1 Pedro 5
5
Ti Panangaywan iti Arban ti Dios
1Agdawatak kadakayo, padak a panglakayen ti iglesia. Maysaak a saksi iti panagsagaba ni Cristo, ken mairamanakto met iti dayag a maiparangarang. Igunamgunamko ngarud kadakayo nga 2aywananyo#Jn. 21:15-17. ti grupo dagiti mamati, ti arban nga inted ti Dios kadakayo, kas iti panangaywan ti maysa a tao iti arban ti karnero. Aywananyo a siaayat ti arban a kas iti kayat ti Dios nga aramidenyo. Saankayo koma a mapilpilit. Agtrabahokayo, saan a gapu iti tangdan, no di ket gapu iti pudno a tarigagay iti panagserbi. 3Diyo adipenen dagiti naitalek kadakayo. Agbalinkayo koma ketdi a pagwadanda. 4Ket inton agparang ti Pangulo a Pastor, awatenyonto ti nadayag a korona a dinto agpukaw ti raniagna.
5Dakayo#Prov. 3:34 (LXX). nga agtutubo, paiturayankayo met kadagiti nataengan. Dakay amin, agtitinnulongkayo kas napakumbaba nga adipen, ta kuna ti Nasantoan a Surat, “Busoren ti Dios dagiti natangsit, ngem paraburanna dagiti napakumbaba.” 6Awatenyo#Mat. 23:12; Luc. 14:11; 18:14. a sipapakumbaba ti mannakabalin nga ima ti Dios tapno itan-oknakay inton dumteng ti tiempona. 7Itaklinyo kenkuana dagiti amin a pakaringgoranyo gapu ta ipatpategnakayo.
8Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna. 9Agtalinaedkayo a natibker iti pammati ket saankay a sumuko kenkuana. Kas ammoyo, saan laeng a dakayo ti agsagsagaba iti kastoy a rigat no di pay ket dagiti kakabsatyo iti pammati iti entero a lubong. 10Ngem kalpasan ti mabiit a panagsagabayo, pagbalinennakayto a naan-anay ti Dios. Wen, ti Dios ti amin a parabur a nangayab kadakayo a makiranud iti agnanayon a dayagna babaen iti pannakikaysayo ken Cristo. Patibkerennakay iti pammati, papigsaenna ti pakinakemyo ken ipasdeknakay iti nalagda a fondasion. 11Sapay koma ta agturay iti agnanayon awan inggana! Amen.
Maudi a Kablaaw
12Insuratko#Ara. 15:22, 40. daytoy babaen iti tulong ni Silvano nga imbilangko a mapagtalkan a kabsat. Sinuratankayo ta kayatko a papigsaen ti pakinakemyo ken paneknekan a daytoy ti pudno a parabur ti Dios. Agtalinaedkayo a natibker iti daytoy.
13Pakomustaannakayo#Ara. 12:12, 25; 13:13; 15:37-39; Col. 4:10; Filem. 24. ti iglesia iti Babilonia#13 BABILONIA: Kas iti libro ti Paltiing, nalabit a mayaplikar iti Roma. a pinili met ti Dios a kas kadakayo. Agpakomusta met ni Marcos nga anakko. 14Agkikinnablaawkay iti nakristianoan nga agek.
Sapay koma ta adda kadakay amin ti talna ken ni Cristo.
Currently Selected:
1 Pedro 5: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
1 Pedro 5
5
Ti Panangaywan iti Arban ti Dios
1Agdawatak kadakayo, padak a panglakayen ti iglesia. Maysaak a saksi iti panagsagaba ni Cristo, ken mairamanakto met iti dayag a maiparangarang. Igunamgunamko ngarud kadakayo nga 2aywananyo#Jn. 21:15-17. ti grupo dagiti mamati, ti arban nga inted ti Dios kadakayo, kas iti panangaywan ti maysa a tao iti arban ti karnero. Aywananyo a siaayat ti arban a kas iti kayat ti Dios nga aramidenyo. Saankayo koma a mapilpilit. Agtrabahokayo, saan a gapu iti tangdan, no di ket gapu iti pudno a tarigagay iti panagserbi. 3Diyo adipenen dagiti naitalek kadakayo. Agbalinkayo koma ketdi a pagwadanda. 4Ket inton agparang ti Pangulo a Pastor, awatenyonto ti nadayag a korona a dinto agpukaw ti raniagna.
5Dakayo#Prov. 3:34 (LXX). nga agtutubo, paiturayankayo met kadagiti nataengan. Dakay amin, agtitinnulongkayo kas napakumbaba nga adipen, ta kuna ti Nasantoan a Surat, “Busoren ti Dios dagiti natangsit, ngem paraburanna dagiti napakumbaba.” 6Awatenyo#Mat. 23:12; Luc. 14:11; 18:14. a sipapakumbaba ti mannakabalin nga ima ti Dios tapno itan-oknakay inton dumteng ti tiempona. 7Itaklinyo kenkuana dagiti amin a pakaringgoranyo gapu ta ipatpategnakayo.
8Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna. 9Agtalinaedkayo a natibker iti pammati ket saankay a sumuko kenkuana. Kas ammoyo, saan laeng a dakayo ti agsagsagaba iti kastoy a rigat no di pay ket dagiti kakabsatyo iti pammati iti entero a lubong. 10Ngem kalpasan ti mabiit a panagsagabayo, pagbalinennakayto a naan-anay ti Dios. Wen, ti Dios ti amin a parabur a nangayab kadakayo a makiranud iti agnanayon a dayagna babaen iti pannakikaysayo ken Cristo. Patibkerennakay iti pammati, papigsaenna ti pakinakemyo ken ipasdeknakay iti nalagda a fondasion. 11Sapay koma ta agturay iti agnanayon awan inggana! Amen.
Maudi a Kablaaw
12Insuratko#Ara. 15:22, 40. daytoy babaen iti tulong ni Silvano nga imbilangko a mapagtalkan a kabsat. Sinuratankayo ta kayatko a papigsaen ti pakinakemyo ken paneknekan a daytoy ti pudno a parabur ti Dios. Agtalinaedkayo a natibker iti daytoy.
13Pakomustaannakayo#Ara. 12:12, 25; 13:13; 15:37-39; Col. 4:10; Filem. 24. ti iglesia iti Babilonia#13 BABILONIA: Kas iti libro ti Paltiing, nalabit a mayaplikar iti Roma. a pinili met ti Dios a kas kadakayo. Agpakomusta met ni Marcos nga anakko. 14Agkikinnablaawkay iti nakristianoan nga agek.
Sapay koma ta adda kadakay amin ti talna ken ni Cristo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society