Acxni̠ chú tahua̠yanko̠lh, Jesús kalhásquilh Simón Pedro: —Simón xkahuasa Juan, ¿xli̠ca̠na quimpa̠xqui̠ya ni̠ xachuná la̠ eé xa̠makapitzí̠n quintapa̠xqui̠y? Pedro kálhti̠lh: —Quimpu̠chinacán, huix catzi̠ya pi̠ cpa̠xqui̠yá̠n. Jesús huánilh: —Pus caca̠maktákalhti hua̠nti̠ aquit cca̠li̠ma̠xtuy cumu la̠ lactzu̠ quiborregos. Xli̠maktiy kalhasquimpá: —Simón xkahuasa Juan, ¿luu xli̠ca̠na chi̠nchú quimpa̠xqui̠ya? Xlá kálhti̠lh: —Quimpu̠chiná, huix catzi̠ya pi̠ xli̠ca̠na aquit cpa̠xqui̠yá̠n y ni̠ caj cli̠huanimá̠n. Xlá huanipá: —Pus caca̠maktákalhti quiborregos. Xli̠maktutu huanipá: —Simón xkahuasa Juan, ¿xli̠ca̠na chi̠nchú quimpa̠xqui̠ya? Pedro luu snún li̠púhua porque aya xli̠maktutu la̠ta xkalhasquima para luu xli̠ca̠na xpa̠xqui̠y, xlá chiné huánilh: —Quimpu̠chiná, huix hua̠k catzi̠ya y luu stalanca catzi̠ya pi̠ aquit cpa̠xqui̠yá̠n. Jesús huanipá: —Para xli̠ca̠na la̠ quihuaniya, pus luu li̠huana̠ caca̠maktákalhti quiborregos.
Read San Juan 21
Listen to San Juan 21
Share
Compare All Versions: San Juan 21:15-17
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos