Oseas 4
4
Israel nunakunata jutsata rurayanqanpita Teyta Dios piñapanqan
1Israel nunakuna, Teyta Dios niyäshushqëkita käyikuyë.
Pëmi jutsata rurayashqëkipita acusëkäyäshunki.
Tsëmi kënö niyäshunki: <<Qamkunaqa manam äniyämashqëkita cumplikäyankitsu, kuyanakuyankitsu ni reqiyämankitsu.
2Shutïchö änikurpis manam cumplikäyankitsu.
Tsënöllam ulipëkäyanki, nuna mayikita wanïkätsiyanki, suwakïkäyanki y jukpa warminwanpis pununakïkäyanki.
Wanutsinakurpis manam teqñayankitsu.
3Tsënö kayaptikim Israelchö täraqkuna alläpa llakikur ima rurëtapis puëdiyantsu.
Jirka animalkunapis, pishqukunapis y pescädukunapis wanurmi ushakäkïkäyan>>.
Sacerdötikuna jutsata rurayanqan
4 Teyta Diosmi sacerdötikunata kënö nin:
<<Israel nunakuna llutan rurëllaman yarparäkuyänanpaqqa qamkunam jutsayuq këkäyanki.
Tsënö këkarqa pitapis ama tumpayëtsu.
5Jutsayuq kayashqëkipitaqa imë hörapis castigayashqëkim.
Qamkunatanölla ulikuq profëtakunatapis castigarmi nacionnikikunatapis ushakätsishaq.
6Yachatsikuq karpis mandamientükunata mana yachatsiyaptikim#Lev. 10.11; Mal. 2.7. kuyashqä nunakuna ushakäyanqa.
Kikikikunapis manam yachatsikïnïkunata chaskiyankitsu.
Mana chaskiyashqëki rëkurmi sacerdöti këkäyashqëkipita qarquyashqëki.
Leynïkunata mana cumpliyashqëki rëkurmi qamkunapita miraqkunatapis yanapashaqnatsu.
7<<Qamkuna atskaqman mirayaptikipis masmi nunakuna jutsata rurëkäyan.
Tsëmi respetashqa kayänëkipaq churashqa këkarpis pasëpa penqakïman churayashqëki.
8Jutsata rurayashqanpita wätata sacrificiupaq apayämuptinmi kushikuyanki.
Sacrificiu ëtsata chaskiyänëki rëkurmi nunakuna mas jutsata rurayänanta munëkäyanki.#Lev. 6.26.
9Wakin nunakuna jutsata rurayashqannöllam qamkunapis jutsata rurëkäyanki.
Tsëmi qamkunatapis wakin nunakunatanölla castigayashqëki.
10Mana cäsuyämashqëki rëkurmi mikuyaptikipis pachëkikuna mana juntanqatsu.
Juk dioskunaman creyikurpis manam ima bendiciontapis chaskiyankitsu>>.
Israel nunakuna ïdulukunata adorayanqan
11<<Prostitüta warmiwan kakurmi y upyaman churakashqa karmi juiciunkunatapis nunakuna oqrayan.
12¡Tsëmi qerupita rurashqa ïdulukunata tapukïkäyan!
¡Juk pedäzu shukshuta tapukuyan ima pasayänanpaq kaqtapis musyayänanpaq!
Ïdulukunaman yarparäkurmi mana allita rurar kawakïkäyan.
Juk nuna warminta jaqirir juk warmiwan ëwakushqannömi noqatapis mana cäsumar juk dioskunaman creyikïkäyan.
13Jirkachö këkaq altarkunachö sacrificiukunata kayarmi juk dioskunata inciensuwan sawmëkäyan.
Roble, álamo y encina montikunapa chakinchö arwa alli kaptinmi tsë montikuna kaqchö tsënö rurëkäyan.
<<Israel nunakuna, ïdulukunata adorayänanpaq warmi tsurikikuna y llumtsïnikikuna qamkunapitam yachakïkäyan.
Ïdulukunata adorarmi altarkuna kashqanchö nunanta jalukur jutsata rurëkäyan.#4.13 Tsë witsanmi Baal diosta adorar pëta adorayäna altarkunachö warmikunawan nunakuna kakuyarqan.
14Qamkunapis tsënöllam juk dioskunapaq sacrificiuta kayar altarkunachö jukwan jukwan pununakuq warmikunawan kakïkäyanki.
Tsëmi warmi tsurikikunata y llumtsïnikikunata tsënö kayänanpaq churayashqëkipita pëkunata castiganäpa rantin kikikikunata castigayashqëki.
Mana käyikuq kayashqëki rëkurmi llapëki ushakäyanki.#Jer. 2.23-27; 3.1-2; Ose. 2.5.
15<<Judá nunakuna, paqtam qamkunapis Israel nunakunanö ïdulukunata adorëkäyankiman.
Tsënö karqa Gilgalmanpis ni Bet-avénmanpis#4.15 Bet-avén ninanqa jutsa wayi ninanmi. Bet-avénpaq parlarqa Bet-el markapaqmi parlarqan. Bet-elpaq tsënö parlarqan Teyta Diosta tsëchö adorayänanpa rantin Baal diostapis tsëchö adorayaptinmi. adoraq ama ëwayëtsu.
Ïdulukunaman creyikïkarqa shutïtapis ama sumätsiyëtsu.#Amós 4.4; 5.5.
16<<Israel nunakunaqa chucaru wäkanö mana cäsukuqmi këkäyan.
Tsënö këkäyaptinqa ¿imanöraq wachka üshata alli qewachö mitsiqnö bendicionnïta pëkunaman churäman?
17Efraín nunakunaqa#4.17 Efraín nunakunapaq parlarqa Israel nación nunakunapaqmi parlan. ïdulukunatam adorakïkäyan.
Tsënölla karqa ¡imanöpis kakuyätsun!
18Pëkunaqa machakïllaman churakashqam këkäyan.
Altarkunachö këkaq prostitüta warmikunawanmi imëpis kakïkäyan.
Autoridäninkunapis jutsata rurar penqakïpaqmi kawakïkäyan.
19Tsënö kayashqan rëkurmi päjata shukukï vientu apaqnö castigar mëtsëmanpis qarqushaq.
Juk dioskunaman creyikuyashqanpis manam ni imapaq sirwiyanqatsu>>.
Currently Selected:
Oseas 4: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Oseas 4
4
Israel nunakunata jutsata rurayanqanpita Teyta Dios piñapanqan
1Israel nunakuna, Teyta Dios niyäshushqëkita käyikuyë.
Pëmi jutsata rurayashqëkipita acusëkäyäshunki.
Tsëmi kënö niyäshunki: <<Qamkunaqa manam äniyämashqëkita cumplikäyankitsu, kuyanakuyankitsu ni reqiyämankitsu.
2Shutïchö änikurpis manam cumplikäyankitsu.
Tsënöllam ulipëkäyanki, nuna mayikita wanïkätsiyanki, suwakïkäyanki y jukpa warminwanpis pununakïkäyanki.
Wanutsinakurpis manam teqñayankitsu.
3Tsënö kayaptikim Israelchö täraqkuna alläpa llakikur ima rurëtapis puëdiyantsu.
Jirka animalkunapis, pishqukunapis y pescädukunapis wanurmi ushakäkïkäyan>>.
Sacerdötikuna jutsata rurayanqan
4 Teyta Diosmi sacerdötikunata kënö nin:
<<Israel nunakuna llutan rurëllaman yarparäkuyänanpaqqa qamkunam jutsayuq këkäyanki.
Tsënö këkarqa pitapis ama tumpayëtsu.
5Jutsayuq kayashqëkipitaqa imë hörapis castigayashqëkim.
Qamkunatanölla ulikuq profëtakunatapis castigarmi nacionnikikunatapis ushakätsishaq.
6Yachatsikuq karpis mandamientükunata mana yachatsiyaptikim#Lev. 10.11; Mal. 2.7. kuyashqä nunakuna ushakäyanqa.
Kikikikunapis manam yachatsikïnïkunata chaskiyankitsu.
Mana chaskiyashqëki rëkurmi sacerdöti këkäyashqëkipita qarquyashqëki.
Leynïkunata mana cumpliyashqëki rëkurmi qamkunapita miraqkunatapis yanapashaqnatsu.
7<<Qamkuna atskaqman mirayaptikipis masmi nunakuna jutsata rurëkäyan.
Tsëmi respetashqa kayänëkipaq churashqa këkarpis pasëpa penqakïman churayashqëki.
8Jutsata rurayashqanpita wätata sacrificiupaq apayämuptinmi kushikuyanki.
Sacrificiu ëtsata chaskiyänëki rëkurmi nunakuna mas jutsata rurayänanta munëkäyanki.#Lev. 6.26.
9Wakin nunakuna jutsata rurayashqannöllam qamkunapis jutsata rurëkäyanki.
Tsëmi qamkunatapis wakin nunakunatanölla castigayashqëki.
10Mana cäsuyämashqëki rëkurmi mikuyaptikipis pachëkikuna mana juntanqatsu.
Juk dioskunaman creyikurpis manam ima bendiciontapis chaskiyankitsu>>.
Israel nunakuna ïdulukunata adorayanqan
11<<Prostitüta warmiwan kakurmi y upyaman churakashqa karmi juiciunkunatapis nunakuna oqrayan.
12¡Tsëmi qerupita rurashqa ïdulukunata tapukïkäyan!
¡Juk pedäzu shukshuta tapukuyan ima pasayänanpaq kaqtapis musyayänanpaq!
Ïdulukunaman yarparäkurmi mana allita rurar kawakïkäyan.
Juk nuna warminta jaqirir juk warmiwan ëwakushqannömi noqatapis mana cäsumar juk dioskunaman creyikïkäyan.
13Jirkachö këkaq altarkunachö sacrificiukunata kayarmi juk dioskunata inciensuwan sawmëkäyan.
Roble, álamo y encina montikunapa chakinchö arwa alli kaptinmi tsë montikuna kaqchö tsënö rurëkäyan.
<<Israel nunakuna, ïdulukunata adorayänanpaq warmi tsurikikuna y llumtsïnikikuna qamkunapitam yachakïkäyan.
Ïdulukunata adorarmi altarkuna kashqanchö nunanta jalukur jutsata rurëkäyan.#4.13 Tsë witsanmi Baal diosta adorar pëta adorayäna altarkunachö warmikunawan nunakuna kakuyarqan.
14Qamkunapis tsënöllam juk dioskunapaq sacrificiuta kayar altarkunachö jukwan jukwan pununakuq warmikunawan kakïkäyanki.
Tsëmi warmi tsurikikunata y llumtsïnikikunata tsënö kayänanpaq churayashqëkipita pëkunata castiganäpa rantin kikikikunata castigayashqëki.
Mana käyikuq kayashqëki rëkurmi llapëki ushakäyanki.#Jer. 2.23-27; 3.1-2; Ose. 2.5.
15<<Judá nunakuna, paqtam qamkunapis Israel nunakunanö ïdulukunata adorëkäyankiman.
Tsënö karqa Gilgalmanpis ni Bet-avénmanpis#4.15 Bet-avén ninanqa jutsa wayi ninanmi. Bet-avénpaq parlarqa Bet-el markapaqmi parlarqan. Bet-elpaq tsënö parlarqan Teyta Diosta tsëchö adorayänanpa rantin Baal diostapis tsëchö adorayaptinmi. adoraq ama ëwayëtsu.
Ïdulukunaman creyikïkarqa shutïtapis ama sumätsiyëtsu.#Amós 4.4; 5.5.
16<<Israel nunakunaqa chucaru wäkanö mana cäsukuqmi këkäyan.
Tsënö këkäyaptinqa ¿imanöraq wachka üshata alli qewachö mitsiqnö bendicionnïta pëkunaman churäman?
17Efraín nunakunaqa#4.17 Efraín nunakunapaq parlarqa Israel nación nunakunapaqmi parlan. ïdulukunatam adorakïkäyan.
Tsënölla karqa ¡imanöpis kakuyätsun!
18Pëkunaqa machakïllaman churakashqam këkäyan.
Altarkunachö këkaq prostitüta warmikunawanmi imëpis kakïkäyan.
Autoridäninkunapis jutsata rurar penqakïpaqmi kawakïkäyan.
19Tsënö kayashqan rëkurmi päjata shukukï vientu apaqnö castigar mëtsëmanpis qarqushaq.
Juk dioskunaman creyikuyashqanpis manam ni imapaq sirwiyanqatsu>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.