Joel 2
2
Teyta Dios juzganan junaq mantsakëpaq kanqan
1 Teyta Dios juzganan junaq chëkämunnam.
Judáchö täraqkuna, llapëki mantsakëwan karkaryäyë.
Pïmëpis musyananpaq sagrädu Sión jirkachö cornëtata tocayë.
2Tsë junaqqa patsapis tutapakurkunqam.
Paqasyätsipam pukutë tsapakurkunqa.
Patsa waraptin jirkakunaman inti mashtariqnöran tsëtsika soldädukuna shayämunqa.
Tsënöqa manam imëpis kashqatsu ni imëpis manam kanqatsu.
3Imatapis tarishqan kaqta nina ushariqnömi llapantapis ushariyanqa.
Atacayänanpaq manaraq chäyämuptin Edén huertanömi llapanpis kuyëllapaq kanqa.
Pasariyaptinqa chusyëkarmi quedarinqa.
Manam imapis tsë soldädukunapita safanqatsu.
4Guërra cawallukunanömi mantsëpaq kayanqa.
Cawalluta montarkur ëqiq soldädukunanömi ëqiyanqa.
5Guërra carrëtakuna jirka puntanpa jeqarkamur büllata rurayanqannömi alläpa büllata rurayanqa.
Usya tiempuchö montita nina burururllana ushaqnömi qapariyanqa.
Guërraman tsëtsika soldädukuna atacayänanpaq listu ëwayanqannömi ëwayanqa.#Apoc. 9.7-9.
6Tsëta rikëkurmi nunakuna alläpa mantsakar qaqllankunapis yulaqashqa tikrariyanqa.
7Atacaqkunaqa puëdiq karmi mana mantsakushpa ëqir markapa tumariq perqan jananman lloqayanqa.
Llapanpis fïlapita mana yarqushpam ëwayanqa.
8Mana tanqanakushpam llapanpis ëwayanqanllapa ëwayanqa.
Pëkunata flëchayaptinpis mana ëqishpam yëkuyanqa.
9Markakunamanpis mana mantsakushpam yëkuyanqa.
Perqa jananpapis ëqiyanqam.
Achpëpam wayikunamanpis lloqayanqa.
Ventänapapis suwanömi warkukëpa yëkuyanqa.
10Kë patsapis alläpam mantsakanqa.
Ciëlupis tsuktsukyanqam.
Intipis y killapis tutapakurkunqam.
Qoyllurkunapis manam atsikyäyanqanatsu.#Amós 8.9; Apoc. 8.12.
11Tsë atacaqkunapa puntantam Teyta Dios ëwanqa.
Atacayänanpaq mandaptin räyu janraraqnömi wiyakunqa.
Nishqanta ruraqkunaqa yupëtapis mana puëdipaqmi kayanqa.
Pëkunaqa llutëpam ëwayanqa.
Teyta Dios juzganan junaq pasëpa mantsaripaqmi kanqa.
Tsëtaqa pipis manam awantanqatsu.#Apoc. 6.17.
Jutsankunata jaqiriyänanpaq ninqan
12Tsëmi Teyta Dios nin:
<<Llapan shonqïkikunawan perdonta mañakayämar noqaman kutikayämï.
Jutsayuq kayashqëkipita llakikur ayünuta rurar waqakuyë>>.#Deut. 4.29; Jer. 29.13.
13Jutsata rurayanqëkikunapita llakikurnin ratashnikikunata rachiyanqëkipa rantin jutsëkikunata jaqiriyë.
Llapan shonqïkikunawan kuyashuqniki Teyta Diosnintsik munashqannö kawakuyë.
Pëqa ankupäkuq y perdonakuqmi.
Imapitapis jukllaqa manam piñakuntsu.#Éxo. 34.6; Neh. 9.17; Sal. 86.15.
Perdonarqa manam castigayäshunkinatsu.
14Capazchi castigayäshunëkipa rantin bendicionta qoyäshunki.
Tsënöpam Teyta Diosnintsikta <<payllä>> nikur tsaki mikï ofrendatapis vïnutapis apayanki.
15 Sión jirkachö cornëtata tocayë.
Llapëki willanakuyë ëllukëkur ayunayänëkipaq.
16Purificäkuyänëkipaq llapëki ëllukäyë.
Awkinpis wamrapis llapëki ëwayë.
Llullukunatapis apayë.
