SAN LUCAS 3
3
Nda Juan cui̱i̱ lo'o ngu' ne' quixi̱' su ná ndi'i̱ ñati̱
1Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'. 2La cui' tyempo bi' laca Anás lo'o Caifás xu'na sti jo'ó. Li' nda ycui' Ndyosi cha' lo'o Juan sñi' Zacarías ca su ndya'a̱ yu ne' quixi̱', 3bi' cha' ndu'u Juan ndya'a̱ yu nde nati̱' tyucui ña'a̱ to' sta'a̱ Jordán bi'; nchcui' tsa Juan lo'o lcaa ñati̱ nu ndyu'u ti'i̱ slo yu, cha' ca tyuju'u ti' ngu' ji'i̱ qui'ya nu ntsu'u ji'i̱ ngu', cha' xtyanu ngu' lcaa cha' cuxi bi'. Li' ntyucuatya Juan ji'i̱ ngu' bi'. Jua'a̱ cui'ya ycui' Ndyosi cha' clyu ti' ji'i̱ ngu' bi' li', nacui̱ Juan. 4Laca cha' bi', ñi'ya̱ laca cha' nu nguscua jyo'o cusu' Isaías nu nda cha' ji'i̱ ycui' Ndyosi lo'o ñati̱ cua sa'ni la. Ndi'ya̱ nchcui' quityi bi':
Cui̱i̱ ndañi nxi'ya sca ñati̱ ne' quixi̱':
“Xaala clya ma̱ sca tyucui̱i̱ su ca̱a̱ ycui' nu Xu'na na”, nacui̱ nu nxi'ya bi'.
“Xquiñi tso'o ma̱ tyucui̱i̱ su tyeje tacui ycui'.
5Cua'ni cha'á̱ ma̱ lcaa laja cua'a̱,
jua'a̱ cuityi̱ ma̱ lcaa ca'ya, lcaa cuati̱ yuu;
cua'ni liñi ma̱ lcaa su nxtyi'i̱ tyucui̱i̱,
jua'a̱ cua'ni stu'ba tso'o ma̱ tyucui ña'a̱ tyucui̱i̱”, nacui̱.
6“Cua ngulala ti cha' ña'a̱ ngu' tyucui ña'a̱ chalyuu, cha' taca cua'ni lyaá ycui' Ndyosi ji'i̱ ñati̱.”
Jua'a̱ nguscua jyo'o Isaías lo quityi bi'.
7Quiña'a̱ ñati̱ ndyalaa su ndu̱ Juan cha' tyucuatya ngu'. Li' nchcui' Juan lo'o ngu' quiña'a̱ bi':
―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' xcube' ycui' Ndyosi ji'i̱ ma̱ lo'o tye chalyuu? ―nacui̱―. 8Tso'o lacua, culu'u ma̱ ji'i̱ ya si chañi cha' cua ngulochu̱' ma̱ cha' cuxi nu ntsu'u ji'i̱ ma̱; ná ñacui̱ ma̱ cha' sñi' ycui' Ndyosi laca ma̱, xqui'ya cha' ndyu'u ma̱ ji'i̱ jyo'o Abraham. Cha' liñi ta na' lo'o ma̱ ―nacui̱ Juan―, cha' taca ji'i̱ ycui' Ndyosi subi Ni ji'i̱ xa' la ñati̱ nu caca sñi' Abraham ñi'ya̱ laca na juani, masi nti' ma̱ cha' na ple ti nu xa' la ñati̱ bi', masi nti' ma̱ cha' ñi'ya̱ laca quee re, jua'a̱ ti laca ngu' ―nacui̱ Juan ji'i̱ ngu'―. 9Ñi'ya̱ ndu̱ sca ñati̱ lo'o hacha ji'i̱ cha' clyaja lo yaca si'yu ji'i̱ yu, jua'a̱ nti' ycui' Ndyosi. Si'yu yu bi' lcaa yaca nu ná nda si'yu tso'o, cha' tyaqui̱ yaca bi' lo quii'; jua'a̱ xcube' Ni ji'i̱ ñati̱ nu ná ntaja'a̱ xtyanu cha' cuxi nu ntsu'u ji'i̱.
10Lo'o ndye ndyuna ngu' cha' bi', li' ndacha' ngu' ji'i̱ Juan bi':
―¿Ni cña cua'ni ya lacua?
11Li' ngulu'u Juan ji'i̱ ngu':
―Nde laca cña nu cua'ni ma̱ ―nacui̱ Juan―. Si ntsu'u tucua tya'a camxa ji'i̱ sca ma̱, ta ma̱ tsaca ji'i̱ sca ñati̱ ti'i nu ná ntsu'u ji'i̱ tsiya' ti; si ntsu'u na cacu ma̱, li' sa'be ma̱ xi cha' ta ma̱ xi cacu ñati̱ nu ná ntsu'u tsiya' ti ji'i̱ ―nacui̱ Juan ji'i̱ ngu'.
12Lo'o jua'a̱ ya̱a̱ xi ngu' cuxi nu nxñi cñi cña loo ngu' cuentya ji'i̱ ngu' xa' tsu', ya̱a̱ ngu' cha' tyucuatya Juan ji'i̱ ngu'. Li' nchcuane ngu' bi' ji'i̱ Juan:
―¿Ñi'ya̱ cña cua'ni ya, mstru? ―nacui̱ ngu' bi' ji'i̱ Juan.
13―Ná tyeje tacui cuayá' cha' culo ma̱ cñi cña loo ngu' ―nacui̱ Juan ji'i̱ ngu' bi'.
14Lo'o xi ngu' sendaru ndyalaa cha' cacha' ji'i̱ Juan li':
―Jua'a̱ cuare, ¿ñi'ya̱ cña cua'ni ya? ―nacui̱ sendaru bi'.
―Nga'aa xlyaá ma̱ na nu ntsu'u ji'i̱ ñati̱, ni nga'aa xcutsi̱i̱ ma̱ ji'i̱ ngu'; nga'aa sta ma̱ qui'ya laja ti ji'i̱ ngu', cha' caja cha' bi' ji'i̱ ma̱. Lo'o jua'a̱, nga'aa ñacui̱ ma̱ cha' xti ti caya' ndyiji ji'i̱ ma̱ ―nacui̱ Juan ji'i̱ ngu' sendaru bi'.
15Nclyacua tsa ti' ngu' su ndi'i̱ ti ngu', cha' ngua ti' ngu' cha' Juan laca nu Cristo nu cua ca̱a̱ ti chalyuu. 16Li' nchcui' Juan lo'o lcaa ngu' nu ndi'i̱ bi':
―Lo'o hitya ti ntyucuatya na' ji'i̱ ma̱ ―nacui̱ Juan―, pana cua ca̱a̱ ti chaca ñati̱ slo cu'ma̱ nu nchca la ji'i̱ que na'. Lo'o na' cua'ni tlyu na' ji'i̱ ñati̱ bi'. Tso'o tsa cña ngujui 'na nti' na', masi caña ntsu'u quiya' ñati̱ bi' sati̱' na' juata. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti, pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu', nu lo'o tyucuatya yu ji'i̱ ngu'. Lo'o li' cua'ni lubii Ni ji'i̱ ngu' bi' lo'o xee ji'i̱ Ni, cha' jua'a̱ caca tso'o tyiquee ngu' ―nacui̱―. 17Ñi'ya̱ ndu'ni xu'na ltya, jua'a̱ cua'ni Ni; ñi'ya̱ ndyu'u co'o yu ji'i̱ nscua' pana ndaqui̱ yu cualya' lo'o nguti, jua'a̱ sa'be tya'a Ni ji'i̱ ñati̱. Li' su'ba Ni ji'i̱ ñati̱ cuxi cha' tyaqui̱ ngu' lo quii' nu nga'aa ca tyubi'.
18Jua'a̱ quiña'a̱ tsa cui̱i̱ nda Juan lo'o ñati̱, nu lo'o nchcui' yu lo'o ngu' ñi'ya̱ laca cha' tso'o nu caca ji'i̱ Jesús. 19Lo'o li' ngusta Juan qui'ya ji'i̱ gobernador Herodes cha' nguaana ycui' nu cusu' bi' ji'i̱ Herodías clyo'o tya'a yu nu naa Felipe. Lo'o jua'a̱ tya ntsu'u la xa' cha' cuxi nu ngua'ni nu cusu' Herodes bi'. 20Pana ná ndaquiya' Herodes bi' ji'i̱ cha' nu nchcui' Juan lo'o, masi cuxi la ngua'ni yu, cha' ngusu'ba yu ji'i̱ Juan ne' chcua̱.
Ntyucuatya Juan ji'i̱ Jesús
21Nu lo'o tya lyiji tsaa Juan bi' ne' chcua̱, tya ndu̱ yu to' sta'a̱ ntyucuatya yu ji'i̱ quiña'a̱ tsa ñati̱, li' ndyalaa Jesús slo cha' tyucuatya Juan ji'i̱. Laja lo'o ntyucuatya yu ji'i̱ Jesús, li' nchcui' Jesús lo'o ycui' Ndyosi; ndyaala tyucui̱i̱ ca nde cua̱ li'. 22Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱:
―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.
Jyo'o cusu' ji'i̱ Jesucristo
23Calaa tyii yija̱ cua ntsu'u Jesús lo'o nguxana ndyu'ni yu cña ji'i̱ ycui' Ndyosi Sti yu. Ngua ti' ngu' cha' José ngua sti yu,
lo'o sti José bi' ngua jyo'o Elí;
24lo'o sti Elí bi' ngua jyo'o Matat;
Leví ngua naa sti Matat bi';
Melqui ngua naa sti Leví bi';
Jana ngua naa sti Melqui bi';
lo'o chaca José ngua sti Jana bi';
25Matatías ngua naa sti José bi';
Amós ngua naa sti Matatías bi';
Nahum ngua naa sti Amós bi';
Esli ngua naa sti Nahum bi';
Nagai ngua naa sti Esli bi';
26Maat ngua naa sti Nagai bi';
lo'o chaca nu naa Matatías ngua sti Maat bi';
Semei ngua naa sti Matatías bi';
lo'o chaca nu naa José ngua sti Semei bi';
sñi' Judá ngua nu José bi';
27Joana ngua naa sti Judá bi';
Resa ngua naa sti Joana bi';
Zorobabel ngua naa sti Resa bi';
Salatiel ngua naa sti Zorobabel bi';
Neri ngua naa sti Salatiel bi';
28lo'o chaca nu naa Melqui ngua sti Neri bi';
Adi ngua naa sti Melqui bi';
Cosam ngua naa sti Adi bi';
Elmodam ngua naa sti Cosam bi';
Er ngua naa sti Elmodam bi';
29Josué ngua naa sti Er bi';
Eliezer ngua naa sti Josué bi';
Jorim ngua naa sti Eliezer bi';
lo'o chaca Matat ngua sti Jorim bi';
30lo'o chaca nu naa Leví ngua sti Matat bi';
Simeón ngua naa sti Leví bi';
lo'o chaca nu naa Judá ngua sti Simeón bi';
lo'o chaca nu naa José ngua sti Judá bi';
Jonán ngua naa sti José bi';
Eliaquim ngua naa sti Jonán bi';
31Melea ngua naa sti Eliaquim bi';
Mainán ngua naa sti Melea bi';
Matata ngua naa sti Mainán bi';
