Zacarías 6
6
Chusku carrëtakunata revelacionchö rikanqan
1Tsëpitanam yapë rikëkurqä juk mas revelacionta. Tsëchömi rikarqä ishkë jirkakuna chöpinpita chusku carrëtakuna yarqëkäyämuqta. Tsë jirkakunaqa broncipitam karqan. 2Punta yarqamuq carrëtatam qarachäyarqan puka cawallukuna. Tsëpa qepanta yarqamuq carrëtatanam qarachäyarqan yana cawallukuna. 3Tsëpa qepanta yarqamuq carrëtatam qarachäyarqan yulaq cawallukuna. Ultimu yarqamuq carrëtatanam qarachäyarqan bäyu cawallukuna.#Zac. 1.8; Apoc. 6.2-5.
4Tsëkunata rikëkurmi parlapëkämaq angelta kënö tapurqä: <<Tëtë, rikätsimashqëki ¿imaninantaq?>>
5Tapuptïmi ángel kënö yaskimarqan: <<Tsëkunaqa këkäyan kë patsata kamaq Teyta Diospa nöpanpita chuskun läduman ëwaq vientukunam.#Apoc. 7.1. 6Yana cawallukunam norti kaq lädupa carrëtata qarachëkäyan. Yulaq cawallukunam inti jeqanan kaq lädupa carrëtata qarachëkäyan. Bäyu cawallukunam sur kaq lädupa carrëtata qarachëkäyan>>.
7Manaraq ëwarmi tsë cawallukunaqa tumëkachëkäyarqan kë jinantin patsapa raslla ëqita munarnin. Tsë cawallukunatam ángel kënö nirqan: <<Tumarayämï jinantin patsapa>>.
Tsëmi pëkunaqa jinantin patsata jirurüyämurqan.
8Tsëpitanam ángel qayëkamar nimarqan: <<¡Rikë! Norti kaq lädupa ëwaq cawallukunam castïgüta tsëman chätsiyashqa.#6.8 Tsënö nirqan Babilonia nunakunata Teyta Dios castigaptinmi. Tsëmi piñakïnï pasarishqa>>.
9Tsëpitanam Teyta Dios nimarqan: 10<<Heldai, Tobías y Jedaíasmi Babiloniachö täräyashqanpita chäyämushqa. Pëkuna apayämunqan qoritawan qellëta mañakurir tsë junaq ëwë Sofoníaspa tsurin Josíaspa wayinman. 11Chëkur apashqëki qellëpita y qoripita corönata ruraratsir yakatsinki Josadacpa tsurin sumo sacerdöti Josuéta.
12<<Yakaratsir ninki: <Llapanta mandaq Teyta Diosmi nin: <<Këmi Renuevo nishqan nuna.#Jer. 23.5; 33.15; Zac. 3.8. Pëmi templüta sharkatsinqa. 13Templüta sharkatsiptinmi rey kananpaq churayanqa. Trönunman jamëkur mandakuptinmi lädunman juk sacerdötipis täkurinqa mandar yanapananpaq. Pëkunaqa ishkanpis tsë yarpëllam kayanqa. 14Tsë corönaqa templuchömi churaranqa. Tsëta rikarmi nunakuna yarpäyanqa Heldai, Tobías, Jedaías corönapaq yanapakuq kayashqanta y Sofoníaspa tsurin Josías corönata rurashqanta>>.
15<< <Teyta Diosnintsikta cäsukuyaptikiqa juk nacionpita patsam templuta uryar yanapayäshunëkipaq nunakuna shayämunqa. Willayashqaqnö pasakuptinmi musyayanki llapanta mandaq Teyta Dios qamkunaman kachamashqanta> >>.
Currently Selected:
Zacarías 6: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Zacarías 6
6
Chusku carrëtakunata revelacionchö rikanqan
1Tsëpitanam yapë rikëkurqä juk mas revelacionta. Tsëchömi rikarqä ishkë jirkakuna chöpinpita chusku carrëtakuna yarqëkäyämuqta. Tsë jirkakunaqa broncipitam karqan. 2Punta yarqamuq carrëtatam qarachäyarqan puka cawallukuna. Tsëpa qepanta yarqamuq carrëtatanam qarachäyarqan yana cawallukuna. 3Tsëpa qepanta yarqamuq carrëtatam qarachäyarqan yulaq cawallukuna. Ultimu yarqamuq carrëtatanam qarachäyarqan bäyu cawallukuna.#Zac. 1.8; Apoc. 6.2-5.
4Tsëkunata rikëkurmi parlapëkämaq angelta kënö tapurqä: <<Tëtë, rikätsimashqëki ¿imaninantaq?>>
5Tapuptïmi ángel kënö yaskimarqan: <<Tsëkunaqa këkäyan kë patsata kamaq Teyta Diospa nöpanpita chuskun läduman ëwaq vientukunam.#Apoc. 7.1. 6Yana cawallukunam norti kaq lädupa carrëtata qarachëkäyan. Yulaq cawallukunam inti jeqanan kaq lädupa carrëtata qarachëkäyan. Bäyu cawallukunam sur kaq lädupa carrëtata qarachëkäyan>>.
7Manaraq ëwarmi tsë cawallukunaqa tumëkachëkäyarqan kë jinantin patsapa raslla ëqita munarnin. Tsë cawallukunatam ángel kënö nirqan: <<Tumarayämï jinantin patsapa>>.
Tsëmi pëkunaqa jinantin patsata jirurüyämurqan.
8Tsëpitanam ángel qayëkamar nimarqan: <<¡Rikë! Norti kaq lädupa ëwaq cawallukunam castïgüta tsëman chätsiyashqa.#6.8 Tsënö nirqan Babilonia nunakunata Teyta Dios castigaptinmi. Tsëmi piñakïnï pasarishqa>>.
9Tsëpitanam Teyta Dios nimarqan: 10<<Heldai, Tobías y Jedaíasmi Babiloniachö täräyashqanpita chäyämushqa. Pëkuna apayämunqan qoritawan qellëta mañakurir tsë junaq ëwë Sofoníaspa tsurin Josíaspa wayinman. 11Chëkur apashqëki qellëpita y qoripita corönata ruraratsir yakatsinki Josadacpa tsurin sumo sacerdöti Josuéta.
12<<Yakaratsir ninki: <Llapanta mandaq Teyta Diosmi nin: <<Këmi Renuevo nishqan nuna.#Jer. 23.5; 33.15; Zac. 3.8. Pëmi templüta sharkatsinqa. 13Templüta sharkatsiptinmi rey kananpaq churayanqa. Trönunman jamëkur mandakuptinmi lädunman juk sacerdötipis täkurinqa mandar yanapananpaq. Pëkunaqa ishkanpis tsë yarpëllam kayanqa. 14Tsë corönaqa templuchömi churaranqa. Tsëta rikarmi nunakuna yarpäyanqa Heldai, Tobías, Jedaías corönapaq yanapakuq kayashqanta y Sofoníaspa tsurin Josías corönata rurashqanta>>.
15<< <Teyta Diosnintsikta cäsukuyaptikiqa juk nacionpita patsam templuta uryar yanapayäshunëkipaq nunakuna shayämunqa. Willayashqaqnö pasakuptinmi musyayanki llapanta mandaq Teyta Dios qamkunaman kachamashqanta> >>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.