Mateo 6
6
Pitapis mana willashpa waktsakunata yanapanantsikpaq Jesús yachatsikunqan
1<<Paqtam nunakuna rikäyäshunëkillapaq allikunata rurayankiman.#Mat. 23.5. Tsënö rurayaptikiqa ciëluchö këkaq Teytëki manam ima premiutapis qoyäshunkitsu.
2<<Waktsakunata yanapar alli tukuq nunanöqa ama alabakuyankitsu. Pëkunaqa cornëtata tocaqnöran sinagögakunachö y cällikunachöpis yanapashqanta willakuyan. Rasunpam niyaq: Pëkunapaqa nunakuna alabayashqanllanam premiunkuna kanqa. 3Pitapis yanaparqa ama willakuyankitsu. 4Mana willakushllapa yanapayaptikiqa Teytëkim [llapanpa nöpanchö] premiuta qoyäshunki.
Teyta Diosta mañakunantsikpaq Jesús yachatsikunqan
Lucas 11.2-4
5<<Teyta Diosta mañakur ama alli tukuq nunakunanöqa mañakuyankitsu.#Luc. 18.10-14. Pëkunaqa nunakuna rikäyänanllapaqmi sinagögakunachö y pläza esquïnakunachöpis shëkur Teyta Diosta mañakuyan. Rasunpam niyaq: Pëkunapaqa nunakuna alabayashqanllanam premiunkuna kanqa. 6Teyta Diosta mañakurqa wayikikunaman yëkïkur punkïkikunata wichqarkur mañakuyanki. Pakallapa mañakuyashqëkita rikarmi Teytëkiqa [llapanpa nöpanchö] premiuta qoyäshunki.
7<<Mana Israel nunakunaqa tsë palabrallawanmi yapëkuryan mañakuyan. Tsënö mañakuyan Teyta Dios wiyananpaq kashqanta yarparmi. Qamkunaqa ama tsënö mañakuyankitsu. 8Manaraq mañakuyaptikim Teytëkiqa ima wanayashqëkitapis musyëkanna. 9Qamkunaqa Teyta Diosta kënö mañakuyanki:
<< <Ciëluchö këkaq Teytallä, shutillëki respetashqa këkullätsun.
10Kë patsachö mandakuq kanëkipaq shamïkullë.
Ciëluchö cäsuyäshushqëkinö kë patsachöpis cäsïkulläyäshi.
11Mikïlläkuna waran waran qarëkalläyämë.#Prov. 30.8-9.
12Chikimaqnïkunata perdonayashqänö noqalläkunatapis perdonëkayämë.
13Jutsa rurëman mana ishkiyänäpaq ama jaqiralläyämëtsu.
Tsëpa rantinqa mana allikunapita tsapëkalläyämë.
[Qampa munënikichömi imëkapis këkan.
Llapanpaqpis puëdiqmi këkanki.
Imëyaqpis alabashqa këkullë. Tsënö katsun.]> >>
14<<Nuna mayikita perdonayaptikiqa qamkunatapis ciëluchö këkaq Teytëki perdonayäshunkim. 15Sitsun nuna mayikita mana perdonayanki, Teyta Diospis manam perdonayäshunkitsu.#Mar. 11.25-26.
Ayünupaq Jesús yachatsikunqan
16<<Ayunar ama alli tukuq nunakunanöqa kayankitsu. Pëkunaqa nunakuna rikäyänanllapaqmi llakinashqa puriyan. Rasunpam niyaq: Pëkunapaqa nunakuna alabayashqanllanam premiunkuna kanqa. 17Qamkuna ayunarqa shumaq shüpakurir naqtsakuyanki. 18Tsënö rurayaptikim nunakuna musyayanqatsu ayunëkäyashqëkita. Nunakuna mana rikäyäshuptikipis llapantapis rikaq Teytëkim rikëkäyäshunki. Pëmi [llapanpa nöpanchö] premiuta qoyäshunki.
Ciëluman riquëzata churanantsikpaq Jesús yachatsikunqan
Lucas 12.33-34
19<<Kë patsachö riquëzata ama ëlluyëtsu. Kë patsachö riquëzataqa puyum ushan, nunam apakun y ismurmi ushakan.#Stg. 5.2-3. 20Tsëpa rantinqa ciëluman riquëzata churayë.#6.20 Ciëluman riquëzata churantsik imantsikkunatapis rantikïkur tsë qellëwan waktsakunata yanaparmi. Tsëpita käyinëkipaq leyinki Luc. 12.33-34. Gloriachöqa manam puyupis ushanqatsu, nunapis apakunqatsu ni ismunqatsu. 21Mëmanmi riquëzëkita churayanki tsëllamanmi shonqïkipis yarparëkanqa.
Nawintsik aktsinö kanqan
Lucas 11.34-36
22<<Nawikikunam shonqïkikunapaq aktsinö këkan. Tsëmi nawikikuna alli kaptinqa shonqïkikunapis aktsichö këkan. 23Tsënö kaptinpis nawikikuna mana alli kaptinqa tutapëchömi këkäyanki. Shonqïkichö aktsi mana kaptinqa pasëpa tutapapukushqam këkäyanki.#6.22-23 Tsënö parlarqa Jesucristum nirqan: Teyta Diosllata sirwirqa aktsichönömi alli kawayan. Tsënö mana sirwirqa tutapapukushqanömi kawayan.
Rïcu këllapaq mana yarpakachänantsikpaq Jesús yachatsikunqan
Lucas 16.13
24<<Manam pipis ishkaq patrontaqa sirwinmantsu. Ishkë patronyuq karqa jukninta chikirmi juknintaqa kuyanqa. Jukninta cäsurmi juknintaqa cäsunqatsu. Tsënöllam riquëzakunata kuyarqa Teyta Diosta sirwita puëdiyankitsu.
Teyta Diosman markäkunantsikpaq Jesús yachatsikunqan
Lucas 12.22-31
25<<Tsënö këkaptinqa ama yarpakachäyëtsu: <¿Imanöraq kawashaq? ¿Imataraq mikushaq? ¿Imataraq upushaq? ¿Imataraq yakakushaq?> Manam mikïllapaq ni ratashllapaq yarpakachänantsikpaqtsu këkantsik. 26Pishqukuna imanö kawayashqantapis käyikuyë. Pëkunaqa manam murukuyantsu ni ëllupakuyantsu ni churakuyantsu. Tsënö kaptinpis ciëluchö këkaq Teytëkim mikïta qon. Teyta Diospaqqa pishqukunapitapis masmi väliyanki.
27<<Alläpa yarpakacharpis ¿piraq ichiklla masqa winarkunman? 28Tsënö këkaptinqa ¿imanirtaq yarpakachäyanki alli ratashyuq kayänëkipaq? Wëtakuna imanö winayashqantapis käyikuyë. Wëtakunaqa manam uryayantsu ni putskayantsu. 29Noqam niyaq: Wëtakuna kuyëllapaq kayashqannöqa manam rey Salomónpa ratashninkunapis kuyëllapaq karqantsu.#1Rey. 10.4-7; 2Crón. 9.3-6. 30Ichiklla markäkïyuq nunakuna, sitsun qorakuna warë warätin rupar ushakashqa kananllapaq këkaptinpis kuyëllapaqta winëkätsin, qamkunatanäqa ¿manatsuraq wanayanqëkikunata Teyta Dios qoyäshunkiman?
31<<Tsënö këkaptinqa ama yarpakachäyankitsu: <¿Imataraq mikushun? ¿Imataraq upushun? ¿Imataraq yakakushun?> nirnin. 32Tsënöqa llakikuyan Teyta Diosman mana markäkuq nunakunallam. Ciëluchö këkaq Teytëkikunaqa imata wanayashqëkitapis musyanmi. 33Imëkapitapis mas puntataqa Teyta Diospa mandakïninchö kawayänëkipaq y pë munashqannö kawayänëkipaq yarpakachäyë. Tsënö kawayaptikiqa imata wanayanqëkitapis qoykuyäshunkim. 34Tsëmi ama warëpaq kaqtaqa yarpakachäyëtsu. Warëpis yarpakachëkunaqa kanqam, y waran waranmi imallapaqpis yarpakachëqa karëkan.#Sal. 55.22; 1Ped. 5.7.
Currently Selected:
Mateo 6: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Mateo 6
6
Pitapis mana willashpa waktsakunata yanapanantsikpaq Jesús yachatsikunqan
1<<Paqtam nunakuna rikäyäshunëkillapaq allikunata rurayankiman.#Mat. 23.5. Tsënö rurayaptikiqa ciëluchö këkaq Teytëki manam ima premiutapis qoyäshunkitsu.
2<<Waktsakunata yanapar alli tukuq nunanöqa ama alabakuyankitsu. Pëkunaqa cornëtata tocaqnöran sinagögakunachö y cällikunachöpis yanapashqanta willakuyan. Rasunpam niyaq: Pëkunapaqa nunakuna alabayashqanllanam premiunkuna kanqa. 3Pitapis yanaparqa ama willakuyankitsu. 4Mana willakushllapa yanapayaptikiqa Teytëkim [llapanpa nöpanchö] premiuta qoyäshunki.
Teyta Diosta mañakunantsikpaq Jesús yachatsikunqan
Lucas 11.2-4
5<<Teyta Diosta mañakur ama alli tukuq nunakunanöqa mañakuyankitsu.#Luc. 18.10-14. Pëkunaqa nunakuna rikäyänanllapaqmi sinagögakunachö y pläza esquïnakunachöpis shëkur Teyta Diosta mañakuyan. Rasunpam niyaq: Pëkunapaqa nunakuna alabayashqanllanam premiunkuna kanqa. 6Teyta Diosta mañakurqa wayikikunaman yëkïkur punkïkikunata wichqarkur mañakuyanki. Pakallapa mañakuyashqëkita rikarmi Teytëkiqa [llapanpa nöpanchö] premiuta qoyäshunki.
7<<Mana Israel nunakunaqa tsë palabrallawanmi yapëkuryan mañakuyan. Tsënö mañakuyan Teyta Dios wiyananpaq kashqanta yarparmi. Qamkunaqa ama tsënö mañakuyankitsu. 8Manaraq mañakuyaptikim Teytëkiqa ima wanayashqëkitapis musyëkanna. 9Qamkunaqa Teyta Diosta kënö mañakuyanki:
<< <Ciëluchö këkaq Teytallä, shutillëki respetashqa këkullätsun.
10Kë patsachö mandakuq kanëkipaq shamïkullë.
Ciëluchö cäsuyäshushqëkinö kë patsachöpis cäsïkulläyäshi.
11Mikïlläkuna waran waran qarëkalläyämë.#Prov. 30.8-9.
12Chikimaqnïkunata perdonayashqänö noqalläkunatapis perdonëkayämë.
13Jutsa rurëman mana ishkiyänäpaq ama jaqiralläyämëtsu.
Tsëpa rantinqa mana allikunapita tsapëkalläyämë.
[Qampa munënikichömi imëkapis këkan.
Llapanpaqpis puëdiqmi këkanki.
Imëyaqpis alabashqa këkullë. Tsënö katsun.]> >>
14<<Nuna mayikita perdonayaptikiqa qamkunatapis ciëluchö këkaq Teytëki perdonayäshunkim. 15Sitsun nuna mayikita mana perdonayanki, Teyta Diospis manam perdonayäshunkitsu.#Mar. 11.25-26.
Ayünupaq Jesús yachatsikunqan
16<<Ayunar ama alli tukuq nunakunanöqa kayankitsu. Pëkunaqa nunakuna rikäyänanllapaqmi llakinashqa puriyan. Rasunpam niyaq: Pëkunapaqa nunakuna alabayashqanllanam premiunkuna kanqa. 17Qamkuna ayunarqa shumaq shüpakurir naqtsakuyanki. 18Tsënö rurayaptikim nunakuna musyayanqatsu ayunëkäyashqëkita. Nunakuna mana rikäyäshuptikipis llapantapis rikaq Teytëkim rikëkäyäshunki. Pëmi [llapanpa nöpanchö] premiuta qoyäshunki.
Ciëluman riquëzata churanantsikpaq Jesús yachatsikunqan
Lucas 12.33-34
19<<Kë patsachö riquëzata ama ëlluyëtsu. Kë patsachö riquëzataqa puyum ushan, nunam apakun y ismurmi ushakan.#Stg. 5.2-3. 20Tsëpa rantinqa ciëluman riquëzata churayë.#6.20 Ciëluman riquëzata churantsik imantsikkunatapis rantikïkur tsë qellëwan waktsakunata yanaparmi. Tsëpita käyinëkipaq leyinki Luc. 12.33-34. Gloriachöqa manam puyupis ushanqatsu, nunapis apakunqatsu ni ismunqatsu. 21Mëmanmi riquëzëkita churayanki tsëllamanmi shonqïkipis yarparëkanqa.
Nawintsik aktsinö kanqan
Lucas 11.34-36
22<<Nawikikunam shonqïkikunapaq aktsinö këkan. Tsëmi nawikikuna alli kaptinqa shonqïkikunapis aktsichö këkan. 23Tsënö kaptinpis nawikikuna mana alli kaptinqa tutapëchömi këkäyanki. Shonqïkichö aktsi mana kaptinqa pasëpa tutapapukushqam këkäyanki.#6.22-23 Tsënö parlarqa Jesucristum nirqan: Teyta Diosllata sirwirqa aktsichönömi alli kawayan. Tsënö mana sirwirqa tutapapukushqanömi kawayan.
Rïcu këllapaq mana yarpakachänantsikpaq Jesús yachatsikunqan
Lucas 16.13
24<<Manam pipis ishkaq patrontaqa sirwinmantsu. Ishkë patronyuq karqa jukninta chikirmi juknintaqa kuyanqa. Jukninta cäsurmi juknintaqa cäsunqatsu. Tsënöllam riquëzakunata kuyarqa Teyta Diosta sirwita puëdiyankitsu.
Teyta Diosman markäkunantsikpaq Jesús yachatsikunqan
Lucas 12.22-31
25<<Tsënö këkaptinqa ama yarpakachäyëtsu: <¿Imanöraq kawashaq? ¿Imataraq mikushaq? ¿Imataraq upushaq? ¿Imataraq yakakushaq?> Manam mikïllapaq ni ratashllapaq yarpakachänantsikpaqtsu këkantsik. 26Pishqukuna imanö kawayashqantapis käyikuyë. Pëkunaqa manam murukuyantsu ni ëllupakuyantsu ni churakuyantsu. Tsënö kaptinpis ciëluchö këkaq Teytëkim mikïta qon. Teyta Diospaqqa pishqukunapitapis masmi väliyanki.
27<<Alläpa yarpakacharpis ¿piraq ichiklla masqa winarkunman? 28Tsënö këkaptinqa ¿imanirtaq yarpakachäyanki alli ratashyuq kayänëkipaq? Wëtakuna imanö winayashqantapis käyikuyë. Wëtakunaqa manam uryayantsu ni putskayantsu. 29Noqam niyaq: Wëtakuna kuyëllapaq kayashqannöqa manam rey Salomónpa ratashninkunapis kuyëllapaq karqantsu.#1Rey. 10.4-7; 2Crón. 9.3-6. 30Ichiklla markäkïyuq nunakuna, sitsun qorakuna warë warätin rupar ushakashqa kananllapaq këkaptinpis kuyëllapaqta winëkätsin, qamkunatanäqa ¿manatsuraq wanayanqëkikunata Teyta Dios qoyäshunkiman?
31<<Tsënö këkaptinqa ama yarpakachäyankitsu: <¿Imataraq mikushun? ¿Imataraq upushun? ¿Imataraq yakakushun?> nirnin. 32Tsënöqa llakikuyan Teyta Diosman mana markäkuq nunakunallam. Ciëluchö këkaq Teytëkikunaqa imata wanayashqëkitapis musyanmi. 33Imëkapitapis mas puntataqa Teyta Diospa mandakïninchö kawayänëkipaq y pë munashqannö kawayänëkipaq yarpakachäyë. Tsënö kawayaptikiqa imata wanayanqëkitapis qoykuyäshunkim. 34Tsëmi ama warëpaq kaqtaqa yarpakachäyëtsu. Warëpis yarpakachëkunaqa kanqam, y waran waranmi imallapaqpis yarpakachëqa karëkan.#Sal. 55.22; 1Ped. 5.7.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.