Natán ngua naa sti Matata bi';
32David ngua naa sti Natán bi';
Isaí ngua naa sti David bi';
Obed ngua naa sti Isaí bi';
Booz ngua naa sti Obed bi';
Salmón ngua naa sti Booz bi';
Naasón ngua naa sti Salmón bi';
33Aminadab ngua naa sti Naasón bi';
Aram ngua naa sti Aminadab bi';
Esrom ngua naa sti Aram bi';
Fares ngua naa sti Esrom bi';
lo'o chaca nu naa Judá ngua sti Fares bi';
34Jacob ngua naa sti Judá bi';
Isaac ngua naa sti Jacob bi';
Abraham ngua naa sti Isaac bi';
lo'o nu naa Taré ngua sti Abraham bi';
Nacor ngua naa sti Taré bi';
35Serug ngua naa sti Nacor bi';
Ragau ngua naa sti Serug bi';
Peleg ngua naa sti Ragau bi';
Heber ngua naa sti Peleg bi';
Sala ngua naa sti Heber bi';
36Cainán ngua naa sti Sala bi';
Arfaxad ngua naa sti Cainán bi';
Sem ngua naa sti Arfaxad bi';
Noé ngua naa sti Sem bi';
Lamec ngua naa sti Noé bi';
37Matusalén ngua naa sti Lamec bi';
Enoc ngua naa sti Matusalén bi';
Jared ngua naa sti Enoc bi';
Mahalaleel ngua naa sti Jared bi';
lo'o chaca nu naa Cainán ngua sti Mahalaleel bi';
38Enós ngua naa sti Cainán bi';
Set ngua naa sti Enós bi';
Adán ngua naa sti Set bi';
lo'o liñi la ñacui̱ na cha' ycui' Ndyosi laca sti jyo'o Adán bi', cha' ycui' Ni laca nu cua ngüiñá ji'i̱ nu Adán bi'.
Lcaa ngu' nu nscua xtañi lo quityi re ni, ngua ngu' jyo'o cusu' ji'i̱ Jesucristo nde chalyuu.
Currently Selected:
SAN LUCAS 3: cta
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
SAN LUCAS 3
3
Nda Juan cui̱i̱ lo'o ngu' ne' quixi̱' su ná ndi'i̱ ñati̱
1Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'. 2La cui' tyempo bi' laca Anás lo'o Caifás xu'na sti jo'ó. Li' nda ycui' Ndyosi cha' lo'o Juan sñi' Zacarías ca su ndya'a̱ yu ne' quixi̱', 3bi' cha' ndu'u Juan ndya'a̱ yu nde nati̱' tyucui ña'a̱ to' sta'a̱ Jordán bi'; nchcui' tsa Juan lo'o lcaa ñati̱ nu ndyu'u ti'i̱ slo yu, cha' ca tyuju'u ti' ngu' ji'i̱ qui'ya nu ntsu'u ji'i̱ ngu', cha' xtyanu ngu' lcaa cha' cuxi bi'. Li' ntyucuatya Juan ji'i̱ ngu' bi'. Jua'a̱ cui'ya ycui' Ndyosi cha' clyu ti' ji'i̱ ngu' bi' li', nacui̱ Juan. 4Laca cha' bi', ñi'ya̱ laca cha' nu nguscua jyo'o cusu' Isaías nu nda cha' ji'i̱ ycui' Ndyosi lo'o ñati̱ cua sa'ni la. Ndi'ya̱ nchcui' quityi bi':
Cui̱i̱ ndañi nxi'ya sca ñati̱ ne' quixi̱':
“Xaala clya ma̱ sca tyucui̱i̱ su ca̱a̱ ycui' nu Xu'na na”, nacui̱ nu nxi'ya bi'.
“Xquiñi tso'o ma̱ tyucui̱i̱ su tyeje tacui ycui'.
