Romanos 11
11
Wakin Israel nunakunalla salvakuyanqan
1Israel nunakunata ¿Teyta Dios jaqirishqatsuraq? ¡Manam! Noqapis Abraham casta karmi Benjamín trïbupita Israel nuna kä.#Fil. 3.5. 2Israel nunakunata Teyta Dios manam jaqirishqatsu. Pëkunataqa unëpita patsam akrashqa kuyashqan nunakuna kayänanpaq. ¿Manaku musyayanki Teyta Diospa palabran Elíaspaq imata nishqantapis? Israel mayinkunata acusarmi Teyta Diosta mañakurnin Elías kënö nirqan: 3<<Teyta Dios, llapan profëtëkikunatam wanutsiyashqa. Altarnikikunatapis juchutsirmi ushayashqa. Japallällanam kawëkar quedarirqü. Kananqa noqatapis wanutsiyämänanpaqnam ashikäyäman>>.#1Rey. 19.10, 14.
4Elías tsënö niptinmi Teyta Dios kënö nirqan: <<Manam yarpashqëkinötsu këkan. Qanchis waranqa (7,000) nunakunatam akrarqü Baalta imëpis mana adorayänanpaq>>.#1Rey. 19.18.
5Elías kawashqan tiempunöllam kananpis wakin Israel nunakuna Teyta Diosta sirwikäyan. Tsënö sirwikäyan Teyta Dios pëkunata ankupar akrashqanpitam. 6Manam imatapis allita rurayashqanpitatsu akrarqan, sinöqa jutsayuq kayaptinpis ankupäkuq karmi akrarqan. Imatapis allita rurayashqanpita akrarqa manam ankupäkuq kartsu akranman karqan.
7Tsëmi akrashqan kaq Israel nunakunalla salvacionta tariyan. Wakin Israel nunakunaqa salvacionta ashirpis manam tariyantsu. Pëkunapa shonqunkunatam Teyta Dios chukruyätsirqan willakïninta mana cäsuyänanpaq. 8Tsëpitam Teyta Diospa palabranchöpis kënö qellqarëkan:
<<Paqwë mana käyikuq kayänanpaqmi Teyta Dios upayätsishqa.
Tsëmi kananyaqpis pëkunaqa rikëkarpis mana rikaqnö këkäyan
y wiyëkarpis mana wiyaqnö këkäyan>>.#Deut. 29.4; Isa. 29.10.
9Tsënö mana käyikuqkunapaqmi rey Davidpis Teyta Diosta mañakur kënö nirqan:
<<Banquëtinkunapis pëkunapaq imëka toqllanö këkullätsun.
Bendicionnikita churanëkipa rantin jipëkatsi.
10Pëkunapa nawinkunapis wiskuyätsun.
Imëpis mana derechakäyänanpaq waqtankunapis qoruyätsun>>.#Sal. 69.22-23.
Mana Israel nunakunapis salvakuyanqan
11Israel nunakunaqa ¿manatsuraq imëpis Jesucristuta chaskikuyanqa? ¡Awmi, chaskikuyanqam! Mana Israel nunakunata Teyta Dios salvëkaqta rikarmi Israel nunakunapis Jesucristuta chaskikuyänanpaq käyikuyanqa. 12Tsënö kaptinpis Jesucristuta mana chaskikuyaptinmi mana Israel nunakunana Jesucristuta chaskikur salvakïkäyan. Pëkuna salvakuyashqan kushikïpaq kaptinpis Israel nunakuna salvakuyaptinnäqa masran kushikïpaq kanqa.
13Mana Israel nunakuna, shumaq käyikuyë. Teyta Diosmi churamashqa apostolnin kar mana Israel nunakunaman imëkanöpapis alli willakïninta apanäpaq. 14Tsënö willakü mana Israel nunakuna salvakuqta rikar Israel mayïkuna wakinllapis Jesucristuta chaskikur salvakuyänanpaqmi. 15Israel nunakuna Jesucristuta mana chaskikuyaptinpis mana Israel nunakunaqa jinantinchönam Jesucristuta chaskikïkäyan. Pëkunapis salvashqa karmi wanushqanö kayashqanpita kawarimushqanöna këkäyan.
