SALMOS 121
121
1Ẕchis ḻawa', na' ẕwia' da' žak ḻawgak ya'a sibe ka'.
¿Gaẕ za' da' gákḻenen neda'?
2Da' gákḻenen neda' za' ḻo na' X̱anžo Dios,
Bennen' bene' ya'abá, na' yežlyó.
3Bi go'e latje chejchego'o,
na' bi tas Bennen' žape chi'ikze' le'.
4Bwia nga, batkle ẕnnan tas Bennen'.
Batkle tas Bennen' žape chi'ikze' benne' Israel ka'.
5X̱anžo Dios žape chi'e le'.
X̱anžo Dios zoe' kwito' ḻi ža gan gake' ẕoḻ chio'.
6Bi wzéy wbíž le' te ža, na' bi be gon byo' chio' žel.
7X̱anžo Dios gape chi'ikze' le' nich bi be da' ẕia gaken chio'.
Gape chi'ikze' yeḻa' nban chio'.
8X̱anžo Dios gape chi'ikze' le' kate' žežojo',
na' kate' žeyó'o, na'a ža, na' to chi'ize.
Currently Selected:
SALMOS 121: zty
Highlight
Share
Compare
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
