Romanos Romanosdih jwĩ tʉ́i beh joyát pínah naáwát
Romanosdih jwĩ tʉ́i beh joyát pínah naáwát
¿Déhe tigaá daácniji? Pablo, Dios ã jib bohéát tʉ́ʉtni nin nʉ́odih ãt daacáp wʉt jĩ. Moisés ã wʉtatjidih, Dios naáwátdih naóh yapanit ĩ daacátjidih tʉ́i bohéni ãt jʉmʉp wʉt jĩ. Jesús Dios wʉ̃ʉ́h ã jʉmatdih jwíih jenah joicánjeh, Jesúíhwãdih tʉbit ãt yéej chãj jwʉhʉp wʉt jĩ. (Hch 8) Obohjeéhtih, Jesús caandíh jígohnit, ã tʉ́ʉt nʉʉmʉ́chah, Jesúíh doonádih judío nihcannitdih tʉ́i bohéni ãt jʉmʉp wʉt jĩ. (11.13) Jesúsdih ã jepahat pínah jã́tih Saulo ãt jwíih wʉ̃t jʉmʉp wʉt jĩ. Obohjeéhtih, ã jepahat tʉ́ttimah, Pablo wʉ̃t ãt tʉ́ʉt nʉʉmʉ́p wʉt jĩ. Dawá pebhboó Jesúíhwã poómpnadih Pablo ãt daác wahap wʉt jĩ. Nin nʉ́ona caá ã daacátji: Romanos, 1 Corintios, 2 Corintios, Gálatas, Efesios, Filipenses, Colosenses, 1 Tesalonicenses, 2 Tesalonicenses, 1 Timoteo, 2 Timoteo, Tito, Filemón.
¿Detdih ãt daácji? Roma tʉ́tchidih moón Jesúíhwãdih nin nʉ́odih ãt daacáp wʉt jĩ. Caán tʉ́tchi nihat Romanowã ĩ bíbohni baácnadih moón jwíih jʉmni tʉ́tchi wʉt jĩ.
¿Dedmant, débólih cah, ãt daácji? Dawá jéihnit “Cencrea tʉ́tchi, Corinto tʉ́tchimant Pablo Roma tʉ́tchidih moón Jesúíhwãdih ãt daacáp wʉt jĩ. Jópchi 57 (Jesús ã wʉnat tʉ́ttimah 24 jópchi tʉ́ttimah) Pablo nin nʉ́odih ãt daacáp wʉt jĩ”, ĩ niíj jenah joiná caá.
¿Dedé pínah tigaá ãt daácji? Queét Romanowã judíowã nihcannit, dawá pampnitdih ĩpĩ́ weñep wʉt jĩ. Bitaboó queétdih Jesúíh doonádih jã́tih ĩtát naáwáp wʉt jĩ. Pánihna, ĩ tʉ́ʉt nʉʉmát doonádih joinít, Pablo queétdih ãt daacáp wʉt jĩ. Ded pah Dios ã jʉmatdih, Jesucristo ã jʉmatdih, ded pah yéejat ã jʉmatdih, ded pah Jesús cã́acwãdih ã tʉ́i ʉbatdih, nin nʉ́ojĩh Pablo bʉ́dí ãt bohé daacáp wʉt jĩ.
Romanos ded pah ã jʉmat:
1. Pablo ã daác jwíihat (1.1-15)
2. Dioíh doonádih ded pah jwĩ jenah joyát pínahdih ã bohéát (1.16–11.36)
a. Dios yoobópdih ã jʉmat (1.16-17)
b. Nihat cã́acwã yéejnit ĩ jʉmat (1.18–3.20)
c. Jesucristodih jepahnitdih “Caán Jesúíh tʉ́yat ã bíbohna caá”, Dios ã niíj enat (3.21–5.21) (Justificación)
d. Jesúíhwãdih ã wẽpatdih Dios ã wʉ̃hat, yéej chãjat jenah joyátdih ĩ yap yohat pínah niijná (6.1–8.39) (Santificación)
e. Ded pah Dios judíowãboodíh ã chãjat (9.1–11.36)
3. Jesúíhwã ded pah jwĩ jʉmat pínahdih ã bohéát (12.1–15.13)
4. Pablo ã pée naáwát, ã pée tʉ́yat tʉ́ʉtatbʉt (15.14–16.27)
Currently Selected:
Romanos Romanosdih jwĩ tʉ́i beh joyát pínah naáwát: cbv
Highlight
Share
Copy
Want to have your highlights saved across all your devices? Sign up or sign in
© 2004, 2008, Wycliffe Bible Translators, Inc. All rights reserved.