunit.
45Taimâktauk takorngartat ᴋitornganginit tujormiojunit ilipsingne, tâpkoalo ᴋitorngarêngninginit inûlertunit nunapsingne, pisiniarungnarpose, tâpkoalo nangminerilârpase.
46Kingormgutijaksautilârpaselo ᴋitorngapsingnut kingunipsingne, perᴋutauᴋovlugit tâpkonunga; tâpkonangat tigusijuksauvose kipalogijomajapsingnik nangminerijaksanik soraijuitomik; ᴋatangutisele Israêlib ᴋitorngangit sôngosârnermut angajoᴋausivigijaksaringimarikpase.
47Takorngartaujorlo tujormiojorlônêt ilingne akluilinajarune, ᴋatangutîllo aklulinajarune tâpsoma saniane, niorvgutigigunalo nangminerminik takorngartarmut tujormiojomullônêt ilingnêtomut, takorngartablônêt ilangita ilanganut;
48Niorvgutigiᴋârdlune nangminerminik, pisiarijaujungnarivok; ᴋatangutime ilangata pisiarijungnarpâ;
49Akkamelônêt angamelônêt, tâpkoalônêt erningita ilangata pisiarijungnarpâ, ilamelônêt ᴋanitut ilangata pisiarijungnarpâ; akluinajarunelônêt nangminerminik pisiarijungnarpok.
50Pisilauktorlo tâpsominga kititsiᴋatigijaksarivâ jârit kapsiomangâta jâremit aulaivigilauktaminit tâpsomunga jâremut serriviksarmut; pisiarijungnarminingalo akkeᴋartuksauvok jârit unurningit maliklugit; akkiliutiginajartane kivgaugune akkilertaujok maliklugo.
51Jârit sutaijarpatta sulle, tâpkoa unurningit maliklugit utertitsijuksauvok pisiarijaungminime akkinganik kênaujanit akkiliutaulauktunit taipsomane pisiarijaugame.
52Jârille ikitôkpatta sulle jâre serriviksak tikidlugo, kititsiᴋatigijaksarivâ, akkilêvlunalo pisiarijaunime akkinganik.
53Kivgatut akkilertaujotut jâremit jâremut tâpsomanêtuksauvok; tâpsomale sôngosârnermut angajoᴋausivigijaksaringilâ sângne.
54Taimaitulle nalianut pisiarijaungmilungikune, ᴋelarudjârtaujuksauvok jâreme serriviksarme, tâmna ᴋitornganalo ilagilugit.
55Israêlib ᴋitorngangit kivgaungmatta uvamnut; kivgarivakka tikiutitilauktakka nunamit Egiptenemit; Uvangauvunga Nâlegak Gûdise.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.