5Cua'ni cha'á̱ ma̱ lcaa laja cua'a̱,
jua'a̱ cuityi̱ ma̱ lcaa ca'ya, lcaa cuati̱ yuu;
cua'ni liñi ma̱ lcaa su nxtyi'i̱ tyucui̱i̱,
jua'a̱ cua'ni stu'ba tso'o ma̱ tyucui ña'a̱ tyucui̱i̱”, nacui̱.
6“Cua ngulala ti cha' ña'a̱ ngu' tyucui ña'a̱ chalyuu, cha' taca cua'ni lyaá ycui' Ndyosi ji'i̱ ñati̱.”
Jua'a̱ nguscua jyo'o Isaías lo quityi bi'.
7Quiña'a̱ ñati̱ ndyalaa su ndu̱ Juan cha' tyucuatya ngu'. Li' nchcui' Juan lo'o ngu' quiña'a̱ bi':
―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' xcube' ycui' Ndyosi ji'i̱ ma̱ lo'o tye chalyuu? ―nacui̱―. 8Tso'o lacua, culu'u ma̱ ji'i̱ ya si chañi cha' cua ngulochu̱' ma̱ cha' cuxi nu ntsu'u ji'i̱ ma̱; ná ñacui̱ ma̱ cha' sñi' ycui' Ndyosi laca ma̱, xqui'ya cha' ndyu'u ma̱ ji'i̱ jyo'o Abraham. Cha' liñi ta na' lo'o ma̱ ―nacui̱ Juan―, cha' taca ji'i̱ ycui' Ndyosi subi Ni ji'i̱ xa' la ñati̱ nu caca sñi' Abraham ñi'ya̱ laca na juani, masi nti' ma̱ cha' na ple ti nu xa' la ñati̱ bi', masi nti' ma̱ cha' ñi'ya̱ laca quee re, jua'a̱ ti laca ngu' ―nacui̱ Juan ji'i̱ ngu'―. 9Ñi'ya̱ ndu̱ sca ñati̱ lo'o hacha ji'i̱ cha' clyaja lo yaca si'yu ji'i̱ yu, jua'a̱ nti' ycui' Ndyosi. Si'yu yu bi' lcaa yaca nu ná nda si'yu tso'o, cha' tyaqui̱ yaca bi' lo quii'; jua'a̱ xcube' Ni ji'i̱ ñati̱ nu ná ntaja'a̱ xtyanu cha' cuxi nu ntsu'u ji'i̱.
10Lo'o ndye ndyuna ngu' cha' bi', li' ndacha' ngu' ji'i̱ Juan bi':
―¿Ni cña cua'ni ya lacua?
11Li' ngulu'u Juan ji'i̱ ngu':
―Nde laca cña nu cua'ni ma̱ ―nacui̱ Juan―. Si ntsu'u tucua tya'a camxa ji'i̱ sca ma̱, ta ma̱ tsaca ji'i̱ sca ñati̱ ti'i nu ná ntsu'u ji'i̱ tsiya' ti; si ntsu'u na cacu ma̱, li' sa'be ma̱ xi cha' ta ma̱ xi cacu ñati̱ nu ná ntsu'u tsiya' ti ji'i̱ ―nacui̱ Juan ji'i̱ ngu'.
12Lo'o jua'a̱ ya̱a̱ xi ngu' cuxi nu nxñi cñi cña loo ngu' cuentya ji'i̱ ngu' xa' tsu', ya̱a̱ ngu' cha' tyucuatya Juan ji'i̱ ngu'. Li' nchcuane ngu' bi' ji'i̱ Juan:
―¿Ñi'ya̱ cña cua'ni ya, mstru? ―nacui̱ ngu' bi' ji'i̱ Juan.
13―Ná tyeje tacui cuayá' cha' culo ma̱ cñi cña loo ngu' ―nacui̱ Juan ji'i̱ ngu' bi'.
14Lo'o xi ngu' sendaru ndyalaa cha' cacha' ji'i̱ Juan li':
―Jua'a̱ cuare, ¿ñi'ya̱ cña cua'ni ya? ―nacui̱ sendaru bi'.
