YouVersion Logo
Search Icon

SALMOS 5

5
1Bze nag da' ẕnnia', X̱ana' Dios.
Be' ḻaže' kan ẕbeže ḻaža'a.
2Le' nako' X̱ana', na' nako' Dios chia'.
Benle da' žḻiža' Le', dan' ẕcháḻjḻenteza' Le'.
3X̱ana' Dios, chbal-le yenlo' chi'a.
Zildo' ḻa'kza' ḻawo' Le', na' kweza' da' yi'o neda'.
4Nako' Dios bi žaz ḻažo'o da' bi nak chawe'.
No benne' žone' da' ẕia bi soakze' gan zo' Le'.
5Bi žo'o latje ḻa'gak benne' wen da' ẕinnj ka' ḻawo'.
Bi ẕḻe'elo' chawe' yógo'te benne' wen da' ẕinnj ka'.
6Ẕchinnjo' ližgak benne' ka' žon ḻáže'gake'.
Ẕzo' cheḻa'ale benne' wetw benách ka', na' no benne' žon ḻaže'e,
7san neda' wak choa'a ližo' dan' nží'iḻe'elo' neda'.
Wká'n ẕena' Le' ḻo yodo' la'y chio' ḻo yeḻa' ẕžebe.
8Bsedle neda' gona' da' chawe' ḻawo' Le', X̱ana' Dios,
dan' ẕžá'aḻe'egak benne' ka' neda',
benne' ka' bi ẕḻé'egekle' neda' chawe'.
Bche' neda' nez chawe' chio'.
9Benne' ki bi ẕnnágake' da' naken da' li.
Nža' yichj ḻáẕdo'gake' da' kegle.
Lbá'gake' zej naken ka yežw ba ka' chegak benne' gat ka' da' nyáljwgaken.
Ẕnnágake' diža' chawe' ka', san žon ḻáže'gake'.
10Ben zi' benne' ka', Dios.
Ben ga chejchégwgake' ni'a che x̱tíža'gakkze'.
Dan' nyanḻe'e da' bi nak chawe' da' žóngake',
na' dan' bží'igake' chio' Le', bnnita' ḻégake' cheḻa'ale.
11San yebéḻe'egekle benne' ka' žx̱en ḻáže'gake' Le'.
Kwežeyá'gake' ḻo yeḻa' žebele dan' žákḻeno' ḻégake'.
Benne' ka' zej nži'ile' Le' yebéḻe'egekle' ḻawo' Le'.
12Gon cháwe'kzo' benne' chawe', X̱ana' Dios.
Dan' žaz ḻažo'o bennen', gape chi'o ḻe'.

Currently Selected:

SALMOS 5: zty

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy