Kolosi Yodakale Mede
Yodakale Mede
Kolosi woŋadi yokwet wapum niŋ kwet faki niŋ Esiya wendok gineŋ ikuk. Eŋ Efeso yokwet wapumdi maaŋ undugoŋ kabe-yamaiŋgoŋ uŋgoŋ ikuk. Kayoŋbop Kolosi yokwet wapumneŋ u Pol ne mu tubumintaguk, iŋgoŋ Poldi Efeso yokwet wapumneŋ hali me noli yeniŋkulune kwet faki wendiniŋ maaneŋ Mede Momooŋ yoyo tiyaugiŋ hekidi Koloside maaŋ ugiŋ.
Me nolidi nadisukilitihik tubugiyondane tiiŋ unduŋ nadiŋa Poldi nadisuhik tubukilitiyemdok pepa i kameyemguk. Kameyemuŋa indiŋ yeniŋguk. Kilisto adi nemenemek hogohogok diniŋ mebi. Nihitubulodaaŋ kotigoŋ ninigitdok talik kubugoŋ adi Kilisto hogok, talik nimaaŋgoŋ nemu hatak. Talik noli adi ninigilune Kilisto bikabuŋa kweetniŋ uuŋdok hogok hakiiŋ. Kilisto gineŋgoŋ Bepaŋdi nemenemek hogohogok tubumintaguk, doktiŋa Kilisto’walaŋ kwanai gineŋgoŋ Bepaŋdi nemenemek hogohogok kotigoŋ moŋgotdok nadilak. Kilistodi welenik gineŋ halune indi metam kobuhi hogohogok mintadapmaaŋ Kilisto’walaŋ titiŋŋiŋ u takalidok.
Poldi pepa i youla meyat lufom yembune meyat wendi pepa i tiŋa Koloside ugumuk. Me niŋ e Tikikus, eŋ me noli Onesimas, me yendegoŋ Poldi Filemondok pepa youlimiŋgukneŋ uŋoŋ mede fee hinek youkuk.
Currently Selected:
Kolosi Yodakale Mede: nopNTpo
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. All rights reserved.