Nahum 2
2
1 1 (2) Nínive nunakuna, contrëki nunakunam ushakätsiyäshunëkipaq shamïkäyan.
Tsënö kaptin törriman lloqarkur mäkuq mäkuqlla këkäyë.
Nänipa shamuqta rikachakuyë.
Espädëkikunata jinallachö alistayë.
Tröpa soldädïkikunata raslla ëlluyë.
2 2 (3) Qamkunam Jacob casta nunakunata ushakäratsir imëka rämannaq üvastanö qalapachashqata jaqiriyarqunki.
Tsënö rurayaptikipis Teyta Diosmi Israel nunakunata yanapanqa unë kawakuyashqannö yapë alli kawakuyänanpaq.
3 3 (4) Teyta Diospa soldädunkunaqa atacayäshunëkipaq listum këkäyan.
Escüdunkunapis pukam këkan y uniformitapis pukatam yakakuyashqa.
Carrëtankunapis ninanöran tillapyäkun.
Cawallunkunapis guërraman juklla yëkïta munarmi wakmanpis këmanpis pintikachäyan.
4 4 (5) Carrëtankunapis qontatäkurmi cällikunapa ëqiyan.
Pläzakunachöpis tillapyäkurllanam wakpa këpa ëqiyan.
5 5 (6) Rey mandaptinmi puëdiq capitankuna escüdunkunawan tsapakurkur markata atacayänanpaq tumariq perqaman kumanakurraq ëqikäyan.
6 6 (7) Marka lädunpa pasëkaq mayuta qëkïkurmi reypa palaciuntapis juchïkätsiyan.
7 7 (8) Reypa warmintapis prësum apakïkäyan.
Apakuyaptinmi sirwiqnin warmikuna imëka urpë waqaqnöraq waqaräkur qepanta ëwëkäyan.
Pëchunkunatapis kutarran waqakïkäyan.
8 8 (9) Atacayaptinmi Nínive nunakuna ëqir ëwëkäyan.
Imëka qocha tsaparaq kichakäriptin yaku bunyëpa bunyar ëwaqnöran kumanakur jalunakurraq ewkïkäyan.
Tsënö ewkurmi kutikuyänanpaq mëläya qayayaptinpis kutiyannatsu.
9 9 (10) ¡Nínive nunakuna jaqiriyashqan qellëninta y qorintapis apakuyë!
¡Pëkunapa riquëzankunaqa yupëtapis mana puëdipaqmi këkan!
10 10 (11) ¡Nínive marka chusyäkïkanmi!
¡Paqwë pükarillapaqmi këkan!
¡Wayinkunapis juchutsishqam këkan!
¡Nunakuna alläpa mantsakäyaptinmi shonqunkunapis putukyäkun y qonqunkunapis karkaryäkun!
¡Paqwë llakikuyaptinmi imëka jupë yatashqanö qaqllankunapis tikrarin!
11 11 (12) Nöpataqa Nínive marka imëka leonpa machëninnömi karqan.
Tsëchöqa awkinkunapis y wamrakunapis yamëmi kawakuyarqan.
12 12 (13) Imëka leonkuna wätakunata wanuratsir ushapakuriqnömi Nínive nunakuna kayarqan.
Tsëmi contrankunata ushakäratsir markankunaman imëkatapis ashtayaq rakinakuyänanpaq.
Tsënöpam wayinkunamanpis suwakuyashqanta juntayaq.
13 13 (14) Tsënö kayashqanpitam llapanta mandaq Teyta Dios Nínive nunakunata kënö nin:
<<Noqaqa contrëkikunanam tikrarqü.
Contrëki tikrarmi llapan guërra carrëtëkikunata ushakanqanyaq kayashaq.
Llapan tsurikitam ushakätsishaq.
Tsënö ushakätsiptïmi täräyashqëkichö suwakunapis kayanqanatsu.
Ni willapäkuqkunapis qamkuna kaqchö manam kayanqanatsu>>.
