Oseas 10
10
Israelchö altarkuna ushakashqa kananpaq ninqan
1Israel nunakunaqa rïcu karmi imëka llutëpa wayuq üvasnö këkäyan.
Rïcuyarmi manakaq dioskunapaq altarkunatapis rurëkäyan.
Mikïninkuna alli wayuptinpis adorayashqan wanka rumikunatam kuyëllapaq kananpaq adornëkäyan.
2 Teyta Diosllata sirwiyänanpaq änikarpis manam cumplikäyantsu.
Kananqa Teyta Diostam cuentata qoyanqa.
Pëmi altarninkunata y shätsiyanqan wanka rumikunatapis shallur ushakäratsinqa.
3Tsëmi Israel nunakuna kënö niyanqa:
<<Teyta Diosta mana mantsakushqantsik rëkurmi reypis kannatsu.
Y rey karpis ¡imanöpanaraq yanapamashwan!
4Reynintsikkunaqa ulipämarnintsikllam imatapis änikuyan.
Pactuta rurarpis manam cumpliyantsu.
Mana alli qora chakrachö atska mirashqannömi nacionnintsikchö mana alli rurëkunapis mirakëkan>>.
5¡Samaria nunakunaqa mantsakashqam këkäyan!
¡Bet-avénchö#10.5 Bet-avén ninanqa jutsa wayi ninanmi. Bet-avénpaq parlarqa Bet-el markapaqmi parlarqan. Bet-elpaq tsënö parlarqan Teyta Diosta tsëchö adorayänanpa rantin wishi niraq ïduluta tsëchö adorakuyaptinmi. Tsëpita masta musyanëkipaq leyinki 1Rey. 12.28-32; Ose. 8.5. Tsënöllam 10.8 versïculuchö Avénpaq parlar Bet-elpaq parlëkan. adorayashqan qori wishita apakuyänanpaq kashqantam mäkïkäyan!
Sacerdötikunapis y nunakunapis waqëkäyan kuyayashqan ïdulu manana kananpaq kashqanta musyarmi.
6Soldädukunam tsë ïduluta apakur Asiria nacionpa reyninta qarëkuyanqa.
Tsëmi Efraín nunakuna#10.6 Efraín nunakunapaq parlarqa Israel nación nunakunapaqmi parlarqan. alläpa penqakushqa kayanqa.
Ïduluman creyikuyashqan rëkurmi penqakushqa kayanqa.
7Samariachö reytapis astïllata yaku apakuqnömi prësu apakuyanqa.
8Avénchö këkaq altarkunatapis llapantam juchuratsiyanqa.
Tsë altarkunachömi Israel nunakuna ïdulukunata adorar jutsata rurëkäyan.
Juchur ushakäriptinmi tsë altarkuna kashqanchö kashakuna y shirakakuna#10.8 Wakin nunakunaqa shirakuna niyanmi. winayämunqa.#Luc. 23.30; Apoc. 6.16.
Tsë witsanmi nunakuna alläpa jipar jirkakunata niyanqa:
<<¡Juklla ushakäriyänäpaq janäkunaman juchukarkamï!>>
Tsënöllam qaqakunatapis kënö niyanqa:
<<¡Juklla nitikarkayämë!>>
Israel nunakuna mana cäsukuyanqan
9 Teyta Diosmi nin:
<<Israel nunakuna, unë castëkikuna Gabaa markachö#Jue. 19.22-26. jutsata rurayashqanpita patsa kanankamayaqpis jutsa rurëta manam jaqiriyankitsu.
Tsëmi aksë nunakuna Gabaachö unë ushakäyashqannö qamkunapis ushakäyanki.
10Imëpis munanqä höram castigayashqëki.
Penqakïpaq jutsata rurayashqëkipita castigayaptiqmi jinantin nacionpita nunakuna shayämunqa atacayäshunëkipaq.
11<<Manshuyashqa töru trïguta kushishqa jalushqannömi Israel nacionpis këkan.
Kananqa kuyëllapaq matankanmanmi yüguta churashaq.
Judá nacionpis takllata sutaq törunömi kanqa.
Jacobpita miraqkunaqa rastrïlluta qarachaqnömi kayanqa.
12<<Munashqänö alli kawakuyë.
Tsënö kawarqa chakrata alli muruwan muruqnömi kayanki.
Tsëmi cosëchata ëllur kushikuyashqëkinö ankupäyanqaqta käyir kushikuyanki.
Tsënö kaptinqa purunyashqa chakrata kichaqnö shonqïkikunata kichayämï.
Tiempunam llapan shonqïkikunawan ashiyämänëkipaq.
Mana utinashpa mañakayämë shamur salvayanqaqyaq.
13<<Qamkunaqa jutsata rurakurllam kawakuyarqunki.
Jukniki juknikipis ulipänakurmi mana alli kawëkäyanki.
Guërra carrëtëkikunamanmi y atska soldädïkikunamanmi markäkïkäyanki.
14Tsëmi nacionnikichö guërrallana kanqa.
Ratakuyänëki wayikikunatapis juchukacharkuyanqam.
Bet-arbelchö guërra kaptin Salmán nunakunata ushakätsiyashqannöllam qamkunatapis warmikikunatapis y wamrëkikunatapis ushakätsiyäshunki.
15Bet-el nunakuna, alläpa jutsata rurayashqëki rëkur qamkunatapis tsënömi rurayäshunki.
Israel nacionta atacarmi manaraq patsa waraptin reytapis wanuratsiyanqa>>.
Currently Selected:
Oseas 10: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Oseas 10
10
Israelchö altarkuna ushakashqa kananpaq ninqan
1Israel nunakunaqa rïcu karmi imëka llutëpa wayuq üvasnö këkäyan.
Rïcuyarmi manakaq dioskunapaq altarkunatapis rurëkäyan.
Mikïninkuna alli wayuptinpis adorayashqan wanka rumikunatam kuyëllapaq kananpaq adornëkäyan.
2 Teyta Diosllata sirwiyänanpaq änikarpis manam cumplikäyantsu.
Kananqa Teyta Diostam cuentata qoyanqa.
Pëmi altarninkunata y shätsiyanqan wanka rumikunatapis shallur ushakäratsinqa.
3Tsëmi Israel nunakuna kënö niyanqa:
<<Teyta Diosta mana mantsakushqantsik rëkurmi reypis kannatsu.
Y rey karpis ¡imanöpanaraq yanapamashwan!
4Reynintsikkunaqa ulipämarnintsikllam imatapis änikuyan.
Pactuta rurarpis manam cumpliyantsu.
Mana alli qora chakrachö atska mirashqannömi nacionnintsikchö mana alli rurëkunapis mirakëkan>>.
5¡Samaria nunakunaqa mantsakashqam këkäyan!
¡Bet-avénchö#10.5 Bet-avén ninanqa jutsa wayi ninanmi. Bet-avénpaq parlarqa Bet-el markapaqmi parlarqan. Bet-elpaq tsënö parlarqan Teyta Diosta tsëchö adorayänanpa rantin wishi niraq ïduluta tsëchö adorakuyaptinmi. Tsëpita masta musyanëkipaq leyinki 1Rey. 12.28-32; Ose. 8.5. Tsënöllam 10.8 versïculuchö Avénpaq parlar Bet-elpaq parlëkan. adorayashqan qori wishita apakuyänanpaq kashqantam mäkïkäyan!
Sacerdötikunapis y nunakunapis waqëkäyan kuyayashqan ïdulu manana kananpaq kashqanta musyarmi.
6Soldädukunam tsë ïduluta apakur Asiria nacionpa reyninta qarëkuyanqa.
Tsëmi Efraín nunakuna#10.6 Efraín nunakunapaq parlarqa Israel nación nunakunapaqmi parlarqan. alläpa penqakushqa kayanqa.
Ïduluman creyikuyashqan rëkurmi penqakushqa kayanqa.
7Samariachö reytapis astïllata yaku apakuqnömi prësu apakuyanqa.
8Avénchö këkaq altarkunatapis llapantam juchuratsiyanqa.
Tsë altarkunachömi Israel nunakuna ïdulukunata adorar jutsata rurëkäyan.
Juchur ushakäriptinmi tsë altarkuna kashqanchö kashakuna y shirakakuna#10.8 Wakin nunakunaqa shirakuna niyanmi. winayämunqa.#Luc. 23.30; Apoc. 6.16.
Tsë witsanmi nunakuna alläpa jipar jirkakunata niyanqa:
<<¡Juklla ushakäriyänäpaq janäkunaman juchukarkamï!>>
Tsënöllam qaqakunatapis kënö niyanqa:
<<¡Juklla nitikarkayämë!>>
Israel nunakuna mana cäsukuyanqan
9 Teyta Diosmi nin:
<<Israel nunakuna, unë castëkikuna Gabaa markachö#Jue. 19.22-26. jutsata rurayashqanpita patsa kanankamayaqpis jutsa rurëta manam jaqiriyankitsu.
Tsëmi aksë nunakuna Gabaachö unë ushakäyashqannö qamkunapis ushakäyanki.
10Imëpis munanqä höram castigayashqëki.
Penqakïpaq jutsata rurayashqëkipita castigayaptiqmi jinantin nacionpita nunakuna shayämunqa atacayäshunëkipaq.
11<<Manshuyashqa töru trïguta kushishqa jalushqannömi Israel nacionpis këkan.
Kananqa kuyëllapaq matankanmanmi yüguta churashaq.
Judá nacionpis takllata sutaq törunömi kanqa.
Jacobpita miraqkunaqa rastrïlluta qarachaqnömi kayanqa.
12<<Munashqänö alli kawakuyë.
Tsënö kawarqa chakrata alli muruwan muruqnömi kayanki.
Tsëmi cosëchata ëllur kushikuyashqëkinö ankupäyanqaqta käyir kushikuyanki.
Tsënö kaptinqa purunyashqa chakrata kichaqnö shonqïkikunata kichayämï.
Tiempunam llapan shonqïkikunawan ashiyämänëkipaq.
Mana utinashpa mañakayämë shamur salvayanqaqyaq.
13<<Qamkunaqa jutsata rurakurllam kawakuyarqunki.
Jukniki juknikipis ulipänakurmi mana alli kawëkäyanki.
Guërra carrëtëkikunamanmi y atska soldädïkikunamanmi markäkïkäyanki.
14Tsëmi nacionnikichö guërrallana kanqa.
Ratakuyänëki wayikikunatapis juchukacharkuyanqam.
Bet-arbelchö guërra kaptin Salmán nunakunata ushakätsiyashqannöllam qamkunatapis warmikikunatapis y wamrëkikunatapis ushakätsiyäshunki.
15Bet-el nunakuna, alläpa jutsata rurayashqëki rëkur qamkunatapis tsënömi rurayäshunki.
Israel nacionta atacarmi manaraq patsa waraptin reytapis wanuratsiyanqa>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.