Marcos 12
12
Chakra arrendaq nunakunaman iwalatsikïpa Jesús yachatsinqan
Mateo 21.33-46; Lucas 20.9-19
1Tsëpitanam iwalatsikïpa yachatsir Jesús kënö nirqan: <<Juk nunash chakranman üvasta plantëkatsir#Isa. 5.1-2. llapan kuchunpa perqatsinaq. Üvasta jaluyänanpaqshi pözuta ruratsinaq. Chakranta täpananpaqshi törritapis shäritsinaq. Llapanta ruraratsirnash chakranta arrendakïkur juk markapa ewkunaq.
2<<Cosëcha qallëkuptinnash juk sirwiqninta kachanaq üvas chakra arriendunpita cobrakamunanpaq. 3Tsë sirwikuq chäriptinshi alläpa maqar jinëllata qarquriyänaq. 4Tsëshi chakrayuq nuna juk sirwiqninta yapë kachanaq. Tsëtapis asharshi [tsampir] peqantapis rachiyänaq. 5Tsëpitanash juk sirwiqninta kachaptin wanutsiyänaq. Tsënöllash atskaqta kachaptinpis wakinta maqayänaq y wakintana wanutsiyänaq.
6<<Sirwiqninkuna manana kaptinnash kuyë tsurintana kachanaq. Tsë tsurinta kacharshi ninaq: <Tsurïtaqa respetayanqam>. 7Tsëshi tsurin yëkïkaqta rikëkur chakra arrendaqkuna niyänaq: <Taqëmi kë chakrawan quedanqa. Noqantsik chakranwan quedakunantsikpaq wanïkatsishun>. 8Chäriptinnash parlayanqannölla wanuratsir üvas chakrapita juk läduman jitariyänaq>>.
9Tsënö willakurirnam Jesús kënö nirqan: <<Tsë üvas chakrayuq ¡imataraq ruranqa tsë nunakunata! ¿Manatsuraq llapanta wanutsinqa? Chakrantapis juktanam arrendakïkunqa. 10¿Manaku leyiyarqunki Teyta Diospa palabran nishqanta? Tsëchöqa kënömi nin:
<< <Wayi shäritsiqkuna <<kë rumi manam allitsu>> nir jitariyanqanmi kananqa maestra rumi tikrashqa këkan.
11Tsënö kananpaqqa Teyta Diosmi permitishqa.
Tsëpitam alläpa mantsakashqa këkantsik> >>.#12.11 Tsë rumimanmi Jesucristo iwalatsikurqan. Tsënö nirmi käyitsirqan chikiyaptinpis llapanpitapis puëdiq kananpaq Teyta Dios churashqanta.#Sal. 118.22-23.
12Jesús tsënö niptinmi käyiyarqan pëkunapa contran parlëkashqanta.#12.12 Tsë iwalatsikï kënömi këkan: Chakrayuqqa Teyta Diosmi. Chakrayuq kachashqan sirwiqninkunanam Teyta Diospa profëtankuna. Chakrayuqpa tsurinnam Jesucristo. Chakra arrendaq aksë nunakunanam Jesucristupa contrankuna. Tsëmi prësu tsaritsita munarpis nunakunata mantsar ewkuyarqan.
Impuestuta pagayänanpaq tapuyanqan
Mateo 22.15-22; Lucas 20.20-26
13Tsëpitanam fariseukunata y Herodesman qaqaq nunakunata Jesús kaqman kachayarqan llutanta parlatsiyänanpaq. 14Chärirnam niyarqan: <<Rabí, noqakuna musyayämi rasun kaqllata yachatsikushqëkita. Manam nunakuna alabayäshunëkita munartsu yachatsikunki, sinöqa Teyta Dios munashqannöllam. Romachö mandakuq Césarpaq ¿impuestuta pagashwanku o manaku?>>#12.14 Israel nunakuna yarpäyarqan Romapaq impuestuta pagar Teyta Diospa contran këkäyashqantam. Tsëmi: <<Impuestuta pagashun>> Jesús niptinqa Diospa contran parlashqanta niyanman karqan. <<Ama pagashuntsu>> niptinqa Roma autoridäkuna piñayanmanmi karqan.
15Llutanta parlatsiyänan rëkur tapuyashqanta käyirmi Jesús kënö nirqan: <<¿Imanirtaq llutanta parlatsimëta munayanki? Mä qellëta rikätsiyämë>>.
16Tsënö niptinmi qellëta tsarätsiyarqan. Tsëta rikëkurmi Jesús kënö tapurqan: <<Kë qellëchö ¿pipa reträtuntaq këkan? Jina ¿pipa shutintaq qellqarëkan?>>
Pëkunanam niyarqan: <<Mandakuq Césarpam>>.
17Jesúsnam nirqan: <<Césarpa kaqtaqa Césarta qoykuyë. Teyta Diospa kaqtaqa Teyta Diosta qoykuyë>>.#12.17 Teyta Diospa kaqqa vïdantsikmi këkan.
Tsënö niptinmi tsë nunakuna ima nitapis puëdiyarqantsu.
Kawarimïpaq saduceukuna tapukuyanqan
Mateo 22.23-33; Lucas 20.27-40
18Tsëpitanam saduceukunapis Jesústa tapuq ëwayarqan. Pëkuna manam creyiyantsu wanuqkuna kawariyämunanpaq kashqanta.#Hech. 23.8. Tsëmi Jesústa tapuyarqan: 19<<Rabí, Moisés qellqashqanchömi kënö nikan: <Warmiyuq nuna tsurinnaq wanuptin wawqinmi pajunwan täranqa. Tsënöpam wamrankuna kaptin tsë wanuq wawqinpa wamrannö kayanqa>.#Deut. 25.5. 20Kanan niyashqëki. Juk kutish qanchis wawqikuna kayänaq. Wamaqshu kaqshi juk warmiwan casakur manaraq tsurin kaptin wanukïkunaq. 21Tsëshi qepan kaq wawqinna tsë pajuwan casakunaq. Pëpis tsurin manaraq kaptinshi wanurinaq. Tsëpita mas qepan kaqnash tsë pajuwan casakunaq. Pëpis tsurin manaraq kaptinshi wanurinaq. 22Tsënöllash llapan wawqinkuna tsë pajuwan casakuyänaq. Tsurinkuna manaraq kaptinshi llapanpis wanukuyänaq. Tsëpitanash tsë pajupis wanukunaq. 23Wanushqakuna kawariyämunan junaqqa ¿mëqanpa warminraq kanqa, qanchis wawqiwan casakushqa këkaptinqa?>>
24Jesúsnam nirqan: <<Qamkunaqa llutantam yarpäyanki. Manam Teyta Diospa palabranta ni Teyta Dios puëdiq kashqantapis käyiyankitsu. 25Kawarimurqa manam pipis casakunqanatsu, sinöqa ciëluchö angelkunanöllanam kayanqa. 26Wanushqakuna kawariyämunanpaq kashqanta ¿manaku Moisés qellqashqanchö leyiyarqunki? Rawrëkaq shirakapitam#12.26 Wakin nunakunaqa shirapita niyanmi. Moisésta Teyta Dios kënö nirqan: <Noqaqa Abrahampa, Isaacpa y Jacobpa Diosninmi kä>.#Éxo. 3.6. 27Teyta Diosqa manam wanushqakunapa Diosnintsu, sinöqa kawëkaqkunapa Diosninmi. Tsëta mana käyirmi qamkuna llutanta yarpëkäyanki>>.
Mas precisaq kaq mandamientu
Mateo 22.34-40; Lucas 10.25-28
28Jesús alli yaskishqanta wiyarmi ley yachatsikuq nunapis kënö tapurqan: <<¿Mëqan mandamientutaq mas cäsushwan?>>
29Jesúsnam nirqan: <<Mas cäsukunantsikpaq kaq mandamientuqa kënömi qellqarëkan: <Israel nunakuna, shumaq wiyakuyë. Teyta Diosnintsikqa jukllëllam. 30Teyta Diosta kuyayanki llapan shonqïkikunawan, llapan kawënikikunawan, llapan yachënikikunawan y llapan kallpëkikunawan>. [Tsëqa mas cäsunantsikpaq kaq mandamientum.]#Deut. 6.4-5. 31Tsënöllam juk kaq mandamientupis kënö nikan: <Kikiki kuyakushqëkinö nuna mayikitapis kuyanki>.#Lev. 19.18. Tsë ishkë mandamientukunata mas cumplinantsiktam Teyta Dios munan>>.
32Tsëmi ley yachatsikuq nuna kënö nirqan: <<Rabí, rasun kaqtam nirqunki. Rasunpapis jukllëllam Teyta Diosqa. Pëpita mas juk diosqa manam kantsu.#Deut. 4.35. 33Tsë ishkë mandamientukunata cumplishqantsikqa llapan sacrificiukunapitapis mas allim këkan>>.#Ose. 6.6.
34Shumaq käyïkur niptinmi Jesús kënö nirqan: <<Qamqa Diospa mandakïninman yëkunëkipaqnam këkanki>>.
Tsënö niptinmi pipis tapïta almitirqannatsu.
Davidpitapis Cristo mas mandakuq kanqan
Mateo 22.41-46; Lucas 20.41-44
35Templupa patiunchö yachëkätsirmi nunakunata Jesús kënö nirqan: <<¿Imanirtaq ley yachatsikuqkuna niyan Davidpa Tsurin Cristo kashqanta? 36Espíritu Santu käyitsiptinmi kikin Davidpis kënö nirqan: <Mandamaqnïtam Teyta Dios kënö nirqan: Allawka kaq lädüman täkamï llapan chikishuqnikikunata munënikiman churamushqäyaq>.#Sal. 110.1.
37<<Tsënö nikaptinqa ¿imanöpataq Cristuqa Davidpa Tsurin kanman kikin Davidpis mandaqnin kashqanta nikaptinqa?>>#12.37 Cristuqa manam David casta kanqantatsu negarqan, sinöqa Davidpita mas puëdiq kanqantam nirqan.
Jesús tsënö yachatsikuptinmi nunakuna kushikuyarqan.
Ley yachatsikuqkunawan fariseukuna mana alli ruraq kayanqanta Jesús ninqan
Mateo 23.1-12; Lucas 20.45-47
38Tsëpitanam Jesús kënö nirqan: <<Paqtam ley yachatsikuqkunanö kayankiman. Pëkunaqa nuna tukurmi chaki puntanyaq shumaq ratashkunata yakakushqa puriyan. Pläzakunachöpis napar alläpa respetayänantam munayan. 39Sinagögakunachöpis punta kaq bancakunachöran täkuyan. Mikuyänanpaq qayatsiyaptinpis mësachöran mikïta munayan. 40Pajukunapa imankunatapis qochiyan. Tsëpitanam santu tukur unëpa Teyta Diosta mañakuyan. Tsënö kayashqanpitam Teyta Dios mana ankupashpa mas feyupa castiganqa>>.
Waktsa paju ofrendanqan
Lucas 21.1-4
41Tsëpitanam templuchö ofrenda winakuyänan cäja frentinchö Jesús tëkar rikarëkarqan nunakuna ofrendata winayaqta. Tsënöllam rikarqan rïcu nunakunapis atska qellëta winëkäyaqta. 42Juk waktsa pajupis tsëman chärirmi ishkë centävullanta winarqan. 43Tsëta rikëkurmi discïpulunkunata qayëkur Jesús kënö nirqan: <<Rasunpam niyaq: Kë waktsa pajum llapanpitapis mas atskata winarkushqa. 44Wakinkunaqa sobrankunallatam winayashqa. Kë pajuqa rantipakunanpaq këkaqnintapis llapantam winarkushqa>>.
