Miqueas 7
7
Jutsa rurëllachö Israel nunakuna kawakuyanqan
1¡Imanötaq këkullä!
Cosechashqa chakraman yëkïkur üvasta y hïgusta ashiq nunanömi këkä.
Chakrachö imatapis mana tarïkur mallaqëkaq nuna llakikushqannömi llakikü.
2Kë nacionchöqa manam pipis Teyta Diosta cäsukuntsu.
Allillata ruraq nunaqa manam ni jukpis kantsu.#Sal. 12.1.
Wanutsinakuyänanllapaqmi yarpëkäyan.
Jukninpis jukninpis ushakätsinakïllatam munëkäyan.
3Jutsa rurëchöqa manam pipis ganayantsu.
Autoridäkunapis y juezkunapis sënita chaskipakurmi alli arreglutaqa rurayantsu.
Rïcu nunakunapis pagakïkuryanmi munayashqanllata ruratsiyan.
Tsënöpam wakin nunakunapis jutsa rurëllaman churakashqa kawakuyan.
4Pëkunachöqa mas respetashqa nunakunapis imëka kashanöran këkäyan.
Mas markäkïpaq nunakunapis ankï kashanöran këkäyan.
Tsënö kayaptinmi pëkunapa jutsankuna tinkïkämunna.
Willapäkuq profëtakuna willakuyashqannöllam castigashqa kayänanpaq junaq chëkämunna.
Tsë junaqkuna ima rurëtapis manam puëdiyanqatsu.
5Pimanpis ama markäkuyënatsu.
Mas kuyashqëki yanasëkikunamanpis ama markäkuyëtsu.
Warmikikunatapis llutallaqa ama ni imatapis willapäyëtsu.
6Ollqu tsurinmi tëtanta allqutsan.
Warmi wawanmi mamanpa contran tikrarin.
Llumtsïninmi suegranta chikin.
Tsënö karmi tsë wayillachö tëkarpis kikinpuralla chikinakuyan.#Mat. 10.35-36; Luc. 12.53.
7Tsënö kaptinpis noqaqa Teyta Diosmanmi markäkïkä.
Salvamänanpaq Teyta Diosmanmi imëpis markäkushaq.
Pëqa mañakushqäta wiyamanmi.
Israel nunakunata Teyta Dios salvananpaq ninqan
8Tsë witsanmi Israel nunakuna kënö niyanqa:
<<Chikimaqnïkuna, desgracia pasamashqanpita ama kushipäyämëtsu.
Ishkirpis sharkushaqmi.
Mantsanëpaq paqaschönö kaptïpis Teyta Diosmi noqapaq aktsi kanqa.
9Teyta Diosta piñatsirmi jutsata rurarqü.
Tsëmi castigamaptinpis jina awantashaq.
Tsëpitanam perdonamar aktsiman jorqamanqa.
Salvamaptin kushishqam kawakushaq>>.
10Chikimaqnïkunapa nöpanchömi Teyta Dios yanapamanqa.
Tsëta rikëkurmi alläpa penqakushqa tikrariyanqa.
Teyta Dios castigamashqanta rikarmi pëkunaqa kushipämar niyämarqan: <<¿Mëchötaq këkan Diosniki?>>#Sal. 79.10; Joel 2.17.
Tsënö niyämashqanpitam cällichö leqitanö lutskashqa kayanqa.
Tsënö këkaqta rikarmi noqapis pëkunata kushipäshaq.
11Jerusalén marka, tumariq corralaraq perqëkikuna altsashqa kananpaq junaq chäramunnam.
Nacionnikikunapis mas jatunmi kanqa.
12Tsë witsanqa jinantinpitam nunakuna qamman shayämunqa.
Tsënöllam shayämunqa Asiriapita, Egiptupita, Nilo mayupita, Éufrates mayupita, lamar kuchunpita, jirkakunapita y mëtsëpitapis.
13Jutsata rurakurlla kawakuyashqanpitam markankunapis chusyäkunqa.
Teyta Diosta mañakuyanqan
14Teyta Dios, kuyashqëki nunakuna këkäyaptïqa shumaq rikëkalläyämë.
Noqakuna këkäyä qampa üshëkikunanömi.
Allin kaqchö tärarpis monti rurinchö oqrakashqanömi këkäyä.
Unë castäkunata alli rikashqëkinö noqakunatapis rikëkalläyämë.
Basánchö y Galaadchö alli qewakuna kashqanman yapë pushëkalläyämë.
15Unë castäkunata Egiptupita jorqamur milagrukunata rurashqëkinö noqakunapaqpis milagrukunata rurëkullë.
16Milagrukunata rurashqëkita wakin nación nunakunapis rikäyätsun.
Tsëta rikarmi pëkunapis käyikuriyanqa qam japallëki poderyuq Dios kashqëkita.
Kikinkunaqa poderninnaq kayashqanta käyirirmi alläpa penqakushqa tikrariyanqa.
Äyakashqa tikrarir ima rurëtapis manam puëdiyanqatsu.
17Pëkunaqa culebrakunanömi allpata mikuyanqa.#7.17 Allpata mikuyanqa ninanqa alläpa penqakïman churashqa kananpaq kashqantam nikan (Gén. 3.14).
Ratarëkäyashqanpita yarqamur nöpëkimanmi tsuktsukyëkar chäyämunqa.
18Teyta Dios, qamnöqa manam juk dios kantsu.
Kuyashqëki nunakuna perdonta mañakuyäshuptikiqa perdonëkunkim.
Jutsa rurayashqantapis qonqarinkim.
Piñakur imëyaqpis castiganëkipa rantinmi salvashqëki nunakunata alläpa kuyarnin yanapanki.
19Teyta, yapë ankupëkalläyämë.
Jutsata rurayashqätapis ama yarparëtsu.
Tsëpa rantin jutsata rurayashqäta weqaparkï mas hondun kaq lamarman.
20Abrahamta, Jacobta y wakin unë castäkunata ankupar änishqëkita cumplïkullë.#Gén. 12.1-3; 17.6-8; 28.13-15; Luc. 1.55.
Currently Selected:
Miqueas 7: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Miqueas 7
7
Jutsa rurëllachö Israel nunakuna kawakuyanqan
1¡Imanötaq këkullä!
Cosechashqa chakraman yëkïkur üvasta y hïgusta ashiq nunanömi këkä.
Chakrachö imatapis mana tarïkur mallaqëkaq nuna llakikushqannömi llakikü.
2Kë nacionchöqa manam pipis Teyta Diosta cäsukuntsu.
Allillata ruraq nunaqa manam ni jukpis kantsu.#Sal. 12.1.
Wanutsinakuyänanllapaqmi yarpëkäyan.
Jukninpis jukninpis ushakätsinakïllatam munëkäyan.
3Jutsa rurëchöqa manam pipis ganayantsu.
Autoridäkunapis y juezkunapis sënita chaskipakurmi alli arreglutaqa rurayantsu.
Rïcu nunakunapis pagakïkuryanmi munayashqanllata ruratsiyan.
Tsënöpam wakin nunakunapis jutsa rurëllaman churakashqa kawakuyan.
4Pëkunachöqa mas respetashqa nunakunapis imëka kashanöran këkäyan.
Mas markäkïpaq nunakunapis ankï kashanöran këkäyan.
Tsënö kayaptinmi pëkunapa jutsankuna tinkïkämunna.
Willapäkuq profëtakuna willakuyashqannöllam castigashqa kayänanpaq junaq chëkämunna.
Tsë junaqkuna ima rurëtapis manam puëdiyanqatsu.
5Pimanpis ama markäkuyënatsu.
Mas kuyashqëki yanasëkikunamanpis ama markäkuyëtsu.
Warmikikunatapis llutallaqa ama ni imatapis willapäyëtsu.
6Ollqu tsurinmi tëtanta allqutsan.
Warmi wawanmi mamanpa contran tikrarin.
Llumtsïninmi suegranta chikin.
Tsënö karmi tsë wayillachö tëkarpis kikinpuralla chikinakuyan.#Mat. 10.35-36; Luc. 12.53.
