Zacarías 7

Cada wata ayunar sïguiyänanpaq o mana sïguiyänanpaqpis tapukuyanqan

1Rey Darío chusku wata mandakuq këkaptinmi profëta Zacaríasta Teyta Dios yapë parlaparqan. Tsë karqan isqun kaq killachö chusku kaq junaqmi.#7.1 Calendariuntsikchöqa tsë junaq 7 de diciembri wata 517 a. C. karqan. Isqun kaq killapa shutinmi karqan Quisleu. 2Tsëpinmi Bet-el nunakuna Sarezerta, Regem-melecta y wakin nunakunatapis kachayarqan Teyta Diosta rowakuyänanpaq. 3Tsëmi llapanta mandaq Teyta Diospa templunman chärir sacerdötikunata y profëtakunata kënö tapukuyarqan: <<Pitsqa kaq killachömi atska watana waqar ayunayä.#7.3 Pitsqa kaq killachö ayunayarqan tsë killa Babilonia soldädukuna Jerusalénta y templuta kayar ushakätsiyashqanta yarparmi. Tsëpita masta musyanëkipaq leyinki 2Rey. 25.8-9. ¿Kashqanllaku tsënö ayunar sïguiyäshaq?>>

4Tsënö tapukuyanqanta willanäpaqmi llapanta mandaq Teyta Dios nimarqan: 5<<Judáchö täraq llapan nunakunata y sacerdötikunata kënö ninki: <Qamkuna qanchis chunka (70) watanpin#Jer. 25.11; 29.10; Zac. 1.12. pitsqa kaq killachö y qanchis kaq killachö#7.5 Qanchis kaq killachö ayunayarqan tsë killa Judáchö këkaq gobernador Gedalíasta wanutsiyashqanta yarparmi. Tsëpita masta musyanëkipaq leyinki 2Rey. 25.25. ayunar waqarnin ¿munashqänötsuraq ayunayarqunki? 6Qamkunaqa adorayämänëki fiestachöpis pachëkikuna juntananllapaqmi mikur upur këkäyanki. 7Unë castëkikunapis qamkunanö kayashqantam unë profëtäkunawan willakatsirqä. Tsë willakatsinqä witsan Jerusalénta manaraq ushakätsiyaptin alli kawakïchömi kayarqan. Lädunchö këkaq markakunachöpis nunakuna atskam täräyarqan. Tsënöllam Neguevchö y Sefelachö täraq nunakunapis atskaq kayarqan> >>.

8Jina kënömi profëta Zacaríasta Teyta Dios nirqan: 9<<Llapanta mandaq Teyta Dios karmi nï: <Nuna mayikita juzgarqa pimanpis mana qaqashpa juzgayë. Jukniki juknikipis kuyanakuyë. 10Pajukunata, mamannaq tëtannaqkunata, juk lädu nación nunakunata ni waktsakunatapis ama jipatsiyëtsu. Nuna mayikipaq ama mana allita yarpäyëtsu.#Amós 5.24; Miq. 6.8.

11<< <Profëtäkunawan tsënö willakëkätsiptïpis unë castëkikunaqa manam cäsuyämarqantsu. Tsëpa rantinmi mana wiyayämänanpaq rinrinkunata tsapakurkur tumakäkuriyarqan. 12Imëka diamantinö#7.12 Diamantiqa llapan rumipitapis y ima metalpitapis mas chukrum këkan. chukru kananpaqmi shonqunkunatapis chukruyätsiyarqan. Tsënö rurayarqan unë profëtakuna willakuyashqan leynïkunatapis y yachatsishqäkunatapis wiyakïta mana munarmi. Profëtakuna willakuyänanpaq Espïritümi käyitsirqan. Tsënö mana wiyakuq kayaptinmi alläpa piñakurqä. 13Tsëmi pëkuna mana cäsuyämashqannölla noqapis pëkunata cäsurqütsu. Noqa llapanta mandaq Teyta Diosmi tsënö nï. 14Tsëmi shukukï vientu ramëpa ramar apanqannö wakpa këpa pëkunata ramarirqü mana reqiyashqan nacionkunaman. Puntata täräyashqan nacionpis chusyaqman tikrashqa kaptinmi nunakuna tsëpa pasayarqannatsu. Tsëmi kuyëllapaq nacionninchö pipis täräyarqannatsu> >>.

Currently Selected:

Zacarías 7: qwhB

Highlight

Copy

Compare