Zacarías 10
10
Kuyanqan nunakunata Teyta Dios salvananpaq äninqan
1Mikïkuna winëkashqan witsan Teyta Diosta tamyatsimunanpaq mañakuyë.
Mañakuyaptikiqa janrarätsimurmi alli tamyatsimunqa.
Tsënöpam chakrëkikunachö qewa shumaq winamunqa.
2Ïdulukunapa shutinchö willakuqkunaqa ulikuyanmi.
Tsënöllam adivïnukunapis ulikuyan.
Imapaq suëñuyashqanta tapukuyaptinpis llutankunallatam parlayan.
Janan shonqullam ankupäyanpis.
Tsënö engañayaptinmi nunakuna mitsiqninnaq üshakunanö mëtsëpapis ramakashqa këkäyan.#Jer. 50.6-7; Eze. 34.5-6; Mat. 9.36; Mar. 6.34.
3Tsëmi Teyta Dios nin:
<<Kuyashqä nunakunapa mandakuqninkunawan piñashqa karmi pëkunata alläpa castigashaq.#Eze. 34.2.
Tsëpitanam kuyashqä Judá nunakunata kikï cuidashaq.
Yanapaptïmi guërrachö pelyananpaq allin kaq cawallunö kayanqa.
4<<Judá nunakunapitam juk alli mandakuq shamunqa.
Pëqa kanqa cimientupaq maestra ruminömi,
tolduta shäritsiyänanpaq estäcanömi
y guërrachö pelyananpaq flëchanömi.
Tsënöllam Judá nunakunapita wakin mandakuqkunapis kayanqa.
5Pëkunam puëdiqllantä kayanqa.
Imëka nänichö leqitata jaluqnömi chikiqninkunata guërrachö ushakätsiyanqa.
Yanapaptïmi guërrachö venciyanqa.
Cawallun montashqa kaqkunatapis vencir penqakïmanmi churayanqa.
6<<Judá nunakunatam kallpatsashaq.
Josépita miraqkunatam#10.6 Josépita miraqkunaqa Israel nunakunam kayan. salvashaq.
Pëkunata ankuparmi nacionninman kutitsishaq.
Imëpis mana jaqirishqanömi kayanqa.
Noqaqa pëkunapa Teyta Diosninkunam këkä.
Mañakayämashqantaqa imëpis wiyashaqmi.
7Efraín#10.7 Efraín nunakunaqa Israel nunakunam kayan. nunakunaqa alli puëdiqllam kayanqa.
Vïnuta upur kushikuqnömi kushishqa kawayanqa.
Kushishqa këkaqta rikëkurmi tsurinkunapis kushikuyanqa.
Yanapashqäpita kushikurmi alabayämanqa.
8<<Kuyashqä nunakunatam salvashaq.
Wichyakur qayarmi witsikashqa këkäyashqanpita ëllumushaq.
Nöpata mirayanqannöllam yapëpis llutëpa mirayanqa.
9Jinantin markakunaman witsikätsiptïpis sirwiyämänanpaqmi käyikuyanqa.
Karu nacionkunapitam tsurinkunawan kutiyämunqa.
10Noqam Egiptupitapis Asiriapitapis kutitsimushaq.
Kutitsimurmi Galaad y Líbano partikunaman churashaq tsëchö täräyänanpaq.
Tsëchö atskaman mirayaptinmi täräyänanpaqpis kichkina kanqa.
11<<Imëka lamarchö ölakunanöraq jipakïninkuna kaptinpis tsëta päratsiq cuentam yanapëkushaq.
Imëka atskayashqa mayunö jipakïninkuna kaptinpis mayuta päratsiqnömi llakikïninkunachö yanapëkushaq.
Asiria nunakuna nuna tukuyaptinpis y Egipto nunakuna puëdiq kayaptinpis manakaqmanmi churashaq.
12Kuyashqä nunakunatam kallpatsashaq cäsukamar alli kawakuyänanpaq.
Noqa Teyta Diosmi tsënö nï>>.
