Éxodo 23

Imanö arreglayänanpaqpis käyitsinqan

1<<Manakaqkunataqa pitapis ama tumpayankitsu.#Éxo. 20.16; Lev. 19.11; Deut. 5.20. Tsënölla llutan ruraqkunaman ama qaqäyankitsu.

2<<Wakin nunakuna llutankunata rurayaptinpis qamkunaqa ama llutankunata rurayankitsu. Testïgu ëwar atskaq ulikuyaptinpis qamkunaqa rasun kaqllata parlayanki. 3Llutanta rurashqa kaptinqa ni waktsa kaptinpis ama qaqäyankitsu.#Lev. 19.15.

4<<Sitsun chikishuqnikipa törunta o ashnunta oqrakashqa këkaqta tarinki, duëñunman kutïkatsiyanki. 5Chikishuqnikipa ashnun cargantin jeqashqa këkaqta rikarpis sharkarkatsiyanki.#Deut. 22.1-4.

6<<Waktsa kaptinpis liryashqanpita shumaq arreglayanki.

7<<Manakaqkunata pitapis tumpaptinqa ama cäsuyankitsu. Jutsannaq nunataqa ama wanutsiyankitsu. Jutsayuq kaqtaqa manam perdonashaqtsu.

8<<Autoridä karqa pitapis ama sënita chaskiyankitsu. Sënita chaskipaq autoridäqa manam alli justiciata rurantsu, sinöqa sëniqnin nunaman qaqarmi nunakuna alli käyitsiyashqantapis chaskintsu.#Lev. 19.15; Deut. 16.19.

9<<Juk nacionpita shamuq nunata ama jipatsiyankitsu. Qamkunapis Egiptuchö forastëru kashqa karmi musyayanki juk nacionchö kawë imanö kanqanta.#Éxo. 22.21; Lev. 19.33-34; Deut. 24.17-18; 27.19.

Chakrapis nunapis jamananpaq ninqan

10<<Joqta wata chakrëkita murur wayïninta ëllukunki. 11Qanchis watachöqa tsë chakrëkita jamatsiyanki. Tsëchö jiwa#23.11 Wakin nunakunaqa pachu niyanmi. winamuptinqa waktsakuna ëllukuyänanpaq y chucaru animalkuna mikuyänanpaqpis jaqiriyanki. Tsënö rurayanki üvas chakra o olïvus chakra kaptinpis.#Lev. 25.1-7.

12<<Llapan uryayänëkipaq kaqta joqta junaqyaq uryayanki. Qanchis kaq junaqna jamakuyanki. Törïkikunatapis, ashnïkikunatapis, sirwishuqnikikunatapis y uryapukuq forastëru nunakunatapis jamatsiyanki.#Éxo. 20.9-11; 31.15; 34.21; 35.2; Lev. 23.3; Deut. 5.13-14.

13<<Noqa niyanqaqkunataqa llapanta cumpliyanki. Juk nación nunakuna creyikuyanqan dioskunaman ama mañakuyankitsu. Tsë dioskunapataqa ni shutintapis ama parlayankitsu.

Watachö kima fiestata rurayänanpaq käyitsinqan

Éxodo 34.18-26; Deuteronomio 16.1-17

14<<Noqata adorayämar cada wata kima kuti fiestata rurar adorayämanki.

15<<Levadürannaq Tanta Mikuna fiestata rurayanki. Niyanqaqnö tsë fiestachö levadürannaq tantata#Éxo. 12.14-20; Lev. 23.6-8; Núm. 28.17-25. qanchis junaq mikuyanki. Abib killachö Egiptupita yarqamushqa karmi tsë killachö fiestata rurayanki. Pipis noqata adoramänanpaq shamurqa jinëllaqa manam shamunmantsu.

16<<Tsënölla tsaki mikï cosëchata qallëkur Tsaki Mikï Cosëcha fiestata#23.16a Tsaki Mikï Cosëcha fiestapa juk kaq shutinmi Semäna fiesta këkan. Tsëta musyanëkipaq leyinki Éxo. 34.22. rurayanki.

