Romanos 13
13
Autoridäkunata cäsukunantsikpaq ninqan
1Llapan autoridäkunata Teyta Dios churashqa këkaptinqa pëkunata cäsukuyë. 2Autoridäkunata mana cäsukurqa Teyta Diostapis manam cäsuyantsu. Autoridäkunata mana cäsukuq kaqtaqa Teyta Diosmi juzganqa.
3Autoridäkunata cäsuqkunaqa mana mantsakushpam puriyan. Mana cäsuqkunanam mantsakuyan. Tsënö mana puriyänëkipaq autoridäkunata cäsukuyë. Cäsuyaptikiqa pëkuna allim rikäyäshunki.
4Mana allikunata rurashqaqa autoridäkuna castigamäshunmi. Pëkunataqa Teyta Diosmi churashqa alli ruraqkunaman qaqäyänanpaq y llutan ruraqkunatana castigayänanpaq. Manam manakaqllapaqtsu autoridäqa këkäyan. 5Tsënö kaptinqa autoridäkuna nishqankunata cäsukushun. Manam castigamänantsikpaq kaptinllatsu cäsunantsik, sinöqa Teyta Diosta respetarmi.
6Autoridä këninkunawanmi Teyta Diosta sirwikäyan. Pëkunata Teyta Dios churashqa këkaptinqa impuestukunatapis pagashun. 7Cumpliyänëkipaq kaqkunata llapanta cumpliyë. Impuestuta pagayänëki kaptinqa pagayë. Pitapis respetayänëki kaptinqa respetayë. Pitapis alabayänëki kaptinqa alabayë.#Mat. 22.21; Mar. 12.17; Luc. 20.25.
Kuyanakunantsikpaq ninqan
8Pipapis jaqan karqa pagayë. Jaqa kënikita pagayänëkipaq yarpakachäyashqëkinölla kuyanakuyänëkipaqpis yarpakachäyë. Nuna mayintsikta kuyarqa Teyta Diospa llapan leyninkunatam cumplikantsik. 9Tsë leykunachömi kënö nikan:
<<Ama casakushqa këkar jukwan kakunkitsu.#Éxo. 20.14; Deut. 5.18.
Ama nuna mayikita wanutsinkitsu.#Éxo. 20.13; Deut. 5.17.
Ama suwakunkitsu.#Éxo. 20.15; Deut. 5.19.
[Ama manakaqkunata pitapis tumpankitsu.]#Éxo. 20.16; Deut. 5.20.
Ama nuna mayikipa imëkankunatapis munapankitsu>>.#Éxo. 20.17; Deut. 5.21.
<<Kikiki kuyakushqëkinö nuna mayikita kuyanki>> nishqan mandamientuta cumplirqa llapan mandamientukunatapis cumplikantsikmi.#Lev. 19.18. 10Nuna mayintsikta kuyarqa manam contran shärintsiktsu. Tsënöpam Teyta Diospa llapan leyninkunata cumplikantsik.
Jutsa rurëkunata jaqirinantsikpaq ninqan
11Jesucristo kutimur salvamänantsik junaq chäramunqanam. Tsënö këkaptinqa punukashqanö këkashqantsikpita riyakushun. 12Patsa waränanpaqnöna këkaptinqa jutsa rurëkunata jaqirir shumaq yarpakachäshun Teyta Dios munashqannöna kawanantsikpaq. Tutapëchönö kawanantsikpa rantinqa aktsichönöna kawashun. Espädan alistakushqa soldädu këkaqnö noqantsikpis këkäshun.
13Aktsichönö kawëkarqa jutsata mana rurashpana kawashun. Wakin nunakuna ëllukëkur mikur upyar kakuyaptinpis noqantsikqa ama tsënö kashuntsu. Jina ama casakushqa këkar jukwan kashuntsu ni mana casakushqa karpis jukwan jukwan pununakushuntsu. Ama qayapänakushuntsu ni chikinakushuntsu. 14Tsëpa rantinqa rakcha ratashta qotukurir jaqiriqnö jutsa rurëkunata jaqirir Jesucristupa poderninchö kawayë. Llutankunata rurëta munarpis ama rurayënatsu.