Tsëraq casakurishqakunapis punukuyänëkipita yarqur ayunaq ëwayë.
17 Teyta Diosta sirwiq sacerdötikuna, altar kaqchö waqakuyë.
Teyta Diosta mañakur niyë:
<<Kuyashqëki nunakunata perdonëkullë, Teyta.
Ama munëtsu juk lädu nación nunakuna munëninman churayämar allqutsakayämänanta.
Ama munëtsu qamman mana markäkamuq nunakuna asipäyämar <¿mëchötaq këkan Diosninkuna?> niyämänanta>>.#Sal. 79.10; Miq. 7.10.
18Tsënö mañakushqaqa ankupäkuq karninmi Teyta Dios perdonamäshun.
19Tsëmi nimäshun:
<<Pacha junta kayänëkipaqmi trïgutapis, vïnutapis y aceititapis alistamushaq.
Mana markäkamuqkuna allqutsakuyäshunëkita manam jaqishaqnatsu.
20Norti kaq lädupita shamuqkunataqa chusyaq jirkamanmi qarqushaq.
Puntanta ëwaqkunatam Kachi Lamarman qarpushaq.
Qepanta ëwaqkunatanam Mediterráneo Lamarman jitarkushaq.
Tsëchömi llapanpis ismur pasëpa asyäyanqa.
Tsënö ruraptï espantakïpaqmi kanqa.
21<<Israel nunakuna, ama mantsayëtsu.
Qamkunaman qaqämunä këkaptinqa kushikuyë.
22Jirka animalkuna, ama mantsayëtsu.
Qewapis moqllallëparan winamunqa.
Früta montikunapis wayunqam.
Hïguspis üvaspis llutëpam wayunqa.
23Siónchö täraqkuna, noqaman markäkayämur kushikuyë.
Unënömi punta kaq tamyata y qepa kaq tamyatapis tiempunllachö tamyatsimushaq.
24Tsëmi trïgutapis atskata ëlluyanki.
Vïnupis aceitipis atskam kanqa.
25<<Kachamushqä pintiq kurukuna wata wata ushapäyäshushqëkipitawanmi uryayashqëkiman bendicionnïta churamushaq.
26Tsëmi mikïnikikunapis atska atska kanqa.
Qamkunata yanaparnikim kushikïpaq kaqkunata rurashaq.
Tsënam llapan shonqïkikunawan kushishqa alabayämanki.
Manam imëpis yapë penqakïman churayashqëkinatsu.
27Tsënöpam käyikuyanki qamkunawan këkashqäta.
Tsënöllam käyikuyanki Teyta Diosnikikuna kashqäta.
Noqapita masqa manam juk Dios kantsu.
Kanan këkäyashqëkinöqa manam penqakïchö yapë kayankinatsu>>.#Isa. 42.8; 45.5-6, 18; Eze. 36.11.
Espíritu Santuta Teyta Dios kachamunanpaq ninqan
28 28 (3.1) <<Tsëpitanam Espïritüta kachamushaq llapan nunakunaman.#Hech. 2.17-21.
Tsëmi ollqu tsurikikuna y warmi tsurikikunapis willakïnïta willakuyanqa.
Awkinkunatapis suëñïninkunachömi musyatsishaq.
Jövinkunapis revelaciontam rikäyanqa.
29 29 (3.2) Tsë junaqkunam sirwimaqnïkunaman ollqumanpis y warmimanpis Espïritüta kachamushaq.
30 30 (3.3) Imëpis mana rikäyashqëkikunatam ciëluchöpis y kë patsachöpis rikakätsimushaq.
Yawartapis, ninatapis y shëkaq qoyëtapis rikäyankim.
31 31 (3.4) Intipis tutapärinqam.
Killapis yawarmanmi tikranqa.#Mat. 24.29; Mar. 13.24-25; Luc. 21.25; Apoc. 6.12-13.
Tsëkuna kanqa juzganä junaq manaraq chämuptinmi.
Tsë junaqqa mantsakäkïpaqmi kanqa.
32 32 (3.5) Tsënö kaptinpis noqata mañakamaq kaqtaqa pïmëtapis salvashaqmi.#Rom. 10.13.
Änikushqänöllam Sión jirkachö këkaq Jerusalénchö nunakunata salvashaq.
Qayashqä kaqkunataqa llapantam salvashaq>>.
