Mateo 18
18
Wamranö kanantsikpaq Jesús käyitsinqan
Marcos 9.33-37; Lucas 9.46-48
1Juk kutim discïpulunkuna Jesústa kënö tapuyarqan: <<Teyta Diospa mandakïninchö ¿pitaq mas precisaq kanqa?>>#Luc. 22.24.
2Tsëmi juk wamrata nöpanman Jesús qayëkur 3kënö nirqan: <<Rasunpam niyaq: Wamranö mana karqa manam imëpis Teyta Diospa mandakïninman yëkuyankitsu.#Mar. 10.15; Luc. 18.17. 4Kë wamranö qollmi shonqu kaqmi Teyta Diospa mandakïninchöqa mas precisaq kanqa. 5Tsënöllam kë wamranö kaqkunata noqapa shutïchö pipis chaskirqa noqatapis chaskikäman.
Jutsaman mana ishkitsinantsikpaq Jesús käyitsinqan
Marcos 9.42-48; Lucas 17.1-2
6<<Pipis noqaman markäkamuqta juk wamra niraqtanö jutsaman ishkitsiptinqa mas allim kanman mulinu rumita kunkanman watarkur lamarman jitarkuyaptin. 7¡Allaw, imanöraq kayanqa pitapis jutsata ruratsiqkuna! Tsënö nunakuna kë patsachö imëpis kayanqam. Tsënö kaptinpis pëkunaqa alläpa castigashqam kayanqa.
8<<Tsëmi makiki o chakiki jutsata ruratsiyäshuptiki roqurir jitariyë. Imëpis mana upiq ninaman ishkë chakiyuq o ishkë makiyuq jitëkushqa kayänëkipa rantinqa mas allim kanman juk chakiyuqllapis o juk makiyuqllapis Teyta Diospa nöpanman chäyaptiki.#Mat. 5.30. 9Tsënölla nawikipis jutsata ruratsiyäshuptikiqa oqtirir jitariyë. Infiernuman ishkë nawiyuq jitashqa kayänëkipa rantinqa mas allim kanman wiskullapis Teyta Diospa nöpanman chäyaptiki.#Mat. 5.29.
10<<Noqam niyaq: Kë wamrakunapa angelninkunam ciëluchö këkaq Teytäpa nöpanchö imëpis këkäyan. Tsënö këkaptinqa kë wamrakunata manakaqpaq ama churayëtsu. 11[Nunapa Tsurinqa shamushqa oqrakashqakunata salvananpaqmi.]#Luc. 19.10.
Oqrakashqa üshaman iwalatsikïpa Jesús yachatsikunqan
Lucas 15.3-7
12<<Pipis juk pachak (100) üshankunapita jukta oqrëkur ¿manaku wakin kaqta jaqirir ras ashiq ëwan? 13Tarïkurqa isqun chunka isqun (99) üshankunapaq kushikushqanpitapis masmi kushikun. 14Tsënöllam ciëluchö këkaq Teytäpis munantsu juk wamrallapis oqrakänanta.
Markäkuq mayintsikta willapänantsikpaq Jesús käyitsikunqan
Lucas 17.3
15<<Markäkuq mayikikuna piñatsiyäshuptikiqa käyitsiyänëkipaq japallanta willapäyanki. Wiyayäshuptikiqa perdonar amishtayanki.#Luc. 17.3. 16Mana wiyayäshuptikiqa yapë käyitsiyänëkipaq juk ishkë markäkuq mayikikunata pushayanki. Tsënöpam ishkë o kima testïgu wiyaptin willapäyashqëkita negakïta puëdiyanqatsu.#Deut. 19.15. 17Pëkuna willapäyaptinpis mana wiyayäkuptinqa markäkuq mayikikuna ëllukäyashqanchö käyitsiyänanpaq willayanki. Pëkuna niyashqantapis mana wiyayaptinqa amana tsë piñatsishuqnikikunawan juntakuyankinatsu. Tsëpa rantinqa mana Israel nunakunatanö y impuestu cobraqkunatanö rikäyanki.
18<<Rasunpam niyaq: Kë patsachö watäyashqëkiqa ciëluchöpis watashqam kanqa. Kë patsachö paskayashqëkiqa ciëluchöpis paskashqam kanqa.#18.18 Apostolkuna watäyashqanpaq parlarqa mana cäsukuqkunata willapäyänanpaqmi Jesucristo parlarqan. Apostolkuna paskayashqanpaq parlarqa tsë mana cäsukuq nuna käyikuptin pëta perdonayänanpaqmi parlarqan. Tsëmi Jesucristo nishqanqa kënö ninan: Mana cäsukuqkunata willapäyänëkipaq puëdiqmi qamkuna këkäyanki.#Mat. 16.19; Juan 20.23. 19Yapëpis qamkunata kënömi niyaq: Ishkaqllapis tsë yarpëlla mañakuyaptikiqa ciëluchö këkaq Teytämi yanapayäshunki. 20Juk ishkaqllapis shutïchö ëllukäyaptikiqa qamkunawanmi këkäshaq>>.
Perdonanakur kawanantsikpaq Jesús ninqan
21Tsënö yachatsikuptinmi Jesúsman witirir Pedro kënö tapurqan: <<Teyta, markäkuq mayï piñatsimaptin ¿ëka kutitaq perdonashaq? ¿Qanchis kutitsuraq?>>
22Jesúsnam nirqan: <<Manam qanchis kutillatsu perdonanëki, sinöqa qanchis chunka (70) kuti qanchispis perdonanëkim>>.#Luc. 17.3-4.
23Tsëpitanam Jesús kënö nirqan: <<Kananmi Teyta Diospa mandakïnin imanö kashqantapis willapäyashqëki. Juk reyshi sirwiqninkunata ninaq jaqan kayashqanpita cuentata qoyänanpaq. 24Jaqanta pagayänanpaqshi juk sirwiqninta reyman pushayänaq. Tsë sirwikuqqa chunka waranqa (10,000) talentush#18.24 Juk talentuqa karqan juk nuna ishkë chunka (20) wata uryar ganayashqannömi. jaqan kanaq. 25Jaqanta paguëta mana puëdiptinshi yanapaqninkunata tsë rey kënö ninaq: <qellënïta mana perdinäpaq kë nunata, warminta, tsurinkunata y imëkankunatapis rantikuyë>.
26<<Tsënö niptinshi sirwiqninqa nöpanman qonqurikur kënö rowakunaq: <Tëtë, ichiklla shuyëkallämë. Jaqëkitaqa llapantam paguëkullashqëki>.
27<<Tsënö rowakuptinshi tsë rey ankupar llapan jaqanta perdonëkur librina jaqirinaq.
28<<Perdonariptin ëwëkashqanchönash pëpa jaqan kaq sirwikuq mayinwan tinkunaq. Tsë sirwikuq mayinqa pachak (100) denariullash#18.28 Juk denariuqa juk junaq uryapukur ganayashqanmi karqan. jaqan kanaq. Tsënash kunkapita tsarirkur ninaq: <¡Jaqäta pagamë!>
29<<Tsënö ruraptinshi qonqurikur rowakunaq: <Tëtë, ichiklla shuyëkallämë. Jaqëkita llapantam paguëkullashqëki> nir. 30Tsënö rowakuptinpis manash perdonëta munanaqtsu. Tsëpa rantinqa jaqanta pagashqanyaqshi carcelchö llawirätsinaq.
31<<Tsënö rurashqanta rikëkurshi wakin sirwikuqkuna carcelchö kaq nunata ankuparnin reyman ëwëkur ima pasashqantapis willayänaq. 32Tsënash tsë nunata qayëkatsir tsë rey kënö ninaq: <¡Ä mana ankupäkuq malafë! Noqaqa rowakamaptikim jaqäta llapanta perdonarquq. 33¿Imanirtaq qamta ankupashqaqnö sirwikuq mayikita ankuparqunkitsu?> 34Tsënö nirshi alläpa piñakur kikintapis carcelman llawitsinaq. Tsëchöshi wardiakuna castigayänaq reypa llapan jaqanta paganqanyaq>>.
35Tsënö willapärirnam Jesús kënö nirqan: <<Markäkuq mayikikunata llapan shonqïkikunawan mana perdonayaptikiqa tsënöllam qamkunatapis ciëluchö këkaq Teytä rurayäshunki>>.
Currently Selected:
Mateo 18: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Mateo 18
18
Wamranö kanantsikpaq Jesús käyitsinqan
Marcos 9.33-37; Lucas 9.46-48
1Juk kutim discïpulunkuna Jesústa kënö tapuyarqan: <<Teyta Diospa mandakïninchö ¿pitaq mas precisaq kanqa?>>#Luc. 22.24.
2Tsëmi juk wamrata nöpanman Jesús qayëkur 3kënö nirqan: <<Rasunpam niyaq: Wamranö mana karqa manam imëpis Teyta Diospa mandakïninman yëkuyankitsu.#Mar. 10.15; Luc. 18.17. 4Kë wamranö qollmi shonqu kaqmi Teyta Diospa mandakïninchöqa mas precisaq kanqa. 5Tsënöllam kë wamranö kaqkunata noqapa shutïchö pipis chaskirqa noqatapis chaskikäman.
Jutsaman mana ishkitsinantsikpaq Jesús käyitsinqan
Marcos 9.42-48; Lucas 17.1-2
6<<Pipis noqaman markäkamuqta juk wamra niraqtanö jutsaman ishkitsiptinqa mas allim kanman mulinu rumita kunkanman watarkur lamarman jitarkuyaptin. 7¡Allaw, imanöraq kayanqa pitapis jutsata ruratsiqkuna! Tsënö nunakuna kë patsachö imëpis kayanqam. Tsënö kaptinpis pëkunaqa alläpa castigashqam kayanqa.
8<<Tsëmi makiki o chakiki jutsata ruratsiyäshuptiki roqurir jitariyë. Imëpis mana upiq ninaman ishkë chakiyuq o ishkë makiyuq jitëkushqa kayänëkipa rantinqa mas allim kanman juk chakiyuqllapis o juk makiyuqllapis Teyta Diospa nöpanman chäyaptiki.#Mat. 5.30. 9Tsënölla nawikipis jutsata ruratsiyäshuptikiqa oqtirir jitariyë. Infiernuman ishkë nawiyuq jitashqa kayänëkipa rantinqa mas allim kanman wiskullapis Teyta Diospa nöpanman chäyaptiki.#Mat. 5.29.
10<<Noqam niyaq: Kë wamrakunapa angelninkunam ciëluchö këkaq Teytäpa nöpanchö imëpis këkäyan. Tsënö këkaptinqa kë wamrakunata manakaqpaq ama churayëtsu. 11[Nunapa Tsurinqa shamushqa oqrakashqakunata salvananpaqmi.]#Luc. 19.10.
Oqrakashqa üshaman iwalatsikïpa Jesús yachatsikunqan
Lucas 15.3-7
12<<Pipis juk pachak (100) üshankunapita jukta oqrëkur ¿manaku wakin kaqta jaqirir ras ashiq ëwan? 13Tarïkurqa isqun chunka isqun (99) üshankunapaq kushikushqanpitapis masmi kushikun. 14Tsënöllam ciëluchö këkaq Teytäpis munantsu juk wamrallapis oqrakänanta.
Markäkuq mayintsikta willapänantsikpaq Jesús käyitsikunqan
Lucas 17.3
15<<Markäkuq mayikikuna piñatsiyäshuptikiqa käyitsiyänëkipaq japallanta willapäyanki. Wiyayäshuptikiqa perdonar amishtayanki.#Luc. 17.3. 16Mana wiyayäshuptikiqa yapë käyitsiyänëkipaq juk ishkë markäkuq mayikikunata pushayanki. Tsënöpam ishkë o kima testïgu wiyaptin willapäyashqëkita negakïta puëdiyanqatsu.#Deut. 19.15. 17Pëkuna willapäyaptinpis mana wiyayäkuptinqa markäkuq mayikikuna ëllukäyashqanchö käyitsiyänanpaq willayanki. Pëkuna niyashqantapis mana wiyayaptinqa amana tsë piñatsishuqnikikunawan juntakuyankinatsu. Tsëpa rantinqa mana Israel nunakunatanö y impuestu cobraqkunatanö rikäyanki.
18<<Rasunpam niyaq: Kë patsachö watäyashqëkiqa ciëluchöpis watashqam kanqa. Kë patsachö paskayashqëkiqa ciëluchöpis paskashqam kanqa.#18.18 Apostolkuna watäyashqanpaq parlarqa mana cäsukuqkunata willapäyänanpaqmi Jesucristo parlarqan. Apostolkuna paskayashqanpaq parlarqa tsë mana cäsukuq nuna käyikuptin pëta perdonayänanpaqmi parlarqan. Tsëmi Jesucristo nishqanqa kënö ninan: Mana cäsukuqkunata willapäyänëkipaq puëdiqmi qamkuna këkäyanki.#Mat. 16.19; Juan 20.23. 19Yapëpis qamkunata kënömi niyaq: Ishkaqllapis tsë yarpëlla mañakuyaptikiqa ciëluchö këkaq Teytämi yanapayäshunki. 20Juk ishkaqllapis shutïchö ëllukäyaptikiqa qamkunawanmi këkäshaq>>.
Perdonanakur kawanantsikpaq Jesús ninqan
21Tsënö yachatsikuptinmi Jesúsman witirir Pedro kënö tapurqan: <<Teyta, markäkuq mayï piñatsimaptin ¿ëka kutitaq perdonashaq? ¿Qanchis kutitsuraq?>>
22Jesúsnam nirqan: <<Manam qanchis kutillatsu perdonanëki, sinöqa qanchis chunka (70) kuti qanchispis perdonanëkim>>.#Luc. 17.3-4.
23Tsëpitanam Jesús kënö nirqan: <<Kananmi Teyta Diospa mandakïnin imanö kashqantapis willapäyashqëki. Juk reyshi sirwiqninkunata ninaq jaqan kayashqanpita cuentata qoyänanpaq. 24Jaqanta pagayänanpaqshi juk sirwiqninta reyman pushayänaq. Tsë sirwikuqqa chunka waranqa (10,000) talentush#18.24 Juk talentuqa karqan juk nuna ishkë chunka (20) wata uryar ganayashqannömi. jaqan kanaq. 25Jaqanta paguëta mana puëdiptinshi yanapaqninkunata tsë rey kënö ninaq: <qellënïta mana perdinäpaq kë nunata, warminta, tsurinkunata y imëkankunatapis rantikuyë>.
26<<Tsënö niptinshi sirwiqninqa nöpanman qonqurikur kënö rowakunaq: <Tëtë, ichiklla shuyëkallämë. Jaqëkitaqa llapantam paguëkullashqëki>.
27<<Tsënö rowakuptinshi tsë rey ankupar llapan jaqanta perdonëkur librina jaqirinaq.
28<<Perdonariptin ëwëkashqanchönash pëpa jaqan kaq sirwikuq mayinwan tinkunaq. Tsë sirwikuq mayinqa pachak (100) denariullash#18.28 Juk denariuqa juk junaq uryapukur ganayashqanmi karqan. jaqan kanaq. Tsënash kunkapita tsarirkur ninaq: <¡Jaqäta pagamë!>
29<<Tsënö ruraptinshi qonqurikur rowakunaq: <Tëtë, ichiklla shuyëkallämë. Jaqëkita llapantam paguëkullashqëki> nir. 30Tsënö rowakuptinpis manash perdonëta munanaqtsu. Tsëpa rantinqa jaqanta pagashqanyaqshi carcelchö llawirätsinaq.
31<<Tsënö rurashqanta rikëkurshi wakin sirwikuqkuna carcelchö kaq nunata ankuparnin reyman ëwëkur ima pasashqantapis willayänaq. 32Tsënash tsë nunata qayëkatsir tsë rey kënö ninaq: <¡Ä mana ankupäkuq malafë! Noqaqa rowakamaptikim jaqäta llapanta perdonarquq. 33¿Imanirtaq qamta ankupashqaqnö sirwikuq mayikita ankuparqunkitsu?> 34Tsënö nirshi alläpa piñakur kikintapis carcelman llawitsinaq. Tsëchöshi wardiakuna castigayänaq reypa llapan jaqanta paganqanyaq>>.
35Tsënö willapärirnam Jesús kënö nirqan: <<Markäkuq mayikikunata llapan shonqïkikunawan mana perdonayaptikiqa tsënöllam qamkunatapis ciëluchö këkaq Teytä rurayäshunki>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.