Salmos 110
110
1Xránadxu Dios guzre̱' Xrana': “Gudxé'e chalá'a xabe̱la chia'
cadxa zrin zra guna' ga benne' ca' dxeledábague̱' lue'
xuluzúa zribe̱' lau'.”
2Naga zu' Sión, gun Xránadxu zriluj xel-la' dxenná bea chiu'.
Dxenné̱': “Gunná be'e benne' ca' dxeledábague̱' lue'.
3Lu zra gate tíl-lale̱nu' benne' ca' dxeledábague̱' lue',
du lázrequeze benne' chiu' ca' chjaque̱' wedil-la.
Ca dxun xrle̱'e̱la chee̱ bálala, dxacu na xi'a lá'azxa,
caníqueze xelaca benne' cuide' chiu' ca',
xelelé̱'e̱ naga zu' xelácale̱ne' lue'.”
4Guche̱be lazre' Xránadxu, ne quebe gunítie̱' xrtizre̱',
gunné̱': “Chadía chacanna nacu' bxruze ca guca bxruze
Melquisedec.”
5Zua Xránadxu chalá'a xabe̱la chiu'.
Gate zre̱'e̱, na' guzría xi'e̱ benne' wenná bea ca'.
6Guchi'e̱ chee̱ benne' dute̱ xe̱zr la xu, na' gutie̱' zánete̱
benne' xe̱zr la xu ca'.
Guzría xi'e̱ benne' dxelenná be'e̱ dute̱ xe̱zr la xu.
7Xi'aj benne' wenná bea nigá nisa xé̱gudu zua na dxu'a neza,
na' xexape̱' xel-la' wal-la chee̱'.
Currently Selected:
Salmos 110: zat
Highlight
Share
Compare
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