―Nga'aa xlyaá ma̱ na nu ntsu'u ji'i̱ ñati̱, ni nga'aa xcutsi̱i̱ ma̱ ji'i̱ ngu'; nga'aa sta ma̱ qui'ya laja ti ji'i̱ ngu', cha' caja cha' bi' ji'i̱ ma̱. Lo'o jua'a̱, nga'aa ñacui̱ ma̱ cha' xti ti caya' ndyiji ji'i̱ ma̱ ―nacui̱ Juan ji'i̱ ngu' sendaru bi'.
15Nclyacua tsa ti' ngu' su ndi'i̱ ti ngu', cha' ngua ti' ngu' cha' Juan laca nu Cristo nu cua ca̱a̱ ti chalyuu. 16Li' nchcui' Juan lo'o lcaa ngu' nu ndi'i̱ bi':
―Lo'o hitya ti ntyucuatya na' ji'i̱ ma̱ ―nacui̱ Juan―, pana cua ca̱a̱ ti chaca ñati̱ slo cu'ma̱ nu nchca la ji'i̱ que na'. Lo'o na' cua'ni tlyu na' ji'i̱ ñati̱ bi'. Tso'o tsa cña ngujui 'na nti' na', masi caña ntsu'u quiya' ñati̱ bi' sati̱' na' juata. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti, pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu', nu lo'o tyucuatya yu ji'i̱ ngu'. Lo'o li' cua'ni lubii Ni ji'i̱ ngu' bi' lo'o xee ji'i̱ Ni, cha' jua'a̱ caca tso'o tyiquee ngu' ―nacui̱―. 17Ñi'ya̱ ndu'ni xu'na ltya, jua'a̱ cua'ni Ni; ñi'ya̱ ndyu'u co'o yu ji'i̱ nscua' pana ndaqui̱ yu cualya' lo'o nguti, jua'a̱ sa'be tya'a Ni ji'i̱ ñati̱. Li' su'ba Ni ji'i̱ ñati̱ cuxi cha' tyaqui̱ ngu' lo quii' nu nga'aa ca tyubi'.
18Jua'a̱ quiña'a̱ tsa cui̱i̱ nda Juan lo'o ñati̱, nu lo'o nchcui' yu lo'o ngu' ñi'ya̱ laca cha' tso'o nu caca ji'i̱ Jesús. 19Lo'o li' ngusta Juan qui'ya ji'i̱ gobernador Herodes cha' nguaana ycui' nu cusu' bi' ji'i̱ Herodías clyo'o tya'a yu nu naa Felipe. Lo'o jua'a̱ tya ntsu'u la xa' cha' cuxi nu ngua'ni nu cusu' Herodes bi'. 20Pana ná ndaquiya' Herodes bi' ji'i̱ cha' nu nchcui' Juan lo'o, masi cuxi la ngua'ni yu, cha' ngusu'ba yu ji'i̱ Juan ne' chcua̱.
Ntyucuatya Juan ji'i̱ Jesús
21Nu lo'o tya lyiji tsaa Juan bi' ne' chcua̱, tya ndu̱ yu to' sta'a̱ ntyucuatya yu ji'i̱ quiña'a̱ tsa ñati̱, li' ndyalaa Jesús slo cha' tyucuatya Juan ji'i̱. Laja lo'o ntyucuatya yu ji'i̱ Jesús, li' nchcui' Jesús lo'o ycui' Ndyosi; ndyaala tyucui̱i̱ ca nde cua̱ li'. 22Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱:
―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.
