Mateo 14
14
Bautizakuq Juanta Herodes wanutsinqan
Marcos 6.14-29; Lucas 9.7-9
1Tsë witsanmi Galileapa mandakuqnin Herodes musyarqan Jesúsllapaqna nunakuna parlakuyashqanta. 2Tsëmi yanapaqninkunata Herodes kënö nirqan: <<Tsë nunaqa Bautizakuq Juanchi yä. Wanushqanpita kawarimushqa karmi puëdiq këkan milagrukunata rurananpaq>>.
3Mas puntatam Juanta rey Herodes cadenarkatsir carcelman llawikatsishqa karqan. Tsënöqa rurëkurqan Herodías shutiyuq warmi mañakuptinmi. Herodíasqa karqan Herodespa wawqin Felipipa warminmi. 4Herodíasta Herodes warmintanö wätakuptinmi Juan kënö nirqan: <<Wawqikipa warminwan kakurmi alläpa jutsata rurëkanki>>.#Lev. 18.16; 20.21; Luc. 3.19-20.
5Tsënö nïkuptinmi Herodesqa Juanta wanutsita munarqan. Tsënö kaptinpis profëta kashqanta llapan nunakuna niyaptinmi mantsarqan.
6Jukpinnam Herodespa santunchö Herodíaspa shipash wawan llapan invitashqankunapa nöpanchö shumaq tushukïkurqan. Tsëta rikarmi Herodes alläpa kushikur 7tsë shipashta änir jurar nirqan: <<Imatapis mañakamashqëkitam qoykushqëki>>.
8Shipashnam mamänin yacharatsiptin Herodesta kënö nirqan: <<Bautizakuq Juanpa peqanta juk plätuchö qoykamë>>.
9Tsëta mañëkuptinnam rey Herodes alläpa llakikurqan. Tsënö llakirpis invitashqankunapa nöpanchö jurashqa karmi mañakushqanta qoykuyänanpaq wardiakunata nirqan. 10Wardiakunanam Juanpa peqanta carcelchö roqurir 11juk plätuchö apamur shipashta qoykuyarqan. Y shipashnam mamäninta qoykurqan.
12Tsënö rurayashqanta musyarirnam Juanpa discïpulunkuna ayanta ëllurkur pampëkuyarqan. Tsëpitanam Jesúsman ëwëkur Juanta wanutsishqanta willayarqan.
Pitsqa waranqa nunakuna mikuyänanpaq milagruta Jesús ruranqan
Marcos 6.30-44; Lucas 9.10-17; Juan 6.1-14
13Tsëta musyarirnam barcuman lloqarkur chusyaqman Jesús japallan ewkurqan. Ëwashqanta musyëkurnam nunakuna markakunapita chakillapa ëwayarqan Jesústa tariyashqanyaq. 14Barcupita yarpurirnam Jesús tarirqan atskaq nunakuna shuyëkäyaqta. Tsëmi ankupar qeshyaqkunata kachakätsirqan.
15Tardiyakïkuptinnam discïpulunkuna Jesúsman ëwëkur kënö niyarqan: <<Chusyaqchömi këkantsik. Tardiyëkannam. Nunakunata nïkï markakunapa ëwar mikïninkuna rantiyämunanpaq>>.
16Jesúsnam nirqan: <<Manam mikï ashiq ëwayanmantsu. Qamkunam pachanqa qarayanki>>.
17Discïpulunkunanam kënö niyarqan: <<Pitsqa tantalla y ishkë pescädullam kayäpaman>>.
18Jesúsnam nirqan: <<Apayämï këman>>.
19Tsëpitanam nunakunata Jesús nirqan tsampaman täkuriyänanpaq. Pitsqa tantatawan ishkë pescäduta tsarirkurmi ciëluman ñukirkur Jesús payllä nir Teyta Diosman mañakurqan. Tantata pakirirnam discïpulunkunata makyarqan nunakunata qarayänanpaq. 20Pacha junta mikuriyaptinnam katukunata chunka ishkë canasta juntata ëlluriyarqan. 21Tsëchö mikuqkuna pitsqa waranqanömi (5,000) kayarqan. Warmikunata y wamrakunataqa manam yupayarqantsu.
Yaku jananpa Jesús ëwanqan
Marcos 6.45-52; Juan 6.15-21
22Tsëpitanam discïpulunkunata Jesús nirqan barcuman lloqarkur wak tsimpaman nöpayänanpaq. Ewkuyaptinnam tsëchö këkaq nunakunata despidïkur 23Teyta Diosta mañakunanpaq jirkaman japallan witsarqan. Tsëchömi patsa tsaqashqanyaq mañakurqan. 24Tsëyaqqa discïpulunkuna qocha chöpintanam barcuwan ëwëkäyarqan. Feyupa vientuptinmi y yaku laqchiqsaptinmi alläpa jipëkäyarqan.
25Patsa wararëkaptinnam discïpulunkuna kaqman yaku jananpa Jesús ëwarëkarqan. 26Tsëta rikëkurnam discïpulunkuna alläpa mantsakar kënö qaparïkuyarqan: <<¡Achachï! ¡Alma yëkarëkämun!>> nishpa.
27Tsëmi Jesús nirqan: <<¡Kallpata tsariyë! ¡Noqam kä! ¡Ama mantsakäyëtsu!>>
28Pedrunam nirqan: <<Tëtë, rasunpa qam karqa noqapis yaku jananpa shamunäpaq permitïkullë>>.
29Jesúsnam nirqan: <<Shamï ari>>.
Tsënam barcupita yarqurir yaku jananpa Jesús kaqman ëwar qallëkurqan. 30Alläpa vientuptinnam mantsakar hundikarkuqnö kar qaparïkurqan. Tsëmi kënö qaparïkurqan: <<¡Salvëkallämë, tëtë!>>
31Jesúsnam makinpita ras tsarirkur kënö nirqan: <<Ichiklla markäkïyuq nuna, ¿imanirtaq markäkamunkitsu?>>
32Barcuman lloqariyaptinnam vientu pärarirqan. 33Tsëta rikëkurnam barcuchö këkaqkuna qonqurikur Jesústa niyarqan: <<¡Teyta, qamqa rasunpam Teyta Diospa Tsurin kanki!>>
Genesaretchö qeshyaqkunata Jesús kachakätsinqan
Marcos 6.53-56
34Qochata tsimparirnam Genesaret pampaman chäriyarqan. 35Tsëchö nunakunanam Jesústa reqirir wakpa këpa willakatsiyarqan. Tsëmi llapan qeshyaqkunata kachakätsinanpaq apayarqan. 36Chäratsirnam Jesústa rowayarqan mantunpa kuchunllatapis qeshyaqninkuna yatëkunanpaq. Tsëchömi llapan yataq kaqqa kachakäyarqan.
Currently Selected:
Mateo 14: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Mateo 14
14
Bautizakuq Juanta Herodes wanutsinqan
Marcos 6.14-29; Lucas 9.7-9
1Tsë witsanmi Galileapa mandakuqnin Herodes musyarqan Jesúsllapaqna nunakuna parlakuyashqanta. 2Tsëmi yanapaqninkunata Herodes kënö nirqan: <<Tsë nunaqa Bautizakuq Juanchi yä. Wanushqanpita kawarimushqa karmi puëdiq këkan milagrukunata rurananpaq>>.
3Mas puntatam Juanta rey Herodes cadenarkatsir carcelman llawikatsishqa karqan. Tsënöqa rurëkurqan Herodías shutiyuq warmi mañakuptinmi. Herodíasqa karqan Herodespa wawqin Felipipa warminmi. 4Herodíasta Herodes warmintanö wätakuptinmi Juan kënö nirqan: <<Wawqikipa warminwan kakurmi alläpa jutsata rurëkanki>>.#Lev. 18.16; 20.21; Luc. 3.19-20.
5Tsënö nïkuptinmi Herodesqa Juanta wanutsita munarqan. Tsënö kaptinpis profëta kashqanta llapan nunakuna niyaptinmi mantsarqan.
6Jukpinnam Herodespa santunchö Herodíaspa shipash wawan llapan invitashqankunapa nöpanchö shumaq tushukïkurqan. Tsëta rikarmi Herodes alläpa kushikur 7tsë shipashta änir jurar nirqan: <<Imatapis mañakamashqëkitam qoykushqëki>>.
8Shipashnam mamänin yacharatsiptin Herodesta kënö nirqan: <<Bautizakuq Juanpa peqanta juk plätuchö qoykamë>>.
9Tsëta mañëkuptinnam rey Herodes alläpa llakikurqan. Tsënö llakirpis invitashqankunapa nöpanchö jurashqa karmi mañakushqanta qoykuyänanpaq wardiakunata nirqan. 10Wardiakunanam Juanpa peqanta carcelchö roqurir 11juk plätuchö apamur shipashta qoykuyarqan. Y shipashnam mamäninta qoykurqan.
12Tsënö rurayashqanta musyarirnam Juanpa discïpulunkuna ayanta ëllurkur pampëkuyarqan. Tsëpitanam Jesúsman ëwëkur Juanta wanutsishqanta willayarqan.