<<Wata ushanachöna cosëcha ëllïta usharir#Lev. 23.15-21; Núm. 28.26-31. Cosëcha Ushë fiestata#23.16b Cosëcha Ushë fiestapa juk kaq shutinmi Ramäda fiesta këkan. Tsëta musyanëkipaq leyinki Deut. 16.13. rurayanki.#Lev. 23.39-43.

17<<Llapan ollqu kaqkunaqa cada watachö tsë kiman fiestakunaman adorayämänanpaq ëwayanqa.

18<<Wätakunata noqapaq sacrificiuta kayarqa yawartawan levadürayuq tantata takurkur ama kayayankitsu. Wirantapis waräninpaqqa ama churayankitsu.

19<<Murukuyashqëkipita primiciata wayïman apayämunki.#Deut. 26.2.

<<Mallwa chiwapa ëtsanta mamanpa lichintawanqa ama aruyankitsu.#Éxo. 34.26; Deut. 14.21.

Israel nunakunata Teyta Diospa angelnin pushanqan

20<<Angelnïtam kachamushaq imakunapitapis tsapäyäshurniki alistanqä nacionman chätsiyäshunëkipaq. 21Pëmi rantï yanapayäshunki. Tsënö kaptinqa contran ama shäriyankitsu. Pë niyäshunqëkita llapantapis cäsukuyanki. Sitsun jutsata rurayanki manam perdonayäshunkitsu. 22Pë niyäshunqëkita llapanta cäsuyaptikiqa chikiyäshuqnikipa contranmi kashaq. Tsënöllam jipatsishuqnikikunatapis jipatsishaq.

23<<Angelnïmi pushayäshunki amorreo nunakuna, heteo nunakuna, ferezeo nunakuna, cananeo nunakuna, heveo nunakuna y jebuseo nunakuna täräyanqan nacionman. Tsë llapan nunakunatam ushakätsishaq. 24Pëkuna jutsata ruraptinpis qamkunaqa ama jutsata rurayankitsu. Creyikuyanqan dioskunamanpis ama qonqurikuyankitsu ni sirwiyankitsu. Adorayanqan wanka rumikunatapis y llapan ïdulunkunatapis ushakätsiyanki.

25<<Noqa Teyta Diosniki kaptïmi noqallata sirwiyämanki. Tsëmi bendicionnïta qoyashqëki mikïpis yakupis mana pishipuyäshunëkipaq. Ima qeshyapitapis noqam kachakätsiyashqëki. 26Qamkuna täräyanqëkichöqa manam pï warmipis shullunqatsu ni qolloqpis kanqatsu. Awkin kayanqëkiyaqmi kawayanki.

27<<Mëqan nacionman chäyaptikipis noqam yanapayashqëki tsëchö täraq nunakuna mantsakar safar ewkuyänanpaq. 28Tsënö yanapaptïmi heveo nunakuna, cananeo nunakuna y heteo nunakunapis qamkunapita safar ewkuyanqa. 29Tsënö kaptinpis manam juk watallachötsu tsë nunakunata qarqushaq. Juklla qarquriptïqa chakrakunamanmi montikuna juntarinqa y chucaru animalkunapis mirarninmi mikuriyäshunki. 30Tsëmi qamkuna mirayanqëkimannölla pëkunata ichikllapa, ichikllapa qarqushaq. Tsënöpam llapan chakrankuna qamkunapana kanqa.

31<<Nacionnikipa mojunninmi kanqa Puka Lamarpita filisteo nunakunapa lamarninyaq.#23.31 Filisteo nunakunapa lamarninqa Mediterráneo Lamarmi këkan. Tsënöllam mojunniki kanqa chusyaq jirkapita Éufrates mayuyaq. Qamkunatam yanapayashqëki tsëchö täraq nunakunata qarquyänëkipaq. 32Tsë nunakunawan ni diosninkunawan ama ima pactutapis rurayankitsu. 33Tsë nunakunata ama jaqiyankitsu täräyanqëki nacionchö täräyänanpaq. Qamkunachö tärarqa mana cäsuyämänëkipaqmi willapäyäshunki. Tsënöpam pëkunapa diosninkunata adorayaptiki mana ankupashpa castigayashqëki>>.

Currently Selected:

Éxodo 23: qwhB

Highlight

Copy

Compare