Mateo 11
11
1Chunka ishkë discïpulunkunata yachatsir usharirnam Galileapa markan markan Teyta Diospa willakïninta willakur Jesús purirqan.
Discïpulunkunata Bautizakuq Juan Jesúsman Jesús kachanqan
Lucas 7.18-35
2Carcelchö këkarmi Bautizakuq Juan musyarqan Jesucristo imata rurëkashqantapis. Tsëmi [ishkë] discïpulunkunata Jesús kaqman kacharqan 3kënö tapuyänanpaq: <<¿Qamkush kanki Teyta Dios kachamushqan Cristo o juktaraqkush shuyäyäshaq?>>
4Jesúsnam nirqan: <<Kutir rikäyashqëkita y wiyayashqëkita Juanta willayanki. 5Wiskukunam rikäyan. Purita mana puëdiqkunam puriyan. Leprawan qeshyaqkunam kachakäyan. Mana wiyaqkunam wiyayan.#Isa. 35.5-6. Wanushqankunam kawariyämun. Waktsakunam Teyta Diospa alli willakïninta wiyëkäyan.#Isa. 61.1. 6Yarpashqannö mana ruraptïpis mana ajayashpa noqaman markäkuq nunaqa kushishqam kawanqa>>.
7Juanpa discïpulunkuna kutiriyaptinnam nunakunata Jesús nirqan: <<¿Imaqtaq chusyaqman ëwayarqëki? ¿Vientuwan shoqush kuyuqta rikaqku? 8¿Imaqtaq ëwayarqëki? ¿Alli ratashnin yakashqa nunata rikaqku? Musyayashqëkinöpis alli ratashnin yakashqa nunakunaqa reypa wayinchömi kayan. 9Tsëpinqa ¿ima rikaqtaq ëwayarqëki? ¿Profëta rikaqku? ¡Awmi! Noqam niyaq: Pënöqa manam mëqan profëtapis kashqatsu. 10Juanta kachamunanpaqmi kënö qellqarëkan: <Nänita pitsaqnö nunakuna alistakuyänanpaqmi willakuqnïta puntëkita kachashaq>.#Mal. 3.1.
11<<Rasunpam niyaq: Llapan profëtakunapitapis Bautizakuq Juanqa mas käyikuqmi. Tsënö këkaptinpis Teyta Diospa mandakïninman tsëraq yëkuqkunam Juanpitapis mas käyiyan.
12<<Bautizakuq Juan willakur qallashqanpita patsam Teyta Diospa mandakïninman atskaq nunakuna imanöpapis yëkïkäyan. Tsënö këkaptinpis wakin nunakunaqa manam munayantsu tsë willakïta willakuyänanta, sinöqa imanöpapis atäjutam churayan. 13Juan manaraq willakuptinmi Moiséspis y profëtakunapis tsënö kananpaq kashqanta willakuyarqan.#Luc. 16.16. 14Pëkuna willakuyashqanta mana creyiyaptikipis <Elías shamunqam> nir profëta willakushqantaqa Juanmi cumplirqun.#Mal. 4.5; Mat. 17.10-13; Mar. 9.11-13. 15Rinriyuq kaqkunaqa nishqäkunata wiyakuyë.
16<<Kanan tiempu nunakunata ¿imamanraq iwalatsïman? Pëkunaqa pläzachö pukllaq wamrakunanömi kayan. 17Tsë wamrakunam qaparipa niyan: <Pinkulluta tocayaptïpis manam tushuyankitsu. Aya pampë qotsukunata qotsuyaptïpis manam waqayankitsu>. Tsë wamrakunanöllam kanan tiempu nunakunapis kayan. 18Juan tantata mana mikuptinmi y vïnuta mana upuptinmi: <¡Pëqa supëpa munëninchömi këkan!> niyan. 19Nunapa Tsurin mikuq upuq kaptinnam niyan: <¡Këqa alläpa mikuqmi y upuqmi! ¡Impuestu cobraqkunapa y jutsasapakunapa yanasanmi!> Tsënö niyaptinpis discïpulükunapa alli kawakïninmi Juanta y noqata Teyta Dios kachayämashqanta käyitsiyäshunki>>.
Jutsa ruraqkunata juzgananpaq Jesús ninqan
Lucas 10.13-15
20Atska milagrukunata Jesús rurashqanta rikëkarpis jutsa rurëninkunata nunakuna manam jaqiyarqantsu. Tsëmi Jesús kënö nirqan: 21<<¡Allaw, Corazín nunakuna! ¡Allaw, Betsaida nunakuna! Sitsun markëkikunachö milagrukunata rurashqänö Tiro y Sidón markakunachö#Isa. 23.1-18; Eze. 26.1—28.26; Joel 3.4-8; Amós 1.9-10; Zac. 9.2-4. ruräman karqan, mënam jutsa rurëninkunata jaqirïkur lütu ratashta yakakurkur uchpa jananchö täräyanman karqan. 22Noqam niyaq: Tiro y Sidón nunakunata castigashqanpitapis mas peormi juiciu junaqchö Teyta Dios castigayäshunki.