Pitsqa waranqa nunakuna mikuyänanpaq milagruta Jesús ruranqan
Marcos 6.30-44; Lucas 9.10-17; Juan 6.1-14
13Tsëta musyarirnam barcuman lloqarkur chusyaqman Jesús japallan ewkurqan. Ëwashqanta musyëkurnam nunakuna markakunapita chakillapa ëwayarqan Jesústa tariyashqanyaq. 14Barcupita yarpurirnam Jesús tarirqan atskaq nunakuna shuyëkäyaqta. Tsëmi ankupar qeshyaqkunata kachakätsirqan.
15Tardiyakïkuptinnam discïpulunkuna Jesúsman ëwëkur kënö niyarqan: <<Chusyaqchömi këkantsik. Tardiyëkannam. Nunakunata nïkï markakunapa ëwar mikïninkuna rantiyämunanpaq>>.
16Jesúsnam nirqan: <<Manam mikï ashiq ëwayanmantsu. Qamkunam pachanqa qarayanki>>.
17Discïpulunkunanam kënö niyarqan: <<Pitsqa tantalla y ishkë pescädullam kayäpaman>>.
18Jesúsnam nirqan: <<Apayämï këman>>.
19Tsëpitanam nunakunata Jesús nirqan tsampaman täkuriyänanpaq. Pitsqa tantatawan ishkë pescäduta tsarirkurmi ciëluman ñukirkur Jesús payllä nir Teyta Diosman mañakurqan. Tantata pakirirnam discïpulunkunata makyarqan nunakunata qarayänanpaq. 20Pacha junta mikuriyaptinnam katukunata chunka ishkë canasta juntata ëlluriyarqan. 21Tsëchö mikuqkuna pitsqa waranqanömi (5,000) kayarqan. Warmikunata y wamrakunataqa manam yupayarqantsu.
Yaku jananpa Jesús ëwanqan
Marcos 6.45-52; Juan 6.15-21
22Tsëpitanam discïpulunkunata Jesús nirqan barcuman lloqarkur wak tsimpaman nöpayänanpaq. Ewkuyaptinnam tsëchö këkaq nunakunata despidïkur 23Teyta Diosta mañakunanpaq jirkaman japallan witsarqan. Tsëchömi patsa tsaqashqanyaq mañakurqan. 24Tsëyaqqa discïpulunkuna qocha chöpintanam barcuwan ëwëkäyarqan. Feyupa vientuptinmi y yaku laqchiqsaptinmi alläpa jipëkäyarqan.
25Patsa wararëkaptinnam discïpulunkuna kaqman yaku jananpa Jesús ëwarëkarqan. 26Tsëta rikëkurnam discïpulunkuna alläpa mantsakar kënö qaparïkuyarqan: <<¡Achachï! ¡Alma yëkarëkämun!>> nishpa.
27Tsëmi Jesús nirqan: <<¡Kallpata tsariyë! ¡Noqam kä! ¡Ama mantsakäyëtsu!>>
28Pedrunam nirqan: <<Tëtë, rasunpa qam karqa noqapis yaku jananpa shamunäpaq permitïkullë>>.
29Jesúsnam nirqan: <<Shamï ari>>.
Tsënam barcupita yarqurir yaku jananpa Jesús kaqman ëwar qallëkurqan. 30Alläpa vientuptinnam mantsakar hundikarkuqnö kar qaparïkurqan. Tsëmi kënö qaparïkurqan: <<¡Salvëkallämë, tëtë!>>
31Jesúsnam makinpita ras tsarirkur kënö nirqan: <<Ichiklla markäkïyuq nuna, ¿imanirtaq markäkamunkitsu?>>
32Barcuman lloqariyaptinnam vientu pärarirqan. 33Tsëta rikëkurnam barcuchö këkaqkuna qonqurikur Jesústa niyarqan: <<¡Teyta, qamqa rasunpam Teyta Diospa Tsurin kanki!>>
Genesaretchö qeshyaqkunata Jesús kachakätsinqan
Marcos 6.53-56
34Qochata tsimparirnam Genesaret pampaman chäriyarqan. 35Tsëchö nunakunanam Jesústa reqirir wakpa këpa willakatsiyarqan. Tsëmi llapan qeshyaqkunata kachakätsinanpaq apayarqan. 36Chäratsirnam Jesústa rowayarqan mantunpa kuchunllatapis qeshyaqninkuna yatëkunanpaq. Tsëchömi llapan yataq kaqqa kachakäyarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.