Apocalipsis Apocalipsisdih jwĩ tʉ́i beh joyát pínah naáwát
Apocalipsisdih jwĩ tʉ́i beh joyát pínah naáwát
¿Déhe tigaá daácniji? Jon jã́tih Jesúíhwã maáta, bʉʉ láabʉt chah jéihnit “Juan, Jesús chah ã oini, ã bohéni, ã naáwát tʉ́ʉtniji nin nʉ́odih ãt daacáp tajĩ”, ĩt niíj naáwáp wʉt jĩ. Caanbʉ́t biíc yoobó ãt daacáp tajĩ. (1.1,4,9; 22.8) Caanjéh mʉntih San Juan, 1 Juan, 2 Juan, 3 Juandihbʉt daácni ãt jʉmʉp wʉt jĩ.
¿Detdih ãt daácji? Jesúíhwãdih Romanowã cãtíh jʉmna, yeejép ĩ yapachah jéihnit, queétdih ãt daác wahap wʉt jĩ.
¿Dedmant, débólih cah, ãt daácji? Juan nemat mʉʉ́boó dée, Patmos wʉ̃t jʉmni quewaboó jʉmnit, nin nʉ́odih ãt daacáp wʉt jĩ. Tʉ́i jéihnit “Romanowã ĩ maáh Domiciano, wʉ̃t jʉmni, dawá Jesúíhwãdih ã mawat tʉ́ʉtʉchah, caán quewadih ĩ yohniji Juan jópchi 95 (Jesús ã wʉnat tʉ́ttimah 62 jópchi tʉ́ttimah) nin nʉ́odih ãt daacáp wʉt jĩ”, ĩ niíj jenah joiná caá.
¿Dedé pínah tigaá ãt daácji? Juandih Tʉ́ini Espíritu ã wẽpat bʉ́dí ã jʉmʉchah, oo jʉ́mat dée pah ã enechah, Jesucristo caandíh ded pah tʉ́ttimah ã yapat pínahdih ãt jʉ́ʉtʉp wʉt jĩ. Páant ã enatjidih Dios ã́ihwãdih ã daác wahat tʉ́ʉtʉchah joinít, nin nʉ́odih ãt daác wahap wʉt jĩ. Caán láa Romanowã Jesúíhwãdih bʉ́dí yeejép ĩt chãjap wʉt jĩ. Pánihna, Jesús nihat yeejépwãdih ã yap yohat pínahdih naóhna, Juan queétdih ãt weñaíhip wʉt jĩ, Jesúsdih ĩ cádahcat pínah niijná.
Apocalipsis ded pah ã jʉmat:
1. Juan ã naóh jwíihat (1.1-8)
2. Siete tʉ́tchina jʉmnit Jesúíhwã ĩ cãtíh Jesús ã ñʉhat (1.9-20)
3. Ã́ihwã siete tʉ́tchina jʉmnitdih Jesús Juandih ã naáwát tʉ́ʉtat (2.1–3.22)
4. Jeáboó Dios ã chʉ́ʉdʉpdih, ã daác pinni quiítdih, Oveja Wʉ̃ʉ́hdihbʉt, Juan ã enat (4.1–5.14)
5. Pinni quiítdih Dios siete ã néeh tewatjidih Oveja Wʉ̃ʉ́h ã watat (6.1–8.1)
6. Siete póojat nahnadih ángelwã ĩ póojochah, Dios cã́acwãdih ã peéh chãjat (8.2–11.19)
7. Bita ded pah ĩ yapat (12.1–14.20)
a. Yad wili, Maí Dʉʉnibʉt (12.1-18)
b. Bʉ́dí mʉjmant aáb jʉ̃óhni Namo, baác diítmant jʉ̃óhni Namobʉt (13.1-18)
c. Oveja Wʉ̃ʉ́h, 144 mil ã ñíonitbʉt (14.1-5)
d. Biíc peihcannit ángelwã ĩ naóh jéenaat, Dios ã́ihwãdih ã ñíwatbʉt (14.6-20)
8. Siete pamapna diítboó ã jʉmatdih ángelwã pʉoh jéenanachah, Dios cã́acwãdih ã peéh chãjat (15.1–16.21)
9. Babilonia, yeejép chãjat tʉ́ʉtnihdih Dios ã yoh beedáát (17.1–19.5)
10. Oveja Wʉ̃ʉ́h téihya chéona, ã nʉmah jeémát (19.6-10)
11. Jesús ã jwʉ́ʉb dei jʉ̃óhnit, Namowãdih ã yap yohat (19.11-21)
12. Ã dei jʉ̃ʉ́wát tʉ́ttimah mil jópchi ã́ihwãjeéh ã maáh jʉmat (20.1-6)
13. Cristo nemépwã ĩ maáhdih ã yap yohat (20.7-10)
14. Dios caandíh jepahcannitdih ã peéh chãjat (20.11-15)
15. Jáap jeá, jáap baác, jáap Jerusalénbʉt (21.1–22.5)
16. Juan ã pée naáwát (22.6-21)
Currently Selected:
Apocalipsis Apocalipsisdih jwĩ tʉ́i beh joyát pínah naáwát: cbv
Highlight
Share
Copy
Want to have your highlights saved across all your devices? Sign up or sign in
© 2004, 2008, Wycliffe Bible Translators, Inc. All rights reserved.