FILIPENSES 3
3
Ñi'ya̱ nu chañi ca cha' ca ti̱ qui'ya nu ntsu'u ji'na cuentya ji'i̱ ycui' Ndyosi
1Cu'ma̱ tya'a ngusñi na cha' ji'i̱ Jesús, juani cua nti' tsa na' cha' ca chaa ti' ma̱ xqui'ya ycui' nu Xu'na na. Ná ndu'ni cha' 'na, masi tya chaca quiya' chcui' na' la cui' tya'a cha' nu nguscua na' tya clyo; ná tyiquee' xtyucua na' xi ji'i̱ ma̱, si chcui' na' chaca quiya'. 2Tii ti ti' ma̱, cui'ya tso'o ma̱ cuentya ji'i̱ nu ngu' cuxi bi', cha' ñi'ya̱ ndu'ni xne' taja, jua'a̱ ndyu'ni ngu' bi'. Xqui'ya cha' cusu' nu jlya tsa ti' ngu' bi' ji'i̱, bi' cha' ndatsaa ngu' ji'i̱ xa' ñati̱ cha' xi'yu ngu' quiji̱ ngu', masi sca cña nu cua'ni ñu'u̱ ji'i̱ ngu' laca; si'i sca cha' tso'o laca bi'. 3Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱. 4Lo'o na', jlya tsa ti' na' ji'i̱ nu cha' cusu' bi'. Tya tsubi' la ni, ná njyacua xa' la ñati̱ 'na, lye la ndaquiya' na' lcaa cha' cusu' nu ntsu'u ji'i̱ ngu' judío tya'a ya. 5Cua snu' ti tsa̱ ntsu'u na' lo'o ngusi'yu ngu' quiji̱ na' cha' ngulacua̱ ngu' 'na; ngu' judío laca na' tya lo'o ngula na', tañi ngu' hebreo laca tañi na'. Jua'a̱ la cui' tya'a ñati̱ ji'i̱ ngu' Benjamín ngua ngu' cusu' 'na. Ngu' fariseo laca na', bi' cha' ndaquiya' tsa na' lcaa ca cña nu ntsu'u cha' cua'ni ya cuentya ji'i̱ cha' cusu' ji'i̱ ngu' judío; 6cha' jlya tsa ti' na' ji'i̱ nu cha' cusu' bi', bi' cha' nguxcube' tsa na' ji'i̱ lcaa ñati̱ nu ngusñi cha' ji'i̱ Jesucristo, lya' tsa ti' na' ji'i̱ ngu' bi'. Lo'o jua'a̱ ná ntsu'u qui'ya 'na lo'o ngu' judío cuentya ji'i̱ cha' cusu' bi', cha' cua ndaquiya' tsa na' lcaa nu cha' cusu' bi'; tya sa'ni cua ngua lubii cresiya jna', si chañi cha' caca tso'o cresiya ji'na cuentya ji'i̱ ycui' Ndyosi jua'a̱ ti. 7Sa'ni la ngua ti' na' cha' tso'o tsa ñati̱ laca na' xqui'ya cha' cusu' bi', pana juani nga'aa nclyacua ti' na' ji'i̱ cha' bi' xqui'ya Cristo. 8Lo'o jua'a̱, masi tucuna' na' lcaa cha' nu ndiya tsa ti' na' nde chalyuu, ná cube ti' na'; tlyu la tsiya' ti laca cha' tso'o nu cua ngujui 'na juani, laja lo'o ndyuloo na' ji'i̱ Jesucristo nu Xu'na na'. Xqui'ya Cristo, bi' cha' cua nguxtyanu na' ji'i̱ lcaa cha' cusu' bi'; nga'aa tso'o cha' cusu' bi' tsiya' ti, nti' na', hasta xcua̱a̱ na' ji'i̱, nti' na'. Tsa bi' ti cha' nti' na', cha' xñi tso'o na' cha' ji'i̱ Cristo, 9cha' stu'ba ti tyu'u tyiquee na' lo'o Ni. Ná ngüityi̱ ycui' Ndyosi qui'ya 'na nu lo'o ndaquiya' tsa na' ji'i̱ nu cha' cusu' bi'; laca cha' cua ngüityi̱ ycui' Ni qui'ya 'na lo'o jlya ti ti' na' ji'i̱ cña nu ngua'ni Cristo, tsa bi' ti cha'. Bi' cha' ngua'ni Ni cha' caca tso'o cresiya jna'. 10Lo'o juani ni, tsa bi' ti cha' nti' na', cha' tyuloo lyiji na' ji'i̱ Cristo, cha' ca tii na' cha' tya ndyu'ni ycui' Ndyosi cña lo'o na' lo'o la cui' tya'a juersa nu cua ntsu'u ji'i̱ Ni lo'o ngua'ni Ni cha' ndyu'ú Jesús chaca quiya'. Ná ndu'ni cha' masi jua'a̱ chcube' na' ñi'ya̱ nu cua nchcube' ycui' Jesús, masi chcuna' chalyuu 'na tsiya' ti ñi'ya̱ lo'o cua ngujuii ycui' Cristo lo crusi. 11Lo'o juani ndu̱ ti' na' cha' caja chaca chalyuu 'na tiya' la, sca chalyuu nu ná nga'a̱ cha' tye, masi cua ngujuii na'.
Cua'ni cña ti' na cha' jyacua na ji'i̱ cha' tlyu nu caja ji'na nde loo la
12Ná nacui̱ na' cha' cua ndye ngua tso'o cresiya jna' cuentya ji'i̱ ycui' Ndyosi sca ti quiya', lo'o juani nga'aa ntsu'u qui'ya 'na; ná ni na' jua'a̱. Na cua laca nacui̱ Jesucristo cha' laca na' ñati̱ ji'i̱ ycui' Ni, bi' cha' lye tsa ndyu'ni cña ti' na' cha' ca tso'o lyiji cresiya 'na. 13Cu'ma̱ ngu' tya'a ngusñi na cha' ji'i̱ Cristo, cua jlo ti' na' cha' tya lyiji caca jua'a̱ lo'o na'. Tsa bi' ti cha' ndulo tsa cuentya 'na, cha' cua'ni yala na' juani cha' jyacua na' ji'i̱ cha' tlyu nu cua lijya̱ nde loo la, cha' ca tso'o lyiji cresiya 'na lo'o ycui' Ndyosi, masi nga'aa tyi'u ti' na' lcaa ña'a̱ cha' nu ngua 'na nu ngua tya sa'ni la. 14Bi' cha' lacua, liñi tyucui̱i̱ nxñi na' cha' jyacua na' ji'i̱ nu cha' tlyu bi', cha' bi' laca nu cua ngua'ni cho'o ycui' Ndyosi cuentya ji'na ca su ntucua ycui' Ni. Taca caja cha' bi' ji'na ca li', xqui'ya cha' cua ngua stu'ba cha' ji'na lo'o Jesucristo.
15Tso'o tsa si la cui' jua'a̱ culacua ti' ca ta'a na nu cua ngusñi tso'o na cha' ji'i̱ Jesús; ycui' Ndyosi laca nu culu'u liñi la ji'i̱ ma̱ li', si ntsu'u ngu' tya'a ma̱ nu nclyacua ti' xi xa' la cha'. 16Tso'o lacua, tya cua'ni la na la cui' tya'a cha', ñi'ya̱ nu ngua cuayá' tso'o ti' na tya clyo.
