Mateo 10

Apostolninkunata Jesús akranqan

Marcos 3.13-19; Lucas 6.12-16

1Tsëpitanam chunka ishkë discïpulunkunata qayëkur poderninta Jesús qorqan nunakunapita supëkunata qarquyänanpaq y tukï qeshyakunawan qeshyëkaqkunata y imëka nanëwan kaqkunatapis kachakätsiyänanpaq.

2Tsë chunka ishkë apostolkunam kayarqan Simón (pëpa juk kaq shutinmi karqan Pedro), Simónpa wawqin Andrés, Zebedeupa tsurinkuna Santiaguwan Juan, 3Felipe, Bartolomé, Tomás, Romapaq impuestuta cobraq Mateo, Alfeupa tsurin Santiago, Tadeo, 4Zelote niyashqan Simón y Jesústa rantikuq Judas Iscariote.

Apostolninkunata willakuyänanpaq Jesús kachanqan

Marcos 6.7-13; Lucas 9.1-6

5Tsë chunka ishkë apostolninkunata willapäkuq ëwayänanpaq kacharmi Jesús kënö nirqan: <<Ama ëwayankitsu mana Israel nunakunapa markankunamanqa, ni Samariachö këkaq markakunamanpis ama yëkuyankitsu. 6Tsëpa rantinqa Israel nunakunallaman ëwayanki. Pëkunam oqrakashqa üshanö këkäyan. 7Pëkunata kënö niyanki: <¡Teyta Diospa mandakïnin chämushqanam!> 8Qeshyaqkunata kachakätsiyanki. Wanushqakunatapis kawaritsiyanki. Leprawan qeshyaqkunata kachakätsiyanki. Supëkunatapis nunakunapita qarquyanki. Podernïta mana chaninpaq chaskiyashqëkinölla pitapis mana cobrashpa kachakätsiyanki.

9<<Qellëta, qorita ni cobritapis ama apayankitsu. 10Ama apayankitsu mirkapata, trocakunëkipaq ratashkunata ni tukrïkikunatapis#10.10 Wakin nunakunaqa shukshïkikunatapis niyanmi.. Yakarashqëki llanqikikunallawan ëwayanki. Uryapukuq nuna pägunta chaskinanpaq derëchun kashqannömi qamkunapapis derëchïkikuna këkan qarayäshunëkipaq.#1Cor. 9.14; 1Tim. 5.18.

11<<Më markaman charpis pï alli nuna kashqanta tapukuyanki. Tsë nunapa wayinllachö juk markaman pasayashqëkiyaq quedakuyanki. 12Wayinman chärir kënö niyanki: <Alli kawakï qamkunachö këkullätsun>. 13Alli chaskiyäshuptikiqa niyashqëkinömi alli kawë kanqa. Mana chaskiyäshuptikim sï alli kawakï kanqatsu. 14Willakuyashqëkita tsë wayichö o tsë markachö mana chaskiyäshuptikiqa chakikikunachö këkaq polvuta tapsikurir ewkuyanki.#Hech. 13.51. 15Rasunpam niyaq: Sodoma y Gomorra nunakunata castigashqanpitapis#Gén. 19.24-28; Mat. 11.24. mas peormi juiciu junaqchö tsë nunakunata Teyta Dios castiganqa.#Luc. 10.4-12.

Discïpulunkuna chikishqa kayänanpaq Jesús ninqan

Marcos 13.9-13; Lucas 21.12-17

16<<Löbukunaman üshakunata kachëkuqnömi#Luc. 10.3. qamkunatapis kachayaq. Culebranö mäkuq mäkuqlla puriyanki y manshu urpënö humildi kayanki. 17Nunakunapita mäkuq mäkuq kayanki. Chikiyäshurnikim prësu tsarïkur autoridäkunaman apayäshunki. Sinagögakunachöpis astayäshunkim. 18Noqa rëkurmi gobernadorkunamanpis y reykunamanpis prësu apayäshunki. Tsënöpam willakïnïta pëkunata y wakin mana Israel nunakunatapis willayanki. 19Autoridäkunaman apayäshuptikipis ama llakikuyankitsu: <¿Imataraq nishaq? ¿Imanöraq yaskishaq?> nir. Teyta Diosmi käyitsiyäshunki imata parlayänëkipaqpis. 20Manam kikikikuna yarpäyashqëkitatsu parlayanki, sinöqa Teytëkipa Espïritun käyitsiyäshushqëkitam.#Mar. 13.9-11; Luc. 12.11-12; 21.12-15.

21<<Tsënöllam wawqin wawqinta, tëtan tsurinta y tsurinkunana tëtankunata wanutsiyänanpaq autoridäkunaman entreguëkuyanqa.#Mar. 13.12; Luc. 21.16. 22Noqa rëkurmi pïmëpis chikiyäshunki.#Mat. 24.9; Mar. 13.13; Luc. 21.17. Tsënö chikiyäshuptikipis wanuyashqëkiyaq markäkamurqa salvashqam kayanki.#Mat. 24.13. 23Juk markachö chikiyäshuptiki juk markaman ewkuyanki. Rasunpam niyaq: Israelchö llapan markakunapa purir manaraq ushayaptikim Nunapa Tsurin kutimunqa.

24<<Manam ni mëqan discïpulupis maestrunpita mas yachaqtsu.#Luc. 6.40. Tsënöllam sirwikuqpis patronninpita masqa mandakuqtsu.#Juan 13.16; 15.20. 25Discïpulukunapis maestrunnö karmi kushikuyan y sirwikuqkunapis patronninnö karmi kushikuyan. Noqatapis Beelzebú#10.25 Beelzebú Satanáspa juk kaq shutinmi. nikäyämarqa#Mat. 9.34; 12.24; Mar. 3.22; Luc. 11.15. qamkunatapis wamräkuna kayaptiki masran ashayäshunki.

Mana mantsakuyänanpaq Jesús ninqan

Lucas 12.2-7

26<<Nunakuna chikiyäshuptikipis ama mantsakuyankitsu. Pëkuna pakallapa jutsata rurayashqanpis juiciu junaqchömi musyakanqa.#Mar. 4.22. 27Tsënö këkaptinqa pakallapa niyashqaqkunata pïmëpis wiyayänanpaq willakuyë. Rinrikikunallachö niyashqaqkunatapis wayikunapa jananman lloqarkur qaparipa willakuyë. 28Ama mantsayankitsu pipis wanutsiyäshunëkipaq jurapäyäshuptiki. Wanutsiyäshurnikipis almëkitaqa manam wanutsinqatsu. Tsëpa rantinqa Teyta Diosta mantsakuyë. Pëqa puëdiqmi këkan pitapis almantawan infiernuchö ushakätsinanpaq.

29<<¿Manaku ishkë pishqukunata juk centimullachö rantikuyan? Tsënö kaptinpis manam ni jukllëllapis wanuntsu Teytëki mana munaptinqa. 30Aqtsëkikunapis pëpaqqa yupashqam këkan. 31Qamkunaqa atska pishqukunapitapis masmi väliyanki. Tsënö këkaptinqa ama mantsakuyëtsu>>.

Favornin parlaqkunapaq Jesús ninqan

Lucas 12.8-9

32<<Pipis nunakunapa nöpanchö favornï parlaptinqa noqapis ciëluchö këkaq Teytäpa nöpanchömi pëkunapa favornin parlashaq. 33Pipis nunakunapa nöpanchö negamaptinqa noqapis ciëluchö këkaq Teytäpa nöpanchömi negashaq.#2Tim. 2.12.

Jesúsman markäkuqkuna chikishqa kayänanpaq Jesús ninqan

Lucas 12.51-53; 14.26-27

34<<Ama yarpäyëtsu shamushqäpita kë patsachö nunakuna alli pasakïchö kawakuyänanpaq kashqanta. Tsëpa rantinmi kikinkunapura chikinakuyanqa. 35Tsëmi tëtanwan tsurin chikinakuyanqa, mamanwan wawan chikinakuyanqa y suegranwan llumtsïnin chikinakuyanqa. 36Castankunawanmi contra contra kawayanqa.#Miq. 7.6.

37<<Pipis discïpulü këta munarqa tëtanta y mamanta kuyashqanpitapis noqata mas kuyamätsun. Tsënö mana kuyamarqa manam discïpulü kayanmantsu. Tsënölla wamrankunata kuyashqanpitapis noqata mas kuyamätsun. Tsënö mana kuyamarqa manam discïpulü kayanmantsu. 38Cruzninta apaqnö mana qatirämarqa#10.38 Cruzninta apaqnö mana qatirämar nirqa ima jipakïchö karpis Jesucristuta qatiränanpaqmi nikan. manam discïpulü kayanmantsu.#Mat. 16.24; Mar. 8.34; Luc. 9.23; Juan 12.24. 39Kawëninta salvëta munaq nunaqa kawëninta oqranqam. Kawëninta noqa rëkur oqraq nunanam kawëninta salvanqa.#10.39 Tsënö nirqa Jesucristo kënömi nirqan: <<Kikin munashqannö lluta kawakuqkunaqa manam salvakuyanqatsu. Noqa munanqänö kawaqkunam sï salvakuyanqa>>.#Mat. 16.25; Mar. 8.35; Luc. 9.24; 17.33; Juan 12.25.

Premiuta chaskinantsikpaq Jesús ninqan

Marcos 9.41

40<<Qamkunata chaskishuqnikikunaqa noqatam chaskiyäman.#Luc. 10.16; Juan 13.20. Noqata chaskimaqkunaqa kachamaqnïtapis chaskiyanmi.#Mar. 9.37; Luc. 9.48. 41Profëtakunata chaskiq kaqqa profëtanömi premiuta chaskinqa. Y qollmi shonqu nunata chaskiq kaqqa tsë nunanömi premiuta chaskinqa. 42Mëqan discïpulüta juk täza yakullatapis makyëkuq kaqtaqa Teyta Diosmi premiuta qonqa>>.

Currently Selected:

Mateo 10: qwhB

Highlight

Copy

Compare