Mana Israel nunakuna mana alabakuyänanpaq käyitsinqan
16Tantata ruranqan masapita rakirir primiciata Teyta Diospaq apaptinqa llapan masapis sagrädum këkan. Tsënöllam montipa sipin#11.16 Wakin nunakunaqa watsin o jawan niyanmi. sagrädu kaptinqa rämankunapis sagrädu këkan. 17Israel nunakunapis sagrädu këkarmi Jesucristuta mana chaskikurnin olïvu montipita muturishqanö këkäyan. Qamkunaqa olïvu montiman injertashqanöllam këkäyanki. Tsëmi lluta olïvupa rämankunanö këkarpis tsë alli olïvu montipa sipinpita salvacionta chaskikäyanki.#11.17 Montipa sipinqa Abraham, Isaac y Jacobmi këkäyan. Pëkunata änishqanta cumplirmi Teyta Dios Jesucristuta kachamurqan nunakunata salvananpaq.
18Olïvu montiman injertashqanölla këkarqa ama alabakuyëtsu Israel nunakunapita mas precisaq kayashqëkita. Manam rämatsu montita kawëta qon, sinöqa sipinmi. 19Itsa qamkuna kënö nikäyanki: <<Israel nunakunaqa mutushqa rämakunanömi këkäyan. Pëkunata salvananpa rantinmi noqakunatana Teyta Dios salvëkäyäman>>.
20Awmi, niyashqëkinömi këkan. Tsënö kaptinpis muturishqa rämanöqa këkäyan Jesucristuman mana markäkuyashqanpitam. Qamkunaqa montiman injertashqanö këkäyanki Jesucristuman markäkuyashqëkipitam. Qamkunapis Teyta Diosta mana cäsukurqa paqtam mutushqa rämanö tikrariyankiman. 21Mana wiyakuq Israel nunakunataqa legïtimu olïvupa rämannö këkäyaptinpis Teyta Dios manam salvantsu. Pëkunatapis mana salvëkarqa qamkunatanäqa mana cäsuyaptiki manam salvayäshunkitsu.
22Teyta Dios ankupäkuq y castigakuq kashqanta käyikuyë. Mana wiyakuqkunataqa castiganmi. Wiyakuqkunataqa ankuparmi salvan. Ankupäyäshurnikipis mana cäsuyaptikiqa qamkunatapis rämatanömi muturiyäshunki. 23Israel nunakunatapis Jesucristuman markäkuyaptinqa montiman injertashqa rämanö kayänanpaqmi Teyta Dios ankupar salvanqa. Pëqa puëdiqmi këkan montiman yapë injertananpaqpis.
24Mana Israel nuna karmi qamkunaqa lluta olïvupa rämannö këkäyanki. Tsënö kayaptikipis Jesucristuta chaskikuyaptikim Teyta Dios salvayäshurqunki. Israel nunakuna legïtimu olïvupa rämannö këkäyaptinnäqa Jesucristuta chaskikuyaptin pëkunatapis salvanqam.
Israel nunakunapis salvakuyänanpaq ninqan
25Wawqikuna y panikuna, mana alabakuyänëkipaqmi nunakuna mana musyayashqanta kanan willayashqëki. Wakin Israel nunakuna kanan chukru shonqu karpis manam tsënöllatsu kayanqa. Pëkuna tsënö kayanqa mana Israel nunakunapita Teyta Dios akrashqankunata salvashqanyaqllam. 26Tsëpitanam llapan Israel nunakunapis salvakuyanqa. Teyta Diospa palabranchöpis kënömi qellqarëkan:
<<Salvakuqmi Siónpita shamunqa.
Jacobpita miraqkunatam jutsankunata jaqiriyänanpaq käyitsinqa.#Isa. 59.20.
27Jutsata rurayashqanta perdonarmi pëkunawan pactuta rurashaq>>.#Jer. 31.33-34.