23<<Capernaúm nunakuna, ¿<ciëlumanmi ëwashaq> niyankichi? ¡Qamkunaqa Hadesman jitëkushqam kayanki! Sitsun qamkunachönö Sodomachö#Gén. 19.24-28. milagrukunata ruräman karqan, jutsankunata jaqiriyanmanmi karqan y kananyaqmi tsë marka këkanman karqan. 24Noqam niyaq: Sodoma nunakunata castigashqanpitapis mas peormi juiciu junaqchö Teyta Dios castigayäshunki>>.#Mat. 10.15; Luc. 10.12.
Teyta Diosta Jesús mañakunqan
Lucas 10.21-22
25Tsëchömi Teyta Diosta mañakur Jesús kënö nirqan: <<Ciëluchö y kë patsachö puëdiq Teyta, qamtam alabaq. Manam yachaq tukuqkunatatsu yarpëkashqëkikunata musyatsirqunki, sinöqa wamranö kaqkunallatam. 26Awmi Teyta, tsënö kanantam munarqunki>>.
27Tsëpitanam tsëchö këkaq nunakunata kënö nirqan: <<Teytämi llapantapis podernïman churamushqa.#Juan 3.35. Tsurin kaptïmi pëlla noqata reqiman. Tsënöllam Teytä kaptin noqalla pëta reqï. Tsëmi noqa käyitsishqä kaqkunalla Teytäta reqiyan>>.#Juan 1.18; 10.15.
28<<Llapëki utishqa y llakishqa kaqkuna, noqaman shayämï. Noqam jamatsiyashqëki. 29Noqapa yügüta apayë.#11.29 Noqapa yügüta apayë ninanqa discïpulü kayë ninanmi. Ankupäkuq y alli shonqu kashqäta rikämar noqapita yachakuyë. Noqapita yachakurmi jamëta tariyanki.#Éxo. 33.14; Jer. 6.16. 30Noqapa yügüqa ankashllam. Manam lasantsu>>.
Currently Selected:
Mateo 11: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Mateo 11
11
1Chunka ishkë discïpulunkunata yachatsir usharirnam Galileapa markan markan Teyta Diospa willakïninta willakur Jesús purirqan.
Discïpulunkunata Bautizakuq Juan Jesúsman Jesús kachanqan
Lucas 7.18-35
2Carcelchö këkarmi Bautizakuq Juan musyarqan Jesucristo imata rurëkashqantapis. Tsëmi [ishkë] discïpulunkunata Jesús kaqman kacharqan 3kënö tapuyänanpaq: <<¿Qamkush kanki Teyta Dios kachamushqan Cristo o juktaraqkush shuyäyäshaq?>>
4Jesúsnam nirqan: <<Kutir rikäyashqëkita y wiyayashqëkita Juanta willayanki. 5Wiskukunam rikäyan. Purita mana puëdiqkunam puriyan. Leprawan qeshyaqkunam kachakäyan. Mana wiyaqkunam wiyayan.#Isa. 35.5-6. Wanushqankunam kawariyämun. Waktsakunam Teyta Diospa alli willakïninta wiyëkäyan.#Isa. 61.1. 6Yarpashqannö mana ruraptïpis mana ajayashpa noqaman markäkuq nunaqa kushishqam kawanqa>>.
7Juanpa discïpulunkuna kutiriyaptinnam nunakunata Jesús nirqan: <<¿Imaqtaq chusyaqman ëwayarqëki? ¿Vientuwan shoqush kuyuqta rikaqku? 8¿Imaqtaq ëwayarqëki? ¿Alli ratashnin yakashqa nunata rikaqku? Musyayashqëkinöpis alli ratashnin yakashqa nunakunaqa reypa wayinchömi kayan. 9Tsëpinqa ¿ima rikaqtaq ëwayarqëki? ¿Profëta rikaqku? ¡Awmi! Noqam niyaq: Pënöqa manam mëqan profëtapis kashqatsu. 10Juanta kachamunanpaqmi kënö qellqarëkan: <Nänita pitsaqnö nunakuna alistakuyänanpaqmi willakuqnïta puntëkita kachashaq>.#Mal. 3.1.
11<<Rasunpam niyaq: Llapan profëtakunapitapis Bautizakuq Juanqa mas käyikuqmi. Tsënö këkaptinpis Teyta Diospa mandakïninman tsëraq yëkuqkunam Juanpitapis mas käyiyan.
