Songs 122
122
Aloha Jerusalem Town
Song fo sing wen you go up to da Temple Fo God, one David kine song
1My frenz wen tell me,
“Eh, we go da Temple
Fo Da One In Charge!”
Dat make me stay good inside.
2An now, us guys stay stan
Inside da town gates!
Awesome, Jerusalem town!
3Da peopo wen build Jerusalem town,
Fo da whole place come
All togedda real good.
4Dass da place wea all oua ohanas go,
Da ones dat get Da One In Charge
Fo dea boss.
Dass da Rule from God
Bout how us guys gotta go Jerusalem,
Fo tell good tings
Bout Da One In Charge.
We do dis cuz we know
Wat kine god him!
5Dass da place wea da king guys sit
On top dea thrones fo judge da peopo.
Dass da king guys from da David ohana.
6Tell God fo make eryting go good
Fo da Jerusalem peopo.
Tell dem,
“I like fo da one
Dat get love an aloha fo you guys
Live so no mo worries.
7I like eryting go good
Fo da peopo inside yoa town walls
I like fo da peopo inside yoa palaces
No need worry bout notting!”
8Cuz I love my ohana guys an frenz
Dat live Jerusalem,
I tell, “I like eryting come good
Fo all you Jerusalem peopo.”
9Cuz I love da Temple
Fo Da One In Charge, Oua God,
I pray dat good tings happen
Fo all you guys.
Currently Selected:
Songs 122: HPB
Highlight
Copy
Compare
Share
Want to have your highlights saved across all your devices? Sign up or sign in
©2020 Hawaii Pidgin Bible Ministries
hawaiipidginbible.org
Learn More About Hawaii Pidgin BibleSongs 122
122
Aloha Jerusalem Town
Song fo sing wen you go up to da Temple Fo God, one David kine song
1My frenz wen tell me,
“Eh, we go da Temple
Fo Da One In Charge!”
Dat make me stay good inside.
2An now, us guys stay stan
Inside da town gates!
Awesome, Jerusalem town!
3Da peopo wen build Jerusalem town,
Fo da whole place come
All togedda real good.
4Dass da place wea all oua ohanas go,
Da ones dat get Da One In Charge
Fo dea boss.
Dass da Rule from God
Bout how us guys gotta go Jerusalem,
Fo tell good tings
Bout Da One In Charge.
We do dis cuz we know
Wat kine god him!
5Dass da place wea da king guys sit
On top dea thrones fo judge da peopo.
Dass da king guys from da David ohana.
6Tell God fo make eryting go good
Fo da Jerusalem peopo.
Tell dem,
“I like fo da one
Dat get love an aloha fo you guys
Live so no mo worries.
7I like eryting go good
Fo da peopo inside yoa town walls
I like fo da peopo inside yoa palaces
No need worry bout notting!”
8Cuz I love my ohana guys an frenz
Dat live Jerusalem,
I tell, “I like eryting come good
Fo all you Jerusalem peopo.”
9Cuz I love da Temple
Fo Da One In Charge, Oua God,
I pray dat good tings happen
Fo all you guys.
©2020 Hawaii Pidgin Bible Ministries
hawaiipidginbible.org
Learn More About Hawaii Pidgin Bible