28Tsënö këkaptinpis kananqa Israel nunakuna Jesucristupa alli willakïninta manam chaskikïta munayantsu. Teyta Diospa contran kayaptinmi pëkunapa rantin qamkunatana salvëkäyäshunki. Teyta Diospa contran kanan këkäyaptinpis Abrahamta, Isaacta y Jacobta änishqanta cumplirmi Israel nunakunata imëpis kuyëkan. 29Teyta Dios imatapis änikurqa cumplinmi. Pitapis salvananpaq akrarqa imëpis salvanmi.
30Imanömi nöpataqa qamkunapis Teyta Diosta cäsuyarqëkitsu, tsënöllam Israel nunakunana kanan cäsukuyantsu. Tsëmi pëkunapa rantin qamkunatana Teyta Dios ankupäyäshunki. 31Tsënö ankupäyäshunki Israel nunakunapis käyikuyaptin Teyta Dios ankupar salvananpaqmi. 32Tsëmi juk tiempuchö Israel nunakuna mana cäsukuq kayänanpaq yarpëninkunata Teyta Dios pantakätsirqan y juk tiempuchönam mana Israel nunakunapis mana cäsukuq kayänanpaq yarpëninkunata pantakätsirqan. Tsëmi Israel nunakunatapis y mana Israel nunakunatapis ankupäkuq këninwan salvan.
33¡Teyta Diosqa alläpa yachaqmi y käyiqmi këkan!
¡Pë yarpashqankunata y rurashqankunata manam pipis käyita puëdintsu!#Isa. 55.8-9.
34Teyta Dios yarpashqankunata ¿pillapis musyantsuraq?
Yachaq kananpaq ¿pillapis pëta yachatsintsuraq?#Isa. 40.13; 1Cor. 2.16.
35Diosta mandananpaq ¿piraq puëdiq kanman?#Job 41.11.
36Llapantapis Teyta Diosmi kamashqa.
Pë munaptinmi llapan imëkapis këkan.
Llapanpis pëllapam këkan.#1Cor. 8.6; Efe. 4.6; Col. 1.16.
¡Imëyaqpis Teyta Dios alabashqa këkullätsun!
Tsënö katsun.
Currently Selected:
Romanos 11: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romanos 11
11
Wakin Israel nunakunalla salvakuyanqan
1Israel nunakunata ¿Teyta Dios jaqirishqatsuraq? ¡Manam! Noqapis Abraham casta karmi Benjamín trïbupita Israel nuna kä.#Fil. 3.5. 2Israel nunakunata Teyta Dios manam jaqirishqatsu. Pëkunataqa unëpita patsam akrashqa kuyashqan nunakuna kayänanpaq. ¿Manaku musyayanki Teyta Diospa palabran Elíaspaq imata nishqantapis? Israel mayinkunata acusarmi Teyta Diosta mañakurnin Elías kënö nirqan: 3<<Teyta Dios, llapan profëtëkikunatam wanutsiyashqa. Altarnikikunatapis juchutsirmi ushayashqa. Japallällanam kawëkar quedarirqü. Kananqa noqatapis wanutsiyämänanpaqnam ashikäyäman>>.#1Rey. 19.10, 14.
4Elías tsënö niptinmi Teyta Dios kënö nirqan: <<Manam yarpashqëkinötsu këkan. Qanchis waranqa (7,000) nunakunatam akrarqü Baalta imëpis mana adorayänanpaq>>.#1Rey. 19.18.
5Elías kawashqan tiempunöllam kananpis wakin Israel nunakuna Teyta Diosta sirwikäyan. Tsënö sirwikäyan Teyta Dios pëkunata ankupar akrashqanpitam. 6Manam imatapis allita rurayashqanpitatsu akrarqan, sinöqa jutsayuq kayaptinpis ankupäkuq karmi akrarqan. Imatapis allita rurayashqanpita akrarqa manam ankupäkuq kartsu akranman karqan.
7Tsëmi akrashqan kaq Israel nunakunalla salvacionta tariyan. Wakin Israel nunakunaqa salvacionta ashirpis manam tariyantsu. Pëkunapa shonqunkunatam Teyta Dios chukruyätsirqan willakïninta mana cäsuyänanpaq. 8Tsëpitam Teyta Diospa palabranchöpis kënö qellqarëkan:
<<Paqwë mana käyikuq kayänanpaqmi Teyta Dios upayätsishqa.