7Tsënö kaptinpis noqaqa Teyta Diosmanmi markäkïkä.
Salvamänanpaq Teyta Diosmanmi imëpis markäkushaq.
Pëqa mañakushqäta wiyamanmi.
Israel nunakunata Teyta Dios salvananpaq ninqan
8Tsë witsanmi Israel nunakuna kënö niyanqa:
<<Chikimaqnïkuna, desgracia pasamashqanpita ama kushipäyämëtsu.
Ishkirpis sharkushaqmi.
Mantsanëpaq paqaschönö kaptïpis Teyta Diosmi noqapaq aktsi kanqa.
9Teyta Diosta piñatsirmi jutsata rurarqü.
Tsëmi castigamaptinpis jina awantashaq.
Tsëpitanam perdonamar aktsiman jorqamanqa.
Salvamaptin kushishqam kawakushaq>>.
10Chikimaqnïkunapa nöpanchömi Teyta Dios yanapamanqa.
Tsëta rikëkurmi alläpa penqakushqa tikrariyanqa.
Teyta Dios castigamashqanta rikarmi pëkunaqa kushipämar niyämarqan: <<¿Mëchötaq këkan Diosniki?>>#Sal. 79.10; Joel 2.17.
Tsënö niyämashqanpitam cällichö leqitanö lutskashqa kayanqa.
Tsënö këkaqta rikarmi noqapis pëkunata kushipäshaq.
11Jerusalén marka, tumariq corralaraq perqëkikuna altsashqa kananpaq junaq chäramunnam.
Nacionnikikunapis mas jatunmi kanqa.
12Tsë witsanqa jinantinpitam nunakuna qamman shayämunqa.
Tsënöllam shayämunqa Asiriapita, Egiptupita, Nilo mayupita, Éufrates mayupita, lamar kuchunpita, jirkakunapita y mëtsëpitapis.
13Jutsata rurakurlla kawakuyashqanpitam markankunapis chusyäkunqa.
Teyta Diosta mañakuyanqan
14Teyta Dios, kuyashqëki nunakuna këkäyaptïqa shumaq rikëkalläyämë.
Noqakuna këkäyä qampa üshëkikunanömi.
Allin kaqchö tärarpis monti rurinchö oqrakashqanömi këkäyä.
Unë castäkunata alli rikashqëkinö noqakunatapis rikëkalläyämë.
Basánchö y Galaadchö alli qewakuna kashqanman yapë pushëkalläyämë.
15Unë castäkunata Egiptupita jorqamur milagrukunata rurashqëkinö noqakunapaqpis milagrukunata rurëkullë.
16Milagrukunata rurashqëkita wakin nación nunakunapis rikäyätsun.
Tsëta rikarmi pëkunapis käyikuriyanqa qam japallëki poderyuq Dios kashqëkita.
Kikinkunaqa poderninnaq kayashqanta käyirirmi alläpa penqakushqa tikrariyanqa.
Äyakashqa tikrarir ima rurëtapis manam puëdiyanqatsu.
17Pëkunaqa culebrakunanömi allpata mikuyanqa.#7.17 Allpata mikuyanqa ninanqa alläpa penqakïman churashqa kananpaq kashqantam nikan (Gén. 3.14).
Ratarëkäyashqanpita yarqamur nöpëkimanmi tsuktsukyëkar chäyämunqa.
18Teyta Dios, qamnöqa manam juk dios kantsu.
Kuyashqëki nunakuna perdonta mañakuyäshuptikiqa perdonëkunkim.
Jutsa rurayashqantapis qonqarinkim.
Piñakur imëyaqpis castiganëkipa rantinmi salvashqëki nunakunata alläpa kuyarnin yanapanki.
19Teyta, yapë ankupëkalläyämë.
Jutsata rurayashqätapis ama yarparëtsu.
Tsëpa rantin jutsata rurayashqäta weqaparkï mas hondun kaq lamarman.
20Abrahamta, Jacobta y wakin unë castäkunata ankupar änishqëkita cumplïkullë.#Gén. 12.1-3; 17.6-8; 28.13-15; Luc. 1.55.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.