Mateo 27
27
Pilatuman Jesústa apayanqan
Marcos 15.1; Lucas 23.1-2; Juan 18.28-32
1Patsa warëkaptinnam mandakuq sacerdötikuna y precisaq Israel nunakuna parlayarqan Jesústa imanöpapis wanutsiyänanpaq. 2Parlarirnam Jesúspa makinta watarkur gobernador Pilatuman apatsiyarqan.
Judas Iscariote jurkakunqan
Hechos 1.18-19
3Wanutsiyänanpaq kashqanta musyarirnam Jesústa rantikuq Judas alläpa llakikurqan. Tsëmi mandakuq sacerdötikuna y precisaq Israel nunakuna ëllukäyashqanman ëwëkur chaskishqan kima chunka (30) qellëta kutitsir#Hech. 1.18-19. 4nirqan: <<Jutsannaq nunata wanutsiyänëkipaq entregayarnikim jutsata rurarqü>>.
Pëkunanam niyarqan: <<¡Noqakunataqa imataq qokayäman! ¡Imanöpis kakï!>>
5Tsënö niyaptinmi chaskishqan qellëta templuman jitëkur ewkurqan. Tsëpitanam jurkakurirqan.
6Mandakuq sacerdötikunanam tsë qellëta ëllurir niyarqan: <<Kë qellëqa yawarpa chaninmi. Tsënö këkaptinqa manam ofrendaman takushwantsu>>.
7Tsëmi willanakurir tsë qellëwan manka ruraq nunapa chakranta rantiyarqan forastëru nunakuna wanuptin tsëman pampayänanpaq. 8Tsëpita patsam kananyaqpis tsë chakrapa shutin këkan Yawar Pampa. 9Chakrata tsënö rantiyaptinmi profëta Jeremías kënö qellqashqan cumplikarqan:
<<Pëpa chanin ëka kananpaqpis Israel nunakuna niyashqannöllam kima chunka (30) qellëta chaskiyarqan.
10Tsë qellëwanmi Teyta Dios nimashqannölla manka ruraq nunapa chakranta rantiyarqan>>.#Jer. 32.6-9; Zac. 11.12-13.
Jesústa Pilato tapunqan
Marcos 15.2-5; Lucas 23.3-5; Juan 18.33-38
11Jesústa chäratsiyaptinmi gobernador Pilato kënö tapurqan: <<¿Rasunpaku Israel nunakunapa reynin kanki?>>
Jesúsnam nirqan: <<Rasun kaqtam nikanki>>.
12Tsëchö mandakuq sacerdötikuna y precisaq Israel nunakuna Jesúspa contran imëkata niyaptinpis Jesús manam imatapis parlakurqantsu. 13Tsëmi Pilato tapurqan: <<¿Manaku imallatapis ninki contrëki imëkata nikäyäshuptikipis?>>
14Tsënö niptinpis Jesús manam imatapis parlakurqantsu. Tsëmi Pilato alläpa yarpakachäkurqan.
Jesústa cruzchö wanutsiyänanpaq Pilato mandanqan
Marcos 15.6-15; Lucas 23.13-25; Juan 18.39—19.16
15Cada watam Pascuachö nunakuna mañakuyashqan prësuta Pilato kachariq. 16Tsë watam pïmëpis chikishqan Barrabás shutiyuq nuna prësu llawirëkarqan. 17Tsëman nunakuna ëllukäyaptinmi Pilato kënö tapurqan: <<¿Mëqan prësutataq kacharinäta munayanki? ¿Barrabástaku? ¿O Cristo nishqan Jesústaku?>>
18Pilato musyarqanmi Jesústa chikir pëman prësu apayashqanta.
19Pilato tsëchö juzgar tëkaptinmi warmin willakatsir kënö nirqan: <<Tsë nunaqa jutsannaqmi. Pëwan ama mëtikïtsu. Pëta prësu tsariyashqanpita kanan paqas alläpa mana allikunatam suëñukurqü>>.
20Mandakuq sacerdötikuna y precisaq Israel nunakunanam nunakunata willapäyarqan Barrabásta kacharir Jesústa wanutsinanpaq. 21Tsëmi <<¿mëqantataq kacharishaq?>> nir Pilato yapë tapukuptin nunakuna kënö niyarqan: <<Barrabásta kachariqa>>.
22Pilatunam nirqan: <<Tsënö kaptinqa Cristo nishqan Jesústa ¿imatataq rurashaq?>>
Tsënö niptinmi llapan kënö niyarqan: <<¡Crucifiquë!>>
23Pilatunam tapurqan: <<¿Ima jutsatataq rurashqa?>>
Tsënö niptinpis nunakuna masran qaparipa <<¡crucifiquë!>> niyarqan.
24Nunakuna mas qaparikurkuyaptinnam ima rurëtapis Pilato puëdirqantsu. Tsëmi yakuta apëkatsimur nunakuna rikëkäyaptin makinta paqakur#Deut. 21.6-9. nirqan: <<Kë nunata wanutsiyaptiki noqa manam jutsayuqtsu kä. Qamkuna imanöpis kakuyë>>.
25Tsënö niptinmi nunakuna kënö niyarqan: <<Kë nuna wanushqanpita noqakunam y wamräkunam jutsayuq kayäshaq>>.
26Tsënö niyaptinmi Barrabásta Pilato kacharirqan. Jesústanam alli buënu astëkatsir crucificäyänanpaq soldädukunaman entreguëkurqan.
Jesústa kasha corönata yakatsiyanqan
Marcos 15.16-20; Juan 19.2-3
27Tsëpitanam soldädukuna Jesústa apayarqan Pilatupa despächunman. Tsëman llapan tröpa#27.27 Tröpa complëtuqa joqta pachak (600) soldädukunam kayarqan. soldädukuna ëllukärirmi 28Jesúspa ratashninta qoturatsir puka cäpata yakatsiyarqan. 29Tsënöllam kashapita awashqa corönata peqanman yakatsiyarqan. Allawka kaq makinmannam shoqushta aptatsiyarqan. Tsëpitanam nöpanman qonqurikur asipar niyarqan: <<¡Alabashqa katsun Israel nunakunapa reynin!>>
30Tsënöllam toqapur ushar aptarëkashqan shoqushta qochirkur peqanchö wiluyarqan. 31Tsënö asiparmi yakatsiyashqan cäpata qoturatsir kikinpa ratashnintana yakatsiyarqan. Tsëpitanam crucificaq apayarqan.
Jesústa cruzchö wanutsiyanqan
Marcos 15.21-32; Lucas 23.26-43; Juan 19.17-27
32Crucificaq apëkäyashqanchömi tinkuyarqan Cirene nacionpita Simónwan. Pëtam Jesús apëkashqan cruzta katätsiyarqan.
33Tsëpitanam Jesústa chäratsiyarqan Gólgota niyashqanman. Gólgota ninanqa Calavëra Sitiu ninanmi. 34Tsëchömi asqaq qorawan takushqa vïnuta uputsita munayarqan. Tsënö uputsita munayaptinpis llamirkur manam upïta munarqantsu.#27.34 Tsënö uputsita munayarqan alläpa nanëta Jesús mana mäkunanpaqmi.
35Jesústa crucificärirnam ratashninta mëqanpis apakunanpaq sortiyayarqan. [Tsënö rurayänanpaqmi Teyta Diospa profëtan kënö qellqarqan: <<Kikinpuram ratashnïta rakinakuyarqan. Ratashnïta apakuyänanpaqmi sortiyayarqan>>.#Sal. 22.18.]
36Tsëpitanam tsëchö täpëkar quedayarqan. 37Imapita wanutsiyashqantapis nunakuna musyayänanpaqmi juk letrëruta cruzpa puntanman clavayarqan. Tsë letrëruchömi kënö qellqarëkarqan: <<Kë nunam Israel nunakunapa reynin Jesús>>.
38Jesús crucificarëkashqan lädunmanmi ishkë suwa nunakunatapis crucificäyarqan, juknin kaqta allawka kaq lädunman y juk kaqtana itsuq kaq lädunman. 39Jesús crucificarëkaqta rikarmi tsëpa pasaq nunakuna asipäyarqan. Peqankunatapis awirmi#Sal. 22.7; 109.25. 40niyarqan: <<Templutapis juchuratsir kima junaqllata shäritsinëkipaq nikarqa#Mat. 26.61; Juan 2.19. mä salvakï. Diospa Tsurin karqa mä cruzpita yarpamï>>.
41Tsënöllam mandakuq sacerdötikuna, ley yachatsikuqkuna, [fariseukuna] y precisaq Israel nunakunapis Jesústa asipar niyarqan: 42<<Wakinta salvarpis kikinqa manam salvakïta puëdintsu. Israel nunakunapa reynin karqa mä cruzpita yarpamutsun. Yarpamuptinqa creyishunmi. 43Pëqa <Teyta Diospa Tsurinmi kä> nirmi Diosman markäkushqa. Rasunpa Tsurin kaptinqa Teyta Dios ankupar cruzpita jorqutsun>>.#Sal. 22.8.
44Tsënöllam lädunchö crucificarëkaq suwa nunakunapis burlakuyarqan.
Jesús wanunqan
Marcos 15.33-41; Lucas 23.44-49; Juan 19.28-30
45Pullan junaqpita las treskamayaqmi patsa tutapäkurirqan. 46Tsë höram Jesús qaparipa nirqan: <<Elí, Elí, ¿lama sabactani?>>
Tsë ninanqa <<Teyta Dios, Teyta Dios, ¿imanirtaq jaqiramarqunki?>> ninanmi.#Sal. 22.1.
47Tsënö nishqanta wiyëkurmi tsëchö këkaq wakin nunakuna kënö niyarqan: <<Profëta Elíastam qayëkan>>.
48Tsënö niyaptinmi juk nuna ras ëwar vinagriman esponjata ushmarkatsir shoqushpa puntanman watarqan. Tsëwan Jesústa shoqutsita munaptinmi#Sal. 69.21. 49nunakuna kënö niyarqan: <<Ama shoqutsitsu. Mä rikäshun cruzpita jorqunanpaq Elías shamunqakush>>.
50Tsëpitanam yapë llapan kallpanwan qaparir Jesús wanurirqan. 51Tsë höram templu rurinchö tsaparaq cortïnapis#Éxo. 26.31-33; 2Crón. 3.14. umapita urayaq rachikärirqan. Patsa alläpa kuyuptinmi qaqakunapis partikäyarqan. 52Sepultürakunapis kichakäyaptinmi Teyta Dios munashqannö kawaq nunakunapis kawariyämurqan. 53Jesús kawarimuptinnam pamparäyashqanpita yarqamur sagrädu Jerusalén markaman yëkuyarqan. Atska nunakunam tsë kawarimuq nunakunata rikäyarqan.
54Jesústa täpëkaq capitanwan soldädunkunam patsa kuyuqta mäkur y llapan pasashqankunatapis rikar alläpa mantsakar niyarqan: <<¡Rasunpam kë nunaqa Diospa Tsurin kashqa!>>
55Tsëchömi atskaq warmikuna karullapita rikarëkäyarqan. Tsë warmikunam Galileapita patsa Jesústa yanapar ëwayarqan. 56Pëkunawanmi këkarqan María Magdalena, Santiagupa y Josépa mamänin María y Zebedeupa warminpis.#Luc. 8.2-3.
Jesústa pampayanqan
Marcos 15.42-47; Lucas 23.50-56; Juan 19.38-42
57Patsa tutapëkaptinnam Arimateapita juk rïcu nuna José shutiyuq Pilato kaqman charqan. Pëpis Jesúspa discïpulunmi kanaq. 58Chärirmi Pilatuta kënö rowakurqan: <<Jesúspa ayanta pampanäpaq qoykamë>>.
Tsënö mañakuptinmi soldädukunata Pilato nirqan Jesúspa ayanta dejayänanpaq. 59Dejariyaptinmi lïnupita rurashqa limpiu säbanawan wankurkur 60qaqachö tsëraq uchkushqa sepultüraman pamparqan. Tsëpitanam jatun rumiwan sepultürapa punkunta tsapëkur ewkurqan. 61Tsëchömi María Magdalena y juk kaq Maríapis tëkäyarqan.
Jesúspa sepultüranta soldädukuna täpayanqan
62Jesús wanushqanpita waränin jamakï junaqnam mandakuq sacerdötikuna y fariseukuna Pilato kaqman ëwar 63niyarqan: <<Tëtë, tsë ulikuq nunam kënö nirqan: <Wanushqäpita kima junaqtam kawarimushaq>.#Mat. 16.21; 17.23; 20.19; Mar. 8.31; 9.31; 10.33-34; Luc. 9.22; 18.31-33. 64Tsënö nishqa këkaptinqa sepultürata kima junaqyaq soldädïkikunawan täpëkatsillë. Manatsëqa discïpulunkunam Jesúspa ayanta [paqaspa] suwarkur nunakunata creyitsiyanqa wanushqanpita kawarimushqanta. Tsënö ulikurqa tsë nuna engañashqanpita mas peormi nunakunata engañayanqa>>.
65Pilatunam nirqan: <<Soldädukuna sepultürata täpayänanpaq pushayë>>.
66Tsënö niptinmi ëwar sepultüra tsaparaq rumita sellayarqan pipis kichaptin musyayänanpaq. Tsëpitanam soldädukunata täpayänanpaq churayarqan.
Currently Selected:
Mateo 27: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Mateo 27
27
Pilatuman Jesústa apayanqan
Marcos 15.1; Lucas 23.1-2; Juan 18.28-32
1Patsa warëkaptinnam mandakuq sacerdötikuna y precisaq Israel nunakuna parlayarqan Jesústa imanöpapis wanutsiyänanpaq. 2Parlarirnam Jesúspa makinta watarkur gobernador Pilatuman apatsiyarqan.
Judas Iscariote jurkakunqan
Hechos 1.18-19
3Wanutsiyänanpaq kashqanta musyarirnam Jesústa rantikuq Judas alläpa llakikurqan. Tsëmi mandakuq sacerdötikuna y precisaq Israel nunakuna ëllukäyashqanman ëwëkur chaskishqan kima chunka (30) qellëta kutitsir#Hech. 1.18-19. 4nirqan: <<Jutsannaq nunata wanutsiyänëkipaq entregayarnikim jutsata rurarqü>>.
Pëkunanam niyarqan: <<¡Noqakunataqa imataq qokayäman! ¡Imanöpis kakï!>>
5Tsënö niyaptinmi chaskishqan qellëta templuman jitëkur ewkurqan. Tsëpitanam jurkakurirqan.
6Mandakuq sacerdötikunanam tsë qellëta ëllurir niyarqan: <<Kë qellëqa yawarpa chaninmi. Tsënö këkaptinqa manam ofrendaman takushwantsu>>.
7Tsëmi willanakurir tsë qellëwan manka ruraq nunapa chakranta rantiyarqan forastëru nunakuna wanuptin tsëman pampayänanpaq. 8Tsëpita patsam kananyaqpis tsë chakrapa shutin këkan Yawar Pampa. 9Chakrata tsënö rantiyaptinmi profëta Jeremías kënö qellqashqan cumplikarqan:
<<Pëpa chanin ëka kananpaqpis Israel nunakuna niyashqannöllam kima chunka (30) qellëta chaskiyarqan.
10Tsë qellëwanmi Teyta Dios nimashqannölla manka ruraq nunapa chakranta rantiyarqan>>.#Jer. 32.6-9; Zac. 11.12-13.
Jesústa Pilato tapunqan
Marcos 15.2-5; Lucas 23.3-5; Juan 18.33-38
11Jesústa chäratsiyaptinmi gobernador Pilato kënö tapurqan: <<¿Rasunpaku Israel nunakunapa reynin kanki?>>
Jesúsnam nirqan: <<Rasun kaqtam nikanki>>.
12Tsëchö mandakuq sacerdötikuna y precisaq Israel nunakuna Jesúspa contran imëkata niyaptinpis Jesús manam imatapis parlakurqantsu. 13Tsëmi Pilato tapurqan: <<¿Manaku imallatapis ninki contrëki imëkata nikäyäshuptikipis?>>
14Tsënö niptinpis Jesús manam imatapis parlakurqantsu. Tsëmi Pilato alläpa yarpakachäkurqan.
Jesústa cruzchö wanutsiyänanpaq Pilato mandanqan
Marcos 15.6-15; Lucas 23.13-25; Juan 18.39—19.16
15Cada watam Pascuachö nunakuna mañakuyashqan prësuta Pilato kachariq. 16Tsë watam pïmëpis chikishqan Barrabás shutiyuq nuna prësu llawirëkarqan. 17Tsëman nunakuna ëllukäyaptinmi Pilato kënö tapurqan: <<¿Mëqan prësutataq kacharinäta munayanki? ¿Barrabástaku? ¿O Cristo nishqan Jesústaku?>>
18Pilato musyarqanmi Jesústa chikir pëman prësu apayashqanta.
19Pilato tsëchö juzgar tëkaptinmi warmin willakatsir kënö nirqan: <<Tsë nunaqa jutsannaqmi. Pëwan ama mëtikïtsu. Pëta prësu tsariyashqanpita kanan paqas alläpa mana allikunatam suëñukurqü>>.
20Mandakuq sacerdötikuna y precisaq Israel nunakunanam nunakunata willapäyarqan Barrabásta kacharir Jesústa wanutsinanpaq. 21Tsëmi <<¿mëqantataq kacharishaq?>> nir Pilato yapë tapukuptin nunakuna kënö niyarqan: <<Barrabásta kachariqa>>.
22Pilatunam nirqan: <<Tsënö kaptinqa Cristo nishqan Jesústa ¿imatataq rurashaq?>>
Tsënö niptinmi llapan kënö niyarqan: <<¡Crucifiquë!>>
23Pilatunam tapurqan: <<¿Ima jutsatataq rurashqa?>>
Tsënö niptinpis nunakuna masran qaparipa <<¡crucifiquë!>> niyarqan.
24Nunakuna mas qaparikurkuyaptinnam ima rurëtapis Pilato puëdirqantsu. Tsëmi yakuta apëkatsimur nunakuna rikëkäyaptin makinta paqakur#Deut. 21.6-9. nirqan: <<Kë nunata wanutsiyaptiki noqa manam jutsayuqtsu kä. Qamkuna imanöpis kakuyë>>.
25Tsënö niptinmi nunakuna kënö niyarqan: <<Kë nuna wanushqanpita noqakunam y wamräkunam jutsayuq kayäshaq>>.
26Tsënö niyaptinmi Barrabásta Pilato kacharirqan. Jesústanam alli buënu astëkatsir crucificäyänanpaq soldädukunaman entreguëkurqan.