Currently Selected:
Joel 2: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Joel 2
2
Teyta Dios juzganan junaq mantsakëpaq kanqan
1 Teyta Dios juzganan junaq chëkämunnam.
Judáchö täraqkuna, llapëki mantsakëwan karkaryäyë.
Pïmëpis musyananpaq sagrädu Sión jirkachö cornëtata tocayë.
2Tsë junaqqa patsapis tutapakurkunqam.
Paqasyätsipam pukutë tsapakurkunqa.
Patsa waraptin jirkakunaman inti mashtariqnöran tsëtsika soldädukuna shayämunqa.
Tsënöqa manam imëpis kashqatsu ni imëpis manam kanqatsu.
3Imatapis tarishqan kaqta nina ushariqnömi llapantapis ushariyanqa.
Atacayänanpaq manaraq chäyämuptin Edén huertanömi llapanpis kuyëllapaq kanqa.
Pasariyaptinqa chusyëkarmi quedarinqa.
Manam imapis tsë soldädukunapita safanqatsu.
4Guërra cawallukunanömi mantsëpaq kayanqa.
Cawalluta montarkur ëqiq soldädukunanömi ëqiyanqa.
5Guërra carrëtakuna jirka puntanpa jeqarkamur büllata rurayanqannömi alläpa büllata rurayanqa.
Usya tiempuchö montita nina burururllana ushaqnömi qapariyanqa.
Guërraman tsëtsika soldädukuna atacayänanpaq listu ëwayanqannömi ëwayanqa.#Apoc. 9.7-9.
6Tsëta rikëkurmi nunakuna alläpa mantsakar qaqllankunapis yulaqashqa tikrariyanqa.
7Atacaqkunaqa puëdiq karmi mana mantsakushpa ëqir markapa tumariq perqan jananman lloqayanqa.
Llapanpis fïlapita mana yarqushpam ëwayanqa.
8Mana tanqanakushpam llapanpis ëwayanqanllapa ëwayanqa.
Pëkunata flëchayaptinpis mana ëqishpam yëkuyanqa.
9Markakunamanpis mana mantsakushpam yëkuyanqa.
Perqa jananpapis ëqiyanqam.
Achpëpam wayikunamanpis lloqayanqa.
Ventänapapis suwanömi warkukëpa yëkuyanqa.
10Kë patsapis alläpam mantsakanqa.
Ciëlupis tsuktsukyanqam.
Intipis y killapis tutapakurkunqam.
Qoyllurkunapis manam atsikyäyanqanatsu.#Amós 8.9; Apoc. 8.12.
11Tsë atacaqkunapa puntantam Teyta Dios ëwanqa.
Atacayänanpaq mandaptin räyu janraraqnömi wiyakunqa.
Nishqanta ruraqkunaqa yupëtapis mana puëdipaqmi kayanqa.
Pëkunaqa llutëpam ëwayanqa.
Teyta Dios juzganan junaq pasëpa mantsaripaqmi kanqa.
Tsëtaqa pipis manam awantanqatsu.#Apoc. 6.17.
Jutsankunata jaqiriyänanpaq ninqan
12Tsëmi Teyta Dios nin:
<<Llapan shonqïkikunawan perdonta mañakayämar noqaman kutikayämï.
Jutsayuq kayashqëkipita llakikur ayünuta rurar waqakuyë>>.#Deut. 4.29; Jer. 29.13.
13Jutsata rurayanqëkikunapita llakikurnin ratashnikikunata rachiyanqëkipa rantin jutsëkikunata jaqiriyë.
Llapan shonqïkikunawan kuyashuqniki Teyta Diosnintsik munashqannö kawakuyë.
Pëqa ankupäkuq y perdonakuqmi.
Imapitapis jukllaqa manam piñakuntsu.#Éxo. 34.6; Neh. 9.17; Sal. 86.15.
Perdonarqa manam castigayäshunkinatsu.
14Capazchi castigayäshunëkipa rantin bendicionta qoyäshunki.
Tsënöpam Teyta Diosnintsikta <<payllä>> nikur tsaki mikï ofrendatapis vïnutapis apayanki.
15 Sión jirkachö cornëtata tocayë.
Llapëki willanakuyë ëllukëkur ayunayänëkipaq.
16Purificäkuyänëkipaq llapëki ëllukäyë.
Awkinpis wamrapis llapëki ëwayë.
