SALMOS 90
90
1X̱anto' Dios, to chi'ize nakkzo' Le' to gan že' cháwe'to'.
2Ža ni'te kate' bi na' gono' ya'a ẕen ka', na' bi na' soa yežlyó nga,
ža ni'te, na' zejte ža se ḻawte ža nakkzo' Le' Dios.
3Žono' ga žeyakgak benne' ka' da' gókgake',
kate' ži'o ḻégake': “Le yeyák bix̱te yo.”
4Chio' Le' to mil yiz
zej naken ka neje, žan' da' ba wdén,
na' ka to chí'ido'ze gachje yele.
5Ka' gaze ẕkwaso' benne' ka' ka žon to nis wbá'a.
Zej nake' ka to bichgale dan' ẕnnitlen kate' žebanžo.
6Zej nake' ka to yeje yix̱e' da' žaljen zildo',
na' kate' ẕḻa' wbíž, na' ẕbižen.
7Ẕbia yi'to' dan' ẕžo'o neto'.
Že' zedlto' dan' ẕžá'ḻi'o neto'.
8Ẕḻe'elo' yógo'te da' bi nak chawe' da' žonto'.
Ẕḻoe'elo' ḻaw ẕia da' nbága'to'.
9Ẕzacho'o yiz cheto' dan' ẕžo'o neto'.
Žeyožgak yiz cheto' ka to be' da' ẕka'to'.
10Ka zej nak ža zoato' nbanto', zej nakzen chonnlalj chi yiz,
na' cha' nakto' benne' waḻe, wak soato' nbanto' taplalj yiz,
san ka zej nak yiz ka', ẕzáka'to', na' že' zedlto'.
Ka' gaze ẕdegak yiz ka', na' ẕnitlto'.
11¿Noẕ benne' nnezle' binlo ka nak yeḻa' ẕža'a chio'?
¿Noẕ benne' nnezle' ka nak yeḻa' yichj ža'a chio'?
12Bsedle neto' wkonlto' binlo žin ža cheto' ka', nich gak chejni'ilto' cháwe'do'.
13X̱anto' Dios, beyón neto' toze ḻen Le'.
¿To chi'ize želo'?
Beyache' ḻaže'l neto', benne' wen žin chio' ka'.
14To to zil bzoa yichj ḻáẕdo'to' yeḻa' ži'i ḻaže' chio',
na' ḻo yeḻa' žebele góḻtezto' chio' yógo'te ža soato' nbanto'.
15Benn cheto' yiz zan nich yebelto' ka zej nak yiz bsáka'ḻi'o neto',
na' ka zej nak yiz wžé' zedlto'.
16Be' neto', benne' wen žin chio' ka', latje ḻe'elto' da' ẕen da' žono',
na' ḻé'egekle ẕa'sóto' ka' yeḻa' ẕen chio'.
17X̱anto' Dios, ben chawe' neto'.
Ben chawe' žin da' žonto'.
¡O', X̱anto' Dios, ben chawe' žin da' žonto'!
Currently Selected:
SALMOS 90: zty
Highlight
Share
Compare
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