Currently Selected:
Nahum 2: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Nahum 2
2
1 1 (2) Nínive nunakuna, contrëki nunakunam ushakätsiyäshunëkipaq shamïkäyan.
Tsënö kaptin törriman lloqarkur mäkuq mäkuqlla këkäyë.
Nänipa shamuqta rikachakuyë.
Espädëkikunata jinallachö alistayë.
Tröpa soldädïkikunata raslla ëlluyë.
2 2 (3) Qamkunam Jacob casta nunakunata ushakäratsir imëka rämannaq üvastanö qalapachashqata jaqiriyarqunki.
Tsënö rurayaptikipis Teyta Diosmi Israel nunakunata yanapanqa unë kawakuyashqannö yapë alli kawakuyänanpaq.
3 3 (4) Teyta Diospa soldädunkunaqa atacayäshunëkipaq listum këkäyan.
Escüdunkunapis pukam këkan y uniformitapis pukatam yakakuyashqa.
Carrëtankunapis ninanöran tillapyäkun.
Cawallunkunapis guërraman juklla yëkïta munarmi wakmanpis këmanpis pintikachäyan.
4 4 (5) Carrëtankunapis qontatäkurmi cällikunapa ëqiyan.
Pläzakunachöpis tillapyäkurllanam wakpa këpa ëqiyan.
5 5 (6) Rey mandaptinmi puëdiq capitankuna escüdunkunawan tsapakurkur markata atacayänanpaq tumariq perqaman kumanakurraq ëqikäyan.
6 6 (7) Marka lädunpa pasëkaq mayuta qëkïkurmi reypa palaciuntapis juchïkätsiyan.
7 7 (8) Reypa warmintapis prësum apakïkäyan.
Apakuyaptinmi sirwiqnin warmikuna imëka urpë waqaqnöraq waqaräkur qepanta ëwëkäyan.
Pëchunkunatapis kutarran waqakïkäyan.
8 8 (9) Atacayaptinmi Nínive nunakuna ëqir ëwëkäyan.
Imëka qocha tsaparaq kichakäriptin yaku bunyëpa bunyar ëwaqnöran kumanakur jalunakurraq ewkïkäyan.
Tsënö ewkurmi kutikuyänanpaq mëläya qayayaptinpis kutiyannatsu.
9 9 (10) ¡Nínive nunakuna jaqiriyashqan qellëninta y qorintapis apakuyë!
¡Pëkunapa riquëzankunaqa yupëtapis mana puëdipaqmi këkan!
10 10 (11) ¡Nínive marka chusyäkïkanmi!
¡Paqwë pükarillapaqmi këkan!
¡Wayinkunapis juchutsishqam këkan!
¡Nunakuna alläpa mantsakäyaptinmi shonqunkunapis putukyäkun y qonqunkunapis karkaryäkun!
¡Paqwë llakikuyaptinmi imëka jupë yatashqanö qaqllankunapis tikrarin!
11 11 (12) Nöpataqa Nínive marka imëka leonpa machëninnömi karqan.
Tsëchöqa awkinkunapis y wamrakunapis yamëmi kawakuyarqan.
12 12 (13) Imëka leonkuna wätakunata wanuratsir ushapakuriqnömi Nínive nunakuna kayarqan.
Tsëmi contrankunata ushakäratsir markankunaman imëkatapis ashtayaq rakinakuyänanpaq.
Tsënöpam wayinkunamanpis suwakuyashqanta juntayaq.
13 13 (14) Tsënö kayashqanpitam llapanta mandaq Teyta Dios Nínive nunakunata kënö nin:
<<Noqaqa contrëkikunanam tikrarqü.
Contrëki tikrarmi llapan guërra carrëtëkikunata ushakanqanyaq kayashaq.
Llapan tsurikitam ushakätsishaq.
Tsënö ushakätsiptïmi täräyashqëkichö suwakunapis kayanqanatsu.
Ni willapäkuqkunapis qamkuna kaqchö manam kayanqanatsu>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.