Habacuc 2
2
1Rikachakuna törrichö markata täpaq nuna mäkuq mäkuq kanqannöllam noqapis shuyarëkä mañakushqäta Teyta Dios yaskimänanta.
Habacuc yapë mañakunqanta Teyta Dios yaskinqan
2Tsënam Teyta Dios nimarqan:
<<Pipis mana pantashpa leyinanpaq taksha tablachö revelashqaqta shumaq qellqanki.
3Tsë revelashqaqqa tiempun chämuptinran cumplikanqa.
Juklla mana cumpliptinpis pacienciakur shuyarë.
Imë karpis cumplikanqam.
Höran chämuptinqa llapanmi nishqänö kanqa.#Heb. 10.37; 2Ped. 3.8-10.
4<<Tsë nunakunaqa nuna tukurmi kallpankunallaman markäkuyan.
Pëkunaqa mana allikunatam rurayan.
Munashqänö kawaq nunaqa noqaman markäkamurmi kawanqa>>.#Rom. 1.17; Gál. 3.11; Heb. 10.38.
Allqutsakuq nunakunata Teyta Dios ushakätsinanpaq ninqan
5Nuna tukuqkunaqa rïcu këta munarmi#2.5 Wakin hebreo copiakunachöqa alläpa vïnuta upyar niyanmi. jamëtapis mana tariyantsu.
Rïcuyärirpis alli kawëta manam tariyantsu.
Mandakuq këta munarmi imëka ayakunata sepultüra oqllëpa oqllashqannö nunakunata ushëpa ushayan.
Tsëmi juk markata juk markata atacar vencikäyan.
6Tsë venciyashqan nunakunam venciqninkunata manakaqpaq churarnin niyanqa:
<<¡Allaw qamkuna! ¡Nunakunapa imëkantapis qochirmi qamkunaqa alläpa rïcu tikrëkäyanki!
¡Imëyaqraq suwakuyanqëkiwan rïcuyäyanki!
7Jipatsiyanqëki nunakuna wanutsiyäshunëkipaq mana yarpäyashqëki höra chäyämuptinmi mantsakëwan tsuktsukyäyanki.
Llapan imëkëkikunatapis apakuyaptinmi qalapächullana quedariyanki.
8Atska markakunapa imëkantapis qochiyashqëkipitam atska soldädukuna juntakarkur qamkunapatapis imëkikunata apakuyanqa.
Tsënö rurayäshunki nacionnïman ëwëkur më markachöpis nunata wanuratsiyanqëki rëkurmi y mana allikunata rurayanqëki rëkurmi.
9<<¡Allaw qamkuna! Rïcu tikrayänëkipaqmi qamkunaqa nunakunapa imëkantapis suwayanki.
Tsënö rïcu tikrarirmi yarpäyanki imapis manana pasayäshunëkipaq kashqanta.
10Tsënö kayashqëki rëkurmi qamkuna y castëkikuna penqakushqa quedariyanki.
Atska markakunata ushakätsiyashqëki rëkurmi kikikikunatapis ushakätsiyäshunki.
11Mana allita rurayashqëkitam wayipa perqankunachö këkaq rumikunapis y terrädukunapis shimpiyäshunki.
12<<¡Allaw qamkuna! Qamkunaqa nunakunata wanuratsir imëkantapis apakuyashqëkillawanmi markëkikunata shäritsiyarqunki.#Miq. 3.10.
13Tsënö kayanqëkipitam llapanta mandaq Teyta Dios llapan shäritsiyashqëkita ninawan ushakätsinqa.
Ushakäratsiptinmi llapan uryayashqëkipis manakaqllapaq kanqa.
14Lamarchö yaku junta kashqannömi Teyta Diosta reqiqkunapis kë patsachö llutëpa kayanqa.#Isa. 11.9.
15<<¡Allaw qamkuna! Qamkunaqa vecïnïki markakunata vencirmi alläpa penqakatsiyanki.
Qalapacha këkaqta rikänanpaq nuna mayinta machatsiqnömi këkäyanki.
16Tsënö rurayashqëki rëkurmi respetashqa kayänëkipa rantin penqakushqa kayanki.
Teyta Diospa castïgun winarëkaq cöpapita upuyaptikim kikikikunatapis qalapachayäshunki.
Kanan mandakuq karpis warë warätinqa ankupëpaqmi kayanki.#Jer. 25.15-29; Eze. 23.32-34.
17Líbanuman ëwëkur montikunata ushakäratsir tsëchö täraq animalkunata wanuratsiyashqëki rëkurmi kikikikunatapis Teyta Dios mana ankupashpa wanutsiyäshunki.
Nunakunata më markachöpis wanutsiyashqëki rëkurmi alläpa jipayanki.
18<<Qeruta llaqllëkur rurayashqan ïdulukunaqa ¿imapaqraq välin?
Nunakunata pantatsiyänanpaq kaptinqa ¿imapaqraq välin metalkunata fundïkur ïdulukunata rurayashqan?
Shimin kaptinpis manam parlantsu.
¡Imanöparaq kikin ruraqpis tsëman markäkunman!
19<<¡Allaw qamkuna! Qamkunaqa qerupita rurayashqan ïdulutam <riyakï> nikäyanki.
Tsënöllam rumipita rurayashqan ïduluta <sharkï> nikäyanki.
Tsë ïdulukunaqa manam imatapis musyatsiyäshunkitsu.
Qoriwan y qellëwan laqashqalla karmi kawayantsu.
20 Teyta Diosqa sagrädu templunchömi këkan.
Pëpa lädunchö llapan nunakuna jinantinchö upälla kayätsun>>.#Sal. 11.4; Sof. 1.7.
Currently Selected:
Habacuc 2: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
