Éxodo 14
14
Israel nunakunata Egipto nunakuna qatipayanqan
1Tsëpitanam Moisésta Teyta Dios nirqan: 2<<Israel nunakunata ninki Pi-hahirot lädupa tikrayänanpaq. Tsëqa këkan Migdolpita lamarman ëwanachömi. Lamar kuchunman chëkur Baal-zefónpa tsimpanchö quedakur toldunkunata tsëchö patsätsiyätsun. 3Tsëchö këkäyanqëkita musyarmi Faraón yarpanqa chusyaq jirkachö oqrakashqa purikïkäyanqëkita. 4Noqam Faraónpa shonqunta chukruyätsishaq qepëkikunata qatipayäshunëkipaq. Tsënö qatipëkäshuptikim podernïwan soldädunkunata ushakätsishaq. Tsënöpam Egipto nunakuna musyayanqa poderyuq Teyta Dios kanqäta>>.
Tsënö niptinmi Israel nunakunaqa käyitsinqannölla rurayarqan.
5Israel nunakuna safar ewkïkäyanqantam Faraónta willayarqan. Tsëmi Faraónqa yanapaqninkunawan llakikur niyarqan: <<¿Imapaqtaq Israel nunakunata kacharirquntsik? Kananqa ¿pitaq uryapämäshun?>>
6-7Tsënö nirmi joqta pachak (600) allin kaq carrëtankunata y wakin carrëtankunatapis alistarkatsir soldädunkunawan qatiparnin ëwayarqan. Cada carrëtachömi juk capitanpis ëwayarqan. 8Tsënö qatipayänanpaqqa Teyta Diosmi shonqunta chukruyätsirqan. Tsëmi Israel nunakuna yarquyänanpaq Egipto nunakunata espantëpaq castïgukunawan Teyta Dios castigashqa këkaptinpis mana käyikur qatipayarqan.
9Egipto nunakunaqa soldädunkunawan, carrëtankunawan y cawallunkunawan ëwarmi Israel nunakuna këkäyanqanman chëkäyarqanna. Israel nunakunaqa Pi-hahirotpa lädun Baal-zefónpa tsimpan lamar kuchunchömi quedakushqa këkäyarqan. 10Soldädunkunawan Faraón taripëkäyanqanta rikëkurmi Israel nunakunaqa alläpa mantsakar Teyta Diosta mañakuyarqan salvëkuyänanpaq. 11Y Moiséstanam niyarqan: <<¿Manatsuraq Egiptuchö panteonkuna karqan wanukurpis tsëchö pampanakuyänäpaq? ¿Imapaqtaq Egiptupita jorqayämarqëki kë chusyaqchö ushakäyänäpaq? 12Këta yarparmi Egiptuchö këkarraq niyarqaq: <Egipto nunakunapaq uryarnin jina täkuyäshaq. Chusyaqchö wanuyänäpa rantinqa mas allim kanman Egipto nunakunapa sirwiqnin kakuyaptï> >>.
13Tsënö niyaptinnam Moisés nirqan: <<Ama mantsakuyëtsu. Kallpata tsariyë. Kananmi rikäyanki Teyta Dios imanö salvamanqantsiktapis. Kananpitaqa mananam imëpis Egipto nunakunata rikäyankinatsu. 14Ama llakikuyëtsu. Teyta Diosmi favornintsik pelyanqa>>.
Israel nunakuna Puka Lamarpa pasayanqan
15Tsëpitanam Moisésta Teyta Dios nirqan: <<Mañakamänëkipa rantinqa Israel nunakunata raslla ëwayänanpaq mandë. 16Tsënölla tukrïkita#14.16 Wakin nunakunaqa shukshïkita niyanmi. lamar jananpa pallarï yaku ishkëman rakikänanpaq. Tsëmi Israel nunakuna lamar chöpinpa tsakillapana pasayanqa. 17Egipto nunakuna qatipayäshunëkipaqmi shonqunkunata chukruyätsishaq. Kananmi Faraónta, soldädunkunata, carrëtankunata y cawallunkunatapis ushakätsiptï llapanpis musyayanqa poderyuq kanqäta. 18Carrëtantawan cawalluntawan Faraónta ushakätsiptïmi Egipto nunakunapis musyayanqa poderyuq Teyta Dios kanqäta>>.
19Tsëmi Teyta Diospa angelninwan shëkaq pukutëpis Israel nunakunapa puntanta ëwëkanqanpita qepanmanna churakäyarqan. 20Tsënam tsë shëkaq pukutë Israel nunakunata Egipto nunakuna mana taripäyänanpaq tsaparqan. Egipto nunakuna ëwayanqanpa pukutë pasëpa tutapaptinmi rikëta mana puëdir waraqninpi ëwarpis Israel nunakunata taripäyarqantsu. Israel nunakuna ëwayanqanpaqa pukutë atsikyarqanmi.
