Éxodo 10
10
Atska pintiq kurukuna yuriyanqan
1Tsëpitanam Moisésta Teyta Dios nirqan: <<Faraón kaqman ëwë. Alläpa mantsakëpaq castïgukunawan castiganäpaqmi pëpata y mandakur yanapaqninkunapa shonqunkunata chukruyätsirqü. 2Tsëmi poderyuq Teyta Dios kashqäta käyirnin Egiptuchö mantsakëpaq castïgukunawan jipatsinqäta wamrëkikunata y willkëkikunatapis willayanki>>.
3Tsënö niptinmi Moiséswan Aarón Faraón kaqman ëwëkur niyarqan: <<Hebreo nunakunapa#10.3 Hebreo nunakunaqa Israel nunakunam karqan. Tsëmi Moiséspis Hebreo nuna karqan. Teyta Diosninmi kënö nin: <¿Imëyaqtaq munankitsu cäsumëta? ¡Kuyanqä nunakunata jaqirikï adoramaq ëwayänanpaq! 4Mana munaptikiqa warë junaqmi nacionnikiman atska pintiq kurukunata yuritsimushaq. 5Tsëkunam patsapis mana rikakashqanyaq ëllukäyämunqa. Runtu tamyapita safashqa kaqtapis chipyëpam ushayanqa. Tsënöllam llapan montikunatapis mikur ushayanqa. 6Pasëpam juntayanqa palasyïkimanpis, yanapaqnikikunapa wayinkunamanpis y jinantin Egiptuchö täraq nunakunapa wayinkunamanpis. Tëtëkipis ni awilïkikunapis manam imëpis tsëtanöqa rikäyashqatsu yurikuyanqanpita patsa> >>.
Tsënö nirirnam Moisés ewkurqan Faraónpa palaciunpita.
7Tsënam mandakur yanapaqninkuna Faraónta niyarqan: <<Teyta, ¿imëyaqnataq tsë nuna pasëpa jipatsimäshun? ¿O manaku käyinki Egiptuchö llapanpis ushakëkanqanta? Tsë nunakuna ewkuyätsun Teyta Diosninta adorayänanpaq>>.
8Tsënö niyaptinmi Faraónqa Moiséstawan Aarónta yapë qayëkatsir nirqan: <<Kananqa ëwayë Teyta Diosnikita adorayänëkipaq. Ëwarnin willayämanki pïyan ëwayanqëkita>>.
9Tsënam Moisés nirqan: <<Noqakunaqa Teyta Diosta adorarmi jatun fiestata rurayäshaq. Tsëmi llapä ëwayäshaq ollqu wamräkunata, warmi wamräkunata y awkinkunatapis pusharkur. Tsënöllam üshäkunata, chiwäkunata y wäkäkunatapis llapanta qatirkur ëwayäshaq>>.
10Tsënam Faraón nirqan: <<Achyä qamkunataqa Teyta Dioschi yanapëkuyäshunki ari. ¿Tsënö nishllapa ewkuyänëkipaq kanqanta mana käyinqätaku yarpëkäyanki? ¿Wamrëkikunawan llapëki ëwayänëkipaq jaqiriyänaqtaku yarpëkäyanki? 11Manam tsënötsu kanqa. Teyta Diosta adoraq ëwëta munarqa ollqu kaqkunalla ëwayë. Ollqu kaqkunalla ëwayänëkipaqmi niyämashqanki>>.
Tsënö nirmi pëkunata nöpanpita qarqutsirqan.
12Tsëpitanam Moisésta Teyta Dios nirqan: <<Egipto nacionman makikita toqi atska pintiq kurukuna shayämunanpaq. Tsë pintiq kurukunam ushayanqa llapan plantakunatapis y runtu tamya ushanqanpita quedaqkunatapis>>.
13Tsënö niptinmi Egiptuman tukrunta#10.13 Wakin nunakunaqa shukshunta niyanmi. Moisés toqurqan. Tsënam inti yarqamunan lädupita juk paqas y juk junaq Teyta Dios vientütsimurqan. Patsa warämunanpaqqa atska pintiq kurukuna këkänaq. 14Tsënöpam llapan Egiptuman pintiq kurukuna juntayarqan. Tsënöqa manam imëpis kashqatsu ni imëpis kanqatsu.#Apoc. 9.2-3. 15Manam patsapis rikakurqantsu. Alläpa karmi mikukurkuyarqan llapan plantakunata y montikunapa wayïnintapis runtu jaqinqan kaqtaqa. Tsënö kaptinmi Egiptuchö montikunapis qorakunapis verdiqa karqannatsu.
16Tsëmi Moiséstawan Aarónta ras qayëkatsir Faraón nirqan: <<Mana cäsukurmi Teyta Diosnikipa contran y qamkunapa contrëki jutsata rurarqü. 17Tsëmi rowakuyaq kananllana perdonëkayämänëkipaq. Tsënölla Teyta Diosnikiman mañakïkulläyë kë pintiq kurukunata ushakëkatsinanpaq>>.