Tsëmi kananyaqpis pëkunaqa rikëkarpis mana rikaqnö këkäyan
y wiyëkarpis mana wiyaqnö këkäyan>>.#Deut. 29.4; Isa. 29.10.
9Tsënö mana käyikuqkunapaqmi rey Davidpis Teyta Diosta mañakur kënö nirqan:
<<Banquëtinkunapis pëkunapaq imëka toqllanö këkullätsun.
Bendicionnikita churanëkipa rantin jipëkatsi.
10Pëkunapa nawinkunapis wiskuyätsun.
Imëpis mana derechakäyänanpaq waqtankunapis qoruyätsun>>.#Sal. 69.22-23.
Mana Israel nunakunapis salvakuyanqan
11Israel nunakunaqa ¿manatsuraq imëpis Jesucristuta chaskikuyanqa? ¡Awmi, chaskikuyanqam! Mana Israel nunakunata Teyta Dios salvëkaqta rikarmi Israel nunakunapis Jesucristuta chaskikuyänanpaq käyikuyanqa. 12Tsënö kaptinpis Jesucristuta mana chaskikuyaptinmi mana Israel nunakunana Jesucristuta chaskikur salvakïkäyan. Pëkuna salvakuyashqan kushikïpaq kaptinpis Israel nunakuna salvakuyaptinnäqa masran kushikïpaq kanqa.
13Mana Israel nunakuna, shumaq käyikuyë. Teyta Diosmi churamashqa apostolnin kar mana Israel nunakunaman imëkanöpapis alli willakïninta apanäpaq. 14Tsënö willakü mana Israel nunakuna salvakuqta rikar Israel mayïkuna wakinllapis Jesucristuta chaskikur salvakuyänanpaqmi. 15Israel nunakuna Jesucristuta mana chaskikuyaptinpis mana Israel nunakunaqa jinantinchönam Jesucristuta chaskikïkäyan. Pëkunapis salvashqa karmi wanushqanö kayashqanpita kawarimushqanöna këkäyan.
Mana Israel nunakuna mana alabakuyänanpaq käyitsinqan
16Tantata ruranqan masapita rakirir primiciata Teyta Diospaq apaptinqa llapan masapis sagrädum këkan. Tsënöllam montipa sipin#11.16 Wakin nunakunaqa watsin o jawan niyanmi. sagrädu kaptinqa rämankunapis sagrädu këkan. 17Israel nunakunapis sagrädu këkarmi Jesucristuta mana chaskikurnin olïvu montipita muturishqanö këkäyan. Qamkunaqa olïvu montiman injertashqanöllam këkäyanki. Tsëmi lluta olïvupa rämankunanö këkarpis tsë alli olïvu montipa sipinpita salvacionta chaskikäyanki.#11.17 Montipa sipinqa Abraham, Isaac y Jacobmi këkäyan. Pëkunata änishqanta cumplirmi Teyta Dios Jesucristuta kachamurqan nunakunata salvananpaq.
18Olïvu montiman injertashqanölla këkarqa ama alabakuyëtsu Israel nunakunapita mas precisaq kayashqëkita. Manam rämatsu montita kawëta qon, sinöqa sipinmi. 19Itsa qamkuna kënö nikäyanki: <<Israel nunakunaqa mutushqa rämakunanömi këkäyan. Pëkunata salvananpa rantinmi noqakunatana Teyta Dios salvëkäyäman>>.
20Awmi, niyashqëkinömi këkan. Tsënö kaptinpis muturishqa rämanöqa këkäyan Jesucristuman mana markäkuyashqanpitam. Qamkunaqa montiman injertashqanö këkäyanki Jesucristuman markäkuyashqëkipitam. Qamkunapis Teyta Diosta mana cäsukurqa paqtam mutushqa rämanö tikrariyankiman. 21Mana wiyakuq Israel nunakunataqa legïtimu olïvupa rämannö këkäyaptinpis Teyta Dios manam salvantsu. Pëkunatapis mana salvëkarqa qamkunatanäqa mana cäsuyaptiki manam salvayäshunkitsu.
