Leviticus 10
10
1Aroniblo ernîkita, Nadab Abihublo atunit pujortitsivingne tiguvâkik, ikomatatserlugiglo, isserluanerutiksamiglo ilijivuk ᴋânganut, tunerguserlutiglo ikomamik adseungitomik Nâlekab sângane, tâpsomalo perᴋojijutigilaungitanganik tâpkungnunga.
2Ikomalo anivok Nâlekab sânganit tâpkoalo nungulugik, toᴋovuglo Nâlekab sângane.
3Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.
4Mosesiblo Misael Elsafanalo, Usiêlib Aronib akkangata ernîgik, ᴋaiᴋovâk oᴋautilugiglo: Maungaleritik, ᴋatangutîktiglo âlertikik ivsornaitoviub sânganit tupersuit avatânut.
5Tagvungarpuglo âlugiglo atisimavlutik ulîgingnik tupersuit avatânut, sôrlo Mosese oᴋarmat.
6Mosesiblo Aron ernîgiglo, Eleasare Itamarelo, oᴋautivait: Nessairniarase annorâselo aliktorniarasigik, toᴋoᴋonase, ilagêllo ilûnaita ningarvigilugit perᴋonago; ᴋatangutisele Israêlekut ilûnatik ᴋugviorlit ikitaunek Nâlekab ikitavininga pivlugo.
7Anijuksaungilaselo ilagêktut tupingata upkoanganit, toᴋoᴋonase, orksuk Nâlekab mingoarutâ ilipsingnêmat. Piniarpullo Mosesib oᴋausinga maliklugo.
8Nâlekablo Aron oᴋarvigivâ, oᴋarlune:
9Igvillônêt ernitillônêt vainemik imiksamiglônêt tallanartomik imerniarase ilagêktut tupinganut itilerupse, toᴋoᴋonase; perᴋojak tamanna soᴋosijuituksauvok kinguvârêngnipsingnut ilûnainut:
10Adsigêngititsijuksauvoselo ajungitomik ajortomiglo, ivsornartomiglo ivsornaitomiglo;
11Israêliblo ᴋitorngangit ajoᴋertoraksarivase perᴋojanik tamainik Nâlekab oᴋautigijanginik tâpkonunga Mosesekut.
12Mosesiblo Aron ernîgiglo Eleasarelo Itamarelo amiakôjuk oᴋautivait: Tunergutik sanaugak amiakôjok tunergutaujunit Nâlekamut ikomakut tigusiuk nerrilugolo pubjusauteᴋarane tunerguserviub saniane, ivsornaitoksôngmat;
13Ivsornaitovingmelo nerrijaksarivase, igvit ernivillo ilangiusiarigapsiuk tunergutaujunit Nâlekamut ikomakut; taimâk perᴋojaugama.
14Sakiarlo sanervaiᴋitârtitaujok tallerlo issârutaujok nerrijaksarivase ivsornaitovingme, igvit ernivillo pannivillo ilagilutit; tunijaungmatta igvit ernivillo ilangiusiarijaksapsingnik Israêlib ᴋitorngangita tunergutinginit ᴋujaliutiksanit.
15Talleᴋ issârutaujok sakiarlo sanervaiᴋitârtitaujok ᴋaitaksarivait tunnok tunergutiksak ikomakut ilagilugo sanervaiᴋitârtitauᴋattarᴋovlugo tunergutauvlune sanervaiᴋitârtitaujok Nâlekab sângane; igvit ernivillo perᴋutigijaksarivase, ilangiusiaksase soᴋosijuitok; sôrlo Nâlegak perᴋojingmat.
16Mosesiblo katsungaivlune tuktungajok tunergutaujok ajoᴋêrutiksak ᴋenerpâ, ahâglo, ikitaumavok, Eleasarelo Itamarelo Aronib ernîgik amiakôjuk ningarvigivâk, oᴋarlune:
17Suna pivlugo tunergut ajoᴋêrutiksak nerrilungikisiûk ivsornaitovingmê? Ivsornaitoksôdlarmat, ilipsingnullo ilingatilaungmago ilagêt idluituliningit erᴋsugaksarigapsigik, ulapirᴋsarlugillo Nâlekab sângane.
18Ahâk, tâpsoma aunga âtaungilak ivsornaitovingmut; nerrijaksarilauᴋpase, sôrlo perᴋojilaurama.
19Aroniblo Mosese oᴋautivâ: Ahâk, uvlome tunergusilauᴋput tunergutimingnik ajoᴋêrutiksamik tunergutimingniglo ôtaksamik Nâlekab sângane; pijokartullo tamakkoa tikipânga; tunergullo ajoᴋêrutiksak nerrilaurupko uvlome ᴋuvianarajalauᴋâ Nâlekab takkoanê?
20Mosesiblo tamanna tusaramiuk, ᴋuvianarpoᴋ tâpsoma takkoane.