12<<Bautizakuq Juan willakur qallashqanpita patsam Teyta Diospa mandakïninman atskaq nunakuna imanöpapis yëkïkäyan. Tsënö këkaptinpis wakin nunakunaqa manam munayantsu tsë willakïta willakuyänanta, sinöqa imanöpapis atäjutam churayan. 13Juan manaraq willakuptinmi Moiséspis y profëtakunapis tsënö kananpaq kashqanta willakuyarqan.#Luc. 16.16. 14Pëkuna willakuyashqanta mana creyiyaptikipis <Elías shamunqam> nir profëta willakushqantaqa Juanmi cumplirqun.#Mal. 4.5; Mat. 17.10-13; Mar. 9.11-13. 15Rinriyuq kaqkunaqa nishqäkunata wiyakuyë.
16<<Kanan tiempu nunakunata ¿imamanraq iwalatsïman? Pëkunaqa pläzachö pukllaq wamrakunanömi kayan. 17Tsë wamrakunam qaparipa niyan: <Pinkulluta tocayaptïpis manam tushuyankitsu. Aya pampë qotsukunata qotsuyaptïpis manam waqayankitsu>. Tsë wamrakunanöllam kanan tiempu nunakunapis kayan. 18Juan tantata mana mikuptinmi y vïnuta mana upuptinmi: <¡Pëqa supëpa munëninchömi këkan!> niyan. 19Nunapa Tsurin mikuq upuq kaptinnam niyan: <¡Këqa alläpa mikuqmi y upuqmi! ¡Impuestu cobraqkunapa y jutsasapakunapa yanasanmi!> Tsënö niyaptinpis discïpulükunapa alli kawakïninmi Juanta y noqata Teyta Dios kachayämashqanta käyitsiyäshunki>>.
Jutsa ruraqkunata juzgananpaq Jesús ninqan
Lucas 10.13-15
20Atska milagrukunata Jesús rurashqanta rikëkarpis jutsa rurëninkunata nunakuna manam jaqiyarqantsu. Tsëmi Jesús kënö nirqan: 21<<¡Allaw, Corazín nunakuna! ¡Allaw, Betsaida nunakuna! Sitsun markëkikunachö milagrukunata rurashqänö Tiro y Sidón markakunachö#Isa. 23.1-18; Eze. 26.1—28.26; Joel 3.4-8; Amós 1.9-10; Zac. 9.2-4. ruräman karqan, mënam jutsa rurëninkunata jaqirïkur lütu ratashta yakakurkur uchpa jananchö täräyanman karqan. 22Noqam niyaq: Tiro y Sidón nunakunata castigashqanpitapis mas peormi juiciu junaqchö Teyta Dios castigayäshunki.
23<<Capernaúm nunakuna, ¿<ciëlumanmi ëwashaq> niyankichi? ¡Qamkunaqa Hadesman jitëkushqam kayanki! Sitsun qamkunachönö Sodomachö#Gén. 19.24-28. milagrukunata ruräman karqan, jutsankunata jaqiriyanmanmi karqan y kananyaqmi tsë marka këkanman karqan. 24Noqam niyaq: Sodoma nunakunata castigashqanpitapis mas peormi juiciu junaqchö Teyta Dios castigayäshunki>>.#Mat. 10.15; Luc. 10.12.
Teyta Diosta Jesús mañakunqan
Lucas 10.21-22
25Tsëchömi Teyta Diosta mañakur Jesús kënö nirqan: <<Ciëluchö y kë patsachö puëdiq Teyta, qamtam alabaq. Manam yachaq tukuqkunatatsu yarpëkashqëkikunata musyatsirqunki, sinöqa wamranö kaqkunallatam. 26Awmi Teyta, tsënö kanantam munarqunki>>.
27Tsëpitanam tsëchö këkaq nunakunata kënö nirqan: <<Teytämi llapantapis podernïman churamushqa.#Juan 3.35. Tsurin kaptïmi pëlla noqata reqiman. Tsënöllam Teytä kaptin noqalla pëta reqï. Tsëmi noqa käyitsishqä kaqkunalla Teytäta reqiyan>>.#Juan 1.18; 10.15.
28<<Llapëki utishqa y llakishqa kaqkuna, noqaman shayämï. Noqam jamatsiyashqëki. 29Noqapa yügüta apayë.#11.29 Noqapa yügüta apayë ninanqa discïpulü kayë ninanmi. Ankupäkuq y alli shonqu kashqäta rikämar noqapita yachakuyë. Noqapita yachakurmi jamëta tariyanki.#Éxo. 33.14; Jer. 6.16. 30Noqapa yügüqa ankashllam. Manam lasantsu>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.