Jyo'o cusu' ji'i̱ Jesucristo
23Calaa tyii yija̱ cua ntsu'u Jesús lo'o nguxana ndyu'ni yu cña ji'i̱ ycui' Ndyosi Sti yu. Ngua ti' ngu' cha' José ngua sti yu,
lo'o sti José bi' ngua jyo'o Elí;
24lo'o sti Elí bi' ngua jyo'o Matat;
Leví ngua naa sti Matat bi';
Melqui ngua naa sti Leví bi';
Jana ngua naa sti Melqui bi';
lo'o chaca José ngua sti Jana bi';
25Matatías ngua naa sti José bi';
Amós ngua naa sti Matatías bi';
Nahum ngua naa sti Amós bi';
Esli ngua naa sti Nahum bi';
Nagai ngua naa sti Esli bi';
26Maat ngua naa sti Nagai bi';
lo'o chaca nu naa Matatías ngua sti Maat bi';
Semei ngua naa sti Matatías bi';
lo'o chaca nu naa José ngua sti Semei bi';
sñi' Judá ngua nu José bi';
27Joana ngua naa sti Judá bi';
Resa ngua naa sti Joana bi';
Zorobabel ngua naa sti Resa bi';
Salatiel ngua naa sti Zorobabel bi';
Neri ngua naa sti Salatiel bi';
28lo'o chaca nu naa Melqui ngua sti Neri bi';
Adi ngua naa sti Melqui bi';
Cosam ngua naa sti Adi bi';
Elmodam ngua naa sti Cosam bi';
Er ngua naa sti Elmodam bi';
29Josué ngua naa sti Er bi';
Eliezer ngua naa sti Josué bi';
Jorim ngua naa sti Eliezer bi';
lo'o chaca Matat ngua sti Jorim bi';
30lo'o chaca nu naa Leví ngua sti Matat bi';
Simeón ngua naa sti Leví bi';
lo'o chaca nu naa Judá ngua sti Simeón bi';
lo'o chaca nu naa José ngua sti Judá bi';
Jonán ngua naa sti José bi';
Eliaquim ngua naa sti Jonán bi';
31Melea ngua naa sti Eliaquim bi';
Mainán ngua naa sti Melea bi';
Matata ngua naa sti Mainán bi';
Natán ngua naa sti Matata bi';
32David ngua naa sti Natán bi';
Isaí ngua naa sti David bi';
Obed ngua naa sti Isaí bi';
Booz ngua naa sti Obed bi';
Salmón ngua naa sti Booz bi';
Naasón ngua naa sti Salmón bi';
33Aminadab ngua naa sti Naasón bi';
Aram ngua naa sti Aminadab bi';
Esrom ngua naa sti Aram bi';
Fares ngua naa sti Esrom bi';
lo'o chaca nu naa Judá ngua sti Fares bi';
34Jacob ngua naa sti Judá bi';
Isaac ngua naa sti Jacob bi';
Abraham ngua naa sti Isaac bi';
lo'o nu naa Taré ngua sti Abraham bi';
Nacor ngua naa sti Taré bi';
35Serug ngua naa sti Nacor bi';
Ragau ngua naa sti Serug bi';
Peleg ngua naa sti Ragau bi';
Heber ngua naa sti Peleg bi';
Sala ngua naa sti Heber bi';
36Cainán ngua naa sti Sala bi';
Arfaxad ngua naa sti Cainán bi';
Sem ngua naa sti Arfaxad bi';
Noé ngua naa sti Sem bi';
Lamec ngua naa sti Noé bi';
37Matusalén ngua naa sti Lamec bi';
Enoc ngua naa sti Matusalén bi';
Jared ngua naa sti Enoc bi';
Mahalaleel ngua naa sti Jared bi';
lo'o chaca nu naa Cainán ngua sti Mahalaleel bi';
38Enós ngua naa sti Cainán bi';
Set ngua naa sti Enós bi';
Adán ngua naa sti Set bi';
lo'o liñi la ñacui̱ na cha' ycui' Ndyosi laca sti jyo'o Adán bi', cha' ycui' Ni laca nu cua ngüiñá ji'i̱ nu Adán bi'.
Lcaa ngu' nu nscua xtañi lo quityi re ni, ngua ngu' jyo'o cusu' ji'i̱ Jesucristo nde chalyuu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.