21Moisésnam makinta lamar jananpa makyarqan. Tsënam inti yarqamunan lädupita Teyta Dios waraqninpi alläpa vientütsimur lamarta ishkëman rakirirqan.#Sal. 77.16-20. Yaku rakikashqanqa tsakinam karqan. 22Ishkan läduchö perqanöraq yaku tikrariptinmi chöpinpa Israel nunakuna tsakillatana pasayarqan.#1Cor. 10.1-2; Heb. 11.29.
23Tsëmi Israel nunakunata qatipar Egipto nunakunaqa Faraónpa cawallunkunawan y carrëtankunawanpis yëkuyarqan lamar chöpinyaq. 24Patsa manaraq waraptinmi pukutëpita y nina shëkaqpita Teyta Dios pantakätsiptin Egipto soldädukuna ima rurëtapis puëdiyarqantsu. 25Carrëtankunapa ruëdankunatapis Teyta Dios yarqukätsiptinmi ëwëtapis puëdiyarqannatsu. Tsëmi Egipto nunakuna kikinkunapura ninakuyarqan: <<Israel nunakunapita safashun. Teyta Diosmi pëkunaman qaqar contrantsik këkan>>.
26Tsë höram Moisésta Teyta Dios nirqan: <<Makikita lamar jananpa toqi llapan yaku kashqanman kutir Egipto nunakunata carrëtankunata y cawallunkunata tsaparinanpaq>>.
27Moisés lamar jananpa makinta toqïkuptinnam patsa waräriptin puntata kanqanman yaku kutir Egipto nunakuna safëkaqta tsapärirqan. Tsënömi lamar chöpinchö Egipto nunakunata Teyta Dios ushakätsirqan. 28Kanqanman yaku kutirmi Faraónpa carrëtankunata, cawallunkunata y soldädunkunatapis tsaparirqan. Tsëmi Israel nunakunata qatipar yëkuqkuna ni jukllëllapis kawëkar quedarqantsu.
29Israel nunakunaqa ishkë läduchö yaku perqaraqnö kaptinmi tsakillapa pasayarqan. 30Tsë junaqmi Israel nunakunata Teyta Dios safatsirqan Egipto nunakunapa makinpita. Tsënö safarirmi Egipto nunakunapa ayankunata Israel nunakunaqa rikäyarqan lamar kuchunchö jitaräkïkäyaqta. 31Egipto nunakunata poderninwan Teyta Dios ushakätsinqanta rikëkurmi Israel nunakuna mantsakur pëman y sirwiqnin Moisésman creyikuyarqan.
Currently Selected:
Éxodo 14: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 14
14
Israel nunakunata Egipto nunakuna qatipayanqan
1Tsëpitanam Moisésta Teyta Dios nirqan: 2<<Israel nunakunata ninki Pi-hahirot lädupa tikrayänanpaq. Tsëqa këkan Migdolpita lamarman ëwanachömi. Lamar kuchunman chëkur Baal-zefónpa tsimpanchö quedakur toldunkunata tsëchö patsätsiyätsun. 3Tsëchö këkäyanqëkita musyarmi Faraón yarpanqa chusyaq jirkachö oqrakashqa purikïkäyanqëkita. 4Noqam Faraónpa shonqunta chukruyätsishaq qepëkikunata qatipayäshunëkipaq. Tsënö qatipëkäshuptikim podernïwan soldädunkunata ushakätsishaq. Tsënöpam Egipto nunakuna musyayanqa poderyuq Teyta Dios kanqäta>>.
Tsënö niptinmi Israel nunakunaqa käyitsinqannölla rurayarqan.
5Israel nunakuna safar ewkïkäyanqantam Faraónta willayarqan. Tsëmi Faraónqa yanapaqninkunawan llakikur niyarqan: <<¿Imapaqtaq Israel nunakunata kacharirquntsik? Kananqa ¿pitaq uryapämäshun?>>
6-7Tsënö nirmi joqta pachak (600) allin kaq carrëtankunata y wakin carrëtankunatapis alistarkatsir soldädunkunawan qatiparnin ëwayarqan. Cada carrëtachömi juk capitanpis ëwayarqan. 8Tsënö qatipayänanpaqqa Teyta Diosmi shonqunta chukruyätsirqan. Tsëmi Israel nunakuna yarquyänanpaq Egipto nunakunata espantëpaq castïgukunawan Teyta Dios castigashqa këkaptinpis mana käyikur qatipayarqan.
9Egipto nunakunaqa soldädunkunawan, carrëtankunawan y cawallunkunawan ëwarmi Israel nunakuna këkäyanqanman chëkäyarqanna. Israel nunakunaqa Pi-hahirotpa lädun Baal-zefónpa tsimpan lamar kuchunchömi quedakushqa këkäyarqan. 10Soldädunkunawan Faraón taripëkäyanqanta rikëkurmi Israel nunakunaqa alläpa mantsakar Teyta Diosta mañakuyarqan salvëkuyänanpaq. 11Y Moiséstanam niyarqan: <<¿Manatsuraq Egiptuchö panteonkuna karqan wanukurpis tsëchö pampanakuyänäpaq? ¿Imapaqtaq Egiptupita jorqayämarqëki kë chusyaqchö ushakäyänäpaq? 12Këta yarparmi Egiptuchö këkarraq niyarqaq: <Egipto nunakunapaq uryarnin jina täkuyäshaq. Chusyaqchö wanuyänäpa rantinqa mas allim kanman Egipto nunakunapa sirwiqnin kakuyaptï> >>.
