Marcos 4
4
Murukuq nunaman Jesús iwalatsinqan
Mateo 13.1-9; Lucas 8.4-8
1Tsëpitanam yapë qocha kuchunchö Jesús yachatsikur qallëkurqan. Tsëman atskaq nunakuna ëllukäyaptinmi qocha kuchunchö këkaq barcuman lloqarkur täkurirqan.#Luc. 5.1-3. 2Tsëpitanam imawanpis iwalatsikïpa atska yachatsikïkunata yachatsikur nirqan: 3<<Shumaq wiyayämë. Juk nunash trïgu muruq ëwanaq. 4Muruta ramaptinshi näniman wakin pintiyänaq. Tsëtash pishqukuna shamur upshakurkuyänaq. 5Wakin murunash ranraman pintiyänaq. Tsëchö allpa mana kaptinshi ras jeqaramurpis 6sipin#4.6 Wakin nunakunaqa watsin o jawan niyanmi. mana kaptin achachëwan tsakiriyänaq. 7Wakin murunash kashakuna rurinman pintiyänaq. Jeqaramuptinnash kashakuna nitiriptin wayïninpis kanaqtsu. 8Wakin murunash alli allpaman ishkiyänaq. Tsëchö alli winamurshi alli espïgayuq kayänaq. Wakin espïgash kima chunka (30) trïguta wayunaq, wakin espïgash joqta chunka (60) trïguta wayunaq y wakinnash juk pachak (100) trïguta wayunaq>>.
9Tsënö yachatsikurirmi Jesús kënö nirqan: <<Rinriyuq kaqkunaqa nishqäkunata wiyakuyë>>.
Imanir iwalatsikïpa yachatsinqanta Jesús käyitsinqan
Mateo 13.10-17; Lucas 8.9-10
10Tsëpita nunakuna ewkuyaptinnam Jesús quedarqan chunka ishkë discïpulunkunawan y tsëchö këkaq wakin nunakunallawan. Pëkunam tsë yachatsishqanta käyitsinanpaq Jesústa mañakuyarqan.
11Jesúsnam kënö nirqan: <<Qamkunataqa Teyta Diospa mandakïnin imanö kashqantapis shumaqmi käyitsiyashqëki. Qamkunata käyitsirpis wakinkunataqa imawanpis iwalatsikïpam willapëkä. 12Tsëmi rikëkarpis cuentata qokuyantsu y wiyëkarpis käyiyantsu. Käyikur jutsa rurëta jaqiriyaptinqa perdonashqam kayanqa>>.#Isa. 6.9-10.
Murukuqman tinkutsinqanta Jesús käyitsinqan
Mateo 13.18-23; Lucas 8.11-15
13Tsëmi Jesús kënö nirqan: <<Tsë yachatsiyashqaqta ¿manaku käyiyanki? Tsëkunallatapis mana käyikarqa ¿imanöpataq wakinkunatanäqa käyiyankiman?
14<<Murukuq nunaqa Teyta Diospa willakïninta willakuqmi këkan. 15Wakin nunakunaqa chukru näniman murushqanömi kayan. Tsëmi Teyta Diospa willakïninta wiyaptinpis Satanás shamur wiyayashqantapis qonqaratsin.
16<<Wakin nunakunaqa ranra chakraman murushqanömi kayan. Pëkunaqa Diospa willakïninta wiyar kushishqam chaskikuyan. 17Kushishqa chaskikurpis Teyta Diosman shumaq mana markäkurmi sipinnaq#4.17 Wakin nunakunaqa watsinnaq o jawannaq niyanmi. trïgunö këkäyan. Tsëmi Diospa palabranta chaskikuyashqanpita nunakuna chikiyaptin o jipakïkuna shamuptin markäkïninta jaqiriyan.
18<<Wakin nunakunaqa kasha kasha chakraman murushqanömi kayan. Pëkunaqa Diospa willakïninta wiyarpis 19kë vïdachö imëkapaqpis llakikur y rïcu kananllapaq yarpakacharmi Diospa willakïninta qonqëkur mana wayuq trïgunö kayan.
20<<Wakin nunakunaqa alli allpaman murushqanömi kayan. Pëkunaqa Teyta Diospa willakïninta chaskikurmi Teyta Dios munashqannö kawayan. Tsëmi alli allpachö juk murullapita kima chunka (30) trïgu o joqta chunka (60) trïgu o juk pachak (100) trïgu wayushqannö kayan>>.
Willakïninta aktsiman Jesús iwalatsinqan
Lucas 8.16-18
21Tsëpitanam Jesús kënö nirqan: <<Pipis chiwchita sendirkur ¿cajón rurinman o catripa rurinman pakanmantsuraq? ¿Manaku llapanta aktsinanpaq alëruman churan?#Mat. 5.15; Luc. 11.33. 22Tsënömi yachatsishqäkuna kanan pakarëkaqnö karpis musyakanqa. Kanan mana käyirpis warëkunaqa käyiyanqam. 23Rinriyuq kaqkunaqa nishqäkunata wiyakuyë>>.
24Jesús jina kënömi nirqan: <<Nishqäkunata shumaq cäsukuyë. Cäsuyanqëkimannömi masta yachakuyänëkipaq Teyta Dios yanapayäshunki. [Shumaq wiyakuyaptikiqa] mastaran käyitsiyäshunki. 25Yachatsishqäta cäsukuqkunaqa masmi käyiyanqa. Mana cäsukuqkunaqa ichiklla käyiyashqanllatapis qonqëkuyanqam>>.#Mat. 13.12; 25.29; Luc. 19.26.
Trïgu muruman Jesús iwalatsinqan
26Tsëpitanam Jesús kënö nirqan: <<Teyta Diospa mandakïninqa juk nuna trïguta murunqannömi këkan. 27Murïkur punukuptinpis riyakuptinpis paqaspapis junaqpapis murunqan winamunmi. Imanö winashqanta tsë nuna mana käyiptinpis 28tsë trïgu puntata qoranöllam winamun. Winaramurnam espïgar poqun. 29Poquriptinnam cosechar ösiwan segan>>.#Joel 3.13.
Mostäza muruman Jesús iwalatsinqan
Mateo 13.31-32; Lucas 13.18-19
30Jesús jina kënömi nirqan: <<Teyta Diospa mandakïninta ¿imamanraq iwalatsïman? ¿Ima iwalatsikïwanraq käyitsïman? 31Teyta Diospa mandakïninqa mostäza muruta juk nuna chakranman murushqannömi këkan. Llapan murupitapis mas ichikllanmi këkan. 32Ichikllan këkarpis winamurqa wakin qorakunapitapis mas jatunmi winan. Tsëmi rämankunachö pishqukunapis qeshunkuna rurayan>>.#4.32 Jesúsnam nirqan: Ichiklla murullapita mostäza jeqaramur winashqannömi Teyta Diospa willakïnin jinantinmanpis chanqa.
Imapaq iwalatsikïpa Jesús yachatsinqan
Mateo 13.34-35
33Tsënöpam nunakuna käyiyanqanmannö Teyta Diospa willakïninta imawanpis iwalatsikïpa Jesús yachatsirqan. 34Imëkamanpis mana iwalatsikïpaqa manam imëpis yachatsirqantsu. Tsënö kaptinpis discïpulunkunataqa japallankuna këkäyashqan höram llapanta käyitsiq.
Vientupaqwan yakupaq Jesús puëdiq kanqan
Mateo 8.23-27; Lucas 8.22-25
35Tsë junaq patsa tutapaptinnam discïpulunkunata Jesús kënö nirqan: <<Wak tsimpaman pasashun>>.
36Tsënö nirmi tsëchö këkaq nunakunata jaqirir barcuwan wak tsimpaman ëwayarqan. Wakin nunakunapis barcunkunawanmi ëwayarqan. 37Qochata tsimpëkäyaptinmi alläpa vientur qallakïkurqan. Yakupis laqchiqsarmi barcuta hundikätsinanpaqna këkarqan. 38Jesúsnam barcupa qepa täkunanchö jawnan churakurkur punïkarqan. Tsëmi discïpulunkuna alläpa mantsakar Jesústa riyatsir niyarqan: <<¡Rabí, hundikëkantsiknam! ¿Imanirtaq punukunki?>>
39Tsëmi Jesús shärirkur vientuta y yakuta piñapar <<¡Vientu vientïnatsu y yaku laqchiqsënatsu!>> nirqan. Tsë höram vientupis yakupis pärarirqan. 40Tsëpitanam discïpulunkunata kënö nirqan: <<¿Imanirtaq mantsakashqa këkäyanki? ¿Manaku noqaman markäkayämunki?>>
41Tsëmi kikinkunapura mantsakashqa ninakuyarqan: <<¡Pitaq kë nunaqa yakupis vientupis tsënö cäsunanpaqqa!>>
Currently Selected:
Marcos 4: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Marcos 4
4
Murukuq nunaman Jesús iwalatsinqan
Mateo 13.1-9; Lucas 8.4-8
1Tsëpitanam yapë qocha kuchunchö Jesús yachatsikur qallëkurqan. Tsëman atskaq nunakuna ëllukäyaptinmi qocha kuchunchö këkaq barcuman lloqarkur täkurirqan.#Luc. 5.1-3. 2Tsëpitanam imawanpis iwalatsikïpa atska yachatsikïkunata yachatsikur nirqan: 3<<Shumaq wiyayämë. Juk nunash trïgu muruq ëwanaq. 4Muruta ramaptinshi näniman wakin pintiyänaq. Tsëtash pishqukuna shamur upshakurkuyänaq. 5Wakin murunash ranraman pintiyänaq. Tsëchö allpa mana kaptinshi ras jeqaramurpis 6sipin#4.6 Wakin nunakunaqa watsin o jawan niyanmi. mana kaptin achachëwan tsakiriyänaq. 7Wakin murunash kashakuna rurinman pintiyänaq. Jeqaramuptinnash kashakuna nitiriptin wayïninpis kanaqtsu. 8Wakin murunash alli allpaman ishkiyänaq. Tsëchö alli winamurshi alli espïgayuq kayänaq. Wakin espïgash kima chunka (30) trïguta wayunaq, wakin espïgash joqta chunka (60) trïguta wayunaq y wakinnash juk pachak (100) trïguta wayunaq>>.
9Tsënö yachatsikurirmi Jesús kënö nirqan: <<Rinriyuq kaqkunaqa nishqäkunata wiyakuyë>>.
Imanir iwalatsikïpa yachatsinqanta Jesús käyitsinqan
Mateo 13.10-17; Lucas 8.9-10
10Tsëpita nunakuna ewkuyaptinnam Jesús quedarqan chunka ishkë discïpulunkunawan y tsëchö këkaq wakin nunakunallawan. Pëkunam tsë yachatsishqanta käyitsinanpaq Jesústa mañakuyarqan.
11Jesúsnam kënö nirqan: <<Qamkunataqa Teyta Diospa mandakïnin imanö kashqantapis shumaqmi käyitsiyashqëki. Qamkunata käyitsirpis wakinkunataqa imawanpis iwalatsikïpam willapëkä. 12Tsëmi rikëkarpis cuentata qokuyantsu y wiyëkarpis käyiyantsu. Käyikur jutsa rurëta jaqiriyaptinqa perdonashqam kayanqa>>.#Isa. 6.9-10.
Murukuqman tinkutsinqanta Jesús käyitsinqan
Mateo 13.18-23; Lucas 8.11-15
13Tsëmi Jesús kënö nirqan: <<Tsë yachatsiyashqaqta ¿manaku käyiyanki? Tsëkunallatapis mana käyikarqa ¿imanöpataq wakinkunatanäqa käyiyankiman?
14<<Murukuq nunaqa Teyta Diospa willakïninta willakuqmi këkan. 15Wakin nunakunaqa chukru näniman murushqanömi kayan. Tsëmi Teyta Diospa willakïninta wiyaptinpis Satanás shamur wiyayashqantapis qonqaratsin.
16<<Wakin nunakunaqa ranra chakraman murushqanömi kayan. Pëkunaqa Diospa willakïninta wiyar kushishqam chaskikuyan. 17Kushishqa chaskikurpis Teyta Diosman shumaq mana markäkurmi sipinnaq#4.17 Wakin nunakunaqa watsinnaq o jawannaq niyanmi. trïgunö këkäyan. Tsëmi Diospa palabranta chaskikuyashqanpita nunakuna chikiyaptin o jipakïkuna shamuptin markäkïninta jaqiriyan.
18<<Wakin nunakunaqa kasha kasha chakraman murushqanömi kayan. Pëkunaqa Diospa willakïninta wiyarpis 19kë vïdachö imëkapaqpis llakikur y rïcu kananllapaq yarpakacharmi Diospa willakïninta qonqëkur mana wayuq trïgunö kayan.
20<<Wakin nunakunaqa alli allpaman murushqanömi kayan. Pëkunaqa Teyta Diospa willakïninta chaskikurmi Teyta Dios munashqannö kawayan. Tsëmi alli allpachö juk murullapita kima chunka (30) trïgu o joqta chunka (60) trïgu o juk pachak (100) trïgu wayushqannö kayan>>.
