Gálatas 4
4
1Pipis wamrallaraq këkarqa herencianta manam chaskinraqtsu. Chaskinanpaq këkarpis esclävunöllaran këkan. 2Tsëmi wätaqninpa munëninllachöraq këkan hasta tëtan dispunishqan junaqyaq. 3Tsënöllam noqantsikpis wamranö kar Moisés qellqashqan leykunapa munëninchö karqantsik.
4Änishqan junaq chämuptinnam Teyta Dios Tsurinta kachamurqan. Pëmi noqantsiknö yurishqa kar tsë leykunapa munëninchö karqan. 5Tsënö karqan leykunapa munëninchö këkashqantsikpita salvamänantsikpaqmi. Tsënöpam pëpa wamrankunana kanantsikpaq chaskimarquntsik. 6Wamran kashqam Tsurin Jesucristo änikushqan Espíritu Santuta#Juan 16.7. shonquntsikman Teyta Dios kachamurqan. Espíritu Santum Teyta Diosta imëpis: <<¡Abba, Teytallä!>> nikan.#Rom. 8.15-16. 7Tsëmi esclävunönatsu këkantsik, sinöqa Teyta Diospa wamrankunanam këkantsik. Wamranna karmi änimashqantsik herenciata [Jesucristo rëkur] chaskishun.#Rom. 8.17.
Wawqikunapaq y panikunapaq Pablo llakikunqan
8Qamkunaqa Teyta Diosta manaraq reqirmi mana rasunpa kaq dioskunata sirwiyarqëki. 9Kananqa Teyta Diosta reqiyankim y pëpis reqiyäshunkim. Tsënö këkaptinqa ¿imanirtaq Moisés qellqashqan leykunata cumplita munar yapë esclävunö këta munëkäyanki? 10Tsëmi qamkunaqa Israel nunakuna respetayashqan junaqkunata, killakunata, watakunata y fiestankunata respetëkäyanki. 11Tsënö kayaptikim alläpa llakikü. ¿Manakaqllapaqtsuraq Jesucristupa willakïninta yachatsiyarquq? 12Wawqikuna y panikuna, qamkunatam rowayaq noqa kashqänö qamkunapis kayänëkipaq. Noqapis mana Israel nunakunanöllam Moisés qellqanqan leykunapa munëninchötsu këkä.#1Cor. 9.20-22.
Qamkunaqa allim chaskiyämarqëki. 13Musyayashqëkinöpis qeshyënï asuntum#2Cor. 12.7. qamkuna kaqchö Jesucristupa willakïninta willakurqä.#Hech. 16.6. 14Tsënö qeshyaptïpis melanäyämänëkipa rantinmi angeltanöraq y kikin Jesucristutanöraq rikäyämarqëki. 15Kananqa ¿imanakïkuyarqunkitaq? Nöpataqa nawikikuna jorquna kaptinqa jorqurïkurmi qoykayämankiman karqan. 16Kananqa ¿Jesucristupa willakïninta yachatsishqäpitaku conträ tikrakuriyarqunki?
17Llutan yachatsikuqkunaqa manam Dios munashqannö alli kawayänëkita munartsu yachatsiyäshunki, sinöqa noqakunata manakaqpaq churayämarmi y kikinkuna yachatsiyashqanta chaskiyänëkita munarllam yachatsiyäshunki. 18Rasunpa alli kawayänëkita munar yachatsiyäshuptikiqa allim kanman. Qamkunawan këkaptïpis o mana këkaptïpis tsënölla yachatsiyäshunkiman.
19Kuyë wamräkuna, Jesucristunö kawayänëkita munarmi warmi qeshpikur jipashqannö noqapis shonqü nanëparaq qamkunapaq alläpa llakikü.#Rom. 8.29; 2Cor. 3.18. 20¡Imanöllaraq nöpëkikunachö rikakaramüman qamkunata shumaq käyiratsiyänaqpaq! Karuchö karmi ima rurëtapis puëdïtsu.
Agarman y Saraman iwalatsinqan
21 Moisés qellqashqan leykunapa munëninchö këta munarqa ¿pë qellqanqankuna ima nishqantapis käyiyankiku? 22Tsëchömi nikan Abraham ishkë tsuriyuq kashqanta. Juk kaq tsurinmi karqan sirwiqnin warmichö#Gén. 16.15. y juk kaq tsurinnam karqan legïtimu warminchö.#Gén. 21.2. 23Sirwiqnin warmichö këkaq tsurinqa manam Teyta Dios änishqan kaq tsurintsu karqan. Legïtimu warminchö kaq tsurinmi sï Teyta Dios änishqan karqan.