Currently Selected:
Romanos 13: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romanos 13
13
Autoridäkunata cäsukunantsikpaq ninqan
1Llapan autoridäkunata Teyta Dios churashqa këkaptinqa pëkunata cäsukuyë. 2Autoridäkunata mana cäsukurqa Teyta Diostapis manam cäsuyantsu. Autoridäkunata mana cäsukuq kaqtaqa Teyta Diosmi juzganqa.
3Autoridäkunata cäsuqkunaqa mana mantsakushpam puriyan. Mana cäsuqkunanam mantsakuyan. Tsënö mana puriyänëkipaq autoridäkunata cäsukuyë. Cäsuyaptikiqa pëkuna allim rikäyäshunki.
4Mana allikunata rurashqaqa autoridäkuna castigamäshunmi. Pëkunataqa Teyta Diosmi churashqa alli ruraqkunaman qaqäyänanpaq y llutan ruraqkunatana castigayänanpaq. Manam manakaqllapaqtsu autoridäqa këkäyan. 5Tsënö kaptinqa autoridäkuna nishqankunata cäsukushun. Manam castigamänantsikpaq kaptinllatsu cäsunantsik, sinöqa Teyta Diosta respetarmi.
6Autoridä këninkunawanmi Teyta Diosta sirwikäyan. Pëkunata Teyta Dios churashqa këkaptinqa impuestukunatapis pagashun. 7Cumpliyänëkipaq kaqkunata llapanta cumpliyë. Impuestuta pagayänëki kaptinqa pagayë. Pitapis respetayänëki kaptinqa respetayë. Pitapis alabayänëki kaptinqa alabayë.#Mat. 22.21; Mar. 12.17; Luc. 20.25.
Kuyanakunantsikpaq ninqan
8Pipapis jaqan karqa pagayë. Jaqa kënikita pagayänëkipaq yarpakachäyashqëkinölla kuyanakuyänëkipaqpis yarpakachäyë. Nuna mayintsikta kuyarqa Teyta Diospa llapan leyninkunatam cumplikantsik. 9Tsë leykunachömi kënö nikan:
<<Ama casakushqa këkar jukwan kakunkitsu.#Éxo. 20.14; Deut. 5.18.
Ama nuna mayikita wanutsinkitsu.#Éxo. 20.13; Deut. 5.17.
Ama suwakunkitsu.#Éxo. 20.15; Deut. 5.19.
[Ama manakaqkunata pitapis tumpankitsu.]#Éxo. 20.16; Deut. 5.20.
Ama nuna mayikipa imëkankunatapis munapankitsu>>.#Éxo. 20.17; Deut. 5.21.
<<Kikiki kuyakushqëkinö nuna mayikita kuyanki>> nishqan mandamientuta cumplirqa llapan mandamientukunatapis cumplikantsikmi.#Lev. 19.18. 10Nuna mayintsikta kuyarqa manam contran shärintsiktsu. Tsënöpam Teyta Diospa llapan leyninkunata cumplikantsik.
Jutsa rurëkunata jaqirinantsikpaq ninqan
11Jesucristo kutimur salvamänantsik junaq chäramunqanam. Tsënö këkaptinqa punukashqanö këkashqantsikpita riyakushun. 12Patsa waränanpaqnöna këkaptinqa jutsa rurëkunata jaqirir shumaq yarpakachäshun Teyta Dios munashqannöna kawanantsikpaq. Tutapëchönö kawanantsikpa rantinqa aktsichönöna kawashun. Espädan alistakushqa soldädu këkaqnö noqantsikpis këkäshun.
13Aktsichönö kawëkarqa jutsata mana rurashpana kawashun. Wakin nunakuna ëllukëkur mikur upyar kakuyaptinpis noqantsikqa ama tsënö kashuntsu. Jina ama casakushqa këkar jukwan kashuntsu ni mana casakushqa karpis jukwan jukwan pununakushuntsu. Ama qayapänakushuntsu ni chikinakushuntsu. 14Tsëpa rantinqa rakcha ratashta qotukurir jaqiriqnö jutsa rurëkunata jaqirir Jesucristupa poderninchö kawayë. Llutankunata rurëta munarpis ama rurayënatsu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.