Jesústa kasha corönata yakatsiyanqan
Marcos 15.16-20; Juan 19.2-3
27Tsëpitanam soldädukuna Jesústa apayarqan Pilatupa despächunman. Tsëman llapan tröpa#27.27 Tröpa complëtuqa joqta pachak (600) soldädukunam kayarqan. soldädukuna ëllukärirmi 28Jesúspa ratashninta qoturatsir puka cäpata yakatsiyarqan. 29Tsënöllam kashapita awashqa corönata peqanman yakatsiyarqan. Allawka kaq makinmannam shoqushta aptatsiyarqan. Tsëpitanam nöpanman qonqurikur asipar niyarqan: <<¡Alabashqa katsun Israel nunakunapa reynin!>>
30Tsënöllam toqapur ushar aptarëkashqan shoqushta qochirkur peqanchö wiluyarqan. 31Tsënö asiparmi yakatsiyashqan cäpata qoturatsir kikinpa ratashnintana yakatsiyarqan. Tsëpitanam crucificaq apayarqan.
Jesústa cruzchö wanutsiyanqan
Marcos 15.21-32; Lucas 23.26-43; Juan 19.17-27
32Crucificaq apëkäyashqanchömi tinkuyarqan Cirene nacionpita Simónwan. Pëtam Jesús apëkashqan cruzta katätsiyarqan.
33Tsëpitanam Jesústa chäratsiyarqan Gólgota niyashqanman. Gólgota ninanqa Calavëra Sitiu ninanmi. 34Tsëchömi asqaq qorawan takushqa vïnuta uputsita munayarqan. Tsënö uputsita munayaptinpis llamirkur manam upïta munarqantsu.#27.34 Tsënö uputsita munayarqan alläpa nanëta Jesús mana mäkunanpaqmi.
35Jesústa crucificärirnam ratashninta mëqanpis apakunanpaq sortiyayarqan. [Tsënö rurayänanpaqmi Teyta Diospa profëtan kënö qellqarqan: <<Kikinpuram ratashnïta rakinakuyarqan. Ratashnïta apakuyänanpaqmi sortiyayarqan>>.#Sal. 22.18.]
36Tsëpitanam tsëchö täpëkar quedayarqan. 37Imapita wanutsiyashqantapis nunakuna musyayänanpaqmi juk letrëruta cruzpa puntanman clavayarqan. Tsë letrëruchömi kënö qellqarëkarqan: <<Kë nunam Israel nunakunapa reynin Jesús>>.
38Jesús crucificarëkashqan lädunmanmi ishkë suwa nunakunatapis crucificäyarqan, juknin kaqta allawka kaq lädunman y juk kaqtana itsuq kaq lädunman. 39Jesús crucificarëkaqta rikarmi tsëpa pasaq nunakuna asipäyarqan. Peqankunatapis awirmi#Sal. 22.7; 109.25. 40niyarqan: <<Templutapis juchuratsir kima junaqllata shäritsinëkipaq nikarqa#Mat. 26.61; Juan 2.19. mä salvakï. Diospa Tsurin karqa mä cruzpita yarpamï>>.
41Tsënöllam mandakuq sacerdötikuna, ley yachatsikuqkuna, [fariseukuna] y precisaq Israel nunakunapis Jesústa asipar niyarqan: 42<<Wakinta salvarpis kikinqa manam salvakïta puëdintsu. Israel nunakunapa reynin karqa mä cruzpita yarpamutsun. Yarpamuptinqa creyishunmi. 43Pëqa <Teyta Diospa Tsurinmi kä> nirmi Diosman markäkushqa. Rasunpa Tsurin kaptinqa Teyta Dios ankupar cruzpita jorqutsun>>.#Sal. 22.8.
44Tsënöllam lädunchö crucificarëkaq suwa nunakunapis burlakuyarqan.
Jesús wanunqan
Marcos 15.33-41; Lucas 23.44-49; Juan 19.28-30
45Pullan junaqpita las treskamayaqmi patsa tutapäkurirqan. 46Tsë höram Jesús qaparipa nirqan: <<Elí, Elí, ¿lama sabactani?>>
Tsë ninanqa <<Teyta Dios, Teyta Dios, ¿imanirtaq jaqiramarqunki?>> ninanmi.#Sal. 22.1.
47Tsënö nishqanta wiyëkurmi tsëchö këkaq wakin nunakuna kënö niyarqan: <<Profëta Elíastam qayëkan>>.
48Tsënö niyaptinmi juk nuna ras ëwar vinagriman esponjata ushmarkatsir shoqushpa puntanman watarqan. Tsëwan Jesústa shoqutsita munaptinmi#Sal. 69.21. 49nunakuna kënö niyarqan: <<Ama shoqutsitsu. Mä rikäshun cruzpita jorqunanpaq Elías shamunqakush>>.
50Tsëpitanam yapë llapan kallpanwan qaparir Jesús wanurirqan. 51Tsë höram templu rurinchö tsaparaq cortïnapis#Éxo. 26.31-33; 2Crón. 3.14. umapita urayaq rachikärirqan. Patsa alläpa kuyuptinmi qaqakunapis partikäyarqan. 52Sepultürakunapis kichakäyaptinmi Teyta Dios munashqannö kawaq nunakunapis kawariyämurqan. 53Jesús kawarimuptinnam pamparäyashqanpita yarqamur sagrädu Jerusalén markaman yëkuyarqan. Atska nunakunam tsë kawarimuq nunakunata rikäyarqan.
54Jesústa täpëkaq capitanwan soldädunkunam patsa kuyuqta mäkur y llapan pasashqankunatapis rikar alläpa mantsakar niyarqan: <<¡Rasunpam kë nunaqa Diospa Tsurin kashqa!>>
55Tsëchömi atskaq warmikuna karullapita rikarëkäyarqan. Tsë warmikunam Galileapita patsa Jesústa yanapar ëwayarqan. 56Pëkunawanmi këkarqan María Magdalena, Santiagupa y Josépa mamänin María y Zebedeupa warminpis.#Luc. 8.2-3.
Jesústa pampayanqan
Marcos 15.42-47; Lucas 23.50-56; Juan 19.38-42
57Patsa tutapëkaptinnam Arimateapita juk rïcu nuna José shutiyuq Pilato kaqman charqan. Pëpis Jesúspa discïpulunmi kanaq. 58Chärirmi Pilatuta kënö rowakurqan: <<Jesúspa ayanta pampanäpaq qoykamë>>.
Tsënö mañakuptinmi soldädukunata Pilato nirqan Jesúspa ayanta dejayänanpaq. 59Dejariyaptinmi lïnupita rurashqa limpiu säbanawan wankurkur 60qaqachö tsëraq uchkushqa sepultüraman pamparqan. Tsëpitanam jatun rumiwan sepultürapa punkunta tsapëkur ewkurqan. 61Tsëchömi María Magdalena y juk kaq Maríapis tëkäyarqan.
Jesúspa sepultüranta soldädukuna täpayanqan
62Jesús wanushqanpita waränin jamakï junaqnam mandakuq sacerdötikuna y fariseukuna Pilato kaqman ëwar 63niyarqan: <<Tëtë, tsë ulikuq nunam kënö nirqan: <Wanushqäpita kima junaqtam kawarimushaq>.#Mat. 16.21; 17.23; 20.19; Mar. 8.31; 9.31; 10.33-34; Luc. 9.22; 18.31-33. 64Tsënö nishqa këkaptinqa sepultürata kima junaqyaq soldädïkikunawan täpëkatsillë. Manatsëqa discïpulunkunam Jesúspa ayanta [paqaspa] suwarkur nunakunata creyitsiyanqa wanushqanpita kawarimushqanta. Tsënö ulikurqa tsë nuna engañashqanpita mas peormi nunakunata engañayanqa>>.
65Pilatunam nirqan: <<Soldädukuna sepultürata täpayänanpaq pushayë>>.
66Tsënö niptinmi ëwar sepultüra tsaparaq rumita sellayarqan pipis kichaptin musyayänanpaq. Tsëpitanam soldädukunata täpayänanpaq churayarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.