Daniel 8
8
1Ataniub Belsazarib atanioningata jâringita pingajuani takotitjut saᴋᴋipoᴋ uvamnut Danielimut, sivorngani uvamnut saᴋᴋitûb kingorngani.
2Takotitjumilo takovunga; takogamalo imailingavoᴋ, igluᴋsoarmêpunga Susami, nunami ingmikôrtomi Elamamik attilingmi; takotitjumilo takovunga, kôblo Ulaimik attiliub sinânêpunga.
3Ijîkkalo arlortipâka takolungalo, ahâglo, kôb nalâni saugaᴋ parngniᴋ maggungnik nakjulik nangipoᴋ; nakjuglo poᴋtovuk; aipâli poᴋtoluarpoᴋ aipaminit, poᴋtonisarlo kingorliovluni nuitavoᴋ.
4Takovunga, saugarlo parngniᴋ paunga, avungalo, aungalo nakjumigarpoᴋ, nigjutillo naliallônêt nangirungnangilaᴋ sângani, piuliklitoᴋarungnangilarlônêt tâpsoma agganginit; issumaminigli piniarpoᴋ, angijorortilunilo nangminiminik.
5kamatilungalo, ahâk, tuktungajoᴋ parngniᴋ allakarpoᴋ kangianit nunab ilûnani ᴋolâni, nunali aktornago, tuktungajorlo nakjuᴋarpoᴋ pirosimatsiartomik ijîgita akorngangni.
6Tikiporlo saugarmut maggungnik nakjulingmut takojamnut kôb nalâni, pangalikvigilugolo pitsartuniminut ilûnânut.
7Takovaralo sauᴋab ᴋanitanganut tikitoᴋ, ômigidlarlugolo saugaᴋ aporpâ nakjûgik tamarmik naplorlugik; saugarlo nukkiᴋangilaᴋ sângani nangiluni, tâpsomali nunamut igipâ tullirajârlugolo; piuliklituksaᴋangilarlo saugarmik tâpsoma agganginit.
8Tuktungajorlo parngniᴋ nitortipoᴋ nangminiminik angijoᴋsoarmik; nukkiᴋaluangotilugolo, nakjuksoaᴋ nakarpoᴋ; tâmnali inangilugo nakjut pirosimatsiartut sitamat nuiliput ᴋilaub anoringit sitamat sângalugit.
9Tâpkoalo ilanganit nakjuk mikijoᴋ nuilipoᴋ, Angijororpâdlarlunilo aungalo taunungalo nunamullo alianartomut.
10Angijororporlo ᴋilaub katimgajoᴋsoangit tikidlugit aglât; katimgajoᴋsuillo ilangit uvloritjallo ilangit nunamut igipait tullirajârlugillo.
11katimgajoᴋsuit nâliganganut aglât angijorortipoᴋ, aᴋsârpâlo tunigutinik nokᴋajuitunik, iningalo ivsornaitovik oggotitauvoᴋ.
12katimgajoᴋsuillo tunijauvut tâpsomunga tunigutit nokᴋajuitut ilaliudlugit, idluinikut; miksiᴋârnilo igipâ nunamut, ᴋuviagijaminiglo piniarpoᴋ pilluangosilunilo.
13Ivsornaitullo ilangat oᴋartoᴋ tusarpara; ivsornaitorlo tâpsoma assia oᴋarpoᴋ tâpsomunga oᴋartomut: Kanoᴋ sivitutigilârᴋâ takotitjut tunigutit noᴋajuitut pivlugit, idluinilo assirosaijoᴋ pivlugo, ivsornaitovik katimgajoᴋsuillo tullirajârtaungmattâ?
14Oᴋautivângalo: Unnut uvlâllo 2,300 nâvlugit; taipsomanilo ivsornaitovik idluarsititaujomârpoᴋ.
15Pivorlo, uvanga Danieli, takotitjut tâmna takogapko, tukkigijanga tukkisinasuarpara; ahâglo, angutitut tautulik nangipoᴋ sâmni.
16Tusarpungalo inûb nippinganik kôb Ulaiib sanirâkita akorngangnit, ᴋaigarsuktomik oᴋartomiglo: “Gabriel, angut una ajoᴋitoruk takotitjutib tukkigijanganik.”
17Nangivingma ᴋanitanganôrpoᴋ tagva; tikingmallo iᴋsilipunga, pâmaklungalo kênara pûlugo; oᴋautivângali, Tukkisilirit, inûb ininga, naggatiksab naliuniksanganut ilingangmat takotitjut tamanna.