Llullukunatapis apayë.
Tsëraq casakurishqakunapis punukuyänëkipita yarqur ayunaq ëwayë.
17 Teyta Diosta sirwiq sacerdötikuna, altar kaqchö waqakuyë.
Teyta Diosta mañakur niyë:
<<Kuyashqëki nunakunata perdonëkullë, Teyta.
Ama munëtsu juk lädu nación nunakuna munëninman churayämar allqutsakayämänanta.
Ama munëtsu qamman mana markäkamuq nunakuna asipäyämar <¿mëchötaq këkan Diosninkuna?> niyämänanta>>.#Sal. 79.10; Miq. 7.10.
18Tsënö mañakushqaqa ankupäkuq karninmi Teyta Dios perdonamäshun.
19Tsëmi nimäshun:
<<Pacha junta kayänëkipaqmi trïgutapis, vïnutapis y aceititapis alistamushaq.
Mana markäkamuqkuna allqutsakuyäshunëkita manam jaqishaqnatsu.
20Norti kaq lädupita shamuqkunataqa chusyaq jirkamanmi qarqushaq.
Puntanta ëwaqkunatam Kachi Lamarman qarpushaq.
Qepanta ëwaqkunatanam Mediterráneo Lamarman jitarkushaq.
Tsëchömi llapanpis ismur pasëpa asyäyanqa.
Tsënö ruraptï espantakïpaqmi kanqa.
21<<Israel nunakuna, ama mantsayëtsu.
Qamkunaman qaqämunä këkaptinqa kushikuyë.
22Jirka animalkuna, ama mantsayëtsu.
Qewapis moqllallëparan winamunqa.
Früta montikunapis wayunqam.
Hïguspis üvaspis llutëpam wayunqa.
23Siónchö täraqkuna, noqaman markäkayämur kushikuyë.
Unënömi punta kaq tamyata y qepa kaq tamyatapis tiempunllachö tamyatsimushaq.
24Tsëmi trïgutapis atskata ëlluyanki.
Vïnupis aceitipis atskam kanqa.
25<<Kachamushqä pintiq kurukuna wata wata ushapäyäshushqëkipitawanmi uryayashqëkiman bendicionnïta churamushaq.
26Tsëmi mikïnikikunapis atska atska kanqa.
Qamkunata yanaparnikim kushikïpaq kaqkunata rurashaq.
Tsënam llapan shonqïkikunawan kushishqa alabayämanki.
Manam imëpis yapë penqakïman churayashqëkinatsu.
27Tsënöpam käyikuyanki qamkunawan këkashqäta.
Tsënöllam käyikuyanki Teyta Diosnikikuna kashqäta.
Noqapita masqa manam juk Dios kantsu.
Kanan këkäyashqëkinöqa manam penqakïchö yapë kayankinatsu>>.#Isa. 42.8; 45.5-6, 18; Eze. 36.11.
Espíritu Santuta Teyta Dios kachamunanpaq ninqan
28 28 (3.1) <<Tsëpitanam Espïritüta kachamushaq llapan nunakunaman.#Hech. 2.17-21.
Tsëmi ollqu tsurikikuna y warmi tsurikikunapis willakïnïta willakuyanqa.
Awkinkunatapis suëñïninkunachömi musyatsishaq.
Jövinkunapis revelaciontam rikäyanqa.
29 29 (3.2) Tsë junaqkunam sirwimaqnïkunaman ollqumanpis y warmimanpis Espïritüta kachamushaq.
30 30 (3.3) Imëpis mana rikäyashqëkikunatam ciëluchöpis y kë patsachöpis rikakätsimushaq.
Yawartapis, ninatapis y shëkaq qoyëtapis rikäyankim.
31 31 (3.4) Intipis tutapärinqam.
Killapis yawarmanmi tikranqa.#Mat. 24.29; Mar. 13.24-25; Luc. 21.25; Apoc. 6.12-13.
Tsëkuna kanqa juzganä junaq manaraq chämuptinmi.
Tsë junaqqa mantsakäkïpaqmi kanqa.
32 32 (3.5) Tsënö kaptinpis noqata mañakamaq kaqtaqa pïmëtapis salvashaqmi.#Rom. 10.13.
Änikushqänöllam Sión jirkachö këkaq Jerusalénchö nunakunata salvashaq.
Qayashqä kaqkunataqa llapantam salvashaq>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.