13Tsënö niyaptinnam Moisés nirqan: <<Ama mantsakuyëtsu. Kallpata tsariyë. Kananmi rikäyanki Teyta Dios imanö salvamanqantsiktapis. Kananpitaqa mananam imëpis Egipto nunakunata rikäyankinatsu. 14Ama llakikuyëtsu. Teyta Diosmi favornintsik pelyanqa>>.
Israel nunakuna Puka Lamarpa pasayanqan
15Tsëpitanam Moisésta Teyta Dios nirqan: <<Mañakamänëkipa rantinqa Israel nunakunata raslla ëwayänanpaq mandë. 16Tsënölla tukrïkita#14.16 Wakin nunakunaqa shukshïkita niyanmi. lamar jananpa pallarï yaku ishkëman rakikänanpaq. Tsëmi Israel nunakuna lamar chöpinpa tsakillapana pasayanqa. 17Egipto nunakuna qatipayäshunëkipaqmi shonqunkunata chukruyätsishaq. Kananmi Faraónta, soldädunkunata, carrëtankunata y cawallunkunatapis ushakätsiptï llapanpis musyayanqa poderyuq kanqäta. 18Carrëtantawan cawalluntawan Faraónta ushakätsiptïmi Egipto nunakunapis musyayanqa poderyuq Teyta Dios kanqäta>>.
19Tsëmi Teyta Diospa angelninwan shëkaq pukutëpis Israel nunakunapa puntanta ëwëkanqanpita qepanmanna churakäyarqan. 20Tsënam tsë shëkaq pukutë Israel nunakunata Egipto nunakuna mana taripäyänanpaq tsaparqan. Egipto nunakuna ëwayanqanpa pukutë pasëpa tutapaptinmi rikëta mana puëdir waraqninpi ëwarpis Israel nunakunata taripäyarqantsu. Israel nunakuna ëwayanqanpaqa pukutë atsikyarqanmi.
21Moisésnam makinta lamar jananpa makyarqan. Tsënam inti yarqamunan lädupita Teyta Dios waraqninpi alläpa vientütsimur lamarta ishkëman rakirirqan.#Sal. 77.16-20. Yaku rakikashqanqa tsakinam karqan. 22Ishkan läduchö perqanöraq yaku tikrariptinmi chöpinpa Israel nunakuna tsakillatana pasayarqan.#1Cor. 10.1-2; Heb. 11.29.
23Tsëmi Israel nunakunata qatipar Egipto nunakunaqa Faraónpa cawallunkunawan y carrëtankunawanpis yëkuyarqan lamar chöpinyaq. 24Patsa manaraq waraptinmi pukutëpita y nina shëkaqpita Teyta Dios pantakätsiptin Egipto soldädukuna ima rurëtapis puëdiyarqantsu. 25Carrëtankunapa ruëdankunatapis Teyta Dios yarqukätsiptinmi ëwëtapis puëdiyarqannatsu. Tsëmi Egipto nunakuna kikinkunapura ninakuyarqan: <<Israel nunakunapita safashun. Teyta Diosmi pëkunaman qaqar contrantsik këkan>>.
26Tsë höram Moisésta Teyta Dios nirqan: <<Makikita lamar jananpa toqi llapan yaku kashqanman kutir Egipto nunakunata carrëtankunata y cawallunkunata tsaparinanpaq>>.
27Moisés lamar jananpa makinta toqïkuptinnam patsa waräriptin puntata kanqanman yaku kutir Egipto nunakuna safëkaqta tsapärirqan. Tsënömi lamar chöpinchö Egipto nunakunata Teyta Dios ushakätsirqan. 28Kanqanman yaku kutirmi Faraónpa carrëtankunata, cawallunkunata y soldädunkunatapis tsaparirqan. Tsëmi Israel nunakunata qatipar yëkuqkuna ni jukllëllapis kawëkar quedarqantsu.
29Israel nunakunaqa ishkë läduchö yaku perqaraqnö kaptinmi tsakillapa pasayarqan. 30Tsë junaqmi Israel nunakunata Teyta Dios safatsirqan Egipto nunakunapa makinpita. Tsënö safarirmi Egipto nunakunapa ayankunata Israel nunakunaqa rikäyarqan lamar kuchunchö jitaräkïkäyaqta. 31Egipto nunakunata poderninwan Teyta Dios ushakätsinqanta rikëkurmi Israel nunakuna mantsakur pëman y sirwiqnin Moisésman creyikuyarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.