Willakïninta aktsiman Jesús iwalatsinqan
Lucas 8.16-18
21Tsëpitanam Jesús kënö nirqan: <<Pipis chiwchita sendirkur ¿cajón rurinman o catripa rurinman pakanmantsuraq? ¿Manaku llapanta aktsinanpaq alëruman churan?#Mat. 5.15; Luc. 11.33. 22Tsënömi yachatsishqäkuna kanan pakarëkaqnö karpis musyakanqa. Kanan mana käyirpis warëkunaqa käyiyanqam. 23Rinriyuq kaqkunaqa nishqäkunata wiyakuyë>>.
24Jesús jina kënömi nirqan: <<Nishqäkunata shumaq cäsukuyë. Cäsuyanqëkimannömi masta yachakuyänëkipaq Teyta Dios yanapayäshunki. [Shumaq wiyakuyaptikiqa] mastaran käyitsiyäshunki. 25Yachatsishqäta cäsukuqkunaqa masmi käyiyanqa. Mana cäsukuqkunaqa ichiklla käyiyashqanllatapis qonqëkuyanqam>>.#Mat. 13.12; 25.29; Luc. 19.26.
Trïgu muruman Jesús iwalatsinqan
26Tsëpitanam Jesús kënö nirqan: <<Teyta Diospa mandakïninqa juk nuna trïguta murunqannömi këkan. 27Murïkur punukuptinpis riyakuptinpis paqaspapis junaqpapis murunqan winamunmi. Imanö winashqanta tsë nuna mana käyiptinpis 28tsë trïgu puntata qoranöllam winamun. Winaramurnam espïgar poqun. 29Poquriptinnam cosechar ösiwan segan>>.#Joel 3.13.
Mostäza muruman Jesús iwalatsinqan
Mateo 13.31-32; Lucas 13.18-19
30Jesús jina kënömi nirqan: <<Teyta Diospa mandakïninta ¿imamanraq iwalatsïman? ¿Ima iwalatsikïwanraq käyitsïman? 31Teyta Diospa mandakïninqa mostäza muruta juk nuna chakranman murushqannömi këkan. Llapan murupitapis mas ichikllanmi këkan. 32Ichikllan këkarpis winamurqa wakin qorakunapitapis mas jatunmi winan. Tsëmi rämankunachö pishqukunapis qeshunkuna rurayan>>.#4.32 Jesúsnam nirqan: Ichiklla murullapita mostäza jeqaramur winashqannömi Teyta Diospa willakïnin jinantinmanpis chanqa.
Imapaq iwalatsikïpa Jesús yachatsinqan
Mateo 13.34-35
33Tsënöpam nunakuna käyiyanqanmannö Teyta Diospa willakïninta imawanpis iwalatsikïpa Jesús yachatsirqan. 34Imëkamanpis mana iwalatsikïpaqa manam imëpis yachatsirqantsu. Tsënö kaptinpis discïpulunkunataqa japallankuna këkäyashqan höram llapanta käyitsiq.
Vientupaqwan yakupaq Jesús puëdiq kanqan
Mateo 8.23-27; Lucas 8.22-25
35Tsë junaq patsa tutapaptinnam discïpulunkunata Jesús kënö nirqan: <<Wak tsimpaman pasashun>>.
36Tsënö nirmi tsëchö këkaq nunakunata jaqirir barcuwan wak tsimpaman ëwayarqan. Wakin nunakunapis barcunkunawanmi ëwayarqan. 37Qochata tsimpëkäyaptinmi alläpa vientur qallakïkurqan. Yakupis laqchiqsarmi barcuta hundikätsinanpaqna këkarqan. 38Jesúsnam barcupa qepa täkunanchö jawnan churakurkur punïkarqan. Tsëmi discïpulunkuna alläpa mantsakar Jesústa riyatsir niyarqan: <<¡Rabí, hundikëkantsiknam! ¿Imanirtaq punukunki?>>
39Tsëmi Jesús shärirkur vientuta y yakuta piñapar <<¡Vientu vientïnatsu y yaku laqchiqsënatsu!>> nirqan. Tsë höram vientupis yakupis pärarirqan. 40Tsëpitanam discïpulunkunata kënö nirqan: <<¿Imanirtaq mantsakashqa këkäyanki? ¿Manaku noqaman markäkayämunki?>>
41Tsëmi kikinkunapura mantsakashqa ninakuyarqan: <<¡Pitaq kë nunaqa yakupis vientupis tsënö cäsunanpaqqa!>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.