Currently Selected:
Marcos 12: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Marcos 12
12
Chakra arrendaq nunakunaman iwalatsikïpa Jesús yachatsinqan
Mateo 21.33-46; Lucas 20.9-19
1Tsëpitanam iwalatsikïpa yachatsir Jesús kënö nirqan: <<Juk nunash chakranman üvasta plantëkatsir#Isa. 5.1-2. llapan kuchunpa perqatsinaq. Üvasta jaluyänanpaqshi pözuta ruratsinaq. Chakranta täpananpaqshi törritapis shäritsinaq. Llapanta ruraratsirnash chakranta arrendakïkur juk markapa ewkunaq.
2<<Cosëcha qallëkuptinnash juk sirwiqninta kachanaq üvas chakra arriendunpita cobrakamunanpaq. 3Tsë sirwikuq chäriptinshi alläpa maqar jinëllata qarquriyänaq. 4Tsëshi chakrayuq nuna juk sirwiqninta yapë kachanaq. Tsëtapis asharshi [tsampir] peqantapis rachiyänaq. 5Tsëpitanash juk sirwiqninta kachaptin wanutsiyänaq. Tsënöllash atskaqta kachaptinpis wakinta maqayänaq y wakintana wanutsiyänaq.
6<<Sirwiqninkuna manana kaptinnash kuyë tsurintana kachanaq. Tsë tsurinta kacharshi ninaq: <Tsurïtaqa respetayanqam>. 7Tsëshi tsurin yëkïkaqta rikëkur chakra arrendaqkuna niyänaq: <Taqëmi kë chakrawan quedanqa. Noqantsik chakranwan quedakunantsikpaq wanïkatsishun>. 8Chäriptinnash parlayanqannölla wanuratsir üvas chakrapita juk läduman jitariyänaq>>.
9Tsënö willakurirnam Jesús kënö nirqan: <<Tsë üvas chakrayuq ¡imataraq ruranqa tsë nunakunata! ¿Manatsuraq llapanta wanutsinqa? Chakrantapis juktanam arrendakïkunqa. 10¿Manaku leyiyarqunki Teyta Diospa palabran nishqanta? Tsëchöqa kënömi nin:
<< <Wayi shäritsiqkuna <<kë rumi manam allitsu>> nir jitariyanqanmi kananqa maestra rumi tikrashqa këkan.
11Tsënö kananpaqqa Teyta Diosmi permitishqa.
Tsëpitam alläpa mantsakashqa këkantsik> >>.#12.11 Tsë rumimanmi Jesucristo iwalatsikurqan. Tsënö nirmi käyitsirqan chikiyaptinpis llapanpitapis puëdiq kananpaq Teyta Dios churashqanta.#Sal. 118.22-23.
12Jesús tsënö niptinmi käyiyarqan pëkunapa contran parlëkashqanta.#12.12 Tsë iwalatsikï kënömi këkan: Chakrayuqqa Teyta Diosmi. Chakrayuq kachashqan sirwiqninkunanam Teyta Diospa profëtankuna. Chakrayuqpa tsurinnam Jesucristo. Chakra arrendaq aksë nunakunanam Jesucristupa contrankuna. Tsëmi prësu tsaritsita munarpis nunakunata mantsar ewkuyarqan.
Impuestuta pagayänanpaq tapuyanqan
Mateo 22.15-22; Lucas 20.20-26
13Tsëpitanam fariseukunata y Herodesman qaqaq nunakunata Jesús kaqman kachayarqan llutanta parlatsiyänanpaq. 14Chärirnam niyarqan: <<Rabí, noqakuna musyayämi rasun kaqllata yachatsikushqëkita. Manam nunakuna alabayäshunëkita munartsu yachatsikunki, sinöqa Teyta Dios munashqannöllam. Romachö mandakuq Césarpaq ¿impuestuta pagashwanku o manaku?>>#12.14 Israel nunakuna yarpäyarqan Romapaq impuestuta pagar Teyta Diospa contran këkäyashqantam. Tsëmi: <<Impuestuta pagashun>> Jesús niptinqa Diospa contran parlashqanta niyanman karqan. <<Ama pagashuntsu>> niptinqa Roma autoridäkuna piñayanmanmi karqan.
15Llutanta parlatsiyänan rëkur tapuyashqanta käyirmi Jesús kënö nirqan: <<¿Imanirtaq llutanta parlatsimëta munayanki? Mä qellëta rikätsiyämë>>.
16Tsënö niptinmi qellëta tsarätsiyarqan. Tsëta rikëkurmi Jesús kënö tapurqan: <<Kë qellëchö ¿pipa reträtuntaq këkan? Jina ¿pipa shutintaq qellqarëkan?>>
Pëkunanam niyarqan: <<Mandakuq Césarpam>>.
17Jesúsnam nirqan: <<Césarpa kaqtaqa Césarta qoykuyë. Teyta Diospa kaqtaqa Teyta Diosta qoykuyë>>.#12.17 Teyta Diospa kaqqa vïdantsikmi këkan.
Tsënö niptinmi tsë nunakuna ima nitapis puëdiyarqantsu.
Kawarimïpaq saduceukuna tapukuyanqan
Mateo 22.23-33; Lucas 20.27-40
18Tsëpitanam saduceukunapis Jesústa tapuq ëwayarqan. Pëkuna manam creyiyantsu wanuqkuna kawariyämunanpaq kashqanta.#Hech. 23.8. Tsëmi Jesústa tapuyarqan: 19<<Rabí, Moisés qellqashqanchömi kënö nikan: <Warmiyuq nuna tsurinnaq wanuptin wawqinmi pajunwan täranqa. Tsënöpam wamrankuna kaptin tsë wanuq wawqinpa wamrannö kayanqa>.#Deut. 25.5. 20Kanan niyashqëki. Juk kutish qanchis wawqikuna kayänaq. Wamaqshu kaqshi juk warmiwan casakur manaraq tsurin kaptin wanukïkunaq. 21Tsëshi qepan kaq wawqinna tsë pajuwan casakunaq. Pëpis tsurin manaraq kaptinshi wanurinaq. Tsëpita mas qepan kaqnash tsë pajuwan casakunaq. Pëpis tsurin manaraq kaptinshi wanurinaq. 22Tsënöllash llapan wawqinkuna tsë pajuwan casakuyänaq. Tsurinkuna manaraq kaptinshi llapanpis wanukuyänaq. Tsëpitanash tsë pajupis wanukunaq. 23Wanushqakuna kawariyämunan junaqqa ¿mëqanpa warminraq kanqa, qanchis wawqiwan casakushqa këkaptinqa?>>
24Jesúsnam nirqan: <<Qamkunaqa llutantam yarpäyanki. Manam Teyta Diospa palabranta ni Teyta Dios puëdiq kashqantapis käyiyankitsu. 25Kawarimurqa manam pipis casakunqanatsu, sinöqa ciëluchö angelkunanöllanam kayanqa. 26Wanushqakuna kawariyämunanpaq kashqanta ¿manaku Moisés qellqashqanchö leyiyarqunki? Rawrëkaq shirakapitam#12.26 Wakin nunakunaqa shirapita niyanmi. Moisésta Teyta Dios kënö nirqan: <Noqaqa Abrahampa, Isaacpa y Jacobpa Diosninmi kä>.#Éxo. 3.6. 27Teyta Diosqa manam wanushqakunapa Diosnintsu, sinöqa kawëkaqkunapa Diosninmi. Tsëta mana käyirmi qamkuna llutanta yarpëkäyanki>>.
