Sofonías 3
3
Jerusalén nunakunata castigananpaq ninqan
1¡Allaw mana wiyakuq Jerusalén nunakuna!
Qamkunaqa alläpa jutsasapam kayanki.
Pïmëtapis alläpam jipatsiyanki.
2Qamkunaqa pï willapäyäshuptikipis manam chaskikuyankitsu.
Corrigiyäshuptikipis manam cäsukuyankitsu.
Teyta Diosmanpis manam markäkuyankitsu.
Pëta manam mañakïllapis mañakuyankitsu.
3Mallaqëwan qaparikaq leonkunanömi autoridänikikunapis këkäyan.
Tullutapis mana jaqiriq mallaqashqa atuqkunanömi jueznikikunapis këkäyan.
4Profëtëkikunapis mana respetakuq y ulikuqmi këkäyan.
Sacerdötikikunapis sagrädu templutam impüruyätsiyan.#3.4 Templuta impüruyätsin Teyta Dios prohibishqanta tsëchö rurarmi. Tsëpita masta musyanëkipaq leyinki Lev. 20.3; 21.12; Núm. 19.13, 20.
Teyta Diospa leyninkunatapis manam cumpliyantsu.
5Tsënö kayaptinpis Teyta Diosqa imëpis Jerusalénchömi këkan.
Pëqa manam imatapis llutankunataqa rurantsu.
Cada qoyam käyitsimantsik allillata ruraq kashqanta.
Tsënö kaptinpis jutsa ruraq nunakunaqa llutanta rurar manam penqakuyantsu.
6Teyta Diosmi kënö nin:
<<Atska nacionkunatam ushakätsirqü.
Törrinkunatapis juchutsirmi ushakätsirqü.
Pipis mana puriptinmi cällinkunapis chusyäkïkan.
Markankunapis llapanmi ushakashqa.
Tsëchöqa manam pipis tärannatsu.
7Tsëmi kënö yarparqä:
<Tsë nacionkunata ushakätsishqäta rikarmi Jerusalénchö täraq nunakuna noqata mantsakamar llutan rurëkunata jaqiriyanqa.
Cäsuyämaptinqa pëkunata manam ushakätsishaqtsu>.
Tsënö yarpaptïpis pëkunaqa jutsa rurëllapaq yarpararmi kakïkäyan>>.
8Tsëmi Teyta Dios nin:
<<¡Allaw tsë nunakuna!
Juzganä junaq imëllaqa chämunqam.
Llapan nacionkunata ëllïkurmi alläpa piñatsiyämashqanpita castigashaq.
Nina imëkatapis chipyëpa rawrar ushaqnömi kë patsachö täraqkunata llapanta ushakätsishaq>>.
Nunakunata salvananpaq Teyta Dios äninqan
9<<Tsëpitanam mëtsëchö täraq nunakunata käyitsishaq shutïta sumätsir alabayämänanpaq.
Tsënöpam shumaq parlakur juk shonqulla sirwiyämanqa.
10Mas karuchö täraq nunäkunapis yanapëkunäpaqmi mañakayämanqa.
Tsë nunakunaqa Etiopía nacionchö këkaq mayukunapita mas karuchömi täräyan.
Tsëpita patsam ofrendankunata noqapaq apayämunqa.
11Tsë junaqmi jutsata rurar kushikuqkunata qamkunapita qarqushaq.
Sagrädu jirkächö manam allitukuyanqanatsu.
Jutsata manana rurar manam puktikachäyanqanatsu.
12<<Qamkuna täräyashqëkichöqa qollmi shonqu y waktsa nunakunallam këkäyanqa.
Pëkunaqa noqallamanmi markäkayämunqa.
13Israelchö kawëkar quedaq nunakunaqa mananam llutanta rurayanqanatsu.
Pëkunaqa mananam ulikuyanqanatsu ni pitapis manam engañayanqanatsu.#Apoc. 14.5.
Yamë mikukuq üshakunanömi kayanqa.
Pëkunaqa pitapis mana mantsakushpanam kawakuyanqa>>.#Sal. 23.2-4; Eze. 34.14-16.
14¡Sión nunakuna, qotsukuyë!
¡Israel nunakuna, kushikur qapariyë!
¡Jerusalén nunakuna, llapan shonqïkikunawan kushikuyë!
15 Teyta Dios mananam castigayäshunkinatsu.
Chikishuqnikikunatapis qarqunqam.
Teyta Diosmi mandakuqniki rey këkan.#Zac. 9.9.
Qamkunawan këkaptinqa manam imapitapis mantsakuyankinatsu.
16Tsë junaqmi Jerusalén nunakunata kënö niyanqa:
<<Sión nunakuna, mantsakuyänëkipa rantinqa ¡kallpata tsariyë!>>
17Qamkunawanmi Teyta Dios këkan.
Puëdiq karmi salvayäshunki.
Kuyayäshurnikim mushuq kawëta qoyäshunki.
Qamkunapaq alläpa kushikurmi 18fiestata ruraqnö qotsunqa.
Teyta Diosmi kënö nin:
<<Manana jipayänëkipaqmi yanapashqëki.
Manam penqakïpaqnatsu kayanki.
19Tsë tiempuqa jipatsishuqnikikunata kikïmi ushakätsishaq.
Tsëpitam oqrakashqa üshata ëlluqnö jinantinpita ëlluyämushqëki.
Pakikushqa üshata jampiqnömi jampiyashqëki.#Miq. 4.6-7.
Manam pipis penqapëkäyäshunkinatsu.
Sinöqa yanapashqëki jinantinchö reqishqa y alabashqa kayänëkipaqmi.
20Tsë witsanqa jinantinpitam ëlluyämushqëki.
Juk lädu nacionkunaman apayäshuqnikikunapa senqan senqanpa kutitsiyämuptiqmi pïmëpis kushikur respetayäshunki.#Gén. 12.2-3; Zac. 10.8-12.
Noqa Teyta Diosmi tsënö nï>>.
Currently Selected:
Sofonías 3: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Sofonías 3
3
Jerusalén nunakunata castigananpaq ninqan
1¡Allaw mana wiyakuq Jerusalén nunakuna!
Qamkunaqa alläpa jutsasapam kayanki.
Pïmëtapis alläpam jipatsiyanki.
2Qamkunaqa pï willapäyäshuptikipis manam chaskikuyankitsu.
Corrigiyäshuptikipis manam cäsukuyankitsu.
Teyta Diosmanpis manam markäkuyankitsu.
Pëta manam mañakïllapis mañakuyankitsu.
3Mallaqëwan qaparikaq leonkunanömi autoridänikikunapis këkäyan.
Tullutapis mana jaqiriq mallaqashqa atuqkunanömi jueznikikunapis këkäyan.
4Profëtëkikunapis mana respetakuq y ulikuqmi këkäyan.
Sacerdötikikunapis sagrädu templutam impüruyätsiyan.#3.4 Templuta impüruyätsin Teyta Dios prohibishqanta tsëchö rurarmi. Tsëpita masta musyanëkipaq leyinki Lev. 20.3; 21.12; Núm. 19.13, 20.
Teyta Diospa leyninkunatapis manam cumpliyantsu.
5Tsënö kayaptinpis Teyta Diosqa imëpis Jerusalénchömi këkan.
Pëqa manam imatapis llutankunataqa rurantsu.
Cada qoyam käyitsimantsik allillata ruraq kashqanta.
Tsënö kaptinpis jutsa ruraq nunakunaqa llutanta rurar manam penqakuyantsu.
6Teyta Diosmi kënö nin:
<<Atska nacionkunatam ushakätsirqü.
Törrinkunatapis juchutsirmi ushakätsirqü.
Pipis mana puriptinmi cällinkunapis chusyäkïkan.
Markankunapis llapanmi ushakashqa.
Tsëchöqa manam pipis tärannatsu.