22Teyta Dios ankupäkuq y castigakuq kashqanta käyikuyë. Mana wiyakuqkunataqa castiganmi. Wiyakuqkunataqa ankuparmi salvan. Ankupäyäshurnikipis mana cäsuyaptikiqa qamkunatapis rämatanömi muturiyäshunki. 23Israel nunakunatapis Jesucristuman markäkuyaptinqa montiman injertashqa rämanö kayänanpaqmi Teyta Dios ankupar salvanqa. Pëqa puëdiqmi këkan montiman yapë injertananpaqpis.
24Mana Israel nuna karmi qamkunaqa lluta olïvupa rämannö këkäyanki. Tsënö kayaptikipis Jesucristuta chaskikuyaptikim Teyta Dios salvayäshurqunki. Israel nunakuna legïtimu olïvupa rämannö këkäyaptinnäqa Jesucristuta chaskikuyaptin pëkunatapis salvanqam.
Israel nunakunapis salvakuyänanpaq ninqan
25Wawqikuna y panikuna, mana alabakuyänëkipaqmi nunakuna mana musyayashqanta kanan willayashqëki. Wakin Israel nunakuna kanan chukru shonqu karpis manam tsënöllatsu kayanqa. Pëkuna tsënö kayanqa mana Israel nunakunapita Teyta Dios akrashqankunata salvashqanyaqllam. 26Tsëpitanam llapan Israel nunakunapis salvakuyanqa. Teyta Diospa palabranchöpis kënömi qellqarëkan:
<<Salvakuqmi Siónpita shamunqa.
Jacobpita miraqkunatam jutsankunata jaqiriyänanpaq käyitsinqa.#Isa. 59.20.
27Jutsata rurayashqanta perdonarmi pëkunawan pactuta rurashaq>>.#Jer. 31.33-34.
28Tsënö këkaptinpis kananqa Israel nunakuna Jesucristupa alli willakïninta manam chaskikïta munayantsu. Teyta Diospa contran kayaptinmi pëkunapa rantin qamkunatana salvëkäyäshunki. Teyta Diospa contran kanan këkäyaptinpis Abrahamta, Isaacta y Jacobta änishqanta cumplirmi Israel nunakunata imëpis kuyëkan. 29Teyta Dios imatapis änikurqa cumplinmi. Pitapis salvananpaq akrarqa imëpis salvanmi.
30Imanömi nöpataqa qamkunapis Teyta Diosta cäsuyarqëkitsu, tsënöllam Israel nunakunana kanan cäsukuyantsu. Tsëmi pëkunapa rantin qamkunatana Teyta Dios ankupäyäshunki. 31Tsënö ankupäyäshunki Israel nunakunapis käyikuyaptin Teyta Dios ankupar salvananpaqmi. 32Tsëmi juk tiempuchö Israel nunakuna mana cäsukuq kayänanpaq yarpëninkunata Teyta Dios pantakätsirqan y juk tiempuchönam mana Israel nunakunapis mana cäsukuq kayänanpaq yarpëninkunata pantakätsirqan. Tsëmi Israel nunakunatapis y mana Israel nunakunatapis ankupäkuq këninwan salvan.
33¡Teyta Diosqa alläpa yachaqmi y käyiqmi këkan!
¡Pë yarpashqankunata y rurashqankunata manam pipis käyita puëdintsu!#Isa. 55.8-9.
34Teyta Dios yarpashqankunata ¿pillapis musyantsuraq?
Yachaq kananpaq ¿pillapis pëta yachatsintsuraq?#Isa. 40.13; 1Cor. 2.16.
35Diosta mandananpaq ¿piraq puëdiq kanman?#Job 41.11.
36Llapantapis Teyta Diosmi kamashqa.
Pë munaptinmi llapan imëkapis këkan.
Llapanpis pëllapam këkan.#1Cor. 8.6; Efe. 4.6; Col. 1.16.
¡Imëyaqpis Teyta Dios alabashqa këkullätsun!
Tsënö katsun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.