Currently Selected:
Zacarías 10: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Zacarías 10
10
Kuyanqan nunakunata Teyta Dios salvananpaq äninqan
1Mikïkuna winëkashqan witsan Teyta Diosta tamyatsimunanpaq mañakuyë.
Mañakuyaptikiqa janrarätsimurmi alli tamyatsimunqa.
Tsënöpam chakrëkikunachö qewa shumaq winamunqa.
2Ïdulukunapa shutinchö willakuqkunaqa ulikuyanmi.
Tsënöllam adivïnukunapis ulikuyan.
Imapaq suëñuyashqanta tapukuyaptinpis llutankunallatam parlayan.
Janan shonqullam ankupäyanpis.
Tsënö engañayaptinmi nunakuna mitsiqninnaq üshakunanö mëtsëpapis ramakashqa këkäyan.#Jer. 50.6-7; Eze. 34.5-6; Mat. 9.36; Mar. 6.34.
3Tsëmi Teyta Dios nin:
<<Kuyashqä nunakunapa mandakuqninkunawan piñashqa karmi pëkunata alläpa castigashaq.#Eze. 34.2.
Tsëpitanam kuyashqä Judá nunakunata kikï cuidashaq.
Yanapaptïmi guërrachö pelyananpaq allin kaq cawallunö kayanqa.
4<<Judá nunakunapitam juk alli mandakuq shamunqa.
Pëqa kanqa cimientupaq maestra ruminömi,
tolduta shäritsiyänanpaq estäcanömi
y guërrachö pelyananpaq flëchanömi.
Tsënöllam Judá nunakunapita wakin mandakuqkunapis kayanqa.
5Pëkunam puëdiqllantä kayanqa.
Imëka nänichö leqitata jaluqnömi chikiqninkunata guërrachö ushakätsiyanqa.
Yanapaptïmi guërrachö venciyanqa.
Cawallun montashqa kaqkunatapis vencir penqakïmanmi churayanqa.
6<<Judá nunakunatam kallpatsashaq.
Josépita miraqkunatam#10.6 Josépita miraqkunaqa Israel nunakunam kayan. salvashaq.
Pëkunata ankuparmi nacionninman kutitsishaq.
Imëpis mana jaqirishqanömi kayanqa.
Noqaqa pëkunapa Teyta Diosninkunam këkä.
Mañakayämashqantaqa imëpis wiyashaqmi.
7Efraín#10.7 Efraín nunakunaqa Israel nunakunam kayan. nunakunaqa alli puëdiqllam kayanqa.
Vïnuta upur kushikuqnömi kushishqa kawayanqa.
Kushishqa këkaqta rikëkurmi tsurinkunapis kushikuyanqa.
Yanapashqäpita kushikurmi alabayämanqa.
8<<Kuyashqä nunakunatam salvashaq.
Wichyakur qayarmi witsikashqa këkäyashqanpita ëllumushaq.
Nöpata mirayanqannöllam yapëpis llutëpa mirayanqa.
9Jinantin markakunaman witsikätsiptïpis sirwiyämänanpaqmi käyikuyanqa.
Karu nacionkunapitam tsurinkunawan kutiyämunqa.
10Noqam Egiptupitapis Asiriapitapis kutitsimushaq.
Kutitsimurmi Galaad y Líbano partikunaman churashaq tsëchö täräyänanpaq.
Tsëchö atskaman mirayaptinmi täräyänanpaqpis kichkina kanqa.
11<<Imëka lamarchö ölakunanöraq jipakïninkuna kaptinpis tsëta päratsiq cuentam yanapëkushaq.
Imëka atskayashqa mayunö jipakïninkuna kaptinpis mayuta päratsiqnömi llakikïninkunachö yanapëkushaq.
Asiria nunakuna nuna tukuyaptinpis y Egipto nunakuna puëdiq kayaptinpis manakaqmanmi churashaq.
12Kuyashqä nunakunatam kallpatsashaq cäsukamar alli kawakuyänanpaq.
Noqa Teyta Diosmi tsënö nï>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.