Currently Selected:
Leviticus 10: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Leviticus 10
10
1Aroniblo ernîkita, Nadab Abihublo atunit pujortitsivingne tiguvâkik, ikomatatserlugiglo, isserluanerutiksamiglo ilijivuk ᴋânganut, tunerguserlutiglo ikomamik adseungitomik Nâlekab sângane, tâpsomalo perᴋojijutigilaungitanganik tâpkungnunga.
2Ikomalo anivok Nâlekab sânganit tâpkoalo nungulugik, toᴋovuglo Nâlekab sângane.
3Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.
4Mosesiblo Misael Elsafanalo, Usiêlib Aronib akkangata ernîgik, ᴋaiᴋovâk oᴋautilugiglo: Maungaleritik, ᴋatangutîktiglo âlertikik ivsornaitoviub sânganit tupersuit avatânut.
5Tagvungarpuglo âlugiglo atisimavlutik ulîgingnik tupersuit avatânut, sôrlo Mosese oᴋarmat.
6Mosesiblo Aron ernîgiglo, Eleasare Itamarelo, oᴋautivait: Nessairniarase annorâselo aliktorniarasigik, toᴋoᴋonase, ilagêllo ilûnaita ningarvigilugit perᴋonago; ᴋatangutisele Israêlekut ilûnatik ᴋugviorlit ikitaunek Nâlekab ikitavininga pivlugo.
7Anijuksaungilaselo ilagêktut tupingata upkoanganit, toᴋoᴋonase, orksuk Nâlekab mingoarutâ ilipsingnêmat. Piniarpullo Mosesib oᴋausinga maliklugo.
8Nâlekablo Aron oᴋarvigivâ, oᴋarlune:
9Igvillônêt ernitillônêt vainemik imiksamiglônêt tallanartomik imerniarase ilagêktut tupinganut itilerupse, toᴋoᴋonase; perᴋojak tamanna soᴋosijuituksauvok kinguvârêngnipsingnut ilûnainut:
10Adsigêngititsijuksauvoselo ajungitomik ajortomiglo, ivsornartomiglo ivsornaitomiglo;
11Israêliblo ᴋitorngangit ajoᴋertoraksarivase perᴋojanik tamainik Nâlekab oᴋautigijanginik tâpkonunga Mosesekut.
12Mosesiblo Aron ernîgiglo Eleasarelo Itamarelo amiakôjuk oᴋautivait: Tunergutik sanaugak amiakôjok tunergutaujunit Nâlekamut ikomakut tigusiuk nerrilugolo pubjusauteᴋarane tunerguserviub saniane, ivsornaitoksôngmat;
13Ivsornaitovingmelo nerrijaksarivase, igvit ernivillo ilangiusiarigapsiuk tunergutaujunit Nâlekamut ikomakut; taimâk perᴋojaugama.
14Sakiarlo sanervaiᴋitârtitaujok tallerlo issârutaujok nerrijaksarivase ivsornaitovingme, igvit ernivillo pannivillo ilagilutit; tunijaungmatta igvit ernivillo ilangiusiarijaksapsingnik Israêlib ᴋitorngangita tunergutinginit ᴋujaliutiksanit.
15Talleᴋ issârutaujok sakiarlo sanervaiᴋitârtitaujok ᴋaitaksarivait tunnok tunergutiksak ikomakut ilagilugo sanervaiᴋitârtitauᴋattarᴋovlugo tunergutauvlune sanervaiᴋitârtitaujok Nâlekab sângane; igvit ernivillo perᴋutigijaksarivase, ilangiusiaksase soᴋosijuitok; sôrlo Nâlegak perᴋojingmat.
16Mosesiblo katsungaivlune tuktungajok tunergutaujok ajoᴋêrutiksak ᴋenerpâ, ahâglo, ikitaumavok, Eleasarelo Itamarelo Aronib ernîgik amiakôjuk ningarvigivâk, oᴋarlune:
17Suna pivlugo tunergut ajoᴋêrutiksak nerrilungikisiûk ivsornaitovingmê? Ivsornaitoksôdlarmat, ilipsingnullo ilingatilaungmago ilagêt idluituliningit erᴋsugaksarigapsigik, ulapirᴋsarlugillo Nâlekab sângane.
18Ahâk, tâpsoma aunga âtaungilak ivsornaitovingmut; nerrijaksarilauᴋpase, sôrlo perᴋojilaurama.
19Aroniblo Mosese oᴋautivâ: Ahâk, uvlome tunergusilauᴋput tunergutimingnik ajoᴋêrutiksamik tunergutimingniglo ôtaksamik Nâlekab sângane; pijokartullo tamakkoa tikipânga; tunergullo ajoᴋêrutiksak nerrilaurupko uvlome ᴋuvianarajalauᴋâ Nâlekab takkoanê?
20Mosesiblo tamanna tusaramiuk, ᴋuvianarpoᴋ tâpsoma takkoane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.