Salmos 98
98
1Le gul-la chee̱ Xránadxu tu da cube lawe' da nune̱' da ca'
da dxebánedxu.
Ne̱ chee̱ xel-la' wal-la chee̱', ne xel-la' waca lá'azxa chee̱'
ba bdinne̱'.
2Ba nuzén Xránadxu ca dxune̱' dxuselé̱' bénneache.
Ba bzenne̱' bénneache xe̱zr la xu ca' ca naca da xrlátaje chee̱'.
3Ba nune̱' ca da guche̱be lazre̱' chee̱ benne' Israel ca'
ca naca xel-la' li lazre' chee̱', ne xel-la' nazrí'i zren chee̱'.
Bénneache du gabí'i xe̱zr la xu ba belelé'ene̱' ca naca da be̱n
Dios chee̱dxu.
4Le gul-la lu xel-la' dxebé lau Xránadxu, le'e zrale du gabí'i
xe̱zr la xu.
Le güe lá'ana Le̱' nen da gúl-lale, ne lu xel-la' dxebé chee̱le
le cuezre xa'a.
5Le gul-la da güe lá'anale Xránadxu.
Le gul-la nen da con zríadi'i na du ca' da quínnele.
6Le gucuezre luzu da ca' dxulucuezre̱', ne da dxutíl-lale ca',
ne le cuezre xa'a lu xel-la' dxebé lau Xránadxu,
Wenná Bea chee̱dxu.
7Le gun schaga nísadau', ne bea ca' zrale na'.
Le gul-la, le'e, xe̱zr la xu, ne le'e zrale na'.
8Le capa na'le, le'e xe̱gu ca'.
Le gul-la lu xel-la' dxebé, le'e, xi'a ca', lau Xránadxu
9lawe' da xide̱' xedajnná bé'ene̱' xe̱zr la xu nigá.
Nna bé'ene̱' benne' zaj zre̱'e̱ du gabí'i xe̱zr la xu lu da xrlátaje,
ne bénneache dute̱ xe̱zr la xu lu da naca li lazre'.
Currently Selected:
Salmos 98: zat
Highlight
Share
Compare
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