17Cu'ma̱ ngu' tya'a ngusñi na cha' ji'i̱ Jesús, tso'o si cua'ni ma̱ tsa ña'a̱ cha' nu cua na'a̱ ma̱ 'na cha' ndu'ni na'. La cui' jua'a̱ cui'ya tso'o ma̱ cuentya ñi'ya̱ nu ndyu'ni xa' la ngu' tya'a na, nu ndu'ni ñi'ya̱ nu ndu'ni ti cuare, cha' jua'a̱ cua'ni ma̱. 18Cua tyu̱u̱ tsa quiya' cua nda ya la cui' cha' re lo'o cu'ma̱, lo'o juani chcui' na' chaca quiya' lo'o ma̱, masi xñi'i̱ tsa ti' na' chcui' na' ndi'ya̱: Ntsu'u tsa ngu' tya'a cusu̱u̱ Cristo, masi cua ngujuii yu lo crusi cuentya ji'i̱ ngu'; tya'a cusu̱u̱ Cristo laca ngu' bi', cha' ntsu'u tsa cha' cuxi nu ndu'ni ngu' lcaa se'i̱ su ndya'a̱ ngu'. 19Nga'a̱ cha' tyaa ngu' bi' ca chalyuu talya nu lo'o cajaa ngu', xqui'ya cha' sca ndyosi cuiñi ntsu'u ji'i̱ ngu' bi'; cua ña'a̱ ca na nu ndacui tsa ti' ngu' ji'i̱ cha' caja ji'i̱ ngu' nde chalyuu, bi' laca ndyosi ji'i̱ ngu' bi'. Lo'o jua'a̱ tyixi tsa ndu'ni ngu' lo'o tya'a ngu', masi nga'a̱ cha' ca tyuju'u tsa ti' ngu'; xcui' ntsu'u tyiquee ngu' ji'i̱ cua ña'a̱ ca na nu ntsu'u nde chalyuu. 20Pana nu na ni, ca su ntucua ycui' Ndyosi tsiya' ti, ca ndacua ntsu'u quichi̱ tyi na nu chañi ca. Lo'o juani chaa tsa ti' na ntajatya na ji'i̱ Jesucristo nu Xu'na na, ni jacua' tyu'u Ni nde cua̱ su ntsu'u quichi̱ nu ca tyi na, cha' ca̱qui'ya Ni ji'na nde chalyuu, cha' cua'ni lyaá lyiji Ni ji'na. 21Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.
Currently Selected:
FILIPENSES 3: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
FILIPENSES 3
3
Ñi'ya̱ nu chañi ca cha' ca ti̱ qui'ya nu ntsu'u ji'na cuentya ji'i̱ ycui' Ndyosi
1Cu'ma̱ tya'a ngusñi na cha' ji'i̱ Jesús, juani cua nti' tsa na' cha' ca chaa ti' ma̱ xqui'ya ycui' nu Xu'na na. Ná ndu'ni cha' 'na, masi tya chaca quiya' chcui' na' la cui' tya'a cha' nu nguscua na' tya clyo; ná tyiquee' xtyucua na' xi ji'i̱ ma̱, si chcui' na' chaca quiya'. 2Tii ti ti' ma̱, cui'ya tso'o ma̱ cuentya ji'i̱ nu ngu' cuxi bi', cha' ñi'ya̱ ndu'ni xne' taja, jua'a̱ ndyu'ni ngu' bi'. Xqui'ya cha' cusu' nu jlya tsa ti' ngu' bi' ji'i̱, bi' cha' ndatsaa ngu' ji'i̱ xa' ñati̱ cha' xi'yu ngu' quiji̱ ngu', masi sca cña nu cua'ni ñu'u̱ ji'i̱ ngu' laca; si'i sca cha' tso'o laca bi'. 3Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱. 