Exodus 26
26
Tupek ivsornaitok perᴋutingillo pivlugit.
1Tuperlo sanajaksarivat itsanit tallimaujortunit ᴋablunâktajatsiamit, tungujoktamillo, tungulângajomillo, aupalutsiartomillo; ânanausilugillo kerubingoanut sanajaksarivatit.
2Itsaksak atausek tallertut 28tut takitigijuksauvok, itsaksarlo atausek tallertut sitamatut siliktigijuksauvok; itsallo ilûnnatik adsigêktomik ôktûteᴋartuksauvut.
3Itsat tallimat katitaujuksauvut tuglerêklutik, itsallo asingit tallimat katitaujuksauvut tuglerêklutik.
4Erᴋearviliortuksauvotillo tungujoᴋtamit itsaksab sivorliub siningane katiningata siningane, itsaksablo aipanga taimailioraksarivat siningane, aipaminut katiningata siningane.
5Erᴋearviliortuksauvotit 50nik itsaksamut atautsimut, erᴋearvingniglo 50nik itsaksab aipangata siningane katiningane, erᴋearvît erᴋeakterungnarᴋovlugit.
6Erᴋeaktauteliortuksauvotillo 50nik goldeojunik, itsaksallo katilugit erᴋeaktautinut: tupingorᴋovlugit atausermik.
7Itsaksaliortuksauvotillo tuktungajut merᴋunginit, matuksaurᴋovlugit tupermut: 11nik itsaksaliortuksauvotit.
8Itsaksak atausek tallertut 30tut takitigijuksauvok, itsaksarlo atausek tallertut sitamatut siliktigijuksauvok: Itsaksallo 11 adsigêktomik ôktûteᴋartuksauvut.
9Itsaksallo tallimat katitaksarivatit ingmingnut, itsaksallo 6it ingmingnut, itsaksallo 6ingat tappitarêktitaksarivat tupiub sângane.
10Erᴋearvingniglo 50nik sanajuksauvotit itsaksab sivorliub siningane katiningane, erᴋearvingniglo 50nik itsaksab aipangata siningane.
11Erᴋeaktauteliortuksauvotillo 50nik ᴋaᴋorlermit, erᴋeakterlugillo erᴋearvingnut, tuperlo katilugo atausiorᴋovlugo.
12Tupiublo itsaksangita amiakunga, itsaksab abvanga amiakôjok, nivingajuksauvok tupiub tunuane.
13Tupiublo itsaksangita takiningita amiakungit nivingajuksauvut tupiub sanerâgingne, sanerâne ômane, sanerânelo igluane, matuvlugo.
14Tupiublo mattuksanganik silallermik sanajuksauvotit saukat angusâluit aminginit mingoarsimajunit aupaluktamik, tâpsomalo ᴋânganut silalliksanganik ᴋabvît aminginit.
15Satojaliortuksauvotillo napajuksanik tupermut, ᴋejutsiarsajamit.
16Sâtojak atausek tallertut tallimaujortotut takitigijuksauvok, tallertullo atausertut abvatullo siliktigivlune.
17Sâtojak atausek mangoᴋartuksauvok maggûngnik, Nalleᴋarêktûngnik: tupiub sâtujaksangit ilûnnaita taimailioraksarivatit.
18Sâtojallo âᴋiksoraksarivatit tupermut, sâtojat 20 saneranganut seᴋernganut sângajomut.
19Manguviliortuksauvotillo 40nik silbereojunik sâtojat atânêtuksanik; manguvîk maggûk sâtojab atausiub atâne mangûgingnut maggûngnut, manguvîglo maggûk sâtojab asiata atâne mangûgingnut maggûngnut.
20Tupiublo sanerangata igluanut tachânêtomut sâtojaᴋartuksauvok 20nik.
21Tâpkoalo manguvingit 40 silberemit; manguvîk maggûk alliovlutik sâtojamut atausermut, manguvîglo maggûk alliovlutik sâtojab asianut.
22Tupiublo tukianut kangianêtomut sâtojaliortuksauvotit 6inik.
23Sâtojaliortuksauvotillo maggûngnik tupiub terreᴋunginut iglugêngnut.
24Katitaujuksauvuglo atâgut, katitaujuksauvuglo ᴋolâgut nuklormut atautsimut: tamarmik taimailijuksauvuk; terreᴋuksaujuksauvullo tamangnut.
25Sâtojaᴋartuksauvok 8nik, manguvinginiglo silbereojunik 16nik; manguvîngnik maggûngnik sâtojab atausiub atâne, manguvîngniglo maggûngnik sâtojab assiata atâne.
26Saningajuksaliortuksauvotillo ᴋejutsiarsajamit, tallimanik tupiub sanerangata sâtojanginut.
27Tallimaniglo saningajuksanik tupiub sanerangata igluanut, tallimaniglo saningajuksanik tupiub tukianut kangianêtomut.
28Saningajuksarlo ᴋetterdlek sâtojat ᴋetterᴋangagôrtok ikârtuksauvok isuanit isuanut.
29Sâtojallo ᴋallineᴋartitaksarivatit goldemik, nuklungillo, saningajuksat nuklungit, sanajaksarivatit goldemit; saningajuksallo ᴋallineᴋartilugit goldemik.
30Tuperlo napartitaksarivat ôktûtinga unertutijaujok ilingnut ᴋakᴋame maliklugo.
31Upkoliortuksauvotillo tungujoᴋtamit, tungulângajomillo, aupalutsiartomillo, ᴋâblunâktajatsiamillo; ânanausilugillo kerubingoanut.
32Nivingatitaksarivallo napajunut sitamanut ᴋejutsiarsajamit ᴋallinesimajunik goldemik: Niksingillo goldeojuksauvut, manguvingne sitamane silbereojune.
33Upkolo nivingatitaksarivat erᴋeaktautit atâgut, itertitsijungnarᴋovlutit iklervingmik kigligiutjineᴋtalingmik takamunga upkub ungatânut; upkolo aviksiniarpok ilipsingnut ivsornaitovingmik ivsornainerpâmiglo.
34Iksivaviglo saimarvigijauvik ilijaksarivat iklerviub kigligiutjinektaliub ᴋânganut ivsornainerpâme.
35Sâlo ilijaksarivat upkub silatânut, naneroaᴋaviglo sâb akianut tupiub sanerangane seᴋernganut sângajome: sâlo ilijaksarivat tachânut sângajome.
36Tupiublo upkoaksanganik tâlutaliortuksauvotit tungujoktamit, tungulângajomillo, aupalutsiartomillo, ᴋablunâktajatsiamillo, takominarsauteliorvigivlugolo.
37Tâlutarmullo napajuksaliortuksauvotit tallimanik ᴋejutsiarsajamit, ᴋallineᴋartilugillo goldemik, erᴋeaktautingillo goldeojuksaugivut: kovisijuksauvotillo manguvingnik tallimanik ᴋaᴋorlermit tâpkoa piksanginik.
Currently Selected:
Exodus 26: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Exodus 26
26
Tupek ivsornaitok perᴋutingillo pivlugit.
1Tuperlo sanajaksarivat itsanit tallimaujortunit ᴋablunâktajatsiamit, tungujoktamillo, tungulângajomillo, aupalutsiartomillo; ânanausilugillo kerubingoanut sanajaksarivatit.
2Itsaksak atausek tallertut 28tut takitigijuksauvok, itsaksarlo atausek tallertut sitamatut siliktigijuksauvok; itsallo ilûnnatik adsigêktomik ôktûteᴋartuksauvut.
3Itsat tallimat katitaujuksauvut tuglerêklutik, itsallo asingit tallimat katitaujuksauvut tuglerêklutik.
4Erᴋearviliortuksauvotillo tungujoᴋtamit itsaksab sivorliub siningane katiningata siningane, itsaksablo aipanga taimailioraksarivat siningane, aipaminut katiningata siningane.
5Erᴋearviliortuksauvotit 50nik itsaksamut atautsimut, erᴋearvingniglo 50nik itsaksab aipangata siningane katiningane, erᴋearvît erᴋeakterungnarᴋovlugit.
6Erᴋeaktauteliortuksauvotillo 50nik goldeojunik, itsaksallo katilugit erᴋeaktautinut: tupingorᴋovlugit atausermik.
7Itsaksaliortuksauvotillo tuktungajut merᴋunginit, matuksaurᴋovlugit tupermut: 11nik itsaksaliortuksauvotit.
8Itsaksak atausek tallertut 30tut takitigijuksauvok, itsaksarlo atausek tallertut sitamatut siliktigijuksauvok: Itsaksallo 11 adsigêktomik ôktûteᴋartuksauvut.
9Itsaksallo tallimat katitaksarivatit ingmingnut, itsaksallo 6it ingmingnut, itsaksallo 6ingat tappitarêktitaksarivat tupiub sângane.
10Erᴋearvingniglo 50nik sanajuksauvotit itsaksab sivorliub siningane katiningane, erᴋearvingniglo 50nik itsaksab aipangata siningane.
11Erᴋeaktauteliortuksauvotillo 50nik ᴋaᴋorlermit, erᴋeakterlugillo erᴋearvingnut, tuperlo katilugo atausiorᴋovlugo.
12Tupiublo itsaksangita amiakunga, itsaksab abvanga amiakôjok, nivingajuksauvok tupiub tunuane.
13Tupiublo itsaksangita takiningita amiakungit nivingajuksauvut tupiub sanerâgingne, sanerâne ômane, sanerânelo igluane, matuvlugo.
14Tupiublo mattuksanganik silallermik sanajuksauvotit saukat angusâluit aminginit mingoarsimajunit aupaluktamik, tâpsomalo ᴋânganut silalliksanganik ᴋabvît aminginit.
15Satojaliortuksauvotillo napajuksanik tupermut, ᴋejutsiarsajamit.
16Sâtojak atausek tallertut tallimaujortotut takitigijuksauvok, tallertullo atausertut abvatullo siliktigivlune.
17Sâtojak atausek mangoᴋartuksauvok maggûngnik, Nalleᴋarêktûngnik: tupiub sâtujaksangit ilûnnaita taimailioraksarivatit.
18Sâtojallo âᴋiksoraksarivatit tupermut, sâtojat 20 saneranganut seᴋernganut sângajomut.
19Manguviliortuksauvotillo 40nik silbereojunik sâtojat atânêtuksanik; manguvîk maggûk sâtojab atausiub atâne mangûgingnut maggûngnut, manguvîglo maggûk sâtojab asiata atâne mangûgingnut maggûngnut.
20Tupiublo sanerangata igluanut tachânêtomut sâtojaᴋartuksauvok 20nik.
21Tâpkoalo manguvingit 40 silberemit; manguvîk maggûk alliovlutik sâtojamut atausermut, manguvîglo maggûk alliovlutik sâtojab asianut.
22Tupiublo tukianut kangianêtomut sâtojaliortuksauvotit 6inik.
23Sâtojaliortuksauvotillo maggûngnik tupiub terreᴋunginut iglugêngnut.
24Katitaujuksauvuglo atâgut, katitaujuksauvuglo ᴋolâgut nuklormut atautsimut: tamarmik taimailijuksauvuk; terreᴋuksaujuksauvullo tamangnut.
25Sâtojaᴋartuksauvok 8nik, manguvinginiglo silbereojunik 16nik; manguvîngnik maggûngnik sâtojab atausiub atâne, manguvîngniglo maggûngnik sâtojab assiata atâne.
26Saningajuksaliortuksauvotillo ᴋejutsiarsajamit, tallimanik tupiub sanerangata sâtojanginut.
27Tallimaniglo saningajuksanik tupiub sanerangata igluanut, tallimaniglo saningajuksanik tupiub tukianut kangianêtomut.
28Saningajuksarlo ᴋetterdlek sâtojat ᴋetterᴋangagôrtok ikârtuksauvok isuanit isuanut.
29Sâtojallo ᴋallineᴋartitaksarivatit goldemik, nuklungillo, saningajuksat nuklungit, sanajaksarivatit goldemit; saningajuksallo ᴋallineᴋartilugit goldemik.
30Tuperlo napartitaksarivat ôktûtinga unertutijaujok ilingnut ᴋakᴋame maliklugo.
31Upkoliortuksauvotillo tungujoᴋtamit, tungulângajomillo, aupalutsiartomillo, ᴋâblunâktajatsiamillo; ânanausilugillo kerubingoanut.
32Nivingatitaksarivallo napajunut sitamanut ᴋejutsiarsajamit ᴋallinesimajunik goldemik: Niksingillo goldeojuksauvut, manguvingne sitamane silbereojune.
33Upkolo nivingatitaksarivat erᴋeaktautit atâgut, itertitsijungnarᴋovlutit iklervingmik kigligiutjineᴋtalingmik takamunga upkub ungatânut; upkolo aviksiniarpok ilipsingnut ivsornaitovingmik ivsornainerpâmiglo.
34Iksivaviglo saimarvigijauvik ilijaksarivat iklerviub kigligiutjinektaliub ᴋânganut ivsornainerpâme.
35Sâlo ilijaksarivat upkub silatânut, naneroaᴋaviglo sâb akianut tupiub sanerangane seᴋernganut sângajome: sâlo ilijaksarivat tachânut sângajome.
36Tupiublo upkoaksanganik tâlutaliortuksauvotit tungujoktamit, tungulângajomillo, aupalutsiartomillo, ᴋablunâktajatsiamillo, takominarsauteliorvigivlugolo.
37Tâlutarmullo napajuksaliortuksauvotit tallimanik ᴋejutsiarsajamit, ᴋallineᴋartilugillo goldemik, erᴋeaktautingillo goldeojuksaugivut: kovisijuksauvotillo manguvingnik tallimanik ᴋaᴋorlermit tâpkoa piksanginik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.