18Faraónpa palaciunpita yarqurirnam Moisésqa Teyta Diosta mañakurqan. 19Tsënam inti jeqanan lädupita Teyta Dios alläpa vientütsimurqan. Tsë vientu llapan pintiq kurukunata Puka Lamarman apaptinmi jinantin Egiptuchö ushakäyarqan.
20Tsënö kaptinpis Faraónpa shonqunta Teyta Dios chukruyätsiptinmi Israel nunakuna ewkuyänanta munarqannatsu.
Patsa tutapanqan
21Tsëpitanam Moisésta Teyta Dios nirqan: <<Ciëluman makikita pallarï jinantin Egiptuchö patsa pasëpa tutapänanpaq>>.
22Nishqannö Moisés makinta pallariptinmi kima junaqyaq Egiptuchö patsa pasëpa tutapakurkurqan.#Sal. 105.28; Apoc. 16.10. 23Tsëmi Egipto nunakunaqa kima junaq pitapis rikäyarqantsu ni mëpa ëwëtapis puëdiyarqantsu. Israel nunakuna täräyanqanchöqa atsikyarqam.
24Tsëmi Moisésta qayëkatsir Faraón nirqan: <<Wamrëkikunata aparkur Teyta Diosta adorayänëkipaq llapëki ëwayë. Üshëkikunata, chiwëkikunata y wäkëkikunataqa këchö jaqiriyë>>.
25Faraón tsënö niptinmi Moisés nirqan: <<Wätäkunata qatiyänäta mana munarqa ¿qamku wätakunata alistamunki Teyta Diosnïta adorar sacrificiukunata kayayänäpaq? 26Wätäkunata ni juktapis mana jaqishpam llapanta qatikuyäshaq. Tsë wätakunapitam akrayäshaq sacrificiuta rupatsir Teyta Diosnïta adorayänäpaq. Manaraq charninqa manam musyayätsu ëka wätata kayayänäpaq kanqantapis>>.
27Faraónpa shonqunta Teyta Dios yapë chukruyätsiptinmi Israel nunakuna ewkuyänanta jaqirqantsu. 28Tsëmi Moisésta Faraón nirqan: <<Kananpitaqa manam rikënikitapis munaqtsu. Yapë kutimuptikiqa wanutsishqëkim>>.
29Tsënö niptinmi Moisés nirqan: <<Achyä tëtë, kananpita witsëpaqa mananam kutimushaqnatsu>>.
Currently Selected:
Éxodo 10: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 10
10
Atska pintiq kurukuna yuriyanqan
1Tsëpitanam Moisésta Teyta Dios nirqan: <<Faraón kaqman ëwë. Alläpa mantsakëpaq castïgukunawan castiganäpaqmi pëpata y mandakur yanapaqninkunapa shonqunkunata chukruyätsirqü. 2Tsëmi poderyuq Teyta Dios kashqäta käyirnin Egiptuchö mantsakëpaq castïgukunawan jipatsinqäta wamrëkikunata y willkëkikunatapis willayanki>>.
3Tsënö niptinmi Moiséswan Aarón Faraón kaqman ëwëkur niyarqan: <<Hebreo nunakunapa#10.3 Hebreo nunakunaqa Israel nunakunam karqan. Tsëmi Moiséspis Hebreo nuna karqan. Teyta Diosninmi kënö nin: <¿Imëyaqtaq munankitsu cäsumëta? ¡Kuyanqä nunakunata jaqirikï adoramaq ëwayänanpaq! 4Mana munaptikiqa warë junaqmi nacionnikiman atska pintiq kurukunata yuritsimushaq. 5Tsëkunam patsapis mana rikakashqanyaq ëllukäyämunqa. Runtu tamyapita safashqa kaqtapis chipyëpam ushayanqa. Tsënöllam llapan montikunatapis mikur ushayanqa. 6Pasëpam juntayanqa palasyïkimanpis, yanapaqnikikunapa wayinkunamanpis y jinantin Egiptuchö täraq nunakunapa wayinkunamanpis. Tëtëkipis ni awilïkikunapis manam imëpis tsëtanöqa rikäyashqatsu yurikuyanqanpita patsa> >>.
Tsënö nirirnam Moisés ewkurqan Faraónpa palaciunpita.
7Tsënam mandakur yanapaqninkuna Faraónta niyarqan: <<Teyta, ¿imëyaqnataq tsë nuna pasëpa jipatsimäshun? ¿O manaku käyinki Egiptuchö llapanpis ushakëkanqanta? Tsë nunakuna ewkuyätsun Teyta Diosninta adorayänanpaq>>.
8Tsënö niyaptinmi Faraónqa Moiséstawan Aarónta yapë qayëkatsir nirqan: <<Kananqa ëwayë Teyta Diosnikita adorayänëkipaq. Ëwarnin willayämanki pïyan ëwayanqëkita>>.