4Lo'o na', jlya tsa ti' na' ji'i̱ nu cha' cusu' bi'. Tya tsubi' la ni, ná njyacua xa' la ñati̱ 'na, lye la ndaquiya' na' lcaa cha' cusu' nu ntsu'u ji'i̱ ngu' judío tya'a ya. 5Cua snu' ti tsa̱ ntsu'u na' lo'o ngusi'yu ngu' quiji̱ na' cha' ngulacua̱ ngu' 'na; ngu' judío laca na' tya lo'o ngula na', tañi ngu' hebreo laca tañi na'. Jua'a̱ la cui' tya'a ñati̱ ji'i̱ ngu' Benjamín ngua ngu' cusu' 'na. Ngu' fariseo laca na', bi' cha' ndaquiya' tsa na' lcaa ca cña nu ntsu'u cha' cua'ni ya cuentya ji'i̱ cha' cusu' ji'i̱ ngu' judío; 6cha' jlya tsa ti' na' ji'i̱ nu cha' cusu' bi', bi' cha' nguxcube' tsa na' ji'i̱ lcaa ñati̱ nu ngusñi cha' ji'i̱ Jesucristo, lya' tsa ti' na' ji'i̱ ngu' bi'. Lo'o jua'a̱ ná ntsu'u qui'ya 'na lo'o ngu' judío cuentya ji'i̱ cha' cusu' bi', cha' cua ndaquiya' tsa na' lcaa nu cha' cusu' bi'; tya sa'ni cua ngua lubii cresiya jna', si chañi cha' caca tso'o cresiya ji'na cuentya ji'i̱ ycui' Ndyosi jua'a̱ ti. 7Sa'ni la ngua ti' na' cha' tso'o tsa ñati̱ laca na' xqui'ya cha' cusu' bi', pana juani nga'aa nclyacua ti' na' ji'i̱ cha' bi' xqui'ya Cristo. 8Lo'o jua'a̱, masi tucuna' na' lcaa cha' nu ndiya tsa ti' na' nde chalyuu, ná cube ti' na'; tlyu la tsiya' ti laca cha' tso'o nu cua ngujui 'na juani, laja lo'o ndyuloo na' ji'i̱ Jesucristo nu Xu'na na'. Xqui'ya Cristo, bi' cha' cua nguxtyanu na' ji'i̱ lcaa cha' cusu' bi'; nga'aa tso'o cha' cusu' bi' tsiya' ti, nti' na', hasta xcua̱a̱ na' ji'i̱, nti' na'. Tsa bi' ti cha' nti' na', cha' xñi tso'o na' cha' ji'i̱ Cristo, 9cha' stu'ba ti tyu'u tyiquee na' lo'o Ni. Ná ngüityi̱ ycui' Ndyosi qui'ya 'na nu lo'o ndaquiya' tsa na' ji'i̱ nu cha' cusu' bi'; laca cha' cua ngüityi̱ ycui' Ni qui'ya 'na lo'o jlya ti ti' na' ji'i̱ cña nu ngua'ni Cristo, tsa bi' ti cha'. Bi' cha' ngua'ni Ni cha' caca tso'o cresiya jna'. 10Lo'o juani ni, tsa bi' ti cha' nti' na', cha' tyuloo lyiji na' ji'i̱ Cristo, cha' ca tii na' cha' tya ndyu'ni ycui' Ndyosi cña lo'o na' lo'o la cui' tya'a juersa nu cua ntsu'u ji'i̱ Ni lo'o ngua'ni Ni cha' ndyu'ú Jesús chaca quiya'. Ná ndu'ni cha' masi jua'a̱ chcube' na' ñi'ya̱ nu cua nchcube' ycui' Jesús, masi chcuna' chalyuu 'na tsiya' ti ñi'ya̱ lo'o cua ngujuii ycui' Cristo lo crusi. 11Lo'o juani ndu̱ ti' na' cha' caja chaca chalyuu 'na tiya' la, sca chalyuu nu ná nga'a̱ cha' tye, masi cua ngujuii na'.