Mas precisaq kaq mandamientu
Mateo 22.34-40; Lucas 10.25-28
28Jesús alli yaskishqanta wiyarmi ley yachatsikuq nunapis kënö tapurqan: <<¿Mëqan mandamientutaq mas cäsushwan?>>
29Jesúsnam nirqan: <<Mas cäsukunantsikpaq kaq mandamientuqa kënömi qellqarëkan: <Israel nunakuna, shumaq wiyakuyë. Teyta Diosnintsikqa jukllëllam. 30Teyta Diosta kuyayanki llapan shonqïkikunawan, llapan kawënikikunawan, llapan yachënikikunawan y llapan kallpëkikunawan>. [Tsëqa mas cäsunantsikpaq kaq mandamientum.]#Deut. 6.4-5. 31Tsënöllam juk kaq mandamientupis kënö nikan: <Kikiki kuyakushqëkinö nuna mayikitapis kuyanki>.#Lev. 19.18. Tsë ishkë mandamientukunata mas cumplinantsiktam Teyta Dios munan>>.
32Tsëmi ley yachatsikuq nuna kënö nirqan: <<Rabí, rasun kaqtam nirqunki. Rasunpapis jukllëllam Teyta Diosqa. Pëpita mas juk diosqa manam kantsu.#Deut. 4.35. 33Tsë ishkë mandamientukunata cumplishqantsikqa llapan sacrificiukunapitapis mas allim këkan>>.#Ose. 6.6.
34Shumaq käyïkur niptinmi Jesús kënö nirqan: <<Qamqa Diospa mandakïninman yëkunëkipaqnam këkanki>>.
Tsënö niptinmi pipis tapïta almitirqannatsu.
Davidpitapis Cristo mas mandakuq kanqan
Mateo 22.41-46; Lucas 20.41-44
35Templupa patiunchö yachëkätsirmi nunakunata Jesús kënö nirqan: <<¿Imanirtaq ley yachatsikuqkuna niyan Davidpa Tsurin Cristo kashqanta? 36Espíritu Santu käyitsiptinmi kikin Davidpis kënö nirqan: <Mandamaqnïtam Teyta Dios kënö nirqan: Allawka kaq lädüman täkamï llapan chikishuqnikikunata munënikiman churamushqäyaq>.#Sal. 110.1.
37<<Tsënö nikaptinqa ¿imanöpataq Cristuqa Davidpa Tsurin kanman kikin Davidpis mandaqnin kashqanta nikaptinqa?>>#12.37 Cristuqa manam David casta kanqantatsu negarqan, sinöqa Davidpita mas puëdiq kanqantam nirqan.
Jesús tsënö yachatsikuptinmi nunakuna kushikuyarqan.
Ley yachatsikuqkunawan fariseukuna mana alli ruraq kayanqanta Jesús ninqan
Mateo 23.1-12; Lucas 20.45-47
38Tsëpitanam Jesús kënö nirqan: <<Paqtam ley yachatsikuqkunanö kayankiman. Pëkunaqa nuna tukurmi chaki puntanyaq shumaq ratashkunata yakakushqa puriyan. Pläzakunachöpis napar alläpa respetayänantam munayan. 39Sinagögakunachöpis punta kaq bancakunachöran täkuyan. Mikuyänanpaq qayatsiyaptinpis mësachöran mikïta munayan. 40Pajukunapa imankunatapis qochiyan. Tsëpitanam santu tukur unëpa Teyta Diosta mañakuyan. Tsënö kayashqanpitam Teyta Dios mana ankupashpa mas feyupa castiganqa>>.
Waktsa paju ofrendanqan
Lucas 21.1-4
41Tsëpitanam templuchö ofrenda winakuyänan cäja frentinchö Jesús tëkar rikarëkarqan nunakuna ofrendata winayaqta. Tsënöllam rikarqan rïcu nunakunapis atska qellëta winëkäyaqta. 42Juk waktsa pajupis tsëman chärirmi ishkë centävullanta winarqan. 43Tsëta rikëkurmi discïpulunkunata qayëkur Jesús kënö nirqan: <<Rasunpam niyaq: Kë waktsa pajum llapanpitapis mas atskata winarkushqa. 44Wakinkunaqa sobrankunallatam winayashqa. Kë pajuqa rantipakunanpaq këkaqnintapis llapantam winarkushqa>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.