Mij c'ajtiben Dios cha'an mi yʌq'ueñetla la' wen ña'tyan chʌ bʌ yes chʌncol bʌ i pijtyañob jini tsa' bʌ pʌjyiyob cha'an i ch'ujbiñob Dios. Yic'ot cha'an mi la' ña'tyan yoque ñuc, yoque c'otyajax jini mu' bʌ i yʌq'uen Dios jini i cha'año' bʌ ya' ti panchan yic'ot. Mij c'ajtiben Dios je'el cha'an mi yʌq'ueñetla la' ña'tyan ñoj ñuc i p'ʌtyʌlel Dios. Mach i sajlic jach an i p'ʌtyʌlel Dios mu' bʌ ti toñel ti lac pusic'al joñon bʌ la chʌncol bʌ lac ch'ujbin. Como jiñʌch ñoj ñuc bʌ i p'ʌtyʌlel Dios tsa' bʌ i pʌsʌ che' ñac ti' tyeche loq'uel Cristo ba'an sajtyemo' bʌ. Ti yʌc'ʌ ti buchtyʌl ya' ti' ñoj Dios ya' ti panchan cha'an tsiquil añʌch i ñuclel Jesús. Ti aq'uenti más ñuc bʌ i p'ʌtyʌlel Jesús che' bajche' i cha'an bʌ pejtyelel yumʌlob wʌ' bʌ añob ti mulawil mi ajtroñelob i cha'an bʌ Dios ya' ti panchan, mi xibajob yic'ot ajtroñelob i cha'an bʌ xiba. Más ñuc Cristo che' bajche' majchical bʌ yumʌlob. Mach jinic jach ti ili ora pero an ñoj ñuc bʌ i p'ʌtyʌlel Cristo ti tyal tyo bʌ ora je'el.
Read EFESIOS 1
Share
Compare All Versions: EFESIOS 1:18-21
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos