Salmos 60
60
1Dios, Lue' ba bzu' netu' chalá'ala, ne be̱nu' xeajcházentu'.
Bzrá'ale̱'e̱nu' netu'.
Na'a bedá gácale̱nu' netu'.
2Be̱nu' guzrú' xe̱zr la xu, ne be̱nu' bxalaj na.
Bexún na naga bxalaj na lawe' da dxebía xi na.
3Be̱nu' blé'entu' netu', benne' chiu', da naca sté̱bele̱'e̱.
Be̱nu' guca chee̱ntu' ca güé'entu' tu da be̱n na xeajcházentu'.
4Bnézruju' tu da dxulé'e lau chee̱ benne' dxelezrebe̱' Lue',
Da xeluxre̱' chee̱ gulé'e lau da naca li.
5Chee̱ xelelá benne' ca' nazrí'iqueznu' Lue',
bsel-la le̱' dute̱ xel-la' waca chiu', ne bene chia'.
6Dios gunné̱' lu lataj lá'azxa chee̱': “Wabéquezda' neda'.
Gunna' late weaj chee̱le xe̱zr la xu chee̱ benne' Siquem,
ne gudxixra' chee̱le xe̱zr la xu de̱ cuita xe̱gu Sucot.
7Chia' naca xe̱zr la xu Galaad, ne chia' naca xe̱zr la xu
chee̱ zri'ine zre sua Manasés.
Xe̱zr la xu chee̱ zri'ine zre sua Efraín naca na ca
tu da napa chi'i na xíchaja'.
Xe̱zr la xu chee̱ zri'ine zre sua Judá naca na naga dxenná be'a.
8Xe̱zr la xu chee̱ benne' Moab naca na ca tu
zriga' da xuzru nisa guná'a,
na' xe̱zr la xu chee̱ benne' Edom guchichan' nen zrela'.
Si'a ba neza xe̱zr la xu chee̱ benne' Filistea.”
9¿Nuzra che̱' neda' chee̱ guzétaja' xe̱zre da naxechaj na
ze'e sibe?
¿Nuzra che̱' neda' chee̱ guzétaja' benne' Edom ca'?
10¿Quegá Lue' na' che̱'u neda', Dios, nacu' Bénnea'
bzue' netu' chalá'ala,
ne quebe guxeájle̱nu' benne' chee̱ntu' ca', benne' dxjaque'
wedil-la?
11Gúcale̱ netu' chee̱ séquentu' tíl-lale̱ntu' benne' ca'
dxeledíl-lale̱ne̱' netu',
lawe' da naca dácheze xelácale̱ bénneache netu'.
12Tu zren nen Dios gundxu tu da zrente̱,
na' Le̱' gulague̱' benne' ca' dxeledíl-lale̱ne̱' dxi'u.
Currently Selected:
Salmos 60: zat
Highlight
Share
Compare
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