24Tsë warmikunata ishkë pactuman iwalatsirmi käyitsiyashqëki. Abrahampa sirwiqnin Agarmi Sinaí jirkanö këkan. Sinaí jirkachömi Israel nunakunawan Teyta Dios pactuta rurar leyninkunata qoykurqan. Tsëmi pipis tsë leykunapa poderninchö kar esclävunö këkan. 25Arabiachö këkaq Sinaí jirkanömi Agar këkan. Tsënöllam Jerusalénpis y wawankunapis këkäyan.#4.25 Jerusalén y wawankunaqa Moisés qellqashqan leykunata cäsukur salvakïta munaqkunam këkäyan. Tsënö këkäyan Moisés qellqashqan leykunapa munëninchö karmi. 26Abrahampa warmin Saranam Teyta Dios rurashqan mushuq pactunö këkan. Tsë pactuta Teyta Dios cumplir salvamashqam noqantsikpa markantsik ciëluchö këkaq Jerusalén kanqa.
27Ciëluchö këkaq Jerusalén atska wawayuq kananpaq kashqantaqa Teyta Diospa palabranchöpis kënömi qellqarëkan:
<<Mana wawayuq warmi, ¡kushikï!
Wawata mana tarirpis ¡kushikur qotsukï!
Qowan jaqirishqa karpis qowayuq warmipita masmi wawata tarinki>>.#Isa. 54.1.
28Wawqikuna y panikuna, tsënö kaptinmi noqantsikqa Sarapa wawan Isaacnö kar Teyta Dios änishqanta cumplishqanpita pëpa wamrankuna këkantsik.
29Espíritu Santupa poderninwan yurikuq Isaacta Agarpa wawan chikishqannömi kananpis Moisés qellqashqan leykunata cumplitsita munaqkuna chikikämantsik.#Gén. 21.9. 30¿Manaku yarpäyanki Teyta Diospa palabran imata nishqanta? Tsëchöqa Sara kënömi nirqan: <<¡Tsë sirwikuqtaqa wawantawan ras qarqurïkï! Sirwikuqpa wawanqa manam wamrä Isaacwan herencianta rakinakuyanqatsu>>.#Gén. 21.10.
31Wawqikuna y panikuna, noqantsikqa manam sirwikuq warmipa wawannötsu këkantsik, sinöqa Sarapa wawannömi.
Currently Selected:
Gálatas 4: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Gálatas 4
4
1Pipis wamrallaraq këkarqa herencianta manam chaskinraqtsu. Chaskinanpaq këkarpis esclävunöllaran këkan. 2Tsëmi wätaqninpa munëninllachöraq këkan hasta tëtan dispunishqan junaqyaq. 3Tsënöllam noqantsikpis wamranö kar Moisés qellqashqan leykunapa munëninchö karqantsik.
4Änishqan junaq chämuptinnam Teyta Dios Tsurinta kachamurqan. Pëmi noqantsiknö yurishqa kar tsë leykunapa munëninchö karqan. 5Tsënö karqan leykunapa munëninchö këkashqantsikpita salvamänantsikpaqmi. Tsënöpam pëpa wamrankunana kanantsikpaq chaskimarquntsik. 6Wamran kashqam Tsurin Jesucristo änikushqan Espíritu Santuta#Juan 16.7. shonquntsikman Teyta Dios kachamurqan. Espíritu Santum Teyta Diosta imëpis: <<¡Abba, Teytallä!>> nikan.#Rom. 8.15-16. 7Tsëmi esclävunönatsu këkantsik, sinöqa Teyta Diospa wamrankunanam këkantsik. Wamranna karmi änimashqantsik herenciata [Jesucristo rëkur] chaskishun.#Rom. 8.17.
Wawqikunapaq y panikunapaq Pablo llakikunqan
8Qamkunaqa Teyta Diosta manaraq reqirmi mana rasunpa kaq dioskunata sirwiyarqëki. 9Kananqa Teyta Diosta reqiyankim y pëpis reqiyäshunkim. Tsënö këkaptinqa ¿imanirtaq Moisés qellqashqan leykunata cumplita munar yapë esclävunö këta munëkäyanki? 10Tsëmi qamkunaqa Israel nunakuna respetayashqan junaqkunata, killakunata, watakunata y fiestankunata respetëkäyanki. 11Tsënö kayaptikim alläpa llakikü. ¿Manakaqllapaqtsuraq Jesucristupa willakïninta yachatsiyarquq? 12Wawqikuna y panikuna, qamkunatam rowayaq noqa kashqänö qamkunapis kayänëkipaq. Noqapis mana Israel nunakunanöllam Moisés qellqanqan leykunapa munëninchötsu këkä.#1Cor. 9.20-22.
Qamkunaqa allim chaskiyämarqëki. 13Musyayashqëkinöpis qeshyënï asuntum#2Cor. 12.7. qamkuna kaqchö Jesucristupa willakïninta willakurqä.#Hech. 16.6. 14Tsënö qeshyaptïpis melanäyämänëkipa rantinmi angeltanöraq y kikin Jesucristutanöraq rikäyämarqëki. 15Kananqa ¿imanakïkuyarqunkitaq? Nöpataqa nawikikuna jorquna kaptinqa jorqurïkurmi qoykayämankiman karqan. 16Kananqa ¿Jesucristupa willakïninta yachatsishqäpitaku conträ tikrakuriyarqunki?
17Llutan yachatsikuqkunaqa manam Dios munashqannö alli kawayänëkita munartsu yachatsiyäshunki, sinöqa noqakunata manakaqpaq churayämarmi y kikinkuna yachatsiyashqanta chaskiyänëkita munarllam yachatsiyäshunki. 18Rasunpa alli kawayänëkita munar yachatsiyäshuptikiqa allim kanman. Qamkunawan këkaptïpis o mana këkaptïpis tsënölla yachatsiyäshunkiman.
19Kuyë wamräkuna, Jesucristunö kawayänëkita munarmi warmi qeshpikur jipashqannö noqapis shonqü nanëparaq qamkunapaq alläpa llakikü.#Rom. 8.29; 2Cor. 3.18. 20¡Imanöllaraq nöpëkikunachö rikakaramüman qamkunata shumaq käyiratsiyänaqpaq! Karuchö karmi ima rurëtapis puëdïtsu.
Agarman y Saraman iwalatsinqan
21 Moisés qellqashqan leykunapa munëninchö këta munarqa ¿pë qellqanqankuna ima nishqantapis käyiyankiku? 22Tsëchömi nikan Abraham ishkë tsuriyuq kashqanta. Juk kaq tsurinmi karqan sirwiqnin warmichö#Gén. 16.15. y juk kaq tsurinnam karqan legïtimu warminchö.#Gén. 21.2. 23Sirwiqnin warmichö këkaq tsurinqa manam Teyta Dios änishqan kaq tsurintsu karqan. Legïtimu warminchö kaq tsurinmi sï Teyta Dios änishqan karqan.
24Tsë warmikunata ishkë pactuman iwalatsirmi käyitsiyashqëki. Abrahampa sirwiqnin Agarmi Sinaí jirkanö këkan. Sinaí jirkachömi Israel nunakunawan Teyta Dios pactuta rurar leyninkunata qoykurqan. Tsëmi pipis tsë leykunapa poderninchö kar esclävunö këkan. 25Arabiachö këkaq Sinaí jirkanömi Agar këkan. Tsënöllam Jerusalénpis y wawankunapis këkäyan.#4.25 Jerusalén y wawankunaqa Moisés qellqashqan leykunata cäsukur salvakïta munaqkunam këkäyan. Tsënö këkäyan Moisés qellqashqan leykunapa munëninchö karmi. 26Abrahampa warmin Saranam Teyta Dios rurashqan mushuq pactunö këkan. Tsë pactuta Teyta Dios cumplir salvamashqam noqantsikpa markantsik ciëluchö këkaq Jerusalén kanqa.
27Ciëluchö këkaq Jerusalén atska wawayuq kananpaq kashqantaqa Teyta Diospa palabranchöpis kënömi qellqarëkan:
<<Mana wawayuq warmi, ¡kushikï!
Wawata mana tarirpis ¡kushikur qotsukï!
Qowan jaqirishqa karpis qowayuq warmipita masmi wawata tarinki>>.#Isa. 54.1.
28Wawqikuna y panikuna, tsënö kaptinmi noqantsikqa Sarapa wawan Isaacnö kar Teyta Dios änishqanta cumplishqanpita pëpa wamrankuna këkantsik.
29Espíritu Santupa poderninwan yurikuq Isaacta Agarpa wawan chikishqannömi kananpis Moisés qellqashqan leykunata cumplitsita munaqkuna chikikämantsik.#Gén. 21.9. 30¿Manaku yarpäyanki Teyta Diospa palabran imata nishqanta? Tsëchöqa Sara kënömi nirqan: <<¡Tsë sirwikuqtaqa wawantawan ras qarqurïkï! Sirwikuqpa wawanqa manam wamrä Isaacwan herencianta rakinakuyanqatsu>>.#Gén. 21.10.
31Wawqikuna y panikuna, noqantsikqa manam sirwikuq warmipa wawannötsu këkantsik, sinöqa Sarapa wawannömi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.