9Tsënam Moisés nirqan: <<Noqakunaqa Teyta Diosta adorarmi jatun fiestata rurayäshaq. Tsëmi llapä ëwayäshaq ollqu wamräkunata, warmi wamräkunata y awkinkunatapis pusharkur. Tsënöllam üshäkunata, chiwäkunata y wäkäkunatapis llapanta qatirkur ëwayäshaq>>.
10Tsënam Faraón nirqan: <<Achyä qamkunataqa Teyta Dioschi yanapëkuyäshunki ari. ¿Tsënö nishllapa ewkuyänëkipaq kanqanta mana käyinqätaku yarpëkäyanki? ¿Wamrëkikunawan llapëki ëwayänëkipaq jaqiriyänaqtaku yarpëkäyanki? 11Manam tsënötsu kanqa. Teyta Diosta adoraq ëwëta munarqa ollqu kaqkunalla ëwayë. Ollqu kaqkunalla ëwayänëkipaqmi niyämashqanki>>.
Tsënö nirmi pëkunata nöpanpita qarqutsirqan.
12Tsëpitanam Moisésta Teyta Dios nirqan: <<Egipto nacionman makikita toqi atska pintiq kurukuna shayämunanpaq. Tsë pintiq kurukunam ushayanqa llapan plantakunatapis y runtu tamya ushanqanpita quedaqkunatapis>>.
13Tsënö niptinmi Egiptuman tukrunta#10.13 Wakin nunakunaqa shukshunta niyanmi. Moisés toqurqan. Tsënam inti yarqamunan lädupita juk paqas y juk junaq Teyta Dios vientütsimurqan. Patsa warämunanpaqqa atska pintiq kurukuna këkänaq. 14Tsënöpam llapan Egiptuman pintiq kurukuna juntayarqan. Tsënöqa manam imëpis kashqatsu ni imëpis kanqatsu.#Apoc. 9.2-3. 15Manam patsapis rikakurqantsu. Alläpa karmi mikukurkuyarqan llapan plantakunata y montikunapa wayïnintapis runtu jaqinqan kaqtaqa. Tsënö kaptinmi Egiptuchö montikunapis qorakunapis verdiqa karqannatsu.
16Tsëmi Moiséstawan Aarónta ras qayëkatsir Faraón nirqan: <<Mana cäsukurmi Teyta Diosnikipa contran y qamkunapa contrëki jutsata rurarqü. 17Tsëmi rowakuyaq kananllana perdonëkayämänëkipaq. Tsënölla Teyta Diosnikiman mañakïkulläyë kë pintiq kurukunata ushakëkatsinanpaq>>.
18Faraónpa palaciunpita yarqurirnam Moisésqa Teyta Diosta mañakurqan. 19Tsënam inti jeqanan lädupita Teyta Dios alläpa vientütsimurqan. Tsë vientu llapan pintiq kurukunata Puka Lamarman apaptinmi jinantin Egiptuchö ushakäyarqan.
20Tsënö kaptinpis Faraónpa shonqunta Teyta Dios chukruyätsiptinmi Israel nunakuna ewkuyänanta munarqannatsu.
Patsa tutapanqan
21Tsëpitanam Moisésta Teyta Dios nirqan: <<Ciëluman makikita pallarï jinantin Egiptuchö patsa pasëpa tutapänanpaq>>.
22Nishqannö Moisés makinta pallariptinmi kima junaqyaq Egiptuchö patsa pasëpa tutapakurkurqan.#Sal. 105.28; Apoc. 16.10. 23Tsëmi Egipto nunakunaqa kima junaq pitapis rikäyarqantsu ni mëpa ëwëtapis puëdiyarqantsu. Israel nunakuna täräyanqanchöqa atsikyarqam.
24Tsëmi Moisésta qayëkatsir Faraón nirqan: <<Wamrëkikunata aparkur Teyta Diosta adorayänëkipaq llapëki ëwayë. Üshëkikunata, chiwëkikunata y wäkëkikunataqa këchö jaqiriyë>>.
25Faraón tsënö niptinmi Moisés nirqan: <<Wätäkunata qatiyänäta mana munarqa ¿qamku wätakunata alistamunki Teyta Diosnïta adorar sacrificiukunata kayayänäpaq? 26Wätäkunata ni juktapis mana jaqishpam llapanta qatikuyäshaq. Tsë wätakunapitam akrayäshaq sacrificiuta rupatsir Teyta Diosnïta adorayänäpaq. Manaraq charninqa manam musyayätsu ëka wätata kayayänäpaq kanqantapis>>.
27Faraónpa shonqunta Teyta Dios yapë chukruyätsiptinmi Israel nunakuna ewkuyänanta jaqirqantsu. 28Tsëmi Moisésta Faraón nirqan: <<Kananpitaqa manam rikënikitapis munaqtsu. Yapë kutimuptikiqa wanutsishqëkim>>.
29Tsënö niptinmi Moisés nirqan: <<Achyä tëtë, kananpita witsëpaqa mananam kutimushaqnatsu>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.