Cua'ni cña ti' na cha' jyacua na ji'i̱ cha' tlyu nu caja ji'na nde loo la
12Ná nacui̱ na' cha' cua ndye ngua tso'o cresiya jna' cuentya ji'i̱ ycui' Ndyosi sca ti quiya', lo'o juani nga'aa ntsu'u qui'ya 'na; ná ni na' jua'a̱. Na cua laca nacui̱ Jesucristo cha' laca na' ñati̱ ji'i̱ ycui' Ni, bi' cha' lye tsa ndyu'ni cña ti' na' cha' ca tso'o lyiji cresiya 'na. 13Cu'ma̱ ngu' tya'a ngusñi na cha' ji'i̱ Cristo, cua jlo ti' na' cha' tya lyiji caca jua'a̱ lo'o na'. Tsa bi' ti cha' ndulo tsa cuentya 'na, cha' cua'ni yala na' juani cha' jyacua na' ji'i̱ cha' tlyu nu cua lijya̱ nde loo la, cha' ca tso'o lyiji cresiya 'na lo'o ycui' Ndyosi, masi nga'aa tyi'u ti' na' lcaa ña'a̱ cha' nu ngua 'na nu ngua tya sa'ni la. 14Bi' cha' lacua, liñi tyucui̱i̱ nxñi na' cha' jyacua na' ji'i̱ nu cha' tlyu bi', cha' bi' laca nu cua ngua'ni cho'o ycui' Ndyosi cuentya ji'na ca su ntucua ycui' Ni. Taca caja cha' bi' ji'na ca li', xqui'ya cha' cua ngua stu'ba cha' ji'na lo'o Jesucristo.
15Tso'o tsa si la cui' jua'a̱ culacua ti' ca ta'a na nu cua ngusñi tso'o na cha' ji'i̱ Jesús; ycui' Ndyosi laca nu culu'u liñi la ji'i̱ ma̱ li', si ntsu'u ngu' tya'a ma̱ nu nclyacua ti' xi xa' la cha'. 16Tso'o lacua, tya cua'ni la na la cui' tya'a cha', ñi'ya̱ nu ngua cuayá' tso'o ti' na tya clyo.
17Cu'ma̱ ngu' tya'a ngusñi na cha' ji'i̱ Jesús, tso'o si cua'ni ma̱ tsa ña'a̱ cha' nu cua na'a̱ ma̱ 'na cha' ndu'ni na'. La cui' jua'a̱ cui'ya tso'o ma̱ cuentya ñi'ya̱ nu ndyu'ni xa' la ngu' tya'a na, nu ndu'ni ñi'ya̱ nu ndu'ni ti cuare, cha' jua'a̱ cua'ni ma̱. 18Cua tyu̱u̱ tsa quiya' cua nda ya la cui' cha' re lo'o cu'ma̱, lo'o juani chcui' na' chaca quiya' lo'o ma̱, masi xñi'i̱ tsa ti' na' chcui' na' ndi'ya̱: Ntsu'u tsa ngu' tya'a cusu̱u̱ Cristo, masi cua ngujuii yu lo crusi cuentya ji'i̱ ngu'; tya'a cusu̱u̱ Cristo laca ngu' bi', cha' ntsu'u tsa cha' cuxi nu ndu'ni ngu' lcaa se'i̱ su ndya'a̱ ngu'. 19Nga'a̱ cha' tyaa ngu' bi' ca chalyuu talya nu lo'o cajaa ngu', xqui'ya cha' sca ndyosi cuiñi ntsu'u ji'i̱ ngu' bi'; cua ña'a̱ ca na nu ndacui tsa ti' ngu' ji'i̱ cha' caja ji'i̱ ngu' nde chalyuu, bi' laca ndyosi ji'i̱ ngu' bi'. Lo'o jua'a̱ tyixi tsa ndu'ni ngu' lo'o tya'a ngu', masi nga'a̱ cha' ca tyuju'u tsa ti' ngu'; xcui' ntsu'u tyiquee ngu' ji'i̱ cua ña'a̱ ca na nu ntsu'u nde chalyuu. 20Pana nu na ni, ca su ntucua ycui' Ndyosi tsiya' ti, ca ndacua ntsu'u quichi̱ tyi na nu chañi ca. Lo'o juani chaa tsa ti' na ntajatya na ji'i̱ Jesucristo nu Xu'na na, ni jacua' tyu'u Ni nde cua̱ su ntsu'u quichi̱ nu ca tyi na, cha' ca̱qui'ya Ni ji'na nde chalyuu, cha' cua'ni lyaá lyiji Ni ji'na. 21Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.