7Tsëmi kënö yarparqä:
<Tsë nacionkunata ushakätsishqäta rikarmi Jerusalénchö täraq nunakuna noqata mantsakamar llutan rurëkunata jaqiriyanqa.
Cäsuyämaptinqa pëkunata manam ushakätsishaqtsu>.
Tsënö yarpaptïpis pëkunaqa jutsa rurëllapaq yarpararmi kakïkäyan>>.
8Tsëmi Teyta Dios nin:
<<¡Allaw tsë nunakuna!
Juzganä junaq imëllaqa chämunqam.
Llapan nacionkunata ëllïkurmi alläpa piñatsiyämashqanpita castigashaq.
Nina imëkatapis chipyëpa rawrar ushaqnömi kë patsachö täraqkunata llapanta ushakätsishaq>>.
Nunakunata salvananpaq Teyta Dios äninqan
9<<Tsëpitanam mëtsëchö täraq nunakunata käyitsishaq shutïta sumätsir alabayämänanpaq.
Tsënöpam shumaq parlakur juk shonqulla sirwiyämanqa.
10Mas karuchö täraq nunäkunapis yanapëkunäpaqmi mañakayämanqa.
Tsë nunakunaqa Etiopía nacionchö këkaq mayukunapita mas karuchömi täräyan.
Tsëpita patsam ofrendankunata noqapaq apayämunqa.
11Tsë junaqmi jutsata rurar kushikuqkunata qamkunapita qarqushaq.
Sagrädu jirkächö manam allitukuyanqanatsu.
Jutsata manana rurar manam puktikachäyanqanatsu.
12<<Qamkuna täräyashqëkichöqa qollmi shonqu y waktsa nunakunallam këkäyanqa.
Pëkunaqa noqallamanmi markäkayämunqa.
13Israelchö kawëkar quedaq nunakunaqa mananam llutanta rurayanqanatsu.
Pëkunaqa mananam ulikuyanqanatsu ni pitapis manam engañayanqanatsu.#Apoc. 14.5.
Yamë mikukuq üshakunanömi kayanqa.
Pëkunaqa pitapis mana mantsakushpanam kawakuyanqa>>.#Sal. 23.2-4; Eze. 34.14-16.
14¡Sión nunakuna, qotsukuyë!
¡Israel nunakuna, kushikur qapariyë!
¡Jerusalén nunakuna, llapan shonqïkikunawan kushikuyë!
15 Teyta Dios mananam castigayäshunkinatsu.
Chikishuqnikikunatapis qarqunqam.
Teyta Diosmi mandakuqniki rey këkan.#Zac. 9.9.
Qamkunawan këkaptinqa manam imapitapis mantsakuyankinatsu.
16Tsë junaqmi Jerusalén nunakunata kënö niyanqa:
<<Sión nunakuna, mantsakuyänëkipa rantinqa ¡kallpata tsariyë!>>
17Qamkunawanmi Teyta Dios këkan.
Puëdiq karmi salvayäshunki.
Kuyayäshurnikim mushuq kawëta qoyäshunki.
Qamkunapaq alläpa kushikurmi 18fiestata ruraqnö qotsunqa.
Teyta Diosmi kënö nin:
<<Manana jipayänëkipaqmi yanapashqëki.
Manam penqakïpaqnatsu kayanki.
19Tsë tiempuqa jipatsishuqnikikunata kikïmi ushakätsishaq.
Tsëpitam oqrakashqa üshata ëlluqnö jinantinpita ëlluyämushqëki.
Pakikushqa üshata jampiqnömi jampiyashqëki.#Miq. 4.6-7.
Manam pipis penqapëkäyäshunkinatsu.
Sinöqa yanapashqëki jinantinchö reqishqa y alabashqa kayänëkipaqmi.
20Tsë witsanqa jinantinpitam ëlluyämushqëki.
Juk lädu nacionkunaman apayäshuqnikikunapa senqan senqanpa kutitsiyämuptiqmi pïmëpis kushikur respetayäshunki.#Gén. 12.2-3; Zac. 10.8-12.
Noqa Teyta Diosmi tsënö nï>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.