18Oᴋausiᴋartilugo uvamnut ᴋaujimangipunga, kênara nunamut pûtilugo; tâpsomali aktorpânga, makitilungalo nangivigilauᴋtamni.
19Oᴋarporlo: Nalonaijaivigijomavagit pijomârtuksanik ningarnirub naggatiksangata tungâni; naggatiksab naliuninganut kajusijutaujomut ilingangmat.
20Saugaᴋ parngniᴋ takojat maggungnik nakjulik, tagva Medenimiut Persiamiullo atanîgik.
21Tuktungajorlo parngniᴋ tagva Griggit ataningat; nakjuglo angijoᴋ ijîkita akorngangnêtoᴋ, tagva ataningat sivorliᴋ.
22Tâmnalo navingmat, sitamat inangêniartilugit tâpsominga, tagva ataniovît sitamat nuiliromârput nunaᴋatigêksoarnit tâpkonangat, ipsomali pitsartuninga piginago.
23Ataniovingitalo naggatiksangita tungâni, idluitulivaliatuinarpatta, ataniᴋ, iᴋsinartomik kênalik, nalonartuniglo tukkisijoᴋ, nikovitsomârpoᴋ.
24Tâpsomalo pitsartuninga sôngodlaromârpoᴋ, pitsartuniminu-ungitorli; tatamnadlartomiglo assiroijomârpoᴋ, pilluangovlunilo nâmagijaminik piniaromârpoᴋ; pitsartujullo assiroromârpait ivsornaitut ilaliudlugit.
25Silatuniminullo pingitsitorniᴋ sulidlartilarpâ; angijorortitsomavorlo nangminiminik ômatimini: unuktullo ilimasungimariktut assiroromârpait; makitaliromârpoᴋ aglât nâlikat Nâliganganut; siᴋomitaujomârporli aggangmu-ungitoᴋ.
26Unnut uvlâllo takotitjutingat tamanna oᴋautigijaujoᴋ miksiᴋârpoᴋ; igville takotitjut ijitoruk, uvlunut ᴋaijomârtunut ilingangmat.
27Uvangalo Danieli ᴋaujimangipunga, uvlullo ᴋapsit nâvlugit ᴋanimavunga; kingornganili makipunga, atanimullo suliangoᴋojaujut suliarivakka; takotitjulli tataminiarutigivara, tamannali malugijaulungilaᴋ kimut.
Currently Selected:
Daniel 8: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Daniel 8
8
1Ataniub Belsazarib atanioningata jâringita pingajuani takotitjut saᴋᴋipoᴋ uvamnut Danielimut, sivorngani uvamnut saᴋᴋitûb kingorngani.
2Takotitjumilo takovunga; takogamalo imailingavoᴋ, igluᴋsoarmêpunga Susami, nunami ingmikôrtomi Elamamik attilingmi; takotitjumilo takovunga, kôblo Ulaimik attiliub sinânêpunga.
3Ijîkkalo arlortipâka takolungalo, ahâglo, kôb nalâni saugaᴋ parngniᴋ maggungnik nakjulik nangipoᴋ; nakjuglo poᴋtovuk; aipâli poᴋtoluarpoᴋ aipaminit, poᴋtonisarlo kingorliovluni nuitavoᴋ.
4Takovunga, saugarlo parngniᴋ paunga, avungalo, aungalo nakjumigarpoᴋ, nigjutillo naliallônêt nangirungnangilaᴋ sângani, piuliklitoᴋarungnangilarlônêt tâpsoma agganginit; issumaminigli piniarpoᴋ, angijorortilunilo nangminiminik.
5kamatilungalo, ahâk, tuktungajoᴋ parngniᴋ allakarpoᴋ kangianit nunab ilûnani ᴋolâni, nunali aktornago, tuktungajorlo nakjuᴋarpoᴋ pirosimatsiartomik ijîgita akorngangni.
6Tikiporlo saugarmut maggungnik nakjulingmut takojamnut kôb nalâni, pangalikvigilugolo pitsartuniminut ilûnânut.
7Takovaralo sauᴋab ᴋanitanganut tikitoᴋ, ômigidlarlugolo saugaᴋ aporpâ nakjûgik tamarmik naplorlugik; saugarlo nukkiᴋangilaᴋ sângani nangiluni, tâpsomali nunamut igipâ tullirajârlugolo; piuliklituksaᴋangilarlo saugarmik tâpsoma agganginit.
8Tuktungajorlo parngniᴋ nitortipoᴋ nangminiminik angijoᴋsoarmik; nukkiᴋaluangotilugolo, nakjuksoaᴋ nakarpoᴋ; tâmnali inangilugo nakjut pirosimatsiartut sitamat nuiliput ᴋilaub anoringit sitamat sângalugit.
9Tâpkoalo ilanganit nakjuk mikijoᴋ nuilipoᴋ, Angijororpâdlarlunilo aungalo taunungalo nunamullo alianartomut.
10Angijororporlo ᴋilaub katimgajoᴋsoangit tikidlugit aglât; katimgajoᴋsuillo ilangit uvloritjallo ilangit nunamut igipait tullirajârlugillo.
11katimgajoᴋsuit nâliganganut aglât angijorortipoᴋ, aᴋsârpâlo tunigutinik nokᴋajuitunik, iningalo ivsornaitovik oggotitauvoᴋ.
12katimgajoᴋsuillo tunijauvut tâpsomunga tunigutit nokᴋajuitut ilaliudlugit, idluinikut; miksiᴋârnilo igipâ nunamut, ᴋuviagijaminiglo piniarpoᴋ pilluangosilunilo.
13Ivsornaitullo ilangat oᴋartoᴋ tusarpara; ivsornaitorlo tâpsoma assia oᴋarpoᴋ tâpsomunga oᴋartomut: Kanoᴋ sivitutigilârᴋâ takotitjut tunigutit noᴋajuitut pivlugit, idluinilo assirosaijoᴋ pivlugo, ivsornaitovik katimgajoᴋsuillo tullirajârtaungmattâ?
14Oᴋautivângalo: Unnut uvlâllo 2,300 nâvlugit; taipsomanilo ivsornaitovik idluarsititaujomârpoᴋ.
15Pivorlo, uvanga Danieli, takotitjut tâmna takogapko, tukkigijanga tukkisinasuarpara; ahâglo, angutitut tautulik nangipoᴋ sâmni.
16Tusarpungalo inûb nippinganik kôb Ulaiib sanirâkita akorngangnit, ᴋaigarsuktomik oᴋartomiglo: “Gabriel, angut una ajoᴋitoruk takotitjutib tukkigijanganik.”
17Nangivingma ᴋanitanganôrpoᴋ tagva; tikingmallo iᴋsilipunga, pâmaklungalo kênara pûlugo; oᴋautivângali, Tukkisilirit, inûb ininga, naggatiksab naliuniksanganut ilingangmat takotitjut tamanna.
18Oᴋausiᴋartilugo uvamnut ᴋaujimangipunga, kênara nunamut pûtilugo; tâpsomali aktorpânga, makitilungalo nangivigilauᴋtamni.
19Oᴋarporlo: Nalonaijaivigijomavagit pijomârtuksanik ningarnirub naggatiksangata tungâni; naggatiksab naliuninganut kajusijutaujomut ilingangmat.
20Saugaᴋ parngniᴋ takojat maggungnik nakjulik, tagva Medenimiut Persiamiullo atanîgik.
21Tuktungajorlo parngniᴋ tagva Griggit ataningat; nakjuglo angijoᴋ ijîkita akorngangnêtoᴋ, tagva ataningat sivorliᴋ.
22Tâmnalo navingmat, sitamat inangêniartilugit tâpsominga, tagva ataniovît sitamat nuiliromârput nunaᴋatigêksoarnit tâpkonangat, ipsomali pitsartuninga piginago.
23Ataniovingitalo naggatiksangita tungâni, idluitulivaliatuinarpatta, ataniᴋ, iᴋsinartomik kênalik, nalonartuniglo tukkisijoᴋ, nikovitsomârpoᴋ.
24Tâpsomalo pitsartuninga sôngodlaromârpoᴋ, pitsartuniminu-ungitorli; tatamnadlartomiglo assiroijomârpoᴋ, pilluangovlunilo nâmagijaminik piniaromârpoᴋ; pitsartujullo assiroromârpait ivsornaitut ilaliudlugit.
25Silatuniminullo pingitsitorniᴋ sulidlartilarpâ; angijorortitsomavorlo nangminiminik ômatimini: unuktullo ilimasungimariktut assiroromârpait; makitaliromârpoᴋ aglât nâlikat Nâliganganut; siᴋomitaujomârporli aggangmu-ungitoᴋ.
26Unnut uvlâllo takotitjutingat tamanna oᴋautigijaujoᴋ miksiᴋârpoᴋ; igville takotitjut ijitoruk, uvlunut ᴋaijomârtunut ilingangmat.
27Uvangalo Danieli ᴋaujimangipunga, uvlullo ᴋapsit nâvlugit ᴋanimavunga; kingornganili makipunga, atanimullo suliangoᴋojaujut suliarivakka; takotitjulli tataminiarutigivara, tamannali